CHASTELAINE DE SAINT GILLE

Manuscrit F. Fr. SSy, fol. 1 14 v» à i i6 r*>

L avint Tautrier à Saint Gille ?Cuns chastelains ot une fille Qui moult estoit de haut parage ; fDoner la volt par mariage A .1. vilain qui moult riche ère.

Ele respondi à son père :

« Si m'ait Diex, ne l'aurai jà.

Ostez-le moi, cel vilain là, Se plus li voi, je morrai jà.

» Je morrai jà, dist la pucèle.

Se plus me dites tel novèle , Biaus père, que je vous oi dire ; Si me gart Diex d'anui et d'ire , Li miens amis est filz de conte ; Doit bien avoir li vilains honte, ^

Qui requiert fille à chastelain.

Ci le me foule, foule, foule, Ci le me foule le vilain.

— Le vilain vous covient avoir,

Dist li pères, par estavoir;

Si arez à plenté monoie,

Çainture d'or et dras de soie. »

Ainsi li pères li despont;

Mes la pucèle li respont :

« Quanques vous dites rien ne vaut;

Jà nere au vilain donée,

Se cuers ne me faut.

» Cuers ne me faut encore mie, Que jà à nul jor soie amie A cel vilain por ses deniers ; S'il a du blé plain ses greniers.

S'a char de bacon crue et cuite , Si la menjust; je li claim cuite ; Je garderai mon pucelage.

J'aim miex .1. chapelet de flors

Que mauves mariage.

» Mauves mariage feroie , Pères, se le vilain prendoie, Quar son avoir et sa richece D'avarisce lecuer li sèche; Mes mon cuer me dit et semont Que toz li avoirs de cest mont Ne vaut pas le déduit d'amer.

Se je sui jolie te

Nus ne m'en doit blasmer.