LE TESTAMENT DE L'ASNE
[par rutebeuf]
Paris, Bibl. nat., Mss.fr. i63 5, fol. 4 v<> à 5 v».
ui vuet au siècle à honeur vivre
Et la vie de seux ensuyvre
Qui béent à avoir chevance, /ri;.A^i^ - X
Moût trueve au siècle de nuisance \
Qu'il at mesdizans davantage, Qui de ligier li font damage, Et si est touz plains d'envieux.
Ja n'iert tant biaux ne gracieux, Se dix en sunt chiez lui assis, Des mesdizans i aura sis i i
Et d'envieux i aura nuef ; Par derrier nel prisent .i. oef Et par devant li font teil feste Chacuns l'encline de la teste.
Coument n'auront de lui envie Cil qui n'amandent de sa vie, Quant cil l'ont qui sont de sa table Qui ne li sont ferm ne estable?
Ce ne puet estre, c'est la voire.
Je le vos di por .i. prouvoire Qui avoit une bone esglise; Si ot toute s'entente mise A lui chevir et faire avoir; A ce ot tornei son savoir.
Asseiz ot robes et deniers, Et de bleif toz plains ces greniers, Que li prestres savoit bien vendre Et pour bien la vendue atendre De Pâques à la saint Rémi, Et si n'eûst si boen ami Qui en peûst riens née traire, S'om ne li fait à force faire.
Un asne avait en sa maison, Mais teil asne ne vit mais hom, Qui vint ans entiers le servi ; Mais ne sai s'onques teil serf vi.
Li asnes morut de viellesce, Qui moût aida à la richesce.
Tant tint li prestres son cors chier Conques nou laissât acorchier, Et Tenfoy ou semetiere ; Ici lairai ceste matière.
L'evesques ert d'autre manière, Que covoiteux ne eschars n'iere, Mais cortois et bien afaitiez, Que, c'il fust jai bien deshaitiez Et veïst preudome venir, Nuns nel peûst el lit tenir;
s LE TESTAMENT DE L*ASNE 217
Compeignie de boens crestiens Estoit ces droiz fisiciens; Touz jors estoit plainne sa sale.
Sa maignie n'estoit pas maie, Mais, quanque li sires voloit, Nuns de ces sers ne s'en doloit.
Cil ot mueble, ce fut de dete.
Car qui trop despent, ils'endete.
Un jour grant compaignie avoit Li preudons, qui toz biens savoit; Si parla l'en de ces clers riches, Et des prestres avers et chiches, Qui ne font bontei ne honour A evesque ne à seignour.
Cil prestres i fut emputeiz, Qui tant fut riches et monteiz ; Ausi bien fut sa vie dite Con c'il la veïssent escrite.
Et li dona l'en plus d'avoir Que troi n'em peûssent avoir, Car hom dit trop plus de la choze Que on n'i trueve à la parcloze :
<c Ancor at il teil choze faite.
Dont granz monoie seroit traite, S'estoit qui la meïst avant, »
Fait cil qui vuet servir devant, (t Et c'en devroit grant guerredon.
— Et qu'a il fait, » dit li preudom?
— Il at pis fait c'un Beduyn, Qu'il at son asne Bauduyn
Fabl. m a 8
2l8 FABLIAU LXXXII 107
Mis en la terre beneoite.
— Sa vie soit la maleoite I »
Fait l'esvesque ; « se ce est voirs, Honiz soit il et ces avoirs.
Gautier, faites le nos semondre, Si orrons le prestre respondre
A ce que Robers li mest seure; Et je di, se Deus me secueure, Se c'est voirs, j'en aurai l'amende.
— Je vos otroi que l'en me pande Se ce n'est voirs que j'ai contei, Si ne vos fîst onques bontei. »
Il fut semons, li prestres vient, Venuz est, respondre couvient A son evesque de cest quas Dont li prestres doit estre quas:
« Faux, desleaux, Deu anemis.
Où aveiz vos vostre asne mis? »
Dist l'esvesques. « Moût aveiz fait A sainte Esglise grant meffait ; Onques mais nuns si grant n'oy, Qui aveiz vostfe asne enfoy Là où on met gent crestienne.
Par Marie l'Egyptienne, Cil puet estre choze provée Ne par la bone gent trovée.
Je vos ferai mètre en prison, Conques n'oy teil mesprison. »
Dit li prestres : « Biaus très dolz sire.
l36 LE TESTAMENT DE l'aSNE 21
Toute parole se lait dire ; Mais je demant jor de conseil, Qu'il est droiz que je me conseil De ceste choze, c'il vos plait, Non pas que je i bée en plait.
— Je vuel bien le conseil àiez^ Mais ne me tieng paz apaiez De ceste choze, c'ele est voire.
— Sire, ce ne fait pas à croire. »
Lors se part H vesques dou prestre,
Qui ne tient pas le fait à feste ; ■Li prestres ne s'esmaie mie, P|Qu'il seit bien qu'il at bone amie, 'C'est sa borce, qui ne li faut, Por amende ne por défaut.
Queque foz dort et termes vient, Li termes vint, et cil revient.
.Xx. livres en une corroie, Touz ses et de bone monoié, Aporta li prestres o soi ; N'a garde qu'il ait fain ne soi.
Quant l'esvesque le voit venir, De parleir ne se pot tenir :
« Prestres, consoil aveiz eu :
Qu'i aveiz votre senz beù?
— Sires, consoil oi ge cens faille.
Mais à consoil n'afîert bataille, Ne vos en devez mervillier Qu'à consoil doit on concillier ;
220 FABLIAU LXXXII i65
Dire vos vueul ma conscience, Et, c'il i afiert penitance, Ou soit d'avoir, ou soit de cors, Adons si me corrigiez lors. »
L'evesques si de li s'aprouche Que parleir i pout bouche à bouche, Et li prestres lieve la chiere, Qui lors n'out pas monoie chiere; Desoz sa chape tint l'argent, Ne Tozat montreir pour la gent ; En conciliant conta son conte :
a Sire, ci n'afîert plus lonc conte, Mes asnes at lonc tans vescu, Moût avoie en li boen escu; Il m'at servi et volentiers Moût loiaument .xx. ans entiers; Se je soie de Dieu assoux, Chacun an gaiaingnoit .xx. soux Tant qu'il ot espairgnié .xx. livres.
Pour ce qu'il soit d'enfer délivres ^ j Les vos laisse en son testament. » i j i Et dist l'esvesques : « Dieus l'ament, ^J^^\^^^^\ ^^ ^^ ^^ pardoint ces meffais ^■-' ' - Et toz les péchiez qu'il a fais. »
Ensi con vos aveiz oy, Dou riche prestre s'esjoy L'evesques; por ce qu'il mesprit A bontei faire li aprist.
RuTEBUES nos dist et enseigne.
