DE LA BORGOISE D'ORLIENS
Manuscrit F. Fr., 887, f. i63 r' à 164 r».
R VOUS dirai d'une borgoise Une aventure assez cortoise.
Née et norrie fu d'Orliens, Et ses sires fu néz d'Amiens,
Riches mananz à desmesure.
De marchéandise et d'usure
Savoit toz les tors et les poins.
Et ce que il tenoit aus poins
Estoit bien fermement tenu.
En la vile furent venu
.IV. noviaus clers escoliers ;
Lor sas portent come coliers.
Li clerc estoient gros et gras,
Quar moult manjoient bien sans gas.
En la vile erent moult proisié
Où il estoient herbregié :
.1. en i ot de grant ponois.
Qui moult hantoit chiés .1. borgois; *
S'el tenoit-on moult à cortois ;
N'ert plains d'orgueil ne de bufois,
Et à la dame vraiement
Plesoit moult son acointement;
Et tant vint et tant i ala,
Que li borgois se porpenssa,
Fust par semblant ou par parole,
Que il le metroit à escole,
S'il en pooit en leu venir
Que à ce le péust tenir.
Léenz ot une seue nièce,
Qu'il ot norrie moult grant pièce ;
Privéement à soi l'apele,
Se li promet une cotele.
Mes qu'el soit de celé œvre espie.
Et que la vérité l'en die.
Et l'escolier a tant proie
La borgoise par amistié.
Que sa volenté li otroie ;
Et la meschine toute-voie
Fu en escout tant qu'ele oï
Come il orent lor plet basti.
Au borgois en vient maintenant,
Et li conte le convenant;
Et li couvenanz tels estoit
Que la dame le manderoit
Quant ses sires seroit errez;
Lors venist aux .IL huis serrez
Du vergier qu'el li enseigna.
Et el seroit contre lui là.
Quant il seroit bien anuitié.
Li borgois l'ot, moult fu haitié,
A sa famé maintenant vient :
52 LA BORGOISE d'oRLIENS II9
« Dame, fet-il, il me covient
Aler en ma marchéandie ;
Gardez Tostel, ma chière amie,
Si com preude fâme doit fère;
Je ne sai rien de mon repère.
— Sire, fet-ele, volentiers. »
Cil atorna les charretiers,
Et dist qu'il s'iroit herbregier,
Por ses jornées avancier,
Jusqu'à .III. Hues de la vile.
La dame ne sot pas la guile;
Si fist au clerc l'uevre savoir.
Cil, qui les cuida décevoir,
Fist sa gent aler herbregier.
Et il vint à l'uis du vergier,
Quar la nuit fu au jor meslée;
Et la dame tout à celée
Vint encontre, l'uis li ouvri.
Entre ses braz le recueilli,
Qu'el cuide que son ami soit>;
Mes espérance la déçoit.
« Bien soiez-vous, dist-el, venuz. »
Cil s'est de haut parler tenuz;
Se li rent ses saluz en bas.
Par le vergier s'en vont le pas,
Mes il tint moult la chière encline.
Et la borgoise .1. pou s'acline, •
Par souz le chaperon l'esgarde.
De trahison se done garde;
Si conut bien et aperçoit
C'est son mari qui la déçoit.
Quant el le prist à aperçoivre,
Si repensse de lui deçoivre;
Famé a trestout passé Argu;
Par lor engin sont decéu
Li sage dès le tens Abel.
« Sire, fet-ele, moult m'est bel
Que tenir vous puis et avoir ;
Je vous donrai de mon avoir,
Dont vous porrez vos gages trère.
Se vous celez bien cest afère.
Or alons ça tout bêlement,
Je vous métrai privéement
En .1. solier dont j'ai la clef :
Iluec m'atendrez tout souef.
Tant que noz genz auront mengié;
Et quant trestuit seront couchié,
Je vous menrai souz ma cortine;
Jà nus ne saura la couvine.
— Dame, fet-il, bien avez dit. »
Diex, com il savoit or petit
De ce qu'ele pensse et porpensse !
Li asniers une chose pensse.
Et li asnes pensse tout el;
Tost aura-il mauves ostel,
Quar quant la dame enfermé l'ot
El solier dont issir ne pot,
A l'uis del vergier retorna.
Son ami prist qu'ele trova.
Si l'enbrace et acole et baise ;
112 LA BORGOISE DORLIENS 12
Moult est, je cuit, à meillor aise
Li secons que le premerain.
La dame lessa le vilain
Longuement ou solier jouchier;
Tost ont trespassé le vergier.
Tant qu'en la chambre sont venu,
Où li dras furent portendu.
La dame son ami amaine,
Jusqu'en la chambre le demaine,
Si Ta souz le couvertoir mis,
Et cil s'est tantost entremis
Du geu que amors li comande.
Qu'il ne prisast une alemande
Toz les autres, se cil n'i fust.
Ne celé gré ne l'en séust.
Longuement se sont envoisié;
Quant ont acolé et baisié,
« Amis, fet-ele, or remaindrez
.L petit et si m'atendrez;
Quar je m'en irai là dedenz
Por fère mangier celé gent.
Et nous souperons, vous et moi.
Encore anuit tout à recoi.
— Dame, à vostre commandement. »
Celé s'en part moult bêlement.
Vint en la sale à sa mesnie ;
A son pooir la fet haitie ;
Quant li mengiers fu atornez,
Menjuent et boivent assez.
Et, quant orent mengié trestuit,
Fabl. I i6
Ainz qu'il fussent desrengié tuit,
La dame apèle sa mesnie,
Si parole corne enseignie ;
.II. neveus au seignor i ot,
Et .1. garz qui éve aportoit,
Et chamberières i ot .III. ;
Si i fu la nièce au borgois,
.II. pautoniers et .1. ribaut.
« Seignor, fet-el, se Diex vous saut,
Entendez ore ma reson :
Vous avez en ceste meson
Véu céenz un clerc venir.
Qui ne me lest en pès garir :
Requise m'a d'amors lonc tens ;
Jel'enaifet.XXX. deffens;
Quant je vi que je n'i garroie.
Je li promis que je feroie
Tout son plésir et tout son gré
Quant mon seignor seroit erré.
Or est errez, Diex le conduie.
Et cil, qui chascun jor m'anuie.
Ai moult bien couvenant tenu.
Or est à son terme venu,
Là sus m'atent en ce perrin.
Je vous donrai du meillor vin
Qui soit céenz une galoie,
Par couvant que vengie en soie :
En ce solier à lui alez.
Et de bastons bien le bâtez.
Encontre terre et en estant.
172 LA BORGOISE D ORLIENS 12;
Des orbes cops li donez tant, Que jamais jor ne li en chaille De prier famé qui rien vaille. »
Quant la mesnie l'uevre entent, Tuit saillent sus, nus n'i atent, L'un prent baston, l'autre tiné.
L'autre pestel gros et molle :
La borgoise la clef lor baille.
Qui toz les cops méist en taille, A bon contéor le tenisse.
(( Ne souffrez pas que il en isse; Ainz l'acueilliez el solier haut.
— Par Dieu, font-il, sire clercgaut.
Vous serez jà desciplinez. »
Li uns l'a à terre aclinez.
Et par la gorge le saisi ; Par le chaperon l'estraint si Que il ne puet nul mot soner; Puis l'en acueillent à doner ; De batre ne sont mie eschars.
S'il en éust doné .M. mars, N'éust miex son hauberc roulé.
Par maintes foiz se sont molle , Por bien ferir, ses .IL nevous.
Primes desus et puis desous ; Merci crier ne li vaut rien.
Hors le traient com .L mort chien, ' Si l'ont sor .L fumier flati.
En la meson sont reverti ; De bons vins orent à foison,
Toz des meillors de la meson, Et des blans et des auvernois, Autant com se il fussent rois; Et la dame ot gastiaus et vin, Et blanche toaille de lin, Et grosse chandoile de cire ; Si tient à son ami concile Toute la nuit dusques au jor.
Au départir si fist Amor Que vaillant .X. mars li dona, Et de revenir li pria Toutes les foiz que il porroit.
Et cil qui el fumier gisoit Si se remua come il pot.
Et vait là où son harnois ot.
Quant ses genz si batu le virent, Duel orent grant, si s'esbahirent ; Enquis li ont coment ce vait.
« Malement, ce dist, il me vait; A mon ostel m'en reportez.
Et plus rien ne me demandez. »
Tout maintenant l'ont levé sus, Onques n'i atendirent plus :
Mes ce l'a moult reconforté Et mis hors de mauves penssé, Qu'il sent sa famé à si loial ; .1. œf ne prise tout son mal, Et pensse, s'il en puet garir, Moult la voudra toz jors chierir.
A son ostel est revenu,
232 LA BORGOISE d'oRLIENS
Et, quant la dame Ta véu, De bones herbes li fist baing, Tout le gari de son mehaing.
Demande lui com li avint.
« Dame, fet-il, il me covint Par .1. destroit péril passer.
Où l'en me fist des os quasser. w Cil de la meson li contèrent Du clercgaut com il l'atornerènt, Coment la dame lor livra.
Par mon chief, el s'en délivra Com preude famé et corne sage :
Onques puis en tout son eage Ne la blasma ne ne mescrut, N'onques celé ne se recrut De son ami aimer toz dis, Tant qu'il ala à son pais.
Explicit de la Borgoise d'Orliens.
Manuscrit F. Fr., SBy, fol. 284 r" à 2 347°
HASCUNS se veut mes entremètre ,De biaus contes en rime mètre :
Mais je m'en sui si entremis Que j'en ai .1. en rime mis
D'un marchéant qui par la terre
Aloit marchéandise querre.
En sa meson lessoit sa famé,
Qui de son ostel estoit dame ;
Il gaaignoit à grant mesaise,
Et ele estoit et bien et aise
Quant il ert alez gaaignier,
Et ele se fesoit baingnier
Avoec .1, clerc de grant franchise,
Où ele avoit s'entente mise.
Un jor se baingnoient andeux ;
Si lor en vint .1. moult grant deuls,
Et tele paor, que le mestre
Por nul avoir n'i vousist estre;
Quar, si comme il s'entretenoient
Et ensamble se deduisoient,
Et li borgois si s'en repère
De Provins, où il ot afère; Si s'en entre dedenz sa cort, Et la bajasse tost acort A sa dame que li clers tient; De son seignor ne li sovient.
« Dame, dist-ele, or vous empire, Quar véz ici, par Dieu, mon sire, O lui .III. marchéanz ensamble : »
La dame Tôt, de paor tremble.
Ele et li clers, sanz atargier.
Sont andui sailli du cuvier.
Ele sailli hors toute nue; Au plus tost qu'el pot s'est vestue.
La dame, qui n'estoit pas foie, L'éve jeté desouz la sole De la chambre, si qu'el s'encort Desouz la sole en mi la cort.
El n'ot le clerc où esloingnier.
Si le muça souz le cuvier.
Et H borgois descent à pié.
Dont ele n'ot pas son cuer lié Qu'il est venuz à celé foiz.
« Sire, dist-ele, bien veignois Et vous et vostre compaignie, »
Dist-ele ; mes ne vousist mie Que il fust venuz à celé eure.
Cil, qui n'ot cure de demeure, Ainz s'en veut r'aler en besoingne, A sa main une nape enpoigne.
Qui à la perce estoit pendue,
128 FABLIAU IX Sî
Si l'a sor la cuve estendue ;
Les autres marchéans apele;
A sa famé dist : « Ma suer bêle,
Or, ça, fet-il, la soupe en vin,
Quar nous volons mètre au chemin. »
Et, quant celé ot parler de Terre,
Au plus tost qu'el pot le va querre
Quanques il veut delivrement ;
Moult haoit le demorement.
Mes il ne tenoit de mengier
Au clerc qui ert souz le cuvier,
Qui ne menoit pas trop grant feste
Qu'il li menjuent sus la teste.
Et li borgois éust corouz.
Se il séust le clerc desouz;
Et ele estoit mal assenée
Qu'elle avoit la cuve empruntée
Le jor devant à sa voisine.
Celé a apelé sa meschine,
Et li comande que grant erre
Alast léenz sa cuve querre ;
Fère l'en estuet sa besoingne.
Mais ele ne sot pas l'essoingne,
Ne le clers qui desouz sejorne.
Et la chamberière s'en torne,
Au miex que pot fist son message.
c( Vostre dame n'est mie sage, »
Fait celé, qui li dist briefment :
« R'alez li dire vistement
Que, par mon chief, trop se meffet;
Je n'ai pas de son cuvier fet. »
Li borgois l'ot, n'en fu pas liez :
« Dame, fait-il, quar li bailliez Son cuvier, et si en fera, Et puis si le vous preste ra. »
Celé les mains au cuvier tient , Et dist : « Ne savez qu'il covient Aus dames, ne qu'il estuet fère ; Ci avez perdu un bon tère , Quar, par mon chief, que que j'entende. J'en aurai fet ainz que le rende. »
Puis a dit à la chamberière :
(( R'alez-vous-en, amie chière.
Et si dites à vostre dame Qu'ele n'est pas si sage famé.
Par mon chief, com je voudroie estre : Ne set pas quel besoing puet estre. »
Celé s'en est tost revenue.
Et quant sa dame Ta véue :
« Qu'est-ce, fet-el, tu n'en as mie?
— Non, dame, par le Fil Marie, Ainz dist bien c'onques ne séustes Qu'est besoing, n'onques ne l'éustes; Quar, se très bien le séussiez, Jà hasté ne li eussiez. )>
Quant celé se fust apenssée :
(c Lasse, fet-el, trop sui hastée; ,
Par mon chief, si ai fet que foie ; Le mestre le tient de l'escole; Or poroit ore moult bien estre
FabI. I 17
iSo FABLIAU IX IIS
Qu'ele a desouz mucié le mestre. »
Oiez de qoi s'est porvéue :
.1. ribaut vit enmi la rue, Qui de sa robe estoit despris :
« Veus gaaignier, dist-ele, amis?
— Oïl, Dame, n'en doutez mie.
— Va donc, dist-ele, tost; si crie Le feu enz enmi celé rue.
Et de bien crier t'esvertue; L'en le tendra tout à folie Et à grande ribauderie ; Puis t'en revien par ma meson, De ta paie ferai le don.
— Dame, dist-il, point ne m'esmaie, Quar j'aurai bien de vous ma paie. »
En mi la voie a pris son leu,
A haute voiz crie le feu De quanqu'il pot à longue alaine, Ausi com la vile en fust plaine.
Et quant li marchéant l'oïrent, Trestuit ensemble au cri saillirent, Et li ribaus d'iluec s'en part.
Si s'en fui de l'autre part.
Moult se tienent à mal bailli.
Quant au ribaut orent failli, Et dient tuit : « Il estoit yvre. »
Et la borgoise se délivre Du clerc; maintenant l'en envoie.
Et li clerc si aqueut sa voie.
Qui n'ot cure de plus atendre.
LE CUVIER l3
Or puet celé son cuvier rendre,
Qui moult a esté effraée.
Ainsi s'est celé délivrée,
Qui moult savoit de la chevance,
Quar apris Tavoit de s'enfance ;
S'ele n'éust besoing eu,
Ele n'éust jamès séu
Le grant besoin de sa voisine.
Tout ainsi cis fabliaus define.
Explicit du Cuvier.
