TOME PREMIER

DES DEUX BORDEORS RIBAUZ.

F. Fr. , 191 52 , f. 69 verso.

iva! quar lai ester ta j angle :

Si te va seoir en cel angle , Nos n'avons de ta jangle cure, Quar il est raison et droiture Par tôt le mont, que cil se taise Qui ne sait dire riens qui plaise.

Tu ne sez vaillant .IL festuz.

Com tu es ore bien vestuz De ton gaaignaige d'oanl Vois quiex soUers de cordoan, Et com bones chauces de Bruges!

Certes, ce n'est mie de druges Que tu es si chaitis et las.

Ge cuit bien, par S. Nicolas,

Fabl. I

2 FABLIAU I l5

Que tu aies faim de forment.

Conment es tu si povrement ?

Que ne gaaignes tu deniers ?

Tu es ci un granz pautoniers :

Tu n'es pas mendre d'un frison.

Or déusses en garnison

Avoir .II. porpoinz endossez,

Ou à un cureur de fossez

Déusses porter une hôte,

Tant que d'amone povre cote

Péusses iluec amender.

Mais tu aimes mielz truander,

Lechieres, que estre à hennor.

Or esgardez, por Dieu, seignor,

Cils homs, com richement se prueve !

Jamais, à nul jor, robe nueve

N'a u, pour chose que il die.

Or esgardez quel hiraudie

Il s'est iluec entorteilliez.

Moult est or bien apareilliez

De quant tel chaitis doit avoir.

Si t'aïst Diex, or me di voir :

Quiex homs es tu, or me di quiex.

Tu n'es mie menesterex

Ne de nule bone œuvre ovrieis ;

Tu sanbles un vilains bouvieis,

Ausi contrefez corne un bugles;

Tu sanbles un meneur d'avugles

Miels que tu ne faces autre home.

Ge ne pris pas I. trox de pome

45 DES DEUX BORDÉORS

Ne toi ne tôt quanques tu as.

Se Diex t'aïst, s'onques tu as Onques nul home si te tue, Que tu ne valz une letue, Ne chose que tu saiches faire.

Pour Dé, si te devroies taire; Ne dois pas parler contre moi.

Que t'ai-ge dit ? or me di quoi ?

Tu ne sez à nul bien repondre ; Pour ce si te devroit on tondre Tantôt autresi come un sot.

Tu ne sez dire nul bon mot Dont tu puisses en pris monter ; Mais ge sai aussi bien conter.

Et en roumanz et en latin.

Aussi au soir come au matin, Devant contes et devant dus, Et si resai bien faire plus Quant ge sui à cort et à feste.

Car ge sai de chançon de geste.

Cautères sui qu'el mont n'a tel Ge sai de Guillaume au tinel, Si com il arriva as nés.

Et de Renoart au cort nés Sai-ge bien chanter com ge vueil, Et si sai d'Aïe de Nantueil Si com ele fu en prison ; Si sai de Garins d'Avignon, Qui moult estore bon romans; Si sai de Guion d'Aleschans

Et de Vivien de Bourgogne ; Si sai de Bernart de Saisoigne Et de Guiteclin de Brebant ; Si sai d'Ogier de Montaubant, Si com il conquist Ardennois; Si sai de Renaut le Danois; Mais de chanter n'ai ge or cure.

Ge sai des romanz d'aventure, De cels de la réonde Table, Qui sont à oïr delitable.

De Gauvain sai le mal parler.

Et de Quex le bon chevalier; Si sai de Perceval de Blois ; De Pertenoble le Galois Sai ge plus de .XL. laisses; Mais tu, chaitif, morir te laisses De mauvaitié et de paresce; En tôt le monde n'a proesce De quoi tu te puisses vanter; Mais ge sai aussi bien conter De Blancheflor comme de Floire:

Si sai encor moult bon estoire, Chançon moult bone et anciene; Ge sai de Tibaut de Viane; Si sai de Girart d'Aspremont.

Il n'est chançon en tôt le mont Que ge ne saiche par nature ; Grant despit ai com tel ordure Com tu es, contre moi parole.

Sez tu nule riens de citole.

Io5 DES DEUX BORDÉORS 5

Ne de viele ne de gigue?

Tu ne sez vaillant une figue.

De toi n'est il nus recouvriers ; Mais ge sui moult très bons ovriers, Dont ge me puis bien recouvrer; Se de ma main voloie ovrer, Ansi com ge voi mainte gent, Ge conquerroie assez argent ; Mais à nus tens ge ne fas œuvre.

Ge suis cil qui les maisons cueuvre D'ués friz, de torteax en paele ; Il n'a home jusqu'à Neele Qui mielz les cuevre que ge faz.

Ge sui bons seignerres de chaz, Et bons ventousierres de bues ; Si sui bons relierres d'ués, Li mieldres qu'en el monde saiches.

Si sai bien faire frains à vaches Et ganz à chiens, coifes à chièvres.

Si sai faire haubers à lièvres, Si forz qu'il n'ont garde de chiens.

Il n'a el monde, el siècle, riens Que ge ne saiche faire à point :

Ge sai faire broches à oint Mielz que nus hom qui soit sor piez; Si faz bien forreax à trepiez Et bones gaines à sarpes, •

Et se ge avoie .II. harpes, Ge nel lairai que ne vos die, Ge feroie une meloudie

6 FABLIAU I l35

Ainz ne fu oïe si grantz.

Et tu, diva, di, fax noienz.

Tu ne sai pas vaillant un pois.

Ge connoi force bons borgois

Et toz les bons sirjanz du monde;

Ge connois Gautier Trenchefonde,

Si connois Guillaume Grosgroing,

Qui assomma le buef au poing,

Et Trenchefer, et Rungefoie,

Qui ne doute home qu'il voie;

Mache-Buignet et Guinement.

Et tu, connois tu nule gent

Qui onques te faïssent bien ?

Nenil, voir, tu ne connois rien

Qui riens vaille en nulle saison.

Or me di donc pour quel raison

Tu te venis ici enbatre.

Près va que ne te faz tant batre

D'un tinel ou d'un baston gros,

Tant que tu fusses ausi mox

Com une coille de mouton.

Ains mais, por la croiz d'un bouton,

N'oï parler de tel fouet.

Vez quel vuidéor de brouet.

Et quel humerre de henas 1

A bien poi se tient que tu n'as

Du mien, se ne fust pas pechié;

Mais il ne m'ert jà reprouchié

Que tel chetif fiere ne bâte,

Quar trop petit d'ennor achaie

l65 DES DEUX BORDÉORS ^

Qui sur tel chetif met sa main; Mais se tu venoies demain Entre nos qui somes de geste, Tu te plaindroies de la feste.

Or t'en va, beax amis, va t'en :

Esté avons en autre anten.

Fu de ci, si feras que saiges, Ou tu auras parmi les naiges D'une grosse aguille d'acier; Nos ne t'en volons pas chacier Vilenement par nostre honte :

Nos savons bien que henor monte.

La response de l'un des II Kibauz.

Tu m'as bien dit tôt ton voloir :

Or te ferai apercevoir Que ge sai plus de toi assez, Et si fu mieldres menestrez De toi; moult me vois merveillant, Nel dirai pas en conseillant, Ainz vueil moult bien que chacun l'oie Se Diex me doint henor et joie.

De tex menesterex bordons A qui en done moult beaux dons A haute Cort menuement; Qui bien sor dit et qui bien ment.

Cil est sires des chevaliers ; Plus donnent ils as mal parliers.

As cointereax, as mentéors.

Qu'ils ne font as bons trovéors Qui contruevent ce que il dient Et qui de nului ne mesdient.

Assez voi souvent maint ribaut Qui de parler se font si baut Que ge en ai au cueur grant ire.

Et tu, bordons, que ses tu dire.

Qui por menesterel te contes ?

Ses tu ne beax diz ne beax contes Pourquoi tu doies riens conquerre ?

De quoi sers tu aval la terre ?

Ce me devroies tu retraire.

Ge te dirai que ge sai faire :

Ge sui jougleres de vièle ; Si sai de muse et de frestèle Et de harpe et de chifonie.

De la gigue, de Tarmonie; Et el salteire et en la rote Sai-je bien chanter une note ; Bien sai joer de l'escanbot Et faire venir l'escharbot Vif et saillant dessus la table, Et si sai meint beau geu de table Et d'entregiet et d'arrumaire Bien sai un enchantement faire; Ge sai moult plus que l'en ne cuide, Quant g'i vueil mestre mon estuide, Et lire et chanter de clergie.

Et parler de chevalerie, Et les prudhomes raviser,

222 DES DEUX BORDEORS

Et lor armes bien deviser.

Ge connois Monseignor Hunaut

Et Monseignor Rogier Ertaut,

Qui porte un escu à quartiers;

Tosjors est-il sains et entiers,

Quar onques n'i ot cop féru.

Ge connois Monseignor Bégu,

Qui porte un escu à breteles

Et sa lance de .II. ateles

Au tournoiement, à la haie;

C'est li bons du mont qui mielz paie

Menesterex à haute feste.

Si connois Renaut Brise-teste,

Qui porte un chat en son escu ;

Cil a u maint tornoi vaincu;

Et Monseignor Giefroi du Maine,

Qui tosjors pleure au diemaine ;

Et Monseignor Gibout Cabot,

Et Monseignor Augis Rabot,

Et Monseignor Augier Poupée,

Qui à un seul coup de s'espée

Coupe bien à un chat l'oreille.

À tozvos sembleroit merveille

Se ceus voloie raconter

Que ge conois dusqu'à la mer.

Ge sai plus de toi quatre tanz :

Ge connoi toz les bons serjanz, Les bons chanpions affaitiez; Si en doi estre plus proisiez.

Ge connois Hébert Tue-Buef,

lO FABLIAU I 252

Qui à un seul coup brise un huef ; Arrache-Cuer et Runge-Foie, Qui ne doute home que il voie.

Et Heroart et Dent de Fer, Et Hurtaut et Tierry d'Enfer, Abat-Paroi, fort pautonier, Et Jocelin Torne-Mortier, Et Ysenbart le Mauréglé , Et Espaulart, le fils Raiché, Et Quauquelin Abat-Paroi, Et Brise-Barre et Godefroi, Et Osoart et Tranche-Funde, Et tos les bons sirjans du monde, Et deçà et delà la mer Vous sauroie bien aconter.

Ge sai tan et si sui itex Ge connois toz les menestrex, Cil qui sont plus amé à cort Dont li granz renons partot cort.

Ge connois Hunbaut Tranchecoste Et Tiecelin, et Porte-Hotte, Et Torne-Enfine et Brisevoire, Et Bornicant, ce est la voire.

Et Fierabras et Tuterel, Et Maie Branche et Mal-Quarrel, Songe-Feste à la grant vièle.

Et Grimoart qui chalemèle; Tirant, Traiant et Enbatant Des menestrex connois itant.

Qui me vorroit mestre à essai.

202 DES DEUX BORDEORS

Que plus de mil nomer en sai.

Ge sai bien servir un prudome, Et de beax diz toute la some ; Ge sai contes, ge sai flabeax ; Ge sai conter beax diz noveax, Rotruenges viez et no vêles, Et sirventois et pastoreles.

Ge sai le flabel du Denier, Et du Fouteor à loier, Et de Gobert et de dame Erme, Qui ainz des els ne plora lerme, Et si sai de la Coille noire; Si sai de Parceval Testoire, Et si sai du Provoire taint Qui o les crucefiz fu painz; Du Prestre qui menja les meures Quant il devoit dire ses heures; Si sai Richalt, si sai Renart, Et si sai tant d'enging et d'art.

Ge sai joer des baasteax Et si sai joer des costeax, Et de la corde et de la fonde, Et de toz les beax giex du monde.

Ge sai bien chanter à devise Du roi Pépin de S. Denise; Des Loherans tote l'estoire Sai-ge par sens et par mémoire ; De Charlemaine et de Roulant Et d'Olivier le conbatant.

Ge sai d'Ogier, ge sai d'Aimmoin

Et de Girart de Roxillon,

Et si sai du roi Loeis,

Et de Buevon de Conmarchis

De Foucon et de Renoart,

De Guielin et de Girart,

Et d'Orson de Beauvez la some ;

Si sai de Florance de Rome,

De Ferragu à la grant teste ;

De totes les chançons de geste

Que tu sauroies aconter

Sai ge par cuer dire et conter;

Ge sai bien la trompe bailler.

Si sai la chape au cul tailler,

Si sai porter consels d'amors

Et faire chapelez de flors

Et çainture de druerie

Et beau parler de cortoisie

A ceus qui d'amors sont espris.

Et tu donc cuides avoir pris!

Ne parle mais là ou ge soie, Mais fui de ci et va ta voie.

Va aprendre, si feras bien, Qui, contre moi, ne sez tu rien.

Beax seignor, vos qui estes ci.

Qui nos parole avez oï.

Se j'ai auques mielz dit de li, A toz ge vos requier et pri Que le metez fors de céanz.

Qui bien pert que c'est .1. noienz.

Explicit des .11. Troveors.

DES TROIS BOÇUS.

(par DURAND.) Manuscrit F. Fr, n» 837, fol. 284 v^à 2 4or°.

EiGNOR, se VOUS volcz Etendre Et .1. seul petitet entendre, Jà de mot ne vous mentirai, Mes tout en rime vous dirai

D'une aventure le fablel.

Jadis avint à .1. chastel,

Mes le non oublié en ai,

Or soit aussi comme à Douay,

.1. borgois i avoit manant,

Qui du sien vivoit belemant.

Biaus hom ert, et de bons amis,

Des borgois toz li plus eslis,

Mes n'avoit mie grant avoir;

Si s'en savoit si bien avoir

Que moult ert créuz par la vile.

Il avoit une bêle fille.

Si bêle que c'ert uns delis, é

Et, se le voir vous en devis.

Je ne cuit qu'ainz féist Nature

Nule plus bêle créature.

De sa biauté n'ai or que fère A raconter ne à retrère, Quar, se je mesler m'en voloie, Assez tost mesprendre i porroie ; Si m'en vient miex tère orendroit Que dire chose qui n'i soit. En la vile avoit .1. boçu, Onques ne vi si malostru ; De teste estoit moult bien garnis Je cuit bien que Nature ot mis Grant entencion à lui fère.

A toute riens estoit contrère ; Trop estoit de laide faiture ; Grant teste avoit et laide hure, Cort col, et les espaules lées, Et les avoit haut encroées.

De folie se peneroit Qui tout raconter vous voudroit Sa façon; trop par estoit lais.

Toute sa vie fu entais A grant avoir amonceler; Por voir vous puis dire et conter, Trop estoit riches durement.

Se li aventure ne ment.

En la vile n'ot si riche homme; Que vous diroie ? c'est la somme Du boçu, coment a ouvré.

Por l'avoir qu'il ot amassé Li ont donée la pucele Si ami, qui tant estoit bêle;

5l DES TROIS BOÇUS fS

Mes, ainz puis qu'il l'ot espousée Ne fu il .1. jor sanz penssée, Por la grant biauté qu'ele avoit; Li boçus si jalous estoit Qu'il ne pooit avoir repos.

Toute jor estoit ses huis clos; Jà ne vousist que nus entrast En sa meson, s'il n'aportast, Ou s'il emprunter ne vousist :

Toute jor à son sueil séist, Tant qu'il avint à un Noël Que .III. boçu menesterel Vindrent à lui où il estoit; Se li dist chascuns qu'il voloit Fere celé feste avoec lui, Quar en la vile n'a nului Où le déussent fere miex, Por ce qu'il ert de lor pariex, Et boçus ausi corne il sont.

Lors les maine li sire amont, Quar la meson est à degrez ; Li mengiers estoit aprestez; Tuit se sont au disner assis, Et, se le voir vous en devis, Li disners est et biaus et riches :

Li boçus n'ert avers ne chiches, Ainz assist bien ses compaignons ; Pois au lart orent et chapons.

Et, quant ce vint après disner, Si lor fist li sires doner.

Ib FABLIAU II

Aus .III. boçus, ce m'est avis,

Chascun .XX. sols de parisis.

Et après lor a deffendu

Qu'il ne soient jamès véu

En la meson, ne el porpris;

Quar, s'il i estoient repris,

Ilauroient .1. baing cruel

De la froide eve du chanel.

La meson ert sor la rivière,

Qui moult estoit granz et plenière ;

Et, quant li boçu l'ont oï,

Tantost sont de l'ostel parti

Volentiers, et à chière lie,

Quar bien avoient emploie

Lor journée, ce lor fu vis.

Et li sires s'en est partis.

Puis est deseur le pont venuz.

La dame, qui ot les boçuz

Oï chanter et solacier.

Les fîst toz .III. mander arrier,

Quar oïr les voloit chanter;

Si a bien fet les huis fermer.

Ainsi com li boçu chantoient

Et o la dame s'envoisoient,

Ez-vos revenu le seignor,

Qui n'ot pas fet trop lonc demor;

A l'uis apela fièrement.

La dame son seignor entent,

A la voiz le conut moult bien;

Ne sot en cest mont terrien

I I I DES TROIS BOÇUS

Que péust fère des boçuz, Ne comment il soient repus.

.1. chaaliz ot lez le fouier.

C'on soloit fère charnier; El chaaliz ot .III. escrins.

Que vous diroie ? c'est la fins, En chascun a mis .1. boçu.

Es-vous le seignor revenu, Si s'est delez la dame assis, Qui moult par séoit ses delis; Mes il n'i sist pas longuement ; De léenz ist, et si descent De la meson, et si s'en va.

A la dame point n'anuia Quant son mari voit avaler.

Les boçus en vout fère aler, Qu'ele avoit repus es escrins; Mes toz .III. les trova estins.

Quant ele les escrins ouvri.

De ce moult forment s'esbahi.

Quant les .III. boçus mors trova; A l'uis vint corant, s'apela .1. porteur qu'ele a avisé; A soi l'a la dame apelé.

Quant li bachelers l'a oie, A li corut; n'atarja mie.

« Amis, dist-ele, enten à moi :

Se tu me veus plevir ta foi Que tu jà ne m'encuseras D'une rien que dire m'orras,

Fabl. I 3

l8 FABLIAU II

Moult sera riches tes loiers; .XXX. livres de bons deniers Te donrai, quant tu l'auras fet. »

Quant li portères ot tel plet, Fiancié li a volentiers, Quar il covoitoit les deniers, Et s'estoit auques entestez; Le grant cors monta les degrez.

La dame ouvri l'un des escrins :

« Amis, ne soiez esbahis, Cest mort en l'eve me portez, Si m'aurez moult servi à grez. )> .L sac li baille, et cil le prant; Le boçu bouta enz errant.

Puis si l'a à son col levé ; Si a les degrez avalé ; A la rivière vint corant; Tout droit sor le grant pont devant, En l'eve geta le boçu; Onques n'i a plus atendu, Ainz retorna vers la meson.

La dame a ataint du leson L'un des boçus à moult grant paine; A poi ne li failli l'alaine; Moult fu au lever traveillie; Puis s'en est .1. pou esloingnie.

Cil revint arrière eslessiez ; (( Dame, dist-il, or me paiez; Du nain vous ai bien délivrée.

— Por quoi m'avez-vous or gabée.

lyi DES TROIS BOÇUS

Dist cele, sire fols vilains ?

Jà est ci revenuz li nains;

Ainz en l'eve ne le getastes ;

Ensamble o vous le ramenastes.

Véz le là, se ne m'en créez.

— Comment, .C. déables mauféz.

Est-il donc revenuz céanz ?

Por lui sui forment merveillanz;

Il estoit mors, ce m'est avis;

C'est un déables antecris,

Mais ne li vaut, par saint Rémi. »

A tant l'autre boçu saisi,

El sac le mist, puis si le lieve

A son col, si que poi li grieve ;

De la meson ist vistemant :

Et la dame tout maintenant

De l'escrin tret le tiers boçu;

Si l'a couchié delez le fu ;

Atant s'en est vers l'uis venue.

Li porterres en l'eve rue Le boçu la teste desouz :

« Alez, que bonis soiez-vous, Dist-il, se vous ne revenez. »

Puis est le grant cors retornez, A la dame dist que li pait.

Et cele, sanz nul autre plait, Li dist que bien li paiera.

Atant au fouier le mena, Ausi com se rien ne séust Du tiers boçu qui là se jut.

« Voies, dist-ele, grant merveille.

Qui oï aine mes la pareille ?

Revéz là le boçu où gist. »

Li bachelers pas ne s'en rist,

Quant le voit gésir lès le fu.

(( Voiz, dist-il, par le saint cueur bu,

Qui aine mes vit tel ménestrel ?

Ne ferai-je dont huimès el

Que porter ce vilain boçu ?

Toz jors le truis ci revenu,

Quant je l'ai en l'eve rué. »

Lors a le tiers ou sac bouté;

A son col fièrement le rue ;

D'ire et de duel, d'aïr tressue.

A tant s'en torne iréement ;

Toz les degrez aval descent ;

Le tiers boçu a descarchié;

Dedenz l'eve l'a balancié :

« Va-t'en, dist-il, au vif maufé ,

Tant t'averai hui conporté;

Se te voi mes hui revenir,

Tu vendras tart au repentir.

Je cuit que tu m'as enchanté;

Mes, par le Dieu qui me fist né.

Se tu viens meshui après moi

Et je truis baston ou espoi,

Jel te donrai el haterel,

Dont tu auras rouge bendel. »

A icest mot est retornez.

Et fust en la meson montez;

23l DES TROIS BOÇUS

Ainz qu'éust les degrez monté.

Si a derrier lui regardé, Et voit le seignor qui revient.

Li bons hon pas à geu nel tient; De sa main s'est trois foiz sainiéz, Nomini Dame Diex aidiez ; Moult li anuie en son corage.

(( Par foi, dist-il, cis a la rage Qui si près des talons me siut Que par poi qu'il ne me consiut.

Par la roele saint Morant, Il me tient bien por païsant, Que je nel puis tant comporter Que jà se vueille déporter D'après moi adès revenir. »

Lors cort à ses deux poins sesir .1. pestel qu'à l'uis voit pendant.

Puis revint au degré corant.

Li sires ert jà près montez :

« Comment, sire boçus, tornez ?

Or me samble ce enresdie ; Mes, par le cors sainte Marie, Mar retornastes ceste part ; Vous me tenez bien por musart. »

Atant a le pestel levé.

Si l'en a .L tel cop doné Sor la teste, qu'il ot moult grant.

Que la cervele li espant; Mort l'abati sor le degré, Et puis si l'a ou sac bouté ;

D'une corde la bouche loie ;

Le grand cors se met à la voie ; Si Fa en l'eve balancié A tout le sac qu'il ot lié; Quar paor avoit durement Qu'il encor ne l'alast sivant.

« Va jus, dist-il, à maléur; Or cuit-je estre plus asséur Que tu ne doies revenir, Si verra l'en les bois foillir. »

A la dame s'en vint errant; Si demande son paiemant, Que moult bien a son comant fet.

La dame n'ot cure de plet; Le bacheler paia moult bien .XXX. livres; n'en falut rien; Trestout à son gré l'a paie, Qui moult fu lie du marchié ; Dist que fet a bone j ornée, Despuis que il l'a délivrée De son mari , qui tant ert lais.

Bien cuide qu'ele n'ait jamais Anui, nul jor qu'ele puist vivre, Quant de son mari est délivre.

DuRANS, qui son conte define, Dist c'onques Diex ne fist meschine C'on ne puist por denier avoir; Ne Diex ne fist si chier avoiç.

Tant soit bons ne de grant chierté, Qui voudroit dire vérité.

a^I DES TROIS BOÇUS

Que por deniers ne soit eus.

Por ses deniers ot li boçus La dame qui tant bêle estoit.

Honiz soit li bons, quels qu'il soit.

Qui trop prise mauves deniers, Et qui les fîst fère premiers.

Amen.

ExpUcit des AU. Boçus menesterels.

(par HUON le ROY.) Manuscrit F. Fr. , n" 887.

OR remembrer et por retrère Les biens c'en puet de famé trère Et la douçor et la franchise, Est iceste œuvre en escrit mise ;

Quar l'en doit bien ramentevoir

Les biens c'on i puet parcevoir.

Trop sui dolenz et molt m'en poise

Que toz li mons nés loe et proise

Au fuer qu'eles estre déussent;

Ha ! Diex, s'eles les cuers eussent

Entiers et sains, verais et fors,

Ne fust el mont si granz trésors.

C'est granz domages et granz dels

Quant eles ne se gardent miex :

A poi d'aoite sont changies

Et tost muées et plessies.

Lor cuer samblent cochet au vent;

Quar avenir voit-on souvent

Qu'en poi d'eure sont leur corages Muez plus tost que li orages.

Puis qu'en semonsse m'a l'en mis De ce dont me sui entremis, Jà ne lerai por les cuivers Qui les corages ont divers, Et qui sont envieus sor ceus Qui les cueurs ont vaillanz et preus, Que ne parfornisse mon poindre Por moi aloser et espoindre.

En ce lay du Vair Palefroi Orrez le sens Huon Leroi Auques regnablement descendre; Por ce que réson sot entendre, Il veut de ses dis desploier, Que molt bien les cuide emploier.

Or redit c'uns chevaliers preus, Cortois et bien chevalereus, Riches de cuer, povres d'avoir, Issi com vous pourrez savoir, Mest en la terre de Champaigne; Droiz est que sa bonté empaingne Et la valeur dont fu espris ; En tant mains leus fu de grant pris, Quar sens et honor et hautece Avoit, et cuer de grant proesce; S'autretant fust d'avoir seurpris Comme il estoit de bien espris, Por qu'il n'empirast por l'avoir.

L'en ne péust son per savoir,

Fabl. I 4

Son compaignon ne son pareil ; Et au recorder m'apareil, Por ce que l'uevre d'un preudome Doit-on conter jusqu'en la some, Por prendre example bel et gent ; Cil estoit loez de la gent.

Tout là où il estoit venuz Si estoit son priz connéuz, Que cil qui ne le connoissoient, Por les biens qui de lui nessoient En amoient la renomée.

Quant il avoit la teste armée, Quant il ert au tornoiement N'avoit soing de dosnoiement.

Ne de jouer à la forclose; Là où la presse ert plus enclose Se féroit tout de plain eslais.

Il n'estoit mie aus armes lais, Quant sor son cheval ert couvers ; Ne fust jà si pleniers yvers Que il n'éust robe envoisie, S'en estoit auques achoisie L'envoiséure de son cuer; Mes terre avoit à petit fuer, Et molt estoit biaus ses confors.

Plus de .ce. livres de fors Ne valoit pas par an sa terre ; Par tout aloit por son pris querre.

Adonc estoient li boschage Dedenz Champaingne plus sauvage,

Et li païs, que or ne soit.

Li chevaliers adonc penssoit

A une amor vaillant et bêle

D'une très haute damoisele.

Fille ert à .1. prince vaillant;

Richece n'alloit pas faillant

En lui, ainz ert d'avoir molt riches.

Et si avoit dedenz ses liches.

.M. livres valoit bien sa terre

Chascunan, et sovent requerre

Li venoit on sa fille gente,

Quar à tout le mont atalente ^Çi-^

La grant biauté qu'en li avoit.

Li princes plus d'enfans n'avoit,

Et de famé n'avoit-il mie :

Usée estoit auques sa vie ;

En . L bois estoit son recet ;

Environ fu granz la forest.

L'autre chevalier dont je di A la damoisele entendi Qui fille au chevalier estoit ; Mes li pères li contrestoit; Si n'avoit cure que l'amast Ne que de lui le renomast.

Li Jones chevaliers ot non Messire Guillaume à droit non.

En la forest ert arestanz Là où li anciens mananz Avoit la seue forterèce De grant terre et de grant richèce ;

.II. Hues otde l'un manoir Jusqu'à l'autre; mes remanoir Ne pot l'amor d'ambesdeus pars; Lor penssé n'erent mie espars En autre chose maintenir :

Et, quant li chevaliers venir Voloit à celé qu'il amoit, Por ce que on l'en renomoit, Avoit en la forest parfonde, Qui granz estoit à la roonde, Un sentier fet, qui n'estoit mie Hantez d'ome qui fust en vie Se de lui non tant seulement.

Par là aloit celéement Entre lui et son palefroi, Sanz démener noise n'effroi, A la pucele maintes foiz.

Mes molt estoit granz li defoiz, Quar n'i pooit parler de près; Si en estoit forment engrès.

Que la cort estoit molt fort close.

La pucele n'ert pas si ose Qu'ele de la porte issist fors; Mes de tant ert bons ses confors Qu'à lui parloit par mainte foiz Par une planche d'un defoiz.

Li fossez est granz par defors, Li espinois espès et fors ; Ne se pooient aprochier :

La meson ert sor .1. rochier,

i3q du vair palefroi 29

Qui richement estoit fermée ; Pont levéis ot à l'entrée, Et li chevaliers anciens, Qui engingneus ert de toz sens Et qui le siècle usé avoit.

De son ostel pou se mouvoit, Quar ne pooit chevauchier mais, Ainz sejornoit léenz en pais.

Sa fille faisoit près gaitier.

Et devant lui por rehaitier Séoit, sovent ce poise li, Quar au déduit avoit failli Où son cuer ert enracinez.

Li chevaliers preus et senez N'oublioit pas à li la voie ; Ne demande mes qu'il la voie.

Quant il voit qu'autre ne puet estre, Molt revidoit sovent son estre.

Mes ne pooit dedenz entrer.

Celé c'on fesoit enserrer Ne véoit mie de si près Comme son cuer en ert engrès.

Sovent la venoit revider, Nel pooit gueres resgarder; El ne se puet en cel lieu traire Que li chevaliers son viaire Péust véoir tout en apert : •

Chascuns dit bien que son cuer pert.

Li chevaliers qui tant devoit Celi amer, qui tant avoit

3o FABLIAU m 169

En li de bien à grant merveille Que on ne savoit sa pareille, Avoit .1. palefroi molt riche, Ainsi com li contes afîche :

Vairs ert et de riche color; La sanblance de nule flor Ne color c'on séust descrire Ne sauroit pas nus hom eslire Qui si fust propre en grant biauté , Sachiez qu'en nule réauté N'en avoit nus à icel tans Si bon, ne si souef portans.

Li chevaliers l'amoit forment, Et si vous di veraiement Qu'il nel donast por nul avoir.

Longuement li virent avoir Cil du païs et de la terre.

Dessus le palefroi requerre Aloit sovent la damoisele Par la forest soutaine et bêle.

Où le sentier batu avoit Que nus el monde ne savoit Fors que lui et son palefroi.

Ne menoit pas trop grant effroi Quant s'amie aloit revider; Molt près li convenoit garder Que parcéus ne fust du père, Quar molt li fust la voie amère.

Toz jors menoient celé vie Que l'uns de l'autre avoit envie :

DU VAIR PALEFROI 3l

Ne se pooient aaisier

Ne d'acoler ne de baisier.

Je vous di bien, se l'une bouche

Touchast à l'autre, molt fust douce

De l'acointance de ces .IL

Par estoit molt ardanz li feus

Qu'il ne pooit por riens estaindre;

Quar, s'il se péussent estraindre

Et acoler et embrachier,

Et l'uns l'autre ses braz lacier

Entor les cols si doucement,

Com volentez et penssement

Avoient et grant desirrier,

Nus hom ne les péust irier,

Et fust lor joie auques parfète;

Mes de ce ont trop grant souffrète

Qu'il ne se pueent solacier,

Ne li uns vers l'autre touchier.

Petit se pueent conjoïr Fors que de parler et d'oïr; Li uns voit l'autre escharsement, Quar trop cruel devéement Avoit entre ces deus amanz.

Ele estoit son père cremanz, Quar, s'il lor couvine séust, Plus tost mariée l'éust; Et li chevaliers ne volt fère Chose par c'on péust deffère L'amor qui entr'aus .IL estoit, Quar l'ancien forment doutoit,

Qui riches ert à desmesure; N'i voloit querre entreprisure.

Li chevaliers se porpenssa, Un jor et autre molt penssa A la vie qu'il demenoit, Quar molt sovent l'en souvenoit.

Venu li est en son corage Ou soit à joie, ou soit à rage.

Qu'à l'ancien parler ira, Et sa fille li requerra A moillier, que que il aviegne, Quar il ne set que il deviengne Por la vie que il demaine.

Trestoz les jors de la semaine Ne puet avoir ce qu'il convoite, Quar trop li est la voie estroite.

.1. jor s'apresta de l'aler; A l'ancien ala parler Au leu tout droit où il manoit, Là où la damoisele estoit.

Assez i fu bien recéus, Quar molt estoit bien connéus De l'ancien et de ses genz; Et cil, qui ert et preus et genz Et empariez comme vaillanz En qui nus biens n'estoit faillanz.

Lui a dit : « Sire, je suis ci Venus; par la votre merci Or entendez à ma reson.

Je sui en la vostre meson

Venuz requerra tel afère

Dont Diex vous lest vers moi don fère.»

Li anciens le regarda,

Et puis après li demanda :

(( Que est-ce dont? dites le moi;

Je vous en aiderai, par foi ,

Se, sauve m'onor, le puis fère.

— Oïl, Sire, de vostre afère Sai tant que fère le poez;

Or doinst Diex que vous le loez.

— Si ferai-je, se il me siet; Et, se riens nule me messiet, Bien i saurai contredit mètre; Ne du doner ne du prometre Ne vous sauroie losengier, Se bien ne le vueil otroier.

— Sire, dist-il, je vous dirai Quel don je vous demanderai.

Vous savez auques de mon estre ; Bien connéustes mon ancestre

Et mon recet et ma meson.

Et bien savez en quel seson

Et en quel point je me déduis;

En guerredon, sire, vous ruis

Vostre fille, se il vous plest.

Diex doinst que pensser ne vous lest

Destorber le vostre corage •

Que vous cest don, par mon outrage

Que j'ai requis, ne me faciez;

Et si vueil bien que vous sachiez

Fabl. I 5

Conques ne fui jor ses acointes;

Quar molt en fusse baus et cointes

Se je à 11 parlé eusse,

Et les granz biens aparcéusse

De qoi ele a grant renommée.

Molt est en cest pais amée

Por les granz biens qui en li sont;

Il n'a son pareil en cest mont.

Ce me content tuit si acointe,

Mes à petit de genz s'acointe ,

Por ce qu'ele est céenz enclose.

La penssée ai eu trop ose

Quant demander la vous osai,

Et, se je de vous le los ai

Que m'en daingniez fère le don

En service et en guerredon ;

Baus et joianz forment en ière.

Or vous ai dite ma proière,

Responez m'en vostre plesir. »

Li anciens, sanz nul loisir

Et sanz conseil qu'en vousist prendre,

Li respondi : « Bien sai entendre

Ce que m'avez conté et dit.

Il n'i a mie grant mesdit;

Ma fille est bêle et jone et sage

Et pucele de grant lingnage,

Et je suis riches vavassors,

Estrais de nobles ancissors;

Si vaut bien ma terre .M. livres

Chascun an ; ne sui pas si yvres

3l9 DU VAIR PALEFROI 35

Que je ma fille doner doie A chevalier qui vit de proie; Quar je n'ai plus d'enfanz que li ; Si n'a pas à m'amor failli, Et après moi sera tout sien ; Je la voudrai marier bien ; Ne sai prince dedenz cest raine , Ne de ci jusqu'en Loheraine, Qui tant soit preudom et senez Ne fust en li bien assenez.

Tels le me requist avant ier, N'a pas encore .1. mois entier, Qui de terre a .V^. livrées.

Qui or me fussent délivrées Se je à ce vousisse entendre ; Mes ma fille puet bien atendre, Que je sui tant d'avoir seurpris, Qu'ele ne puet perdre son pris Ne le fuer de son mariage.

Le plus haut home de lingnage Qui en trestout ces païs maingne.

Ne de ci jusqu'en Alemaingne, Puet bien avoir, fors roi ou conte. »

Li chevaliers ot molt grant honte De ce que il ot entendu :

Il n'i a lors plus atendu, Ainz prist congié, si s'en repère; • Mes il ne set qu'il puisse fère, Quar amors le maine et destraint, De qoi molt durement se plaint.

La pucele sot Fescondit Et ce que ses pères ot dit; Dolente en fu en son corage.

S'amor n'estoit mie volage, Ainz ert envers celui entire Assez plus c'on ne sauroit dire.

Ainz que cil s'en fust repériez, Qui de grant duel estoit iriez, Parlèrent par defors ensamble; Chascuns a dit ce qu'il li samble.

Li chevaliers li a conté La novele qu'il a trové A son père et la descordance :

« Damoisele gentil et franche , Dist li chevaliers, que ferai?

La terre, ce cuit, vuiderai ; Si m'en irai toz estraiers, Quar alez est mes desirriers ; Ne porrai à vous avenir.

Ne sai que puisse devenir :

Mar acointai la grant richoise Dont vostre pères si se proise ; Miex vous amaisse à mains de pris, Quar vostre père éust bien pris En gré ce que je puis avoir.

S'il ne fust si riches d'avoir.

— Certes, fet-ele, je voudroie Avoir assez mains que ne doie, S'il fust selonc ma volenté; Sire, s'a la vostre bonté

379 ^^ VAIR PALEFROI Sy

Vousist mon père prendre garde, Par foi , n'eusse point de garde Que vous à moi n'avenissiez, Et qu'à son acort ne fussiez ; S'il contrepesast vo richece Encontre vostre grant proece, Bien déust graer le marchié.

Mes il a de cuer sens chargié; Il ne veut pas ce que je vueil, Ne se deut pas où je me dueil.

S'il s'accordast à ma penssée, Tost fust la chose créantée; Mes cuers qui gist en la viellèce Ne pensse pas à la jonèce Ne au voloir de jone éage; Grant différence a el corage De viel au jone, ce m'est vis.

Mes, se vous fêtes mon devis.

Ne porrez pas faillir à moi.

— Oïl, damoisele, par foi, Fet li chevaliers, sanz faillance Or me dites vostre voillance.

— Or me sui, fet ele, apenssée D'une chose à qoi ma penssée A sejorné molt longuement.

Vous savez bien certainement

C'un oncle avez qui molt est riches; • Fort manoir a dedenz ses liches; N'est pas mains riches de mon père; Il n'a enfant, famé ne frère,

Ne nul plus prochain oir de vous; Ce set on bien tout à estrous Que tout ert vostre après sa fin ; Plus de .LX. mars d'or fin Vaut ses trésors avoec sa rente.

Or i alez sans nule atente ; Viex est et frailes, ce savez; Dites lui bien que vous avez Tel parole à mon père prise, Que jà ne sera à chief mise Se il ne s'en vuet entremetre ; Mes, se il vous voloit promettre .CGC. livrées de sa terre, Et mon père venist requerre Icest afère, qui molt l'aime, Li uns l'autre preudomme claime , Vos oncles tient mon père à sage ; Ancien sont, de grant aage, Li uns croit l'autre durement , Et se voz oncles bonement Voloit tant por vostre amor fère Qu'à ce le péussiez atrère Que tant du sien vous proméist, Et qu'il à mon père déist :

« Mon neveu erent délivrées (( De ma terre .CGC. livrées (( Por vostre fille qu'il aura, »

Li mariages bien sera.

Je croi bien qu'il otrieroit Quant si vostre oncle li diroit;

Et, quant espousée m'aurez, Toute sa terre li rendrez Qu'il vous auroit ainsi promise.

En vostre amor me sui tant mise Que molt me pleroit li marchiez.

— Bêle, fet-il, de voir sachiez Conques riens tant ne desirrai; Droit à mon oncle le dirai. )>

Congié a pris, si s'en retorne ; Penssée ot molt obscure et morne Por l'escondit c'on li ot fait.

Par la forest chevauchant vait.

Et sist sor son vair palefroi.

Molt est entrez en grant effroi.

Mes molt est liez en son corage De cest conseil honest et sage Que la pucele li a dit.

Alez s'en est senz contredit A Medet, où son oncle maint.

Venuz i est, mes molt se plaint A lui, mes molt se desconforte.

En une loge sor la porte S'en sont aie privéement; Son oncle conta bonement Son convenant et son afère.

« Oncles, se tant voliiez fère, Fet-il, que vous en parlissiez.

Et qu'en convenant m'eussiez .CGC. livrées de vo terre, Je vous créanterai sanz guerre

Et fiancerai maintenant, Ma main en la vostre tenant, Que, lues que j'aurai espousée Celé c'on m'a or refusée, Que vous r'aurez vo terre quite Por guerredon et por mérite; Or fêtes ce que vous requiers.

— Niez, fet li oncles, volentiers, Quar molt me plest et molt m'agrée; Au miéz de toute la contrée

Serez mariez, par mon chief.

Et j'en cuit bien venir à chief.

— Oncles, dist-il, or esploitiez Ma besoigne, et si l'acoitiez Qu'il n'i ait fors de l'espouser, Quar ne vueil plus mon tens user, Et g'irai au tournoiement.

Atornez serai richement;

Li tornois ert à Galardon, Et Diex m'otroit en guerredon Que je le puisse si bien fère Que proisiez en soit mon afère; Et vous penssez de l'esploitier, Qu'espouser puisse au repérier.

— Molt volentiers, fet-il, biaus niez; De la novele sui molt liez,

Quar ele est molt gentiz et franche. » Lors s'en torna sanz demorance Mesires Guillaume errant; Lors maine joie molt très grant

Por ce que ses oncles a dit Que il aura, sanz contredit, A famé celé qu'il desirre ; Autre joie ne veut eslirre.

Espris de joie molt forment S'en ala au tournoiement Com cil qui coustumiers en ert.

Et lendemain, quand jors apert.

Monta ses oncles, lui septime.

Et vint devant eure de prime Là où li anciens manoit.

Qui riches manssions tenoit.

Et qui pères ert à celi Qui a biauté n'ot pas failli.

Recéus fu molt hautement.

Li anciens l'amoit forment, Quar son per de viellèce estoit Et assez près de lui manoit; Riches estoit de grant pooir; De ce qu'il l'ert venuz véoir Demaine joie et grant léèce, Quar il estoit de grant hautèce.

Li anciens li sot bien dire :

ce Bien soiez-vous venuz, biaus sire. » Aprestez fu li mengiers granz.

Li anciens gentiz et franz Estoit de cuer, et si savoit é

Bien honorer ce qu'il devoit.

Quant les tables furent ostées.

Dont furent paroles contées

Fabl. I 6

Et ancienes acointances

D'escuz, d'espées et de lances,

Et de toz les anciens fais

Fu mains biaus moz iluec retrais.

Li oncles au buen chevalier

Ne se volt pas trop oublier,

Ainz a son penssé descouvert.

A l'ancien dist en apert :

« Qu'iroie-je, fet-il, contant ?

Si m'ait Diex, je vous aim tant

Com vous porrez aparcevoir.

A vous sui venuz por véoir

Et por enquerre une besoingne;

Dieu pri que corage vous doingne

Qu'entendue soit ma proière

En tel point et en tel manière

Que j'en puisse venir à chief. )>

Li anciens dist : « Par mon chief,

Je vous pris tant en mon corage

Que por souffrir trop grant malage

Ne vous sera chose véée

Qui de par vous me soit rouvée,

Ainz vous en ert graez li dons.

— Sire, merciz et guerredons

Vous en vueil molt volentiers rendre,

Fet li viellars, qui plus atendre

Ne veut de sa parole dire ;

Venuz sui demander, biaus sire,

Vostre fille, qui molt est sage;

Prendre la vueil par mariage;

559 ^^ VAIR PALEFROI i

Ainçois que je l'aie espousée

Ert de ma garison doée,

Que riches sui à grant pooir.

Vous savez bien que je n'ai oir

Nul de ma char, ce poise moi;

Je li serai de bone foi,

Quar je sui cil qui molt vous prise.

Quant je vostre fille aurai prise,

Jà ne me quier de vous partir

Ne ma richèce départir

De la vostre, ainçois soit tout .1.

Ensanble serons de commun

De ce que Diex nous a doné. »

Cil, qui molt ot le cuer séné,

Fu molt joianz; se li a dit :

a Sire, fet-il, sanz contredit

La vous donrai molt volentiers,

Quar preudom estes et entiers.

Liez sui quant le m'avez requise;

Qui le meillor chastel de Frise

Me donast, n'eusse tel joie.

A nului. Sire, ne tendoie

Si de cuer de son mariage

Comme à vous; quar preudom et sage

Vous ai en trestoz poins trouvé

Que j'ai vostre afère esprové. »

Lors a fiancie et plevie Celi qui n'a de lui envie, Et qui cuidoit autrui avoir. Quant la pucèle en sot le voir,

S'en fu dolente et esmarie ;

Sovent jura Sainte Marie

Que jà de lui n'ert espousée.

Molt ert dolente et esplorée,

Et molt sovent se desconforte :

« Lasse, dolente, com sui morte !

Quel trahison a cil viex fête !

Comme auroit or la mort forfète !

Comme a decéu son neveu,

Le gentil Chevalier et preu

Qui tant est plains de bonne tèche,

Et cil viellars par sa richèce

A jà de moi reçu le don :

Diex l'en rende son guerredon !

Entremis s'est de grant folie ;

James nul jor ne serai lie ;

S'anémie mortel aura

Le jor que il m'espousera.

Comment verrai-je jà le jor !

Naie ! jà Diex si lonc sejor

Ne me doinst que véir le puisse !

Or a ci duel et grant anguisse,

Ainz mes n'oï tel trahison.

Se je ne fusse en tel prison.

Bien achevaisse ceste afère ;

Mes je ne puis nule rien fère,

Ne fors issir de cest manoir ;

Or me convendra remanoir

Et souffrir ce que veut mon père;

Mes la souffrance est trop amère.

Ôl^ DU VAIR PALEFROI

Ha! Diex, que porrai devenir.

Et quant porra çà revenir Cil qui trahis est laidement !

Se il savoit certainement Comment son oncle l'a bailli Et ce qu'il a à moi failli, Bien sai que sanz joie morroie Et que sanz vie remaindroie ; Et s'il le séust, par mon chief, Je cuit qu'il en venist à chief ; Mes granz anuis fust achevez.

Diex, com mes cuers est agrevez!

Miex ameroie mort que vie.

Quel trahison et quel envie !

Comment l'osa cis viex pensser ?

Nus ne me puet vers lui tensser, Quar mon père aime convoitise, Qui trop le semont et atise.

Fi de viellèce, fî d'avoir !

James ne porra nus avoir Famé qui soit haute ne riche.

Se grans avoir en lui ne nice. Haïr doi l'avoir qui me part De celui là où je claim part, Et qui me cuide avoir sanz faille ; Mes or m'est vis que je i faille. »

La pucèle se dementoit En icel point, quar molt estoit A grant mesaise, ce sachiez, Quar son cuer ert si enlaciez

En Tamor au bon bacheler Qu'à grant peine s'en puet celer Ce qu'ele pensse envers nului, Et autrement rehet celui A cui son père l'a donée.

Estre cuide mal assenée, Que molt est viex, de grant aage; Si a froncié tout le visage.

Et les iex rouges et mauvais; De Chaalons dusqu'à Biauvais N'avoit chevalier en toz sens Plus viel de lui, ne jusqu'à Sens N'avoit plus riche, ce dist-on ; Mes à cuivert et à félon Le tenoit on en la contrée ; Et celé estoit si enflambée De grant biauté et de valor, C'on ne savoit si bêle oissor.

Ne si cortoise ne si franche Dedenz la corone de France.

Mes diverse ert la partéure, D'une part clère, d'autre obscure ; N'a point d'oscur en la clarté, Ne point de cler en l'oscurté.

Molt s'amast miex en autre point Celé qui amors grieve et point.

Et cil qui plevie l'avoit, Et qui de li grant joie avoit, A bien devisé son afère Et pris terme des noces fère,

Com cil qui n'ert en soupeçon Ne savoit mie la tençon Ne le duel que celé menoit, Qu'amors en tel point la tenoit Com vous m'avez oï conter.

Ne vous doi mie forconter Le termine du mariage.

Cil, qui furent preudome et sage, S'en apresterent richement.

Li anciens certainement, Ainz que le tiers jor fust venuz, Manda les anciens chenuz, Cels que il savoit plus senez, De la terre et du païs nez, Por estre au riche mariage De sa fille, qui son corage Avoit en autre lieu posé.

Au bon chevalier alosé Avoit son cuer mis et s'entente ; Mes or voit bien que sans atente Est deçéue et engingnie.

Assamblé ont grant compaignie Li dui chevalier ancien.

Par le païs le sorent bien Tuit li preudome ancienor ; Venu i furent li plusor; Si en i ot bien jusqu'à .XXX. ^

N'i ot celui ne tenist rente De l'ancien et garison.

Venu furent en sa meson.

La parole ont si devisée Que la pucele ert espousée, Ce dient tuit, à l'ajorner.

Si la commandent atorner Aus damoiseles qui la gardent, Et qui le jor et l'eure esgardent, Dont eles sont forment iries; S'en font chières molt esmaïes.

Li anciens a demandé A celés qu'il ot commandé Se sa fille est toute aprestée, Et se de rien est effraée, Et s'il i faut riens qu'avoir doie.

(c Nenil, biaus sire, que l'en voie, Respont une de ses puceles, S'avions palefrois et seles Por nous porter au moustier toutes, Dont i aura, je cuit, granz routes De parentes et de cousines Qui ci nous sont bien près voisines. » Cil li respont : « De palefroiz Ne somes pas en granz effroiz; Je cuit que assez en auron. »

En la contrée n'a baron A cui l'en n'ait le sien mandé.

Et cil cui on ot commandé En est alez sanz demorance A l'ostel celui qui vaillance Avoit en son cuer entérine ; C'est cil qui proesce enlumine.

Guillaume, qui preus fu et sages, Ne cuidoit que li mariages Fust porparlez en itel point; Mes amors qui au cuer le point L'avoit hasté de revenir.

Ne li pooit del souvenir Se de ce non qui l'angoissoit :

Amors en son cuer florissoit.

Il fu du tornoi repériez Com cil qui n'estoit mie iriez, Quar il cuidoit avoir celi A cui il a ore failli De ci atant que Dieu plera Et quant aventure avendra.

Chascun jor atendoit novele '

Qui li venist plesant et bêle.

Et que son oncle H mandast Que sa famé espouser alast.

Chantant aloit par son ostel, Viéler fet .1. ménestrel En la vièle .1. son novel; Plains est de joie et de revel, Quar eu ot outréement Tout le pris du tournoiement.

Souvent esgarde vers sa porte S'aucuns noveles li aporte.

Molt se merveille quant vendra Celé eure c'on li mandera ; Le chanter lest à chief de foiz; Amors li fet mètre en defoiz

Fabu I 7

5o FABLIAU III 769

Qu'il a aillors mise s'entente.

Atant ez-vos sans plus d'atente Un vallet qui en la cort entre.

Quant il le vit, le cuer du ventre Li fremist de joie et tressant :

Cil li dist : « Sire, Diex vous saut ; A grant besoin m'a ci tramis Li anciens qui voz amis Est de pieça, bien le savez :

.1. riche palefroi avez; N'a plus soef ambiant el mont; Mesire vous proie et semont Que vous par amors li prestez, Si que anuit li trametez.

— Amis, dist-il, por quel mestier?

— Sire, por mener au moustier Sa fille, nostre damoiseJe,

Qui tant est avenant et bêle.

— Et ele por quel chose ira ?

— Biaus sire, jà l'espousera Vostre oncle, à cui elle est donée, Et le matin à l'ajornée

Ert menée ma damoisele Là-sus à la gaste chapele Qui siet au chief de la forest.

Hastez-vous, Sire: trop arest; Prestez vostre oncle et mon seignor Vostre palefroi, le meillor Qu'est el roiaume, bien le sai; Souvent en est mis à l'essai. »

799 DU VAIR PALEFROI 5l

Mes sires Guillaume Foi :

(( Diex, fet-il, m'a donques trahi Mes oncles, en qui me fioie, A cui si bel proie avoie Que il m'aidast de ma besoigne ?

Jà Dame-Diex ne li pardoigne La trahison et le meffet ; A paines croi qu'il l'éust fet ; Je croi que tu ne dis pas voir.

— Bien le porrez, fet-il, savoir Demain ainçois prime sonée, Quar jà i est granz l'assamblée Des viez chevaliers du pais.

— Ha! las, dist-il, com sui trahis Et engingniez et decéus ! »

Poi s'en faut que il n'est chéus De duel à la terre pasmez; S'il n'en cuidast estre blasmez De cels qui erent à l'ostel, Il féist jà encor tout el; Si est espris de duel et d'ire, Ne sot que fère ne que dire.

De grant duel démener ne cesse, Et cil le semont et reverse Que qu'il estoit en cel effroi :

« Sire, en vostre bon palefroi Fêtes errant mètre la sele ; S'ert portée ma damoisele Sus au moustier, que soef porte. »

Et cil qui soef se déporte,

Quar il entent à son duel faire Entruès que sa tristèce maire A porpensser quel le fera, Savoir mon , s'il l'envoiera Son vair palefroi à celui Qu'il doit haïr plus que nului.

« Oïl, fet-il, sans delaiance; Cèle qui est de grant vaillance , A cui j'ai entresait failli, N'i a coupes, ce poise mi; Mon palefroi Tira servir Et la grant honor deservir Que j'ai souvent en li trovée, Quar en toz biens l'ai esprovée ; James n'en porrai plus avoir, Ce puis-je bien, de fi, savoir.

» Or n'ai-je pas dit que senez, Ainz sui faillis et forsenez.

Quant, à la joie et au déport Celui qui m'a trahi et mort, Vueil mon palefroi envoler :

En ne m'a il fet desvoier De celé que avoir cuidoie?

Il n'est nus hom qui amer doie Celui qui trahison H quiert :

Molt est hardis qui me requiert Mon palefroi, ne rien que j'aie Envolerai li dont je n'aie.

En ne m'a-il desireté De la douçor, de la biauté

859 ^^ yA]K PALEFROI 53

Et de la très grant cortoisie Dont ma damoisele est proisie ?

)) Or l'ai lonc tens en vain servi ; Avoir en doi bien deservi Que la très grant souvraine honor En eusse bien le greignor, Ne grant joie mes n'en aurai.

Comment celui envolerai Cho.se de qoi puist avoir aise Qui me fet estre à tel mesaise?

» Mes neporquant, s'il m'a cousté, Que celé qui tant a bonté Mon palefroi chevauchera; Bien sai, quant ele le verra, Que il li souvendra de moi.

Amée l'ai par bone foi Et aim et amerai toz tans, Mes s'amor si m'est trop coustans.

Par moi tout seul serai amis, Et si ne sai s'ele aura mis Son cuer en la viel acointance Dont j'ai au cuer duel et pesance.

Je cuit qu'il ne li soit pas bel ; Cayn, qui frères fu d'Abel, Ne fist pas greignor trahison ; Mis est mon cuer en grant friçon Por celi dont je n'ai confort. » «

Ainsi demaine son duel fort.

Le palefroi fist enseler.

Et l'escuier fist apeler;

Le vair palefroi li envoie, Et cil s'est lues mis à la voie.

Mesire Guillaume n'a pas De sa grant tristrece respas ; Dedenz sa chambre s'est muciez, Molt est dolenz et corouciez, Et à toz ses serjans a dit Que, s'il i a nul si hardit Qui s'esmueve de joie fère.

Qu'il le fera pendre ou deffère ; N'a mes de joie fère cure, Ainz voudra mener vie obscure, Qu'issir ne li puet à nul fuer La grand pesance de son cuer.

Ne la dolor ne la grant paine.

Et cil le palefroi enmaine A cui il l'avoit fet baillier ; Revenuz est sanz atargier Là où li anciens manoit.

Qui molt grant joie demenoit.

La nuis estoit toute série ; D'anciene chevalerie Avoit grant masse en la meson.

Quant mengié orent à foison, Li anciens a commandé A la guete, et dit et mandé A trestoz que, sanz nul sejor, Une Hue devant le jor Soient tuit prest et esveillié, Enselé et appareillié

QIû DU VAIR PALEFROI 55

Li cheval et li palefroi Sanz estormie et sanz desroi, Puis vont reposer et dormir ; Celé qu'amors fesoit frémir Et souspirer en grant doutance, N'ot de dormir nule espérance ; Onques la nuit ne someilla :

Tuit dormirent; ele veilla.

Son cuer n'estoit pas endormis, Ainz ert à duel fere ententis.

Et, s'ele péust lieu avoir, N'atendist mie le mouvoir Des chevaliers, ne l'ajornée, Ainz s'en fust tost par li alée.

Après la mienuit leva La lune, qui bien esclaira Tout environ l'air et les ciex ; Et quant la guete vit aus iex, Qui embéus avoit esté.

Environ lui la grant clarté, Guida que l'aube fust crevée :

« Estre déust, fet-il, levée Pieça la grant chevalerie. »

Il tret le jor et huche et crie; « Levez, Seignor, li jor apert, »

Fet cil, qui toz estordis ert Du vin qu'il ot le soir béu. ^

Cil qui n'orent gueres géu En repos, ne guères dormi, Se sont levé tuit estordi ;

Des seles mètre sont engrès Li escuier, por ce que près Guident estre de l'aj ornée; Mais, ainz que l'aube fust crevée, Forent bien cinc Hues errer Et tout bêlement cheminer.

Li palefroi enselé furent, Et tuit li ancien qui durent Adestrer celé damoisele Au moustier à la viez chapele, Au chief de la forest sauvage, Furent monté, et au plus sage Fu commandée la pucele.

Au Vair palefroi fu la sele Mise, et, quant on l'amena, Adonc plus grant duel démena Qu'ele n'avoit devant mené.

Li ancien home séné Ne s'en parçurent de noient.

Ne sorent pas son escient, Ainz cuidoient qu'ele plorast Por ce que la meson vuidast Son père por aler aillors ; Ne connoissoient pas ses plors, Ne la tristrèce qu'ele maine.

Montée fu à molt grant paine.

Acheminé se sont ensamble ; Vers la forest, si corn moi samble, Alèrent cheminant tout droit; Le chemin truevent si estroit

Que dui ensamble ne pooient Aler, et cil qui adestroient La pucèle par derrière erent, Et li autre devant alèrent.

Li chevaliers qui Tadestroit, Por le chemin qu'il vit estroit, La mist devant, il fu derrière Por l'estrèce de la quarrière.

La route ert longue et granz assez; Traveilliez les ot et lassez Ce qu'il orent petit dormi ; Auques en furent amati ; Plus pesaument en chevauchoient Que viel et ancien estoient ; Tant avoient sommeil greignor, Quar grant pièce ot de ci au jor.

Desus les cols de lor chevaus, Et par les mons et par les vaus, Aloient le plus someillant ; Et la pucele aloit menant Li plus sages c'on ot eslit.

Mes celé nuit ot en son lit De repos pou assez eu ; Le someil l'a si decéu Qu'il a tout mis en oubliance, Quar de dormir a grant voillance.

La pucele se conduisoit Si que de rien ne li nuisoit Fors que l'amor et la tristrèce.

Que qu'ele estoit en celé estrèce

Fabl. I 8

De celé voie que je di, Toute la grant route a sordi Des chevaliers et des barons.

Tuit clinoient sor les arçons Li plusor; li auquant veilloient, Qui lor penssers aillors avoient Qu'à la Damoisele adestrer.

Parmi la grant forest d'errer Ne cessèrent à grant esploit; La pucèle est en grant destroit, Si com celé qui vousist estre Ou à Londres ou à Vincestre.

Li vairs palefrois savoit bien Cel estroit chemin ancien, Quar maintes fois i ot aie.

.L grant tertre ont adevalé Où la forest ert enhermie, C'on ne véoit la clarté mie De la lune; molt ert ombrages En celé part li granz boschages, Que molt parfons estoit li vaus.

Granz ert la friente des chevaus.

De la grant route des Barons Estoit devant li graindres frons.

Li .L sor les autres sommeillent, Li autre parolent et veillent; Ainsi vont chevauchant ensamble.

Li vairs palefrois, ce me samble, Où la damoisele séoit, Qui la grant route porsivoit,

loSg DU VAIR PALEFROI 59

Ne sot pas le chemin avant

Où la grant route aloit devant,

Ainz a choisi par devers destre

Une sentele, qui vers Testre

Mon seignor Guillaume aloit droit.

Li palefrois la sente voit ,

Qui molt sovent Tavoit hantée ;

Le chemin lest sanz demorée

Et la grant route des chevaus.

Si estoit pris si granz sommaus

Au chevalier qui l'adestroit,

Que ses palefrois arrestoit

D'eures en autres en la voie.

La damoisele ne convoie

Nus, se Diex non; ele abandone

Le frain au palefroi et done ;

Il se mist en Tespesse sente.

Il n'i a chevalier qui sente

Que la pucele ne le siue ;

Chevauchié ont plus d'une liue

Qu'il ne s'en pristrent onques garde;

Et cil qui en fu mestre et garde

Ne l'a mie très bien gardée :

Ele ne se fu pas emblée,

Ainz s'en ala en tel manière

Com celé qui de la charrière

Ne de la sente ne savoit ^

En quel païs aler devoit.

Li palefrois s'en va la voie De laquele ne se desvoie,

6o FABLIAU III 1069

Quar maintes foiz i ot esté , Et en y ver et en esté.

La pucèle molt adolée , Qui en la sente estoit entrée Sovent se regarde environ, Ne voit chevalier ne baron, Et la forest fu pereilleuse.

Et molt obscure et ténébreuse; Et ele estoit toute esbahie Que point n'avoit de compaignie.

S'ele a paor n'est pas merveille.

Et neporquant molt se merveille Où li chevalier sont aie Qui là estoient assamblé.

Lie estoit de la decevance ; Mes de ce a duel et pesance Que nus, fors Dieu, ne le convoie Et li palefrois, qui la voie Avoit par maintes foiz hantée.

Ele s'est à Dieu commandée, Et li vairs palefrois l'enporte.

Celé, qui molt se desconforte, Li a le frain abandoné, Si n'a .L tout seul mot soné; Ne voloit pas que cil l'oïssent, Ne que près de li revenissent; Miex aime à morir el boscage Que recevoir tel mariage.

Ainsi s'en va penssant adès, Et li palefrois, qui engrès

lOOQ ^U ^^'^ PALEFROI "T

Fud'alerlà où il devoit.

Et qui la voie bien savoit,

A tant alée s'ambléure

Que venuz est grant aléure

Au chief de celé forest grant.

Une eve avoit en .1. pendant

Qui là coroit grant et obscure ;

Li vairs palefrois à droiture

I est aie, qui légué sot;

Outre passe plus tost que pot;

N'ot guëres esloingnié le gué

Qui pou estoit parfont et lé,

Quant la pucele oï corner

Celé part où devoit aler

Li vairs palefrois qui le porte ;

Et la guete ert desus la porte.

Devant le jor corne et fretele.

Celé part vait la damoisele ;

Droit au recet en est venue,

Molt eshabie et esperdue,

Si corn celé qui ne sait pas

Ne le chemin ne le trespas,

Ne comment demander la voie.

Ainz li palefrois de sa voie

N'issi; si vint desus le pont,

Qui sist sor .1. estanc parfont ;

Tout le manoir avironoit; #

Et la guete qui là cornoit

Oï desus le pont l'effroi

Et la noise du palefroi ,

Qui maintes foiz i ot esté.

La guete a .1. pou aresté De corner et de noise fère ; Il descendi de son repère , Si demanda isnelement :

« Qui chevauche si durement A iceste eure sor cest pont ? )> Et la damoisele respont :

« Certes, la plus maléurée Qui onque fu de mère née :

Por Dieu lai-moi léenz entrer Tant que le jor voie ajorner, Que je ne sai quele part aille.

— Damoisele, fet-il, sanz faille, Sachiez ne l'oseroie fère, Ne nului mètre en cest repère , Fors par le congié mon seignor ; Onques mes hom n'ot duel greignor Qu'il a; forment est deshaitiez, Quar vilainement est traitiez. »

Que qu'il parle de cel afaire, Il met ses iex et son viaire A uns partuis de la poterne ; N'i ot chandoile ne lanterne, Que la lune molt cler luisoit. Et cil le vair palefroi voit ; Bien Ta connut et ravisé.

Mes ainz Tôt assez remiré; Molt se merveille d'ont il vient, Et la pucèle, qui le tient

Il5<) DU VAIR PALEFROI 63

Par la resne, a molt esgardée, Qui richement est atornée De riches garnemens noviaus.

Et cil fu de l'aler isniaus A son seignor, qui en son lit Estoit couchiez sans nul délit.

(( Sire, fet-il, ne vous poist mie, Une famé desconseillie, Jone de samblant et d'aage.

Est issue de cel boscage, Atornée molt richement :

Molt sont riche si garnement; Avis m'est que soit afublée D'une riche chape forrée ; Si drap me samblent d'escarlate.

La damoisele, tristre et mate, Seur vostre vair palefroi siet ; Li parlers pas ne li messiet, Ainz est si avenanz et gente , Ne sai. Sire, que je vous mente.

Ne cuit en cest païs pucele Qui tant soit avenant ne bele.

Mien escient c'est une fée Que Diex vous a ci amenée Por restorer vostre domage Dont si avez pesant corage ; Bon restor avez de celi ^

A cui vous avez or failli. )>

Mesires Guillaume l'entent, Il sailli sus, plus n'i atent;

Un sorcot en son dos sanz plus, Droit à la porte en est venus :

Ouvrir la fet isnelement ; La damoisele hautement Li a huche en souspirant :

« Ahi ! gentiz Chevaliers, tant Ai de travail eu anuit 1 Sire, porpieu, ne vous anuit, Lessiez moi en vostre manoir :

Je n'i quier guères remanoir; D'une suite ai molt grant paor De chevaliers, qui grant fréor Ont or de ce qu'il m'ont perdue; Por garant sui à vous venue Si com fortune m'a menée; Molt sui dolente et esgarée. »

Mesires Guillaume l'oï, Molt durement s'en esjoï; Son palefroi a connéu, Qu'il avoit longuement eu ; La pucele voit et avise.

Si vous di bien qu'en nule guise Nus plus liez hom ne péust estre.

Si la maine dedenz son estre, Il l'a du palefroi jus mise.

Si l'a par la destre main prise, Besié l'a plus de .XX. foiz; El n'i mist onques nul defoiz, Quar molt bien l'a reconnéu.

Quant li uns a l'autre véu,

Molt grant joie entr'aus .II. menèrent , Et toz lor dels entr'oublièreni; De sa chape est desafublée, Sor une coûte d'or listée, D'un riche drap qui fu de soie , Se sont assis par molt grant joie.

Chascuns plus de .XX. foiz se saine, Quar croire pueent à grant paine Que ce soit songes que il voient ; Et quant serjant iluec ne voient, Neporquant molt bien aaisier Se sorent d'aus entrebesier; Mes je vous di qu'autre meffet A icele eure n'i ot fet.

La pucele sanz contredit Li a tout son afère dit :

Or dist que buer fu ore née Quant Diex l'a iluec amenée, Et de celui l'a délivrée, Si com fortune l'a menée , Qui en cuidoit son bon avoir Por son mueble et por son avoir.

Mesire Guillaume s'atorne A lendemain quant il ajorne; Dedenz sa cort et sa chapele Venir i fet la damoisele ; Son chapelain sanz arester <•

A fet maintenant apeler.

Li Chevaliers sanz trestorner Se fet maintenant espouser

Fabl. I Q

Et par bon mariage ajoindre :

Ne sont pas legier à desjoindre.

Et quant la messe fu chantée, Grant joie ont el palais menée Serjant, pucèles, escuier.

Mes il doit molt cels anuier Qui perdue l'ont folement :

Venu furent communément A la chapele, qui ert gaste; Assez orent eu de laste De chevauchier toute la nuit; N'i a celui cui il n'anuit.

Li anciens a demandée Sa fille à cil qui l'ot gardée Mauvesement; ne sot que dire. Isnelement respondi : « Sire, Devant la mis, je fui derrière, Que molt estroite ert la charrière.

Et la forest grant et ombrage ; Ne sai s'aillors prist son voïage , Quar sor mon arçon sommeilloie; D'eures à autres m'esveilloie.

Devant moi la cuidai adès, Mes n'en est ore guêpes près ; Je ne sai qu'ele est devenue ; Mauvesement l'avons tenue. )> Li anciens par tout la quiert, Et à toz demande et enquiert Quel part ele est, ne s'il la virent : Molt durement s'en esbahirent:

Ne l'en sorent dire novele.

Et li viez qui la damoisele Devoit prendre fu plus dolenz; De li querre ne fu pas lenz ; C'est por noient que il la chace, Perdue en a la droite trace ; Cil qui avoeques lui estoient En tel effroi, el chemin voient Venir un escuier poingnant; Vers l'ancien vient maintenant.

« Sire, fet-il, amistié grande Mesire Guillaume vous mande; La vostre fille a espousée Très hui matin à l'ajornée ; Forment en est liez et joiant.

Venez i, sire, maintenant.

Et son oncle mande ensement, Qui vers lui ouvra faussement ; De cest meffet li fet pardon Quant de votre fille a le don. »

Li anciens ot la merveille, Onques mes n'oï sa pareille.

Toz ses barons huche et assamble, Et, quant il furent tuit ensamble, Conseil a pris que il ira, Et celui avoec lui menra Cui de sa fille avoit don fet. ♦

Le mariage en voit deffet.

Nul recouvrier n'i puet avoir.

Cil , qui fu plains de grant savoir,

I est alez isnelement

Et tuit li baron ensement.

Quant à Tostel furent venu , Richement furent reçéu :

Mesire Guillaume fîst joie Molt grant, com cil qui de sa proie Estoit molt liez en son corage.

Graer covint le mariage A l'ancien, vousist ou non, Et li viex au fronci grenon S'en conforta plus biau qu'il pot.

Seignor, ainsi Dame-Dieu plot Que ces noces furent estables, Qui à Dieu furent convenables.

Mesire Guillaume fu preus, Cortois et molt chevalereus ; Ainz sa proesce ne lessa, Mes plus et plus s'en efforça :

Bien fu de princes et de contes.

Ainz le tiers an, ce dist li contes, Morut li anciens, sanz faille; Tout son avoir li rent et baille ; Toute sa terre ot en baillie , Qui molt ert riche et bien garnie.

.M. livrées tint bien de terre.

Après ala la mort requerre Son oncle, qui molt estoit riches, Et cil, qui n'estoit mie nices, Ne de cuer povres ne frarins, Ne blastengiers de ses voisins.

Ainz tint la terre toute cuite.

Geste aventure que j'ai dite Afine ci en itel guise Com la vérité vous devise.

Explicit du Vair Palefroi.

DE COMPIENGNE.

(par cortebarbe.)

Manuscrits F. Fr., n»» 837, f. 73 v» à 7$ r», et iSçS.

NE matère ci dirai

D'un fablel que vous conterai .

On tient le ménestrel à sage ^^ï^^^^'Qui met en trover son usage De fère biaus dis et biaus contes C'on dit devant dus, devant contes.

Fablel sont bon à escouter :

Maint duel, maint mal font mesconter Et maint anui et maint meffet.

Cortebarbe a cest fablel fet; Si croi bien qu'encor l'en soviegne.

Il avint jà defors Compiegne Trois avugle .1. chemin aloient.

Entre eusnis .1. garçon n'avoient Qui les menast ne conduisist Ne le chemin lor apresist.

Chascuns avoit son hanepel ; Moult povre estoient lor drapel, Quar vestu furent povrement.

Tout le chemin si fetement

S'en aloient devers Senlis.

Uns clers qui venoit de Paris,

Qui bien et mal assez savoit,

Escuier et sommier avoit,

Et bel palefroi chevauchant,

Les avugles vint aprochant,

Quar grant embléure venoit.

Si vit que nus ne les menoit;

Si pensse que aucuns n'en voie :

Coment alaissent-il la voie?

Puis dist : « El cors me fière goûte,

Se je ne sai s'il voient goûte. »

Li avugle venir l'oïrent,

Erraument d'une part se tindrent,

Si s'escrient : « Fetes-nous bien,

Povre somes sor toute rien ;

Cil est moult povres qui ne voit, »

Li clers esraument se porvoit,

Qui les veut aler falordant;

« Vezici, fet-il, .L besant

Que je vous done entre vous .III.

— Diex le vous mire et sainte Croix,

Fet chascuns, ci n'a pas don lait. »

Chascuns cuide ses compains l'ait.

Li clers maintenant s'en départ.

Puis dist qu'il veut veoir lor départ.

Esraument à pié descendi ;

Si escouta et entendi

Coment les avugle disoient.

Et cornent entr'eus devisoient.

Li plus mestres des .III. a dit :

« Ne nous a or mie escondit

Qui à nous cest besant dona;

En .1. besant moult biau don a.

Savez, fet-il, que nous ferons?

Vers Compiegne retornerons;

Grant tens a ne fumes aaise;

Or est bien droiz que chascuns s'aise.

Compiegne est de toz biens plentive.

— Corn ci a parole soutive !

Chascuns des autres li respont;

Cor éussons passé le pont I »

Vers Compiegne sont retorné,

Ainsi come il sont atorné;

Moult furent lié, baut et joiant.

Li clers les va adès sivant,

Et dist que adès les siurra

De si adonc que il saura

Lor fin. Dedenz la vile entrèrent ;

Si oïrent et escoutèrent

C'on crioit parmi le chastel :

(( Ci a bon vin frès et novel,

C'a d'Auçoire, c'a de Soissons,

Pain et char, et vin et poissons;

Céens fet bon despendre argent ;

Ostel i a à toute gent ;

Céens fet moult bon herbregier. »

Celé part vont tout sanz dangier,

Si s'en entrent en la meson ;

8o DES TROIS AVUGLES

Li borgois ont mis à reson :

« Entendez ça à nous, font-il ; Ne nous tenez mie por vil Se nous somes si povrement; Estre volons privéement; Miex vous paierons que plus cointe, Ce li ont dit, et li acointe, Quar nous volons assez avoir. )> L'ostes pensse qu'il dient voir ; Si fête gent ont deniers granz.

D'aus aaisier fu moult engranz ; En la haute loge les maine :

« Seignor, fet-il, une semaine Porriez ci estre bien et bel ; En la vile n'a bon morsel Que vous n'aiez, se vos volez.

— Sire, font-il, or tost alez; Si nous fêtes assez venir.

— Or m'en lessiez dont convenir, »

Fet li borgois; puis si s'en tome.

De .V. mes pleniers lor atorne Pain, et char, pastéz et chapons.

Et vins, mes que ce fu des bons :

Puis si lor fist là sus trametre.

Et fist du charbon el feu mètre; Assis se sont à haute table.

Li vallés au clerc en l'estable Tret ses chevaus, l'ostel a pris.

Li clers, qui moult ert bien apris Et bien vestuz et cointement,

Fabl. I I o

Avoec Toste moult hautement

Sist au mengier la matinée,

Et puis au souper la vesprée.

Et li avugle du solier

Furent servi com chevalier;

Chascuns grant paticle menoit,

L'uns à l'autre le vin donoit;

« Tien, je t'en doing; après m'en done;

Cis crut sor une vingne bone. «

Ne cuidiez pas qu'il lor anuit.

Ainsi jusqu'à la mienuit

Furent en solaz sanz dangier.

Li lit sont fet, si vont couchier

Jusqu'au demain qu'il fu bêle eure ;

Et li clers tout adès demeure,

Por ce qu'il veut savoir lor fin.

Et l'ostes fu levez matin

Et son vallet, puis si contèrent

Combien char et poisson coustèrent :

Dist li vallés : « En vérité,

Li pains, li vins et li pasté

Ont bien cousté plus de .X. saus;

Tant ont il bien eu entre aus.

Li clers en a .V. sols pour lui.

— De lui ne puis avoir anui;

Va là sus, si me fai paier. »

Et li vallés sanz delaier

Vint aus avugles, si lor dist

Que chascuns errant se vestit,

Ses sires veut estre paiez.

Font-il : « Or ne vous esmaiez, Quar moult très bien li paierons :

Savez, font-il, que nous devons ?

— Oïl, dist-il, .X. sols devez.

— Bien le vaut. )) Chascuns s'est levez; Tuit troi sont aval descendu.

Li clers a tout ce entendu.

Qui se chauçoit devant son lit.

Li trois avugle à l'oste ont dit :

(( Sire, nous avons .L besant.

Je croi qu'il est molt bien pesant ; Quar nous en rendez le sorplus, Ainçois que du vostre aions plus.

— Volentiers, » li ostes respont.

Fait li uns : « Quar li baille dont Liquels l'a. Be ! je n'en ai mie.

— Dont l'a RobersBarbe-florie?

— Non ai, mes vous l'avez, bien sai.

— Par le cuer bieu, mie n'en ai.

— Liquels l'a dont? — Tu l'as. — Mes tu.

— Fêtes, ou vous serez batu, Dist li ostes, seignortruant.

Et mis en longaingne puant Ainçois que vous partez de ci. »

Il li crient : « Por Dieu merci.

Sire, moult bien vous paierons. »

Dont recommence lor tençons :

« Robers, fet l'uns, quar li donez Le besant; devant nous menez :

Vous le reçustes premerains.

— Mes vous, qui venez daarains, Li bailliez, quar je n'en ai point.

— Or sui je bien venuz à point, Fet li ostes, quant on me truffe. »

L'un va donner une grant buffe, Puis faitaporter .II. lingnas.

Li clers, qui fu à biaus harnas, Qui le conte forment amoit, De ris en aise se pasmoit.

Quant il vit le ledengement, A l'oste vint isnelement, Se li demande qu'il avoit, Quel chose ces gens demandoit.

Fet l'ostes : « Du mien ont eu .X. sols, c'ont mengié et béu.

Si ne m'en font fors escharnir ; Mes de ce les vueil bien garnir :

Chascuns aura de son cors honte.

— Ainçois le metez sor mon conte, Fet li clers : .XV. sols vous doi; Mal fet povre gent fère anoi. )> L'oste respont : « Moult volentiers; Vaillanz clers estes et entiers. »

Li avugle s'en vont tout cuite^^^;^^

Or oiez com fête refuite Li clers porpenssa maintenant :

On aloit la messe sonant ; A l'oste vint, si l'arésone.

a Ostes, fet-il, vostre persone Du moustier dont ne connissiez?

Ces .XV. sols bien li croiriez, Se por moi les vos voloit rendre?

— De ce ne sui mie à aprendre, Fet li borgois; par saint Silvestre, Que je croiroie nostre prestre, S'il voloit, plus de .XXX. livres.

— Dont dites j'en soie délivres Esraument com je reviendrai; Au moustier paier vous ferai. »

L'ostes le comande esraument, Et li clers ainsi fètement

Dist son garçon qu'il atornast

Son palefroi, et qu'il troussast.

Que tout soit prest quant il reviegne ;

A l'oste a dit que il s'en viegne.

Ambedui el moustier en vont,

Dedenz le chancel entré sont;

Li clers qui les .XV. sols doit

A pris son oste par le doit,

Si l'a fet delèz lui assir.

Puis dist : « Je n'ai mie loisir

De demorer dusqu'après messe ;

Avoir vos ferai vo promesse ;

Je Tirai dire qu'il vous pait

.Xy . sols trestout entresait

Tantost que il aura chanté.

— Fetes-en vostre volenté, » ^ Fet li borgois, qui bien le croit.

Li prestres revestuz estoit.

Qui maintenant devoit chanter.

78 FABLIAU IV 23o

Li clers vint devant lui ester,

Qui bien sot dire sa reson;

Bien sanbloit estre gentiz bon ;

N'avoit pas la chière reborse.

.XII. deniers tret de sa borse,

Le prestre les met en la main :

« Sire, fet-il, por saint Germain,

Entendez çà .1. poi à mi.

Tuit li clerc doivent estre ami,

Por ce vieng-je près de l'autel.

Je giut anuit à un ostel

Chiés à .1. borgois qui moult vaut :

Li douz Jhesu-Criz le consaut,

Quar preudom est et sanz boisdie ;

Mes une cruel maladie

Li prist ersoir dedenz sa teste,

Entruès que nous demeniens feste,

Si qu'il fu trestoz marvoiez.

Dieu merci, or est ravoiez,

Mes encore li deut li chiéz;

Si vous pri que vous li lisiez,

Après chanter, une evangille

Desus son chief. — Et par saint Gille,

Fet li prestres, je li lirai. )>

Au borgois dist : « Je le ferai

Tantost com j'aurai messe dite,

Dont en claime-je le clers cuite. »

Fet li borgois : « Miex ne demant.

— Sire prestre, à Dieu vous cornant,

Fet li clers. — Adieu, biaus douz mestre, »

Li prestres à l'autel va estre,

Hautement grant messe comence ;

Par .1. jor fu de diemenche,

Au moustier vindrent moult de genz.

Li clers, qui fu et biaus et genz,

Vint à son oste congié prendre;

Et li borgois, sanz plus atendre,

Dusqu'à son ostel le convoie.

Li clers monte, si va sa voie,

Et li borgois tantost après

Vint au moustier : moult fu engrès

De ses .XV. sols recevoir :

Avoir les cuide tout por voir.

Enz el chancel tant atendi

Que li prestres se devesti.

Et que la messe fu chantée.

Et li prestres, sanz demorée,

A pris le livre et puis Festoie,

Si a huchié : <c Sire Nichole,

Venez avant, agenoilliez. »

De ces paroles n'est pas liez

Li borgois, ainz li respondi :

« Je ne ving mie por ceci,

Mes mes .XV. sols me paiez.

— Voirement est-il marvoiez, Dist li prestres; nomini Dame,

Aidiez à cest preudome à l'ame ; •

Je sai de voir qu'il est dervez.

— Oez, dist li borgois, oez Com cis prestres or m'escharnist;

8o FABLIAU IV 290

Por poi que mes cuers du sens n'ist, Quant son livre m'a ci tramis.

— Je vous dirai, biaus douz amis, Fet li prestres, coment qu'il praingne, Tout adès de Dieu vous souviegne, Si ne poez avoir meschief . »

Le livre li mist sor le chief,

L'Evangille li voloit dire.

Et li borgois commence à dire :

« J'ai en meson besoingne à fère ;

Je n'ai cure de tel afère.

Mais paiez-moi tost ma monnoie. »

Au prestre durement anoie :

Toz ses paroschiens apele,

Chascuns entor lui s'atropele.

Puis dist : « Cest home me tenez;

Bien sai de voir qu'il est dervez.

— Non sui, fet-il, par saint Cornille, Ne, par la foi que doi ma fille,

Mes .XV. sols me paierez, Jà ainsi ne me gaberez.

— Prenez-le tost, » le prestre a dit.

Li paroschiens sanz contredit

Le vont tantost moult fort prenant ; Les mains li vont trestuit tenant ; Chascuns moult bel le reconforte, Et li prestres le livre aporte, Si li a mis deseur son chief; L'Evangille de chief en chief Li lut, l'estole entor le col,

DES TROIS AVUGLES 8l

Mes à tort le tenoit por fol; Puis Tesproha d'ève benoite.

Et li borgois forment covoite Qu'à son ostel fust revenuz.

Lessiez fu, ne fu plus tenuz; Li prestres de sa main le saine, Puis dist : « Avez esté en paine. »

Et li borgois s'est toz cois teus ; Corouciéz est et moult honteus De ce qu'il fu si atrapez; Liez fu quant il fu eschapez ; A son ostel en vint tout droit.

CoRTEBARBE dist oreudroit C'on fet à tort maint home honte.

A tant definerai mon conte.

Explicit des .111. Avugles de Compiengne .

Fabl.

LA HOUCE PARTIE.

(par BERNARD.) Manuscrit n** 7218, f. i5o rà i52 r^.

E biau parler et de bien dire Chascuns devroit à son mestire Fère connoistre et enseignier Et bonement enromancier

Les aventures qui avienent.

Ausi , comme gent vont et vienent,

Ot-on maintes choses conter

Qui bones sont à raconter.

Cil qui s'en sevent entremetre

I doivent grant entente mètre,

En penser, en estudier,

Si com firent notre ancistier,

Li bon mestre qui estre seulent;

Et cil qui après vivre vuelent

Ne devroient jà estre oiseus.

Mes il devienent pereceus

I . Les premiers vers de ce fabliau manquent dans le manuscrit, qui est défectueux en cet endroit.

LA HOUCE PARTIE 83

Por le siècle, qui est mauves; Por ce si ne se vuelent mes Li bon ménestrel entremetre, Qar molt covient grant paine mètre En bien trover, sachiez de voir.

Huimès vous faz apercevoir Une aventure qui avint Bien a .XVII. ans ou .XX, Que uns riches hom d' Abevile Se départi fors de sa vile, Il et sa famé et uns siens fils.

Riches et combles et garnis Issi com preudom de sa terre, Por ce que il estoit de guerre Vers plus fors genz que il n'estoit; Si se doutoit et se cremoit De estre entre ses anemis.

D' Abevile vint à Paris.

Ilueques demora tout qoi.

Et si fist homage le Roi, Et fu ses hom et ses borgois.

Li preudom fu sage et cortois, Et la Dame forment ert lie, Et li vallès fols n'estoit mie.

Ne vilains, ne mal enseigniez.

Molt en furent li voisin liez De la rue où il vint manoir; Sovent le venoient véoir Et li portoient grant honor.

Maintes genz sans mètre du lor

84 FABLIAU V 4y

Se porroient molt fère amer ; Por seulement de biau parler Puet l'en molt grant los acueillir; Qar qui biau dit, biau veut oïr, Et qui mal dit et qui mal fait, Il ne puet estre qu'il ne l'ait; En tel point le voit-on et trueve ; On dit sovent : l'uevre se prueve.

Ainsi fu li preudom mananz Dedenz Paris plus de sept anz.

Et achatoit et revendoit Les denrées qu'il connissoit.

Tant se baréta d'un et d'el Que toz jors sauva son chatel, Et ot assez de remanant.

El preudome ot bon marchéant Et demenoit molt bone vie, Tant qu'il perdi sa compaignie, Et que Diex fist sa volenté De sa famé, qui ot esté En sa compaignie .XXX. anz.

Il n'avoient de toz enfanz Que ce vallet que je vous di.

Molt corouciez et molt mari Se fist li vallés lèz son père, Et regretoit sovent sa mère.

Qui moult souef l'avoit norri; Il se pasma, pleure por li, Et li pères le reconforte :

« Biaus filz, fet-il, ta mère est morte;

LA HOUCE PARTIE 85

Prions Dieu que pardon li face ; Ters tes iex, essue ta face, Que li plorer ne fi vaut rien.

Nous morrons tuit, ce sez-tu bien ; Par là nous convendra passer; Nus ne puet la mort trespasser Que ne reviegne par la mort.

Biaus fîlz, tu as bon reconfort, Et si deviens biaus bacheler; Tu es en point de marier.

Et je sui mes de grant aage.

Si je trovoie .1. mariage De gent qui fussent de pooir, G'i metroie de mon avoir ; Qar ti ami te sont trop loing ; Tart les auroies au besoin ; Tu n'en as nul en ceste terre Se par force nés pues conquerre ; S'or trovoie famé bien née Qui fust d'amis emparentée.

Qui éust oncles et antains.

Et frères et cousins germains, De bone gent et de bon leu.

Là où je verroie ton preu, Je t'i metroie volentiers, Jà nel leroie por deniers. »

Ce nous raconte li escris, Seignor, or avoit el pais .III. chevaliers qui erent frère, Qui erent de père et de mère

Moult hautement emparenté,

D'armes proisié et alosé ,

Mes n'avoient point d'eritage

Que tout n'eussent mis en gage,

Terres et bois et tenemenz,

Por suirre les tornoiemenz.

Bien avoit sor lor tenéure

.111"^. livres à usure,

Qui moult les destraint et escille.

Li ainsnez avoit une fille

De sa famé, qui morte estoit,

Dont la damoisele tenoit

Dedenz Paris bone meson

Devant l'ostel à cel preudon.

La meson n'estoit pas au père ,

Qar li ami de par sa mère

Ne li lessierent engagier.

La mesons valoit de loier

.XX. livres de paresis l'an;

Jà n'en éust paine n'ahan

Que de ses deniers recevoir.

Bien fu d'amis et de pooir

La damoisele emparentée,

Et le preudon l'a demandée

Au père et à toz ses amis.

Li chevalier li ont enquis

De son mueble, de son avoir,

Combien il en pooit avoir,

Et il lor dist moult volentiers :

« J'ai, qu'en denrées qu'en deniers,

iSy LA HOUCE PARTIE 87

.M. et .Vc. livres vaillant; J'en deveroie estre mentant Se je me vantoie de plus; Je l'en donroie tout le plus De .C. livres de paresis.

Je les ai loiaument aquis ; J'en donrai mon fil la moitié.

— Ce ne porroit estre otroié, Biaus sire, font li chevalier; Se vous deveniiez templier,

Ou moine blanc, ou moine noir, Tost lesseriiez vostre avoir Ou à temple ou à abéïe :

Nous ne nous i acordons mie; Non, Seignor, non, Sire, par foi.

— Et comment donc, dites le moi ?

— Moult volentiers, biaus Sire chier.

Quanques vous porrez esligier.

Volons que donez vostre fils,

Et que il soit du tout saisis, Et tout metez par devers lui, Si que ne vous ni à autrui N'i puissiez noient calengier.

S'ainsi le volez otroier, Li mariages sera fait; Autrement ne volons qu'il ait Nostre fille ne nostre nièce. »

Li preudon penssa une pièce; Son fil regarde; si penssa.

Mes mauvesement emploia

Celé penssée que il fist.

Lors lor respont et si lor dist :

« Seignor, de quanques vous querez

Acomplirai voz volentez,

Mes ce sera par .1. couvent :

Se mes filz vostre fille prent

Je li donrai quanqu'ai vaillant,

Et si vous di tout en oiant

Ne vueil que me demeure rien,

Mes praingne tout et tout soit sien,

Que je l'en saisi et revest. »

Ainsi le preudon se dévest.

Devant le pueple qui là fu

S'est dessaisis et desvestu

De quanques il avoit el monde.

Si que il remest ausi monde

Com la verge qui est pelée.

Qu'il n'ot ne denier ne denrée

Dont se péust desjéuner

Se ses filz ne li volt doner.

Tout li dona et clama quite.

Et, quant la parole fu dite,

Li chevaliers tout main à main

Saisi sa fille par la main;

Si l'a au bacheler donée.

Et li vallés l'a espousée.

D'iluec bien à deus anz après Bonement furent et en pès Li maris et la dame ensanble, Tant que la dame, ce me sanble,

1^7 LA HOUCE PARTIE 89

Ot un biau fil du bacheler.

Bien le fist norrir et garder,

Et la dame fu bien gardée,

Sovent baignie et relevée.

Et li preudon fu en Fostel ;

Bien se dona le cop mortel

Quant, por vivre en autrui merci.

De son avoir se deffesi.

En l'ostel fu plus de .XII. anz,

Tant que li enfez fu jà granz

Et se sot bien apercevoir.

Souvent oï ramentevoir

Que ses taions fist à son père,

Par qoi il espousa sa mère,

Et li enfes, quant il l'oï ,

Aine puis nel volt mètre en oubli.

Li preudon fu viex devenu ,

Que viellèce Tôt abatu

Qu'au baston Testuet soustenir.

La toile à lui ensevelir

Alast volentiers ses filz querre ;

Tart li estoit qu'il fust en terre ,

Que sa vie li anuioit.

La Dame lessier ne pooit,

Qui fière estoit et orguilleuse ;

Du preudome estoit desdaigneuse,

Qui moult li estoit contre cuer.

Or ne puet lessier à nul fuer

Qu'ele ne déist son Seignor :

« Sire, je vous pri par amor,

Fabl. 1 la

90 FABLIAU V 2a

Donez congié à vostre père, Que, foi que doi Famé ma mère , Je ne mengerai mes des denz Tant com je le saurai céenz, Ainzvueil que li donez congié.

— Dame, fet-il, si ferai-gié. »

Cil, qui sa famé doute et crient, Maintenant à son père vient; Se li a dit isnelement :

(( Pères, pères, alez vous ent; Je di c'on n'a céenz que fère De vous ne de vostre repaire ; Alez vous aillors porchacier.

On vous a doné à mengier En cest ostel .XII. anz ou plus ; Mes fêtes tost, si levez sus; Si vous porchaciez où que^soit.

Que fère l'estuet orendroit. »

Li pères Tôt; durement pleure; Sovent maudit le jor et l'eure Qu'il a tant au siècle vescu :

(c Ha! biaus douz filz, que me dis-tu? Por Dieu, itant d'onor me porte Que ci me lesses à ta porte. Je me girrai en poi de leu; Je ne te quier nis point de feu , Ne coute-pointe, ne tapis; Mes la fors souz cel apentis Me fai baillier. I. pou d'estrain.

Onques por mengier de ton pain

2^7 LA HOUCE PARTIE 9I

De Tostel ne me gete fors.

Moi ne chaut s'on me met là hors,

Mes que ma garison me livre ;

Jà, por chose que j'aie à vivre

Ne me déusses pas faillir.

Jà ne puès-tu miex espenir

Toz tes péchiez qu'en moi bien faire,

Que se tu vestoies la haire.

— Biaus père, dist li bachelers, Or n'i vaut noient sermoners; Mes fêtes tost, alez vous en, Que ma famé istroit jà du sen.

— Biaus filz, où veus-tu que je voise ? Je n'ai vaillant une vendoise.

— Vous en irez en celé vile ; Encore en i a-il .X. mile

Qui bien i truevent lor chevance :

Moult sera or grant meschéance Se n'i trovez vostre peuture ; Chascuns i atent s'aventure; Aucunes genz vous connistront, Qui lor ostel vous presteront.

— Presteront, filz ! Aus genz que chaut. Quant tes ostels par toi me faut ?

Et, puis que tu ne me fez bien, Et cil qui ne me seront rien Le me feront moult à envis , ,

Quant tu me faus, qui es mes fils.

— Pères, fet-il, je n'en puis mais Se je met sor moi tout le fais ;

Ne savez s'il est à mon vuel. )>

Adonc ot li pères tel duel ,

Por poi que li cuers ne li criève.

Si foibles comme il est, se liève;

Si s'en ist de Tostel plorant :

<c Filz, fet-il, à Dieu te commant.

Puisque tu veus que je m'en aille,

Por Dieu me done une retaille

D'un tronçon de ta sarpeillière,

Ce n'est mie chose moult chière,

Que je ne puis le froit soufrir.

Je le te demant por couvrir,

Que j'ai robe trop poi vestue;

C'est la chose qui plus me tue. »

Et cil, qui de doner recule,

Li dist : « Pères, je n'en ai nule.

Li doners n'est or pas à point;

A ceste foiz n'en aurez point.

Se on ne me le toit ou emble.

— Biaus douz fîlz, toz li cuers me tramble,

Et je redout tant la froidure;

Done moi une couverture

De qoi tu cuevres ton cheval.

Que li frois ne me face mal. »

Cil, qui s'en bée à descombrer.

Voit que ne s'en puet délivrer

S'aucune chose ne li baille;

Por ce que il veut qu'il s'en aille.

Commande son fil qu'il li baut.

Quant on le huche, l'enfes saut :

Siy LA HOUCE PARTIE (

(( Que vous plest, sire, dist l'enfant?

— Biaus filz, fet-il, je te commant, Se tu trueves Testable ouverte , Done mon père la couverte

Qui est sus mon cheval morel.

S'il veut si en fera mantel ,

Ou chapulaire, ou couvertor;

Done li toute la meillor. »

Li enfes, qui fu de biau sens,

Li dist : « Biaus taions, venez enz. »

Li preudon s'en torne avoec lui,

Toz corouciez et plains d'anui.

L'enfes la couverture trueve;

La meillor prist et la plus nueve ,

Et la plus grant et la plus lée ;

Si l'a par le mileu doublée.

Si le parti à son coutel

Au miex qu'il pot et au plus bel ;

Son taion bailla la moitié.

(( Biaus filz, fet-il, que ferai-gié?

Por qoi le m'as-tu recopée ?

Ton père le m'avoit donée.

Or as-tu fet grant cruauté ,

Que ton père avoit commandé

Que je l'eusse toute entière;

Je m'en irai à lui arrière.

— Alez, fet-il, oii vous voudrez, Que jà par moi plus n'en aurez. »

Li preudon issi de l'estable :

« Filz, fet-il, trestout torne à fable

Quanque tu commandas et fis; Que ne chastoies-tu ton fils Qu'il ne te doute ne ne crient?

Ne vois-tu donques qu'il retient La moitié de la couverture ?

— Va, Diex te doinst maie aventure!

Dist li pères; baille li toute.

— Non ferai, dist l'enfes, sanz doute; De qoi seriiez-vous paie?

Je vous en estui la moitié,

Que jà de moi n'en aurez plus.

Se j'en puis venir au desus,

Je vous partirai autressi

Comme vous avez lui parti.

Si comme il vous dona l'avoir,

Tout aussi le vueil-je avoir,

Que jà de moi n'enporterez

Fors que tant com vous li donrez.

Si le lessiez morir chetif.

Si ferai-je vous, se je vif. »

Li pères l'ot : parfont souspire;

Il se repensse et se remire.

Aus paroles que l'enfes dist

Li pères grant example prist;

Vers son père torna sa chière :

(( Pères, fet-il, tornez arrière;

C'estoit anemis et pechié

Qui me cuide avoir aguetié;

Mes, se Dieu plest, ce ne puet estre.

Or vous faz-je seignor et mestre

377 LA HOUCE PARTIE

De mon ostel à toz jors mais.

Se ma famé ne veut la pais, S'ele ne vous veut consentir, Aillors vous ferai bien servir; Si vous ferai bien aaisier De coute-pointe et d'oreillier.

Et si vous di, par saint Martin, Je ne beverai mes de vin Ne ne mengerai bon morsel Que vous n'en aiez del plus bel ; Et serez en chambre celée Et au bon feu de cheminée; Si aurez robe comme moi.

Vous me fustes de bone foi, Par qoi sui riches à pooir, Biaus douz père, de vostre avoir.

Seignor, ci a bone monstrance Et aperte senefiance Qu'ainsi geta le fîlz le père Du mauves penssé où il ère.

Bien se doivent tuit cil mirer Qui ont enfanz à marier.

Ne fêtes mie en tel manière.

Ne ne vous metez mie arrière De ce dont vous estes avant.

Ne donez tant à vostre enfant Que vous n'i puissiez recouvrer.

L'en ne se doit mie fier, Que li enfant sont sans pitié; Des pères sont tost anoié

Puis qu'ils ne se pueent aidier.

Et qui vient en autrui dangier Molt vit au siècle en grant anui.

Cil qui vit en dangier d'autrui, Et qui du suen méismement A autrui livroison s'atent; Bien vous en devez chastoier.

Icest example fist Bernier, Qui la matère enseigne à fère.

Si en fist ce qu'il en sot faire.

Explicit de la Houce partie.