LE SENTIER BATU
[par JEAN DE CONDÉ]
Paris, Bibl. de l'Arsenal, Mss. B. L. F. 3 1 7, fol. i32 vo à i33 V".
ÎOLIE est d'autrui ramprosner, INe gens de chose araisouner Dont il ont anuy et vergoigne ; On porroit de ceste besoigne
Souvent moustrer prueve en maint quas.
Mauves fet juer de voir gas,
Car on dist, et c'est chose vraie,
Que bonne atent qui bonne paie ;
Cui on ramposne et on ledenge,
Quant il en voit lieu, il s'en venge,
Et tel d'autrui moquier s'atourne
Que sus lui meïsme retourne.
Un example vous en dirai.
Si vrai que ja n'en mentirai.
Ainsi c'on me conta pour voir.
Il devoit .1. tornoi avoir
Droit entre Perronne et Aties,
Et chevaliers en ces parties
Sejournoient pour le tournoi.
Une fois ierent en dosnoi
248 FABLIAU LXXXV 5o
Entre dames et damoiseles ; De cointes y ot et de bêles; De pluiseurs déduis s'entremistrent, Et tant c'une royne fistrent Pour jouer au roy qui ne ment, Ele s'en savoit finement Entremetre de commander, Et de demandes demander, Qu'ele iert bien parlant et faitice :
De manière estoit bêle et rice.
Pluiseurs demandes demanda, Et sa volenté commanda, Tant que vint à .1. chevalier.
Assez courtois et biau parlier.
Qui Tôt amée, et qui Teûst Pris à famé, s'il li pleûst; Mes bien tailliez ne sambloit mie Pour fere ce que plest amie Quant on la tient en ses bras nue.
Car n'ot pas la barbe cremue ; Poi de barbe ot ; s'en est eschieus En tant qu'as famés en maint lieus :
« Sire, )) ce li dist la royne, « Dites moi tant de vo couvine, S'onques eûstes nul enfant.
— Dame,» dist il^ «point ne m'envant, Car onques n'en oi nul, ge croy.
— Sire, point ne vous en mescroy Et si croy que ne sui pas seule.
Car i7 pert assez à l'esteule
8o LE SENTIER BATU 249
Que bons n^est mie U espis. »
Après n'en fu point pris respis, Tantost à .i. autre râla Et d'autre matière parla.
Li pluiseur qui ce escouterent En sourriant les mos notèrent; Le chevalier qui ce oy De ces mos point ne s'esjoy, Esbahis fu, et ne dit mot; Et, quant le geu tant duré ot, Que demandé ot tout entour, La roynè chascun autour Li redemanda, c'est usages ; Son cuer estoit soultis et sages.
Chascuns respondi sagement Son pensser, sans atargement.
Quant le tour au chevalier vint, De la ramprosne li souvint :
Volenté ot de revengier, Si li a dit sans atargier :
tt Dame, respondez moi sanz guile; A point de poil à vo poinille?
— Par foi, » ce dist la damoisiele, « Vez ci une demande bêle Et qui est bien assise à point !
Sachiez qu'il n'en y a point. »
Cil li dist de vouloir entier :
« Bien vous en croy, quar en sentier Qui est batus ne croist point d'erbe. » Cilz qui oïrent cest proverbe, Fabl. m s 2
aSo FABLIAU LXXXV IIO
Commencierent si grant risée, Pour la demande desguisée, Que celé en fu forment honteuse, Qui devant estoit couvoiteuse De chose demander et dire De quoi les autres feïst rire.
Or fu son cuer si esperdus Que tout son déduit fu perdus, Et li fu sa joie faillie.
Car devant estoit baude et lie, Et moût plaine d'envoisement.
Ne se sot plus courtoisement Le chevalier de li vengier; Ne la volt mie ledengier, Mes grossement la rencontra.
Et sa penssée li moustra, Si com à lui ot fet la sienne, Car il n'est femme terriienne Qui ja peûst .i. homme amer.
Mes qu'ele Toïst diffamer D'estre mauves ouvrier en lit De fere Tamoureus délit.
Et sus ce point fu ramposnez; Bien savez le coc chaponnez Est as gelines mal venus :
Aussi homme qui est tenus A mal ouvrier est dechaciez Entre famés, bien le saciez.
Ce seront nonnains ou begines.
Si com chapons entre gelines.
