DE L ANEL
Ainz que cil eûst ses cent livres, Fu li evesques tôt délivres.
Et cil marchié fu bien seanz, Comme chascun en fu joianz.
Explicii de VAncl qui faisait les ... grans et roides.
DU PRESTRE Kl ABEVETE
[par garin]
Paris, Bibl. nat., Mss. fr. i26o3, fol. 240 i'' à 240 v".
CHi après vous voel conter,
'Se vous me volés escouter,
.1. flablel courtois et petit,
SicomGARis le conte et dit
D'un vilain qui 01 femme prise
Sage, courtoise et bien aprise;
Biele ert et de grant parenté.
Moût le tenoit en grant certé
Li vilains et bien le servoit.
Et icele le prestre aimoit ;
Vers lui avoit tout son cuer mis.
Li prestres ert de li souspris
Tant que .1. jour se pourpensa
Que à li parler en ira.
Vers le maison s'est esmeùs.
Mais ains qu'il i fust parvenus,
Fu li vilains, ce m'est avis,
Au digner o sa femme asis.
Andoi furent tant seulement,
Et li prestres plus n'i atent,
5o DU PRESTRE Kl ABEVETE 55
Ains vint à l'uis tous abrievés, Mais il estoit clos et fremés ; Quant il i vint, si s'aresta Près de Fuis et si esgarda.
Par .1. pertruis garde et si voit Que li vilains menguë et boit, Et sa femme delés lui sist; Au prestre volentiers desist Quel vie ses maris li mainne Que nul déduit de femme n'aimme.
Et, quant il ot tout esgardé, Esraumment .i. mot a sonné :
« Que faites vous là, bone gent ? »
Li vilains respondi briefment :
« Par ma foi, sire, nous mengons ; Venés ens, si vous en dourons.
— Mengiés, faites? vous i mentes, t Il m'est avis que vous foutes.
— Taisiés, sire, nous faisons voir :
Nous mengons, ce poés veoir. »
Dist li prestres : « Je n'en dout rien, Vous foutes, car je le voi bien, Bien me volés ore avuler.
O moi venés cha fors ester.
Et je m'en irai là seoir; Lors porrés bien appercevoir Se j'ai voir dit u j'ai menti. »
Li vilains tantost sus sali, A l'uis vint, si le desfrema, Et li prestres dedens entra,
Si frema Fuis à le keville ;
Adont ne le prise une bille.
Jusqu'à la dame ne s'areste,
Maintenant le prent par le teste,
Si Ta desous lui enversée,
La roube li a souslevée;
Si li a fait icele cose iQue femme aimme sor toute cose.
Puis a tant féru et heurté
Que celé ne pot contresté
Que il fîst che que il queroit.
p Et li vilains abeuvuetoit J A l'huis et vit tout en apert - Le cul sa femme descouvert
Et le prestres si par desseure;
Etquistchou: «Se Dix voussequeure »
Fait li vilains, « est che à gas? »
Et li prestres en eslepas
Respont : « Que vous en est avis ?
Ne veés vous r je sui assis
Pour mengier chi à ceste table.
— Par le cuer Dieu, ce samble fable y>. Dist li vilains, « ja nel creïse, S'anchois dire nel vous oïsce.
Que vous ne foutissiés ma femme.
— Non fach, sire, taisiés; par m'ame, Autrestel sambloit ore à moi. »
Dist li vilains : « Bien vous en croi. »
Ensi fu li vilains gabés Et decheus et encantés
84 DU PRESTRE Kl ABEVETE
Et par le prestre et par son sans Qu'il n'i ot paine ne ahans, Et, pour ce que li uis fu tuis, Dist on encor : Maint fol paist duis.
Ci defîne li Fahliaus du Prestre.
Explicit. Amen.
Fabl. III
