DE PANEL QUI FAISOIT LES ... GRANS ET ROIDES

[par haisiau]

Paris, Bibl. nat., Mss. fr. i593, fol. 207 v° à 208 r°.

AiSEAUS redit c'uns bons estoit Un merveilleus anel avoit ; Tant com il avoit en son doit , Adès son membreli croissoit.

Un jor chevauchoit une plaigne

Tant qu'il trova une fonteine ;

Descenduz est quant il la vit,

Et lés la fonteine s'asist ;

Si lava ses meins et son vis,

Et son anel qu'il a hors mis.

Quant il li plut, si s'en leva.

Mes l'anel seur l'erbe oublia.

Un evesque par là passoit;

Si tost com la fonteine voit,

Il descent et trova l'anel ;

Por ce que il le vit si bel,

î FABLIAU LX 46

En son doi l'a mis sanz atendre;

Le membre li commence à tendre,

Quant il li ot un poi esté.

Et vos Tevesque remonté ;

A molt très grant mesese estoit

Du membre qui si li tendoit,

Ne n'aloit pas sans plus tendant,

Ençois aloit tozjors croissant.

Tant crut et va tant aloignant,

Que ses braies vont derompant.

Li evesques honteusement

Montre s'aventure à sa gent ;

Mes nul n'i ot qui s'avertist

Que ce li anel li feïst.

Tant crut que li traîne à terre :

Par conseil comanda à querre

Home ou famé qui li aidast,

Et qui à point le ramenast.

Cil qui Panel avoit perdu,

Geste merveille a entendu.

A l'evesque est venuz tôt droit ;

Si demanda qui li donroit

Du sien si le poeit garir.

Cil, qui avoit trop à soufrir,

Li dist: « Tôt à vostre talent.

— J'aurai dont », fait il, « par covent.

Vos .11. aneaus tout au premiers,

Et cent livres de vos deniers. »

Quant les aneaus furent fors très,

Li membres est tantost retrès ;