LA CHASTELAINE I

Et se g'i ai fet mon domage , Ne m'en blasmez, por saint Rémi ; Se j'ai fet ma foliete.

Nus n'en aura pis de mi.

» De mi ne cuit-je qu'il ait homme Qui soit mananz de si à Romme A cui il soit pis avenu ; Mais encor m'a Diex secoru, Quant revenuz sui en meson; S'en doi bien dire par réson Les vers que j'ai tant violé :

fai trové le ni de pie; Mais lipiot ni sont mie, Il s'en sont trestuit volé.

» Volé en sont tuit li piot, C'est-à-dire que tel i ot, Mien escient, qui les en porte. »

Ainsi se plaint et desconforte Li vilains. Or m'en partirai; De la pucèle vous dirai, Qui chantoit de cuer liement :

« Jolietenunt m'en vois, Jolietement,

» Jolietement m'i demaine Bone amor qui n'est pas vilaine, Qui du vilain m'a délivrée :

Or sui venue en la contrée Dont mes amis m'a fet douaire ;

S'en doi bien par droit chançon faire, Quar j'ai toz mes maus trespassez :

J*ai amoretes à mon gré, S'en sui plus joliete assez.

)) Assez en sui plus joliete. »

Au descendre la pucelète Ot assez dames et pucèles , Qui chantoient chançons noveles ; Et, quant ce vint au congié prendre , La pucèle, sanz plus atendre, Les avoit à Dieu comandées :

« A gironées départ Amors, A gironées,

» A gironées ai mon voloir ; Li vilains s'en puet bien doloir. »

L'escuiers devant la pucèle, Qui tant estoit cortoise et bêle , Dist : (( J'ai en biau lieu mon cuer mis.

Ne sera que ne face joie ; J*ai amiete Sadete, Blondete, Tele com je voloie. »

Explicit de la Chastelaine de Saint Gille.