QUI CHIA EN LA PEL DOU LIEVRE

[par rutebeuf] Paris, Bibl. nat., Mss. fr. i63 5, fol. 62 r*> à 63 r®.

,ui menestreil vuet engignier, Moût en porroit mieulz bargignier; jCar moût soventes fois avient .Que cil por engignié se tient

Qui menestreil engignier cuide,

Et s'en trueve sa bource vuide ;

Ne voi nelui cui bien en chiée.

Por ce devroit estre estanchiée ^ ' "^^

La vilonie c'om lor fait,

Garson et escuier forfait,

Et teil qui ne valent deux tiennes.

Por ce le di, qu'à Aviceinnes

Avint, n'a pas .i. an entier,

A Guillaume le Penetier.

Cil Guillaumes, dont je vos conte,

Qui est à monseigneur le conte

De Poitiers, chassoit, l'autre jour,

.1. lièvre qu'il ert à séjour.

Li lièvres, qui les chiens douta, Moût durement se desrouta ; Asseiz foi et longuement, Et cil le chassa durement; Asseiz corut, asseiz ala, Asseiz guenchi et sa et là ; Mais en la fin vos di ge bien Qu'à force le prirent li chien.

Pris fu sire Coars, li lièvres ; - Mais li roncins en ot les fièvres, Et sachiez que mais ne les tremble ; Escorchiez en fu, ce me semble.

Or pot cil son roncin ploreir, Et mètre la pel essoreir; La pel, se Dieus me doint salu.

Coûta plus qu'ele ne valu.

Or laisserons esteir la pel, Qu'il la garda et bien et bel Jusqu'à ce tens que vos orroiz, Dont de l'oïr vos esjorroiz.

Par tout est bien choze commune.

Ce seit chacuns, ce seit chacune, Quant .1. hom fait noces ou feste.

Où il a genz de bone geste, Li menestreil, quant il l'entendent.

Qui autre choze ne demandent, Vont là, soit amont, soit aval.

L'un à pié, l'autres à cheval.

Li couzins Guillaume en fit unes Des noces, qui furent communes.

Où asseiz ot de bêle gent, Dont moût li fut et bel et gent.

Se ne sai ge combien i furent ; Asseiz mangèrent, asseiz burent, Asseiz firent et feste et joie; Je meïsmes, qui i estoie.

Ne vi piesa si bêle faire Ne qui autant me peûst plaire.

Se Dieus de ces biens me reparte.

N'est si grans cors qui ne départe; La bone gent c'est départie, Chacuns s'en va vers sa partie; Li menestreil, trestuit huezei, S'en vindrent droit à Pespouzei ; Nuns n'i fu de parleir laniers:

« Doneiz nos maitres ou deniers, » Font il, (( qu'il est drois et raisons; S'ira chacuns en sa maison. »

Que vos iroie je dizant, Ne mes paroles esloignant?

Chacuns ot maitre, nés Challoz Qui n'estoit pas moût biauz valloz.

Challoz ot à maitre celui Cui li lièvres fîst teil anui ; Ces lettres li furent escrites, Bien saellées et bien dites ; Ne cuidiez pas que je vos boiz.

Challoz en est venuz au bois, A Guillaume ces lettres baille; Guillaumes les resut cens faille.

Guillaumes les commance à lire,

Guillaumes li a pris à dire :

« Challot, Challot, biauz dolz amis,

Vos estes ci à moi tramis

Des noces mon couzin germain;

Mais je croi bien, par saint Germain,

Que vos cuit teil choze doneir,

Que que en doie gronsonneir.

Qui m'a coutei plus de .c. souz,

Se je soie de Dieu assouz. »

Lors a apelei sa maignie,

Qui fu sage et bien enseign ie;

La pel d'un lièvre rova querre,

Por cui il fîst maint pas de terre;

Cil l'aportent grant aleûre.

Et Guillaumes derechief jure :

« Chariot, se Dieus me doint sa grâce.

Ne se Dieux plus grant bien me face,

Tant me cousta com je te di.

— Hom n'en auroit pas samedi, »

Fait Charlos, « autant au marchié.

Et s'en aveiz mainz pas marchié.

Or voi ge bien que marcheant

Ne sont pas toz jors bien cheant. »

La pel prent qui cil li tendi, Onques grâces ne l'en rendi.

Car bien saveiz, n'i ot de quoi ; Pencis le veïssiez et quoi, Pencis s'en est issus là fuer.

Et si pence dedens son cuer,

Fabl. m 29

4^6 FABLIAU LXXXIII l32

Se il puet, qu'il li vodra vendre, Et il li vendi bien au rendre.

Porpenceiz c'est que il fera, Et comment il li rendera.

Por li rendre la félonie, Fist en la pel la vilonie, Vos savez bien ce que vuet dire.

Arier vint, et li dist : « Biau sire, Se ci a riens, si le preneiz.

— Or, as tu dit que bien seneiz.

Oïl, foi que doi Notre Dame, Je cuit c^est la coiffe ma famé.

Ou sa toaille, ou son chapel; Je ne t'ai donei que la pel. »

Lors a boutei sa main dedens ; Eiz vos l'escuier qui ot gans, Qui furent punais et puerri, Et de l'ouvrage maistre Horri.

Ensi fu .11. fois conciliez; Dou menestreil fu espiez, Et dou lièvre fu mal bailliz Que ces chevaus l'en fu failliz.

RuTEBUEZ dit, bien m'en souvient :

Qui harat quiert, baraz li vient.

Explicit.

DU BOUCHIER D'ABEVILE

[par eustache d'amiens]

Bibl. nat., Mss. fr. 837, fol. i 58 v» à 161 r»,

et 2168, fol. 209 v<» à 21 3 v«;

Bibl. de Pavie, Mss. i3o E 5, fol. 5o r» à 53 v».

GNOR, oiez une merveille, Conques n'oïstes sa pareille^ Que je vous vueil dire et conter ; ,Or metez cuer à Tescouter.

Parole qui n'est entendue,

Sachiez de voir, ele est perdue.

A Abevile ot .i. bouchier.

Que si voisin orent moût chier ;

N'estoit pas fel ne mesdisanz,

Mes sages, cortois et vaillanz

Et loiaus hom de son mestier,

Et s'avoit sovent grant mestier

Ses povres voisins soufraiteus ;

N'estoit avers ne covoiteus.

Entor feste Toz Sains avint

Qu'à Oisemont au marchié vint

Li bouchiers bestes achater,

Mes ne fist fors voie gaster;

Trop i trova chieres les bestes,

Les cochons félons et rubestes,

228 FABLIAU LXXXIV 5o

Vilains et de mauves afere ; Ne pot à els nul marchié fere; Povrement sa voie emploia, Onques denier n'i emploia;

Après espars marchié s'en torne, De tost aler moût bien s'atorne ; Son sorcot porte sor s'espée, Quar près estoit de la vesprée.

Oiez comment il esploita :

Droit à Bailluel li anuita; En mi voie de son manoir, Quar tart estoit, si fîst moût noir, Penssa c'ui mais avant n'ira.

En la vile herbregera; Forment doute la maie gent Que ne li toillent son argent.

Dont il avoit à grant foison.

A l'entrée d'une meson Trueve une povre famé estant.

Il la salue et dist itant : « A il en ceste vile à vendre Riens nule où l'en peûst despendre Le sien, por son cors aaisier.

Conques n'amai autrui dangier? »

La bone- famé li respont :

« Sire, par Dieu qui fit le mont.

Ce dist mes barons, sire Mile, De vin n'a point en ceste vile.

Fors noz prestres sire Gautiers; A .II. toniaus sor ses chantiers

8o DU BOUCHIER D*ABEVILE 229

Qui li vindrent de Nojentel; Toz jors a il vin en tonel; Alez à lui por ostel prendre.

— Dame, g'i vois sanz plus atendre, »

Dist li bouchiers, « et Dieus vous saut.

— A foi, sire, Dieus vous consaut ! » Atant s'en part, n'i vout plus estre ;

Venuz est au manoir le prestre ;

Li doiens seoit sor son sueil.

Qui moût fu plains de grant orgueil.

Cil le salue, et puis li dist :

« Biaus sire, que Dieus vous ait!

Herbregiez moi par charité.

Si ferez honor et bonté.

— Preudom, « fet il, « Dieus vous Herbert! Quar, foi que doi à saint Herbert, Lais hom ceenz nuit ne girra.

Bien ert qui vos herbregera En celé vile là aval ; Querez tant à mont et à val Que vous puissiez ostel avoir, Quar je vous faz bien asavoir Ja ne girrez en cest porpris.

Autre gent i ont ostel pris, Ne ce n'est pas coustume à prestre Que vilains hom gise en son estre.

— Vilains ! sire, qu'avez vous dit?

Tenez vous lai homme en despit?

— Oïl, » dist il, « si ai reson.

Alez en sus de ma meson;

3o FABLIAU LXXXIV no

II m*est avis ce soit ramposne.

— Non est, sire, ainz seroit aumosne, S'anuit mes me prestiez l'ostel,

Que je n'en puis trover nul tel.

Je sai moût bien le mien despendre ; Se rien nule me volez vendre, Moût volontiers Tachaterai, Et moût bon gré vous en saurai, Quar je ne vous vueil rien couster.

— Ausi bien te vendroit hurter Ta teste à celé dure pierre, »

Ce dist li doiens; « par saint Piere, Ja ne girras en mon manoir.

— Deable i puissent remanoir, »

Dist li bouchiers, « fols chapelains; Pautoniers estes et vilains. « Atant s'en part, ne volt plus dire; Plains fu de grant courouz et d'ire.

Oiez comment il li avint :

Quant il fors de la vile vint Devant une gaste meson Dont cheû furent li chevron, Encontre .i. grant tropé d'oeilles. Por Dieu, or escoutez merveilles.* Il demanda au pastorel.

Qui mainte vache et maint torel Avoit gardé en sa jonece :

« Paistres, que Dieus te doint leece!

Cui cist avoirs? — Sire le prestre.

— De par Dieu,» fet il, « puist ce estre ? »

14^ DU BOUCHIER DABEVILE 23l

Or oiez que li bouchiers fîst :

Si coiement .i. mouton prist Que li paistres ne s'en perçut ; Bien Ta engingnié et déçut.

Maintenant à son col le rue; Par mi une foraine rue Revient à Puis le prestre arrière, Qui moût fu fel de grant manière, Si comme il dut clorre la porte, Et cil, qui le mouton aporte, Li dist : « Sire, cil Dieus vous saut. Qui sor toz hommes puet et vaut ! »

Li doiens son salu li rent; Puis li demande isnelement :

« Dont es tu? — D'Abevile sui; A Oisemont au marchié fui ; N'i achetai que cest mouton.

Mes il a moût cras le crépon; Se anuit mes me herbregiez.

Que bien en estes aaisiez, Je ne sui avers ne eschars ; Anuit ert mengie la chars De cest mouton, por qu'il vous plaise, Quar aporté Tai à malaise. »

Li doiens pensse qu'il dit voir, Qui moût goulouse autrui avoir; Mieus aime .i. mort que .iiii. vis ; Dist ainsi, comme il m'est avis :

« Oïl certes, moût volentiers ; Se vous estiez ore vous tiers,

l3a FABLIAU LXXXIV 170

S'auriez vous ostel à talent ; Ainz nus hom ne me trova lent De cortoisie et d'onor fere.

Vous me samblez moût debonere; Dites moi comment avez non?

— Sire, par Dieu et par son non, J'ai non David en droit baptesme, Quant je reçui et huile et cresme.

Traveilliez sui en ceste voie; Ja Dame Dieus celui ne voie, A foi, cui* ceste beste fu ; Tans est huimès d'aler au fu. »

Atant s'en vont en la meson Où le feu estoit de seson.

Lors a sa beste mise jus, Puis a regardé sus et jus ; Une coingnie a demandée.

Et on li a tost aportée.

Sa beste tue et puis l'escorce; Sor .1. banc en geta l'escorce, Puis le pendi, lor ieus voiant :

« Sire, por Dieu, venez avant; Por amor Dieu, or esgardez Com cis moutons est amendez; Veez comme est cras et refais, Mes moût m'en a pesé li fais, Que de moût loing l'ai aporté.

Or en fêtes vo volonté ; Cuisiez les espaules en rost; S'en fêtes mètre plain un pot

200 DU BOUCHIER d'aBEVILE 233

En essau avoec la mesnie,

Je ne di mie vilonie,

Ainz mes plus bêle char ne fu,

Metez le cuire sor le fu ;

Veez comme est tendre et refete :

Ainçois que la saveur soit fête

Ert ele cuite voirement.

— Biaus ostes, fêtes vo talent; Sor vous ne m'en sai entremetre.

— Fêtes donques la table mètre.

— C'est prest ; n'i a fors de laver Et des chandoiles alumer. »

Seignor, ne vous mentirai mie; Li doiens avoit une amie Dont il si fort jalous estoit, Toutes les nuiz qu'ostes avoit, La fesoit en sa chambre entrer.

Mes celé nuit la fist souper Avoec son oste liement.

Servi furent moût richement De bone char et de bon vin.

De blans dras, qui erent de lin, Fist on fere au bouchier .i. lit; Moût ot leenz de son délit.

Li doiens sa meschine apele :

« Je te commant, » fet il, « suer bêle, Que noz ostes soit bien et aise.

Si qu'il n'ait rien qui li desplaise. » Atant se vont couchier ensamble Il et la dame, ce me samble,

Fabl. III 3o

284 FABLIAU LXXXIV 23o

Et li bouchiers remest au fu.

Ainz mes si aaisiez ne fu ; Bon ostel ot et biau samblant :

« Bêle suer, » fet il, « vien avant; Trai te en ça, si parole à moi, Et si fai ton ami de moi :

Bien i porras avoir grant preu.

— Ostes, tesiez, ne dites preu ; Ja n'apris onques tel afere.

— Par Dieu, or le te covient fere Par tel couvent que je dirai.

— Dites le donc, et je l'orrai.

— Se tu veus fere mon plesir Et tout mon bon et mon désir, Par Dieu, que de vrai cuer apel.

De mon mouton auras la pel.

— Biaus ostes, jamès ce ne dites; Vous n'estes mie droiz hermites, Qui tel chose me requérez.

Moût estes de mal apenssez; Dieu merci, com vous estes sos; Vo bon feïsse, mes je n'os; Vous le diriez demain ma dame.

— Suer, se ja Dieus ait part en m'ame. En ma vie ne le dirai

Ne ja ne t'en encuserai. »

Dont li a celé créante Qu'ele fera sa volenté Toute la nuit, tant que jors fu.

Dont se leva et fîst son fu.

260 DU BOUCHIER D*ABEVILE 235

Son harnois, et puis trest ses bestes.

Lors primes s'est levez li prestres ; Il et son clerc vont au moustier Chanter et fere lor mestier, Et la dame remest dormant.

Et ses ostes tout maintenant Se vest et chauce sanz demeure, Quar bien en fu et tans et eure.

En la chambre, sanz plus atendre, Vint à la dame congié prendre; La clique sache, Puis ouvri ; Et la dame si s'esperi.

Ses ieus ouvri, son oste voit Devant s'esponde trestout droit.

Lors li demande dont il vient Et de quel chose il li sovient :

« Dame, » fet il, « grâces vous rent; Herbregié m'avez à talent Et moût m'avez biau samblant fait. »

Atant vers le chevès se trait ; Sa main mist sor le chaveçuel Et tret arrière le linçuel ; Si voit la gorge blanche et bêle, Et la poitrine et la mamele :

« E ! Dieus, » dist il, « je voi miracles; Sainte Marie, sainz Romacles, Comme est li doiens bien venuz Qui o tel dame gist toz nuz!

Que si m'ait sainz Onorez, Uns rois en fust toz honorez.

Se j'avoie tant de loisir Que g'i peûsse .i. poi gésir, Refez seroie et respassez.

— Biaus ostes, ce n'est mie assez Que vous dites ; par saint Germain, Alez en sus, ostez vo main.

Mesires aura ja chanté;

Trop se tendroit à engané

Se en sa chambre vous trovoit;

James nul jor ne m'ameroit;

Si m'auriez mal baillie et morte. »

Et cil moût bel la reconforte :

« Dame, » fet il, « por Dieu merci,

James ne mouverai de ci

Por nul homme vivant qui soit.

Nés se li doiens i venoit,

Por qu'il deïst une parole

Qui fust outrageuse ne foie,

Je l'ocirroie maintenant.

Mes or otroiezmon commant

Et fêtes ce que je voudrai.

Ma piau lanue vous donrai

Et grant plenté de mon argent.

— Sire, je n'en ferai noient.

Que je vous sent si à estout Que demain le diriez partout.

— Dame, » dist il, « ma foi tenez Tant com je soie vis ne nez.

Ne le dirai famé ne homme,

Par toz les sainz qui sont à Romme. »

SaO DU BOUCHIER D*ABEVILE 287

Tant li dist et tant li promet La dame en sa merci se met, Et li bouchiers bien s'en refet.

Et, quant il en ot son bon fet, D'iluec se part, n'i volt plus estre, Ainz vint au moustier où li prestre Ot commencié une leçon Entre lui et .i. sien clerçon; Si com il dist : Jubé, Domne, Ez le vous el moustier entré : « Sire, » fet il, « grâces vous rent; Ostel ai eu à talent.

Moût me lo de vo beau samblant.

Mes une chose vous demant Et vous pri que vous le faciez, Que vous ma pel achatissiez; Si m'auriez délivré de paine; Bien il a .m. livres de laine; Moût est bone, si m'ait Dieus; .In. sols vaut; vous l'aurez por deus, Et moût bon gré vous en saurai.

— Biaus ostes, et je le ferai Por l'amor de vous volentiers; Bons compains estes et entiers; Revenez moi veoir sovent. »

Sa pel meïsme cil li vent; Congié demande, si s'en va.

Et la dame lors se leva.

Qui moût ert jolie et mingnote; . Si se vest d'une verde cote

Mout bien faudée à plois rampanz.

La dame ot escorcié ses panz A sa çainture par orgueil :

Cler et riant furent si oeil ; Bêle, plaisans ert à devise, En le caiere s'est assise.

Et la baissele, sanz atendre, Vint à la pel ; si la vout prendre, Quant la dame li desfendi :

« Di va, » fet ele, « et quar me di ; Qu'as tu de celé pel à fere ?

— Dame, j'en ferai mon afere; Je la vueil au soleil porter Por le cuirien fere essuer.

— Non feras ; lai le toute coie, Ele pendroit trop sor la voie.

Mes fai ce que tu as à fere.

— Dame, » dist el, « je n'ai que fere; Je levai plus matin de vous,

Al foi, maugré en aiez vous, Vous en deûssiez bien parler.

— Trai te en sus ; lai la pel ester; Garde que plus la main n'i metes Ne que plus ne t'en eniremetes.

— En non Dieu, dame, si ferai ; Toute m'en entremeterai ;

J'en ferai comme de la moie.

— Dis tu donques que ele est toie?

— Oïl, je le di voirement.

— Met jus la pel, va, si te pent,

38o DU BOUCHIER d'aBEVILE 289

Ou tu ailles en la longaingne.

Moût me torne ore à grant engaingne Quant tu deviens si orguilleuse ; Pute, ribaude, pooilleuse, Va tost, si vuide ma meson.

— Dame, vous dites desreson, Qui por le mien me ledengiez :

Se vous seur sainz juré l'aviez.

S'est ele moie. — Toutevoie Vuide l'ostel, va, si te noie; Je n'ai cure de ton service.

Que trop es pautoniere et nice :

Se mesires juré l'avoit,

Ceenz ne te garantiroit; Si t'ai je ore cueilli en hé.

— Par mi le col ait mal dehé Qui jamès jor vous servira.

J'atendrai tant que il vendra, Et puis après si m'en irai ; De vous à lui me clamerai.

— Clameras, pute, viens buinarde, Pullente, ribaude, bastarde!

— Bastarde! dame, or dites mal; Li vostre enfant sont moût loial.

Que vous avez du prestre eus?

— Par la passion Dieu, met jus La pel, ou tu le comparras.

— Mieus vous vendroit estre à Arras, Par les sainz Dieu, voire à Coloingne. » Et la dame prent sa queloingne;

.1. cop l'en done, et ele crie :

« Par la vertu sainte Marie, Mar m'i avez à tort batue; La pel vous ert moût chier vendue Ainçois que je muire de mort. »

Lors pleure et fet .i. duel si fort.

A la noise et à la tençon Entra li prestres en meson :

« Qu'est ce, » dist il? « Qui t'a ce fet?

— Ma dame, sire, sanz mesfet.

— Sans mesfet, voir, ne fu ce mie Qu'ele t'a fet tel vilonie.

— Par Dieu, sire, por la pel fu Qui là pent encoste ce fu ;

Biaus sire, vous me commandastes Ersoir, quant vous couchier alastes.

Que nos ostes sire Davis Fust aaisiez à son devis; Et je fis vo commandement.

Et il me dona vraiement La pel; sor sainz le juerrai, Que moût bien deservie l'ai. »

Li doiens ot et aperçoit, Aus paroles qu'ele disoit, L'avoit ses ostes culonée; Por ce li ot sa pel donée ; S'en fu corouciez et plains d'ire.

Mes son pensser n'en osa dire.

« Dame, » fet il, « se Dieus me saut, Vous avez fet trop vilain saut ;

44© DU BOUCHIER DABEVILE 24;

Petit me prisiez et doutez, Qui ma mesnie me bâtez.

— Ba ! qu'ele veut ma pel avoir.

Sire, se vos saviez le voir

De la honte qu'ele m'a dite, Vous l'en renderiez la mente.

Qui voz enfanz m'a reprovez.

Mauvesement vous en provez.

Qui soufrez qu'ele me ledange Et honist toute par sa j angle.

Je ne sai qu'il en avendra, Ja ma pel ne li remaindra :

Je di qu'ele n'est mie soie.

— Qui est ce donques ? — Par foi, moie.

— Vostre, voire ! par quel reson ?

— Nostre ostes jut en no meson Sor ma coûte, sor mes linceus; Que mau gré en ait sainz Aceus Si volez ore tout savoir.

— Bêle dame, or me dites voir; Par celé foi que me plevistes.

Quant vous primes ceenz venistes.

Celé pel doit ele estre vostre ?

— Oïl, par sainte patrenostre. »

Et la baissele dist adonques :

« Biaus sire, ne le créez onques; Ele me fu ainçois donée.

— Ha! pute, mal fusses tu née !

On vous dona la passion.

Alez tost hors de ma meson ;

Fabl. III 3i

Que maie honte vous aviegne!

— Par le saint Signe de Compiegne, Dame, » fet il, « vous avez tort.

— Non ai, quar je la haz de mort, Por ce qu'ele est si menterresse.

Celé ribaude larronnesse.

— Dame, que vous ai je emblé?

— Ribaude, mon orge et mon blé.

Mes pois, mon lart, mon pain fetiz ; Certes, vous estes trop chetiz

Qui ceenz l'avez tant soufferte ;

Sire, paiez li sa déserte;

Por Dieu, si vous en délivrez.

— Dame, » fet il, « or m'entendez; Par saint Denis je veuil savoir Laquele doit la pel avoir.

Celé pel, qui la vous dona?

— Nostre ostes, quant il s'en ala.

— Voir, por les costez saint Martin, Il s'en ala dès hui matin

Ainz que fust levez li solaus.

Dieus ! com vous estes desloiaus Qui jurez si estoutement.

— Ainz prist congié moût bonement Avant qu'il en deùst aler.

— Fu il donques à vo lever?

— Nenil; adonc je me gisoie ; De lui garde ne me donoie; Quant je le vi devant m'esponde...

Il estuet que je vous desponde...

5oO DU BOUCHIER d'aBEVILE 248

— Et que dist il au congié prendre ?

— Sire, trop me volez sorprendre...

Il dist : « A Jhesu vous commant. »

Adonc s'en parti à itant ;

Ainz plus ne parla ne ne dist,

Ne nule rien ne me requist

Qui vous tornast à vilonie,

Mes vous i chaciez boiserie;

Onques ne fui de vous creûe,

Et si n'avez en moi veûe,

Grâce Dieu, se moût grant bien non,

Mes vos i chaciez trahison.

Si m'avez en tel prison mise

Dont ma char est tainte et remise ;

De vostre ostel ne me remue ;

Mise m'avez muer en mue ;

Trop ai esté en vo dangier

Por vo boivre, por vo mengier.

— Ahi! » fet il, « foie mauvaise; Je t'ai norrie trop aaise ;

Près va que ne te bat et tue.

Je sai de voir qu'il t'a foutue; Di moi por quoi ne crias tu?

Il t'estuet rompre le festu; Va, si vuide tost mon ostel.

Et je irai à mon autel ; Maintenant deseur jurerai James en ton lit ne girrai. »

Par moût grant ire s'est assis, Corouciez, tristes et penssis.

244 FABLIAU LXXXIV 53o

Quant la dame aïré le voit, Forment li poise qu'ele avoit Tencié ne estrivé à lui ; Moût crient que ne li face anui ; En sa chambre s'en va atant, Et li paistres vient acourant, Qui ses moutons avoit contez.

Ersoir l'en fu li uns emblez; Il ne set qu'il est devenuz.

Grant aleùre en est venuz, Frotant ses hines, en meson.

Li prestres ert sor sa leson Moût corouciez et eschaufez :

« Qu^est ce? mal soies tu trovez, Mauves ribaus; dont reviens tu?

Qu'est ce c'on fet? Samblant fez tu, Filz à putain, vilain rubestes ; Or deûsses garder tes bestes ; Près va ne te fier d'un baston.

— Sire, n'ai mie d'un mouton.

Tout le meillor de no tropé; Je ne sai qui le m'a emblé.

— As tu donques mouton perdu ?

On te deûst avoir pendu ; Mauvesement les as gardez.

— Sire, » fet il, « or m'entendez:

Ersoir, quant en la vile entrai,

.1. estrange homme i encontrai Que onques mes veû n'avoie En champ, n'en vile, ne en voie.

56o DU BOUCHIER d'aBEVILE 246

Qui moût mes bestes esgarda, Et moût m'enquist et demanda Qui cis biaus avoirs pooit estre, Et je li dis : « Sire no prestre ; » Cil le m'embla, ce m'est avis.

— Par les sainz Dieu, ce fu Davis, Noz ostes, qui ceenz a jut ;

Bien m'a engingnié et déçut

Qui ma mesnie m'a foutue ;

Ma pel meïsme m'a vendue ;

De ma mance m'a ters mon nés;

En mal eure fuisse jou nés.

Quant je ne m'en seuch garde prendre !

On puet cascun jor moût aprendre :

De ma paste m'a fet tortel.

En connoistroies tu la pel?

— Oïl, sire, foi que vous doi.

Bien la connoistrai, se la voi; Je l'ai eu .vu. anz en garde. »

Cil prent la pel; si la regarde; Aus oreilles et à la teste Connut bien la pel de sa beste :

« Haroul las, » dist li pasturiaus; « Par Dieu, sire, c'est Cornuiaus, La beste que je plus amoie; En mon tropé n'avoit si coie ; . Foi que je doi à saint Vincent, N'avoit si cras mouton en cent; Mieudres de lui ne pooit estre.

— Venez ça, dame, » dist le prestre.

« Et tu, baissele, vien avant ; Parole à moi, je te commant; Respont à moi quant je t'apel, Que claimes tu en ceste pel?

— Sire, trestoute la pel cleim, »

Dist la meschine au chapelain.

— Et vous, que dites, bêle dame?

— Sire, se Dieus ait part en m'ame, Ele doit estre par droit moie.

— Ele n'ert ne vostre, ne soie.

Je l'acatai de mon avoir ;

Ele me doit bien remanoir.

Il m'en vint priier au moustier, Là ù ge lisoie men sautier.

Par saint Pierre, le vrai apostre, Ele n'iert ne soie ne vostre.

Se par jugement ne l'avés. »

Seignor, vous qui les biens savez, HuiSTACES d'Amiens vous demande, Et prie par amors, et mande Que vous faciez cest jugement.

Bien et à droit et leaument, Chascuns en die son voloir Liquels doit mieus la pel avoir, Ou li prestres, ou la prestresse, Ou la meschine piprenesse.

Explicit du Bouchier d'AbeviU.