DE BRUNAIN LA VACHE AU PRESTRE

Manuscrit F. Fr. 887, fol. 229 r^ à 229 v".

'un vilain conte et de sa famé, Cunjorde festeNostre Dame Aloient ourer à l'yglise.

Li prestres, devant le servise,

Vint à son proisne sermoner,

Et dist qu'il fesoit bon doner

Por Dieu, qui reson entendoit;

Que Diex au double li rendoit

Celui qui le fesoit de cuer.

« Os, fet li vilains, bêle suer.

Que noz prestres a en couvent :

Qui por Dieu done à escient,

Que Diex li fet mouteploier ;

Miex ne poons-nous emploier

No vache, se bel te doit estre.

Que pour Dieu le douons le prestre;

Ausi rent-ele petit lait.

l8 DE BRUNAIN l33

— Sire, je vueil bien que il Fait,

Fet la dame, par tel reson. »

A tant s'en vienent en meson,

Que ne firent plus longue fable.

Li vilains s'en entre en l'estable ,

Sa vache prent par le lien.

Présenter le vait au doien.

Li prestres ert sages et cointes.

« Biaus Sire, fet-il à mains jointes,

Por l'amor Dieu Blerain vous doing. »

Le lien li a mis el poing.

Si jure que plus n'a d'avoir.

(( Amis, or as-tu fet savoir ,

Fet li provoires dans Constans,

Qui à prendre bée toz tans.

Va-t'en, bien as fet ton message ,

Quar fussent or tuit ausi sage

Mi paroiscien come vous estes,

S'averoie plenté de bestes. )>

Li vilains se part du provoire.

Li prestres comanda en oirre

C'on fasse pour aprivoisier

Blerain avoec Brunain lier,

La seue grant vache demaine.

Li clers en lor jardin la maine ,

Lor vache 'trueve, ce me samble.

Andeux les acoupla ensamble ; •

Atant s'en torne, si les lesse.

La vache le prestre s'abesse,

Por ce que voloit pasturer.

l34 FABLIAU X 48

Mes Blere nel vout endurer, Ainz sache le liens si fors , Du jardin la traîna fors :

Tant Ta menée par ostez, Par chanevières et par prez, Qu'elle est reperie à son estre Avoecques la vache le prestre, Qui moult à mener li grevoit.

Li vilains garde, si le voit; Moult en a grant joie en son cuer.

c( Ha, fet li vilains, bêle suer, Voirement est Diex bon doublère, Quar li et autre revient Bière ; Une grant vache amaine brune; Or en avons nous .11. por une :

— Petis sera nostre toitiaus. »

Par example dist cis fabliaus Que fols est qui ne s'abandone; Cil a li bien cui Diex le done, Non cil qui le muce et enfuet ; Nus hom mouteplier ne puet Sanz grant éur, c^est or del mains.

Par grant éur ot li vilains .11. vaches, etli prestres nule.

Tels cuide avancier qui recule.

Explicit de Brunain la vache au Prestre.