DE BERANGIER AU LONG CUL

Si s'en est en maison alée;

Au nîieus qu'el pot s'est desarmée,

Puis a mandé .i. chevalier

Que ele amoit et tenoit chier;

Dedenz sa chambre tôt aese

L'enmaine, si Tacole et baise.

Atant ez le seignor qui vient

Du bois; celé qui poi le crient

Ne se daigna por lui movoir;

Son ami fait lez lui seoir.

Li chevaliers toz abosmez ' -^-^^Xto kju

S'en est dedens la chambre entrez; ^

Quant vit la dame .et son ami,

Sachiez point ne li abeli :

« Dame, » fait il isnelement,

<« Vos me servez vileinement

Qui amenez home çaienz;

Vos le conparrez par mes denz.

— Taisiez vos en, » fait el, « mauvais! Or gardez que n'en parlez mais, Quar, se vos m'aviez desdite.

Foi que ge doi seint Esperite, Tantost de vos me clameroie Por le despit que g'en auroie; Si serez vos cous et jalous.

— A qui vos clameriez vous De moi, par la vostre proiere?

— A qui ? A vostre chier compère, Qui vos tint ja en son dangier.

Et c'est mesire Berangier

Au lonc cul, qui vos fera honte. »

Quant il oit que celé li conte, Moût en ot grant honte et grant ire; Onques puis ne l'osa desdire, Desconfit se sent et maté ; Et celé fait sa volenté, Qui ne fu sote ne vilaine :

A molpastor chie lous laine.

Explicit de Berangier au lonc cul.

[par rutebeuf]

Paris, Bibl. nat., Mss. fr. 887, fol. 829 v° à 3 3 1 r», et i63 5, fol. 60 fo à 62 r».

abis ne fait pas V ermite; |S'uns hom en hermitage habite, ,C'il est de povres draz vestus, [Je ne pris mie .11. festus Son habit ne sa vesteiire, Cil ne mainne vie ausi pure Coume ces habiz nos demoustre.

Mais mainte gens font bele monstre, Et mervilleuz semblant qu'il vaillent ;- Il semblent les aubres qui faillent, Qui furent trop bel au florir :

Bien devroient teil gent morir Vilainnement et à grant honte.

.1. proverbes dit et raconte Que tout n'est pas ors con voit luire, Por ce m'estuet, ainz que je muire, Faire un flabel d'une aventure De la plus bele criature Que hom puisse troveir ne querre De Paris juqu'en Aingleterre :

264 FADLIAU LXXXVri 5o

Vous dirai coument il avint.

Grans gentiz homes plus de vint

L'avoient à famé requise ;

Mais ne voloit en nule guise

Avoir ordre de mariage,

Ainz ot fait de son pucelage

Veu à Deu et à Notre Dame.

La pucele fu gentilz famé ;

Chevaliers ot estei ces peire;

Meire avoit, mais n'ot suer ne frère.

Moût s'entr'amoient, ce me semble,

La pucele et sa mère encemble ;

Frère meneur laianz hantoient,

Tuit cil qui par illec passoient.

Or avint c'uns en i hanta, |

Qui la damoizele enchanta;

Si vos dirai en queil manière.

La pucele li fist proiere

Que il sa mère requeïst

Qu'en religion la meïst;

Et il li dist : « Ma douce amie.

Se meneir voliez la vie

Saint Fransois, si com nos faison,

Vos ne porriez par raison

Faillir que vos ne fussiez sainte. »

Et celé qui fu ja atainte

Et conquise et mate et vaincue,

Si tost com ele ot entendue

La raison dou Frère meneur,

Si dist : <( Ce Dieux me doint honeur,

8o DE FRERE DENISE 265

Si grant joie avoir ne porroie De nule riens coume j'auroie, Ce de votre ordre pooie estre :

A bone heure me fist Dieux neitre, Se g'i pooie estre rendue. »

Quant li Frères ot entendue La parole à la damoizele, Si li at dit : « Gentilz pucele, Si me doint Dieux s'amour avoir, Se de voir pooie savoir Qu'en nostre ordre entrer vosissiez, Et que senz fauceir peûssiez Gardeir votre virginitei, Sachiez de fine veritei, Qu'en nostre bienfait vos metroie. »

Et la pucele li otroie Qu'el gardera son pucelage Trestoz les jors de son eage, Et cil maintenant la resut, Par sa guile celé desut, Qui à barat n'i entendi.

Desus s'arme li deffendi Que riens son conseil ne deïst, Mais si celéement feïst Copeir ces bêles treces blondes, Que ja ne le seùst li mondes.

Et feïst faire estanceijre, Et preïst teile vesteijre.

Corn à jone home couvandroit, Et qu'en teil guise venist droit Fabl. ih 34

En un leu dont il ert custodes.

Cil qui estoit plus fel qu'Erodes, S'en part atant, et li mist terme, Et celé a plorei mainte larme, Quant de li départir le voit.

Cil qui la glose li devoit Faire entendre de sa leson, La mist en maie soupeson.

Maie mort le preigjie et ocie !

Celé tint tout à prophecie Quanque cil li a sermonei, Celé a son cuer à Dieu donei ; Cil ra fait dou sien à teil don, Qui bien l'en rendra guerredon.

Moût par est contrare sa pence Au boen pensei où celé pence ; Moût est lor pencée contraire, Car celé pence à li retraire.

Et osteir de l'orgueil dou monde :

Et cil qui en pechié soronde.

Qui toz art dou feu de luxure, A mis sa pencée et sa cure En la pucele acompaignier Au baig où il ce vuet baignier.

Où il s'ardra, ce Dieux n'en pence, Que ja ne li fera deffence.

Ne ne li saura contredire Choze que il li vueille dire.

A ce va li Frères pensant ; Et ces compains en trespassant,

Qui c'esbahit qu'il ne parole, Li a dite ceste parole.

(( Où penceiz vos, frère Symon ?

— Je pens, » fait il, « à .i. sermon, Au meilleur où je pensasse onques. »

Et cil a dit : « Or penceiz donques. » Frère Symons ne puet deffence Troveir en son cuer, qu'il ne pence A la pucele qui demeure; Et celé desirre moût l'eure Qu'ele soit ceinte de la corde : Sa leson en son cuer recorde Que li Frères li ot donée.

Dedens tiers jor s'en est emblée De la mère qui la porta, Qui forment s'en desconforta.

Moût fu à mal aise la mère Qui ne savoit où sa fille ère ; Grant doleur en son cuer demainne Trestoz les jors de la semainne, En plorant regrete sa fille, Mais celé n'i done une bille, Ains pence de li esloignier.

Ces biaus crins a fait reoignier, Comme valiez fu estanciée, Et fu de boens houziaus chauciée, Et de robe à home vestue, Qui estoit par devant fendue; Pointe devant, pointe derrière.

Et vint en icele meniere

j68 fabliau lxxxvii" 170

Là où cil li ot terme mis.

Li Frères, cui li anemis Contraint, et semont, et argue, Oui grant joie de sa venue; En Tordre la fist resouvoir, Bien sot ces Frères desouvoir.

La robe de Tordre li done, Et li fîst faire grant corone, Puis la fist au moutier venir, Bel et bien s'i sot contenir, Et en clostre et dedens moutier, Et ele sot tôt son sautier ; Et fu bien à chanteir aprise, O les Frères chante en Tesglize Moût bel et moût cortoisement ; Moût se contint honestement.

Or out damoizele Denize Quanqu'ele vot à devise ; Onques son non ne li muèrent :

Frère Denize Tapelerent.

Que vos iroie ge dizant? Frère Symons fîst vers li tant Qu'il fist de li touz ces aviaux, Et li aprist ces geux noviaux, Si que nuns nez s'en aparsut.

Par sa contenance desut Tous ces Frères. Frère Denize Cortoiz fu et de grant servize ; Frère Denize moût amerent Tuit li Frère qui laians erent;

Mais plus Tamoit Frère Symons, Sovent se metoit es limons, Corn cil qui n'en ert pas retraiz, Et il cM amoit mieulz qu'es traiz :

Moût ot en li boen limonier.

Vie menoit de pautonier, Et ot guerpi vie d'apostre, Et celé aprist sa paternostre, Que volentiers la recevoit.

Par mi le pais la menoit, N'avoit d'autre compaignon cure, Tant qu'il avint par aventure Qu'il vindrent chiez .i. chevalier Qui ot boens vins en son selier.

Et volentiers lor en dona.

Et la dame s'abandona A regardeir Frère Denize; Sa chiere et son semblant avise, Aparseûe c'est la dame Que Frère Denise estoit famé :

Savoir vuet ce c'est voirs ou fable.

Quant bon ot levée la table, La dame qui bien fu aprise, Prist par la main Frère Denize; A son seigneur prist à souzrire, En sozriant li dist : « Biau sire, Aleiz vos là defors esbatre, Et faisons .11. pars de nos quatre :

Frère Symon o vos mêneiz, Frère Denize est aseneiz

7© FABLIAU LXXXVIl 23o

De ma confession oïr. »

Lors n'ont talent d'eulz esjoïr

Li cordelier; dedens Pontoize

Vousissent estre, moût lor poize

Que la dame de ce parole :

Ne lor plot pas ceste parole,

Car paour ont de parsovance.

Frère Symons de li s'avance,

Puis li dit, quant de li s'apresse :

u Dame, à moi vos ferez confesse ;

Car ciz Frères n'a pas licence

De vos enjoindre penitance. »

Et la dame li dit : « Biau sire,

A cestui vuel mes péchiez dire,

Et de confession parleir. »

Lors l'a fait en sa chambre aleir,

Et puis clôt l'uis, et bien le ferme,

O li Frère Denize enferme ;

Puis li a dit : « Ma douce amie.

Qui vos concilia teil folie,

D'entreir en teil religion?

Si me doint Dieus confession

Quant l'arme dou cors partira,

Que ja pis ne vos en sera,

Se vos la veritei m'en dites ;

Si m'aïst li sainz Esperites,

Bien vos poez fieir en moi. »

Et celé qui ot grant esmoi.

Au mielz qu'el puet, de ce s'escuze ;

Mais la dame la fist concluze

Par les raisons qu'el H sot rendre, Si que plus ne c'i pot deffendre.

A genoillons merci li crie, Jointes mains li requiert et prie Qu'el ne li face faire honte.

Trestot de chief en chief li conte, Corn il l'a trait d'enchiez sa meire.

Et puis li conta qui ele ère.

Si que riens ne li a celei.

La dame a le Frère apelei, Puis lui dist, oiant son seigneur, Si grant honte, c'onques greigneur Ne fu mais à nul home dite :

« Fauz papelars, fauz ypocrite, Fauce vie meneiz et orde ; Qui vos pendroit à votre corde, Qui est en tant de leuz noée, Il auroit fait bone jornée.

Teil gent font bien le siècle pestre.

Qui par defors cemblent boen estrc, Et par dedens sont tuit porri.

La norrice qui vos norri, Fist moût mauvese norreture.

Qui si très bêle créature Aveiz à si grant honte mise. Iteiz ordres, par saint Denise, N'est mie boens, ne biaux, ne genz :

Vos deffendeiz aus jones gens Et les dances et les quaroles.

Violes, tabours et citoles,

Et toz deduiz de menestreiz.

Or me dites, sire haut reiz, Menoit sainz Fransois teile vie ?

Bien aveiz honte deservie, Comme faulz traîtres proveiz; Et vos aveiz moût bien trovei Qui vos rendra votre déserte. »

Lors a une grant huche overte, Por mètre le Frère dedens; Et Frères Simons toz adens Leis la dame se crucefie, Et li chevaliers s'umelie, Qui de franchize ot le cuer tendre, Quant celui vit en croiz estendre; Suz l'en leva par la main destre :

({ Frère, » dit il, « voleiz vos estre De cest afaire toz délivres ?

Porchaciez tost .luf. livres A marier la damoizele. »

Quant li Frères oit la novele, Onques n'ot teil joie en sa vie :

Lors a sa fiance plevie Au chevalier des deniers rendre.

Bien les rendra cens gage vendre.

Auques seit où il seront pris.

Atant s'enpart, congié a pris.

La dame par sa grant franchise.

Retint damoizele Denise, N'onqueS de riens ne Tesfrea; Mais moût doucement li pria

Qu'ele fust trestoute seûre, -Que ja de nule créature Ne sera ces secreiz seû, Ne qu'ele ait à home geu, Ainz sera moût bien mariée.

Choisisse en toute la contrée Celui que mieulz avoir vodroit, Ne mais qu'il soit de son endroit.

Tant fist la dame envers Denize Qu'ele Ta en boen penceir mise ; Ne la servi mie de lobes, Une de ces plus bêles robes Devant son lit li aporta, A son pooir la conforta, Con celé qui ne s'en faint mie ; Et li at dit: « Ma douce amie, Ceste vestirez vos demain. »

Ele meïmes de sa main La vest, ansois qu'ele couchast.

Ne soffrist qu'autres i touchast.

Car privéement voloit faire Et cortoisement son afaire ; Car sage dame et cortoize ère.

Privéement manda sa mère Denize par un sien mesage.

Moût ot grant joie en son corage, Quant ele ot sa fille veûe Qu'ele cuidoit avoir perdue; Mais la dame li fist acroire, Et par droite veritei croire

Fabl. III 3 5

:74 FABLIAU l.XXXVII 336

Qu*ele ert aus Filles Dieu rendue, Et qu'à une autre Tôt tolue, Qui laianz le soir l'amena, Que par pou ne s'en forsena.

Que vos iroie je disant, Ne lor paroles devisant ?

Dou rioteir seroit noianz; Mais tant fu Denize laians Que li denier furent rendu. Après n'ont gaires atendu, Qu'el fu à son gré assenée, A un chevalier fu donée.

Qui l'avoit autrefois requise.

Or ot non madame Denize, Et fu à moût plus grant honeur Qu'en abit de Frère meneur.

Explicit de Frère Denise.

Paris, Bibl. nat., Mss. fr. 887, fol. i54 v^à i56 r», et 191 52, fol, 120 v'' à 1 22 r°.

ETRE vueil m'entente et ma cure A faire .i. dit d'une aventure Qu'avint à Orliens la cité; Ce tesmoingne par vérité

Cil qui m'en dona la matire.

Il avint, si corn j'oï dire,

C'uns clers amoit une borjoise

Qui moût estoit sage et cortoise ;

Moût savoit d'enging et d'aguet:

A feme, qui tel mestier fait

Et qui veut amer par amors,

Couvient savoir guenches et tors,

Et enging por soi garantir;

Bien covient que saiche mentir,

Tele eure est, por couvrir sa honte.

La borjoise dont ge vos conte

Fu bien de ce mestier aprise,

Comme celé qu'amors ot mise

Et bien enlacie en ses laz.

Moût amast d'un clerc le solaz,

276 FABLIAU LXXXVIII 5o

Mout vosist et moût li pleùst Qu'entre ses braz toz nuz geùst, Et ele o lui en .1. biau lit, Por avoir du clerc le délit.

Li sires, qui riens ne savoit Quel corage sa feme avoit, A dit au soir, après mengier, Qu'au point du jor sanz atargier L'esveillast, ne Tobliast mie, Et qu'el ne fust trop endormie S'ele de riens son preu amoit :

Au jor lever le covenoit Por aler à Meûn sor Loire, Où il avoit marchié et foire.

La borgoise s^en esjoï Forment, quant la parole oï Que ses sires li commanda ; Tôt maintenant au clerc manda Qu'il fust la nuit bien esveilliez.

Et qu'il fust bien appareilliez D'entrer comme bien avertiz Laienz, quant en sera partiz Li sires devant l'ajornée.

Que vous feroie demorée ?

Mais li borgois couchier se vet, Et la dame fu en aguet.

Et en grant porpens du prodome D'esveillier au premerain some.

Il dormi, et ele veilla. Et quant li sires s'esveilla,

8o DES BRAIES AU CORDELIER

Ele li dit : « Or sus, biaus sire, Certes moût ai au cuer grant ire Que nos avons si longuement Dormi; ge sai certainement Que avez trop fait grant demeure, A paines vendrez mes à eure Huimès à Meûn au marchié. »

Lors s'est li borjois descouchié, Tost fu vestuz et atornez, De son ostel s'en est tornez, Et la borgoise le convoie Sanz plus jusqu'à l'uis de la voie.

A l'issir de laienz li dist :

« Ge vos commant à Jesu Crist, Qui soit garde de vostre cors. »

Atant li borgois se mist hors, Quar d'errer avoit grant besoing.

Lors ne fu pas d'ilueques loing.

Quant li clers a passé le sueiL, Qui onques n'ot dormi de l'ueil De tote la nuit por atendre.

Si comme vos poez entendre.

Quant li sires s'en fu alez, Lors fu li clers plus acolez, Et .1111. tanz baisiez adonques.

Que li borgois n'ot esté onques, Qui or s'en vait en sa besoigne.

Que vos feroie plus d'aloigne ?

Mais ge vos di que la borgoise Et li clers, à qui point n'en poise

-jS FABLIAU LXXXVm IIO

Firent moût lie contenance, Ne firent pas grant demorance, Ne grant délai au despoillier; Li clers toz nuz o la moillier Au borgois qui s'en vait se couche; Braz à braz jurent en la couche; La borgoise ama le complot, Si fîst du clerc ce que li plot.

Et li borgois qui fu levez Trop tost, si comme oï avez, Ala son voisin apeler, Qui devoit avoec lui aler, Et li dist : « Or sus, biaus compainz, Tant avons dormi, par toz sainz, Que por fous nos poons tenir; Ainz qu'à Meûn puission venir.

Sera il bien près de midi. »

Et li autres li respondi :

« Compainz, estes vos forsenez?

Vos n'estes mie bien senez, Qui volez errer à tele eure :

Biaus amis, se Dieus me sequeure Et gart mon cors de toz enuiz.

Il n'est pas encor mienuiz.

— Compainz, » fait cil qui s'esbahist, « Dites vos voir? » Et cil li dist :

« Ge vos di voir, par saint Richier.

— Gem'envoisdonc,» faitil, «couchier.»

Atant s'en est d'iluec tornez;

A son ostel s'en est alez.

Dont vient à Tuis, et si apele.

(( Dieus, com ci a pesme nouvele, Biaus douz amis, » ce dit la dame !

Mes sires est à Tuis par m'ame, Nos somes moût mal asené, Maufé Tont si tost ramené, Qui li puissent le col brisier. »

Et cil ne fine de huchier. Et dist : « Or sus, levez vous tost. » Maintenant li clers se repost.

Et prist quanque du sien i a, Fors ses braies qu'il oublia, Dont tuit troi orent puis grant ire.

Tant apela à Tuis li sire Qu'entrez i est, couchier se vait, Et la dame l'endormi fait; Cil l'apela ; el fîst le sort Com celé qui moût sot de hort.

Li borgois delez li se couche.

Et celé, qui moût fu farouche, Por tenir le vilain à sot.

Sailli du lit sanz dire mot, Ausi com s'el fust forsenée; A haute voiz s'est escriée :

« Sainte Marie, aïe, aïe, Ce sui trahie et mal baillie, Se vos n'avez de moi merci. »

Et puis a dit : « Qui est ce ci Qui s'est couchiez dedenz mon lit?

Ja nus hom soulaz ne délit,

:8o FABLIAU LXXXVIII I70

Fors mon seignor, n'aura de moi. »

Lors fu li sires en esmoi

Que sa feme du sens n'issist;

Au plus soef qu'il pot li dist :

« Bêle très douce chiere amie,

Por Dieu ne vos marisiez mie;

Ge sui vostre loiaus espous

Qui couchiez m'estoie lez vous. »

Et ele l'en a desmenti :

« Vos avez, » fait ele, « menti;

Mesires est hors de la vile ;

Alez vos en, ou, par saint Gile,

Ge crierai ja à tel bruit

Que no voisin i vendront tuit :

Il n'a mie caienz bordel. »

Moût fist bien le putain lordel

La dame, qui bien le sot fere

« Mesires est à son afere, »

Fait ele à l'uiz, « alez vos en ;

Vous estes fols et hors de sen ,

Qui me cuidiez fere mauvese.

— Dame, » fait il, « ne vos desplese,

Preude feme estes et veroie.

Certes trop tost levez estoie,

Il n'est pas plus de mienuit;

Si vos pri qu'il ne vos anuit

Se ge sui arriéres venuz;

Delez vos me couchai toz nuz,

Com cil qui l'ai fet maintes foiz,

Si m'ait Dieus et seinte Croiz,

Mielz vos aim c'onques mais ne fis.

~ Sire, » fait ele, « or m'esbahis

De ce qu'ançois ne vos connui.

^ Ge vos en ai fait grant enui,

Et si m'en tieng or moût por foie ;

Or vos connois à la parole.

Certes ge m'en esbahis toute. »

Maintenant delèz lui se boute ;

Si l'acole, et li dist : « Biaus sire,

Por Dieu, pardonez moi vostre ire,

Que ja se de vos aie joie,

Que je pas ne vous connoissoie ;

Et sachiez, se vos conneûsse,

Ja du lit levée ne fusse;

Mes j'avoie d'autre paor;

Se g'en estoie en grant fraor,

Ne vos en devez merveillier, Mestier n'avez de plus veillier; Dormez vos, si feroiz que saige. »

Et cil, qui en ot grant coraige, Si dormi jusqu'au point du jor.

Au matin, sanz plus de sejor, Se vesti et apareilla.

Et la borgoise qui veilla, Commanda à Dieu son seignor.

Mes ne set pas la deshonor.

Ne la très grant descouvenue, Que li est cel jor avenue, Quar li sires a si mespris Que les braies au clerc a pris,

Fabl. III 36

îSî! FABLIAU LXXXVIII 23o

N'il meïsme ne le set pas.

Et li clerc vint isnel le pas A la dame, si li a dit :

« Bêle amie, se Dieus mVit, Orendroit m'en covient aler :

Qui aime, il doit s'amor celer, Por ce m'en vueil aler matin, Que ne me voient li voisin Hors issir de vostre maison.

— Biaus amis, vos dites raison, »

Dist la dame, « ce m'est avis. »

La bouche li baise et le vis, Et il à lui, puis s'entrefont Le gieu por quoi assenblé sont, Et, quant il orent fait lor gieu.

Si s'entrecommandent à Dieu.

Lors prist li clers les autres braies.

Puis dist : « Ce ne sont pas les moies, Ainz sont les braies au vilain. »

Bien fu la dame prise à l'ain.

Quant ele a la parole oie, Moût fu dolente et esbahie ; Sa robe a en son dos vestue.

Puis s'en est de son lit issue ; Au clerc a teus braies bailliées, Qui sont bones et déliées, Par amor le requiert et prie Que toz les garnemenz li die, Qui pendoient à son braier.

Et cil n'en fist mie dangier.

i6o DES BRAIES AU CORDELIER 283

Ce m'est avis, trop longuement, Ainz li a dit moût doucement.

Lors dist qu'ele n'en doute rien, Qu'ele s'en chevira moût bien, Bien en saura venir à chief : Lors s'entrebaisent de rechief.

Atant li clers d'iluec s'en part.

La dame sot moût de renart; Engigneuse fu de toz tors.

Quant il fu grant eure de jors, Por changier sa honte à hennor.

S'en vint à .i. Frère menor, Se li dist et li regehi Tôt ce que vos avez oï.

Et li prie por Jhesu Crist Qu'il l'i ait, et il li dist :

« Dame, » dist il, « et ge comment?

— Dites, » fait ele, « seulement A mon seignor, quant il venra, Qui por mauvese me tendra.

Que vos braies ai enpruntées.

Et desoz ma coite boutées,

Por filz ou fille concevoir; Quar j'avoie songié por voir Que ge celé nuit concevroie Enfant quant en mon lit auroie Les braies d'un Frère menor.

Sire, » fait ele, « à mon seignor Dites que j'ai ainsi songié.

— Sachiez bien que si ferai gié

284 FABLIAU LXXXVm 290

De moût bon gré et volentiers. »

Atant s*en va la dame arriers, Qui de ce fu moût esjoïe.

Or est raison que ge vos die Du borgois qui fu à geûn Venuz au marchié de Meûn, Et autres o lui ne sai quanz.

Li borgois comme marcheanz Alît o les autres mangier.

Quant vint à son escot paier, Si cuida prenre son argent; Si com tesmoignent mainte gent, Si a trové une escritoire, Où li canivez au clerc ère, Et son parchemin, et sa penne :

Par poi li borgois ne forsenne.

Quant il sa borse n'a trouvée ; Lors apele putain provée Sa feme, ce me reconnurent Aucun qui en la place furent.

Que vos diroie de ce plus?

Moût fut esbahiz et confus De ce qu'ilueques li avint.

Cel jor meïsme s'en revint A son ostel; quant vit sa feme.

Lors li a dit : « Par mon chief, dame, Or sai ge bien comment il vait; Enpirié avez vostre plet. »

Et la dame, qui fu hardie Et qui ne fu pas esbahie,

Li dist hardiement : « Biaus sire,

N'aiez en vostre cuer tel ire.

Ge sai moût bien que vos avez.

La vérité pas ne savez

De ce que vos avez trové;

Bien vous sera por voir prouvé

Que de chose qu'aiez trovée

Ne doi estre de riens blasmée.

Ne soiez de riens en malaise,

Mais venez, et ne vos desplaise,

Ovueques moi dedanz ma chambre. »

Et il i vait, et li remambre

Tôt ce que ge vos ai retret :

Et cil les braies au clerc tret D'entor lui, et les seues chauce.

Maintenant la dame li hauce Et lieve les pans de la robe, Comme celé qui bien le lobe.

Et fet assez maie aventure ; Li a mises à la çainture Les braies au clerc et pendues, Porter li fîst aval les rues.

Jusqu'à tant qu'il vint au mostier Là où erent li cordelier :

Par tans orra autres noveles Qui ne li seront pas moût bêles.

Tantost com il entra laienz, Si dist : « A il nului çaienz Qui m'enseignast tel cordelier?»

Et cil, qui devoit deslier

La borgoise de celé honte Dont vos avez oï le conte, S'est levez et commence à rire.

Maintenant d'une part le tire, Trestout ce li dist et conseille Tout coiement dedenz l'oreille Que la borgoise li a dit :

« Sire, » fait cil, « se Dieus m'aït, Grant joie m'avez el cuer mise; Por poi que n'ai m'a feme ocise.

Par mon pechié, et à grant tort.

Sire, voz braies vos aport, Vez les ci. » Et il les a prises, En une aumaire les a mises; Puis li dist, que li borjois l'oie.

Que Dieus li doint avoir à joie Conceû ce qu'ele a songié.

«Amen,» fist cil. Lors prent congié Li borgois au Frère menu.

A son ostel s'en est venu. Lors acole sa feme et baise :

Puis dist : « Dame, ne vos desplaise, S'un poi vos ai faite marrie :

Foi que ge doi sainte Marie, Tel amende vos en ferai Que jamais de vos ne serai En soupeçon de jalousie. »

Or est bien la dame aaisie De faire au clerc sa volenté, Qui por s'amor à grant plenté

36o DES BRAIES AU CORDELIER 287

Ot mis du sien et despendu.

Bien a la borgoise rendu Au borgois le sac as besaces ; En toz leus et en totes places Porra mais venir et aler, Que ja n'en osera parler Li cous jamais jor de sa vie.

Bien s'est la borgoise chevie; Moût a bien son plait afiné.

Atant ai mon flabel fine.

Explicit des Braies au Cordelier.

!Af

Les mots marqués de l'astérisque sont des corrections faites aux manuscrits.