LA CHASTELAINE

Ardant, voire, ce est de joie ; Por son douz regart li otroie Mon cuer, ne partir ne l'en vueil.

En regardant m'ont si vair œil Donez les maus dont je me dueil.

)) Je me dueil, se Diex me sequeure, Quar je ne cuit jà véoir Teure Que j'aie de li mon solaz :

Ha ! gentiz prestres Nicholas , Espousez-nous tost sanz nul plet. »

Dist le prestres : « Ce fust jà fet.

Mes ne sai quels est l'espousée.

— Véez le la, demandez li Se m'amors li agrée.

— Agrée-vous ceste novèle, Dist li prestres à la pucèle , Que vous doiez prendre et avoir Cel vilain là por son avoir ? )) Ele respondi : « Biaus douz sire , Je n'ose mon père desdire , Mes jà ne li porterai foi.

Averai-je dont, lasse.

Mon mari maugré moi?

» Maugré moi, voir, je l'averai, Mes jà foi ne li porterai.

Sires prestres, bien le sachiez.

— Il ne me chaut que vous faciez,

Dist li prestres, je vous espouse. » En chantant s'escrie la touse , De dolant cuer corne esbahie :

« Je n'ai pas amouretes à mon valoir, Si en sui mains jolie.

» Mains jolie si en serai , Ne jamès jor ne passerai Ne soie sole de plorer.

Diex 1 or i puet trop demorer Mes amis à moi revéoir ; Par tens li porra meschéoir :

Trop lonc tens oubliée m'a :

S'il ne se haste, mes amis perdue m'a.

» Perdue m'a li miens amis ; Je croi que trop lonc tens a mis A moi venir reconforter ; Quar li vilains m'en veut porter Tout maintenant en sa contrée.

Douz amis, vostre demorée Me fet de duel le cuer partir.

Au départir d'amoretes

Doi-je bien morir.

» Morir doi-je bien par reson.

A tant ez-vos en la meson Son ami qui l'est venuz querre; Du palefroi mist piet à terre, Et s'en entra dedenz la sale.

l54 LA CHASTELAINE I41

Celé qui ert et tainte et pale , En chantant li prist à crier :

(( Amis, on mi destraint por vous, Et si ne vous puis oublier.

)) Oublier ne vous puis-je mie , Que je ne soie vostre amie Trestoz les jors que je vivrai, Ne jamès jor ne vous faudrai Tant com je aie el cors la vie; Por le vilain crever d'envie , Chanterai de cuer liement :

Acolez-moi et besiez doucement, Quar li maus d*amer me tient joliement.

)) Joliement me tient, amis, Li maus qui si lonc tens a mis Mon cuer por vous en grant destrèce ; Si com gelée la flor sèche, M'a li vilains adès sechie; Mes des or mes sui raverdie , Quant lèz moi vous sent et acole.

Mes cuers est si jolis Por un poi qu'il ne s'envole.

» Vole, mes cuers, oïl, de joie; Or tost, amis, c'on ne vous voie , • Si me montez sor vo cheval ; Se nos aviens passé cel val.

Par tens seriens en vo païs. «

FABLIAU XI l8l

Cil, qui ne fu pasesbahis, La monte, et dist tel chançonette :

« Nus ne doit Hz le bois aler Sanz sa compaignete.

» Compaignete, ne vous anuit, Quar en tel lieu serons anuit Où li vilains n'aura poissance.

Alons souef, n'aiez doutance , Je chanterai, s'il vous agrée :

J'ai bone amorete trovée; Or viegne avant cil qui le claime.

Ainsi doit aler fins cuers qui bien aime.

)) Qui bien aime, ainsi doit aler. »

A tant ont véu avaler Le chastelain sor son destrier; Li vilains li fu à l'estrier, Qui sovent son duel renovele :

Et, quant a véu la pucele Lèz son ami, se li deprie :

« Por Dieu, tolez-moi quanques j'ai ,

Si me rendez m'amie.

)) M'amie me covient r'avoir, Quar j'en donai moult grant avoir Avant que l'eusse espousée. )> Dont s'est la pucèle escriée.

Se li dist un mot par contrère :

« Vilains, force le me fîst fère ,

2o8 LA CHASTELAINE 143

Si n'est pas droiz que vous m'aiez.

Pis vous fet la jalousie

Que U maus que vous traiez,

)) Vous traiez mal et paineensamble; La rage vous tint, ce me samble , Quant vous à mon père donastes L'avoir de qoi vous m'achatastes Ausi com se fuisse une beste :

Cranche les .IL iex de la teste Vous menjust, et le cuer dedenz.

Vostre jalousie

Est plus enragie

Que li maus des denz.

)) Li maus des denz vous puist aerdre, Ainçois que jamès me puist perdre Cil qui me tient à son voloir; Trop m'avez fet le cuer doloir, Vilains, bien devez avoir honte. »

Dont s'escria li filz au conte, Cui ceste parole abeli :

<( Bêle, quar balez et je vos en pri, Et je vous ferai le virenli.

)) Le virenli vous covient fère. »

Et li vilains comence à brère , »

Quant la parole a entendue ; Mes riens ne vaut, il l'a perdue.

Cil est entrez dedenz sa terre;

Si ami le venoient querre , Qui tuit chantoient liement :

« Espringuiez et halez cointement, Vous qui par amor amez léaument.

)) Léaument vous venons aidier. »

Adonc n'ot cure de plaidier Li vilains quant les a véus ; Fuiant s'en va toz esperdus ; Au chastelain s'en vint arrière ; Se li a dist à basse chière :

(( Fuions-nous-en, sauve la vie.

La sainte Croix d'outre-mer

Nous soit hui en aïe.

)) En aïde nous puist hui estre La sainte croix au roi celestre, »

Dist cil, qui vousist estre aillors ; Fuiant s'en va plus que le cors , Quar de paor li cuers li tramble ; Toz ses parages i assamble , Qui li ont dit, sanz demorer :

« Vilains, lessiez vostre plorer, Si vous prenez au lahorer.

— Au laborer me covient prendre, Dist li vilains, sanz plus atendre.

Et gaaignier novel avoir.

Bien sai que ne fis pas savoir, Quant me pris à si haut parage ,