DES TROIS AVUGLES

Li prestres à l'autel va estre,

Hautement grant messe comence ;

Par .1. jor fu de diemenche,

Au moustier vindrent moult de genz.

Li clers, qui fu et biaus et genz,

Vint à son oste congié prendre ;

Et li borgois, sanz plus atendre,

Dusqu'à son ostel le convoie.

Li clers monte, si va sa voie.

Et li borgois tantost après

Vint au moustier : moult fu engrès

De ses .XV. sols recevoir :

Avoir les cuide tout por voir.

Enz el chancel tant atendi

Que li prestres se devesti,

Et que la messe fu chantée.

Et li prestres, sanz demorée,

A pris le livre et puis Testole,

Si a huchié : « Sire Nichole,

Venez avant, agenoilliez. »

De ces paroles n'est pas liez

Li borgois, ainz li respondi :

« Je ne ving mie por ceci.

Mes mes .XV. sols me paiez.

— Voirement est-il marvoiez, Dist li prestres; nomini Dame, Aidiez à cest preudome à l'ame ; Je sai de voir qu'il est dervez.

— Oez, dist li borgois, oez Corn cis prestres or m'escharnist ;

8o FABLIAU IV 290

Por poi que mes cuers du sens n'ist, Quant son livre m'a ci tramis.

— Je vous dirai, biaus douz amis, Fet li prestres, cornent qu'il praingne, Tout adès de Dieu vous souviegne.

Si ne poez avoir meschief . »

Le livre li mist sor le chief,

L'Evangille li voloit dire.

Et li borgois coomience à dire :

« J'ai en meson besoingne à fère;

Je n'ai cure de tel afàre,

Mais paiez-moi tost ma monnoie. »

Au prestre durement anoie :

Toz ses paroschiens apele,

Chascuns entor lui s'atropele,

Puis dist : « Cest home me tenez ;

Bien sai de voir qu'il est dervez.

— Non sui, fet-il, par saint Cornille, Ne, par la foi que doi ma fille,

Mes .XV. sols me paierez, Jà ainsi ne me gaberez.

— Prenez-le tost, » le prestre a dit.

Li paroschiens sanz contredit

Le vont tantost moult fort prenant ; Les mains li vont trestuit tenant ; Chascuns moult bel le reconforte, Et li prestres le livre aporte, Si li a mis deseur son chief ; L'Evangille de chief en chief Li lut, l'estole entor le col.

Sao DES TROIS AVUGLES 8l

Mes à tort le tenoit por fol ; Puis Tesproha d'ève benoite.

Et li borgois forment covoite Qp'à son ostel fiist revenuz.

Lessiez fii, ne fu plas tenuz; Li prestres de sa main le saine.

Puis dist : « Avez esté en paine. »

Et li borgois s'est toz cois teus ; Corouciéz est et moult honteus De ce qu'il fu si atrapez; Liez fu quant il fu eschapez; A son ostel en vint tout droit. CoRTEBARBE dist oreudroit Con fet à tort maint home honte.

A tant definerai mon conte.

ExpUât des ML AvugUs de Compiengne,

Fabl. I 1 1

LA HOUCE.Iï»ARTIE.

(par BERNARD.) Manuscrit n^ 7118, f. iSo r*ft iSi i<^.

E biau parler et de bien dire Chascuns devroit à son mestire Fère connoistre et enseignier Et bonement enromancier

Les aventures qui avienent.

Ausi , comme gent vont et vienent,

Ot-on maintes choses conter

Qui bones sont à raconter.

Cil qui s'en sevent entremetre

I doivent grant entente mètre,

En penser, en estudier,

Si com firent notre ancistier,

Li bon mestre qui estre seulent ;

Et cil qui après vivre vuelent

Ne devroient jà estre oiseus.

Mes il devienent pereceus

1 . Les premien vers de ce fablitu manquent dans le manuscrit, qui est défectueux en cet endroit.

LA HOUCB PARTIE 83

Por le siècle, qui est mauves ; Ppr ce si ne se vuelent mes Li bon ménestrel entrcimetre, Qar molt covient-^rant paine mètre En bien trover, sachiez de voir.

Huimès vous faz apercevoir Une aventure qui avint Bien a .XVII. ans ou .XX, Que uns riches bom d'Abevile Se départi fors de sa vile, Il et sa famé et uns siens fils.

Riches et combles et garnis Issi com preudom de sa terre^ Por ce que il estoit de guerre Vers plus fors genz que il n'estoit ; Si se doutoit et se cremoit De estre entre ses anemis.

D'Abevile vint à Paris, Ilueques demora tout qoi.

Et si fist homage le Roi, Et fu ses hom et ses borgois.

Li preudom fu sage et cortois, Et la Dame forment ert lie.

Et li vallès fols n'estoit mie.

Ne vilains, ne mal enseigniez.

Molt en furent li voisin liez De la rue où il vint manoir; Sovent le venoient véoir Et li portoient grant honor.

Maintes genz sans mètre du lot

Se porroient molt fère amer; Por seulement de biau parier Puet l'en molt grant los acueillir; Qar qui biau dit, biau veut oir, Et qui mal dit et qui mal fait, Il ne puet estre qu'il ne Tait ; En tel point le voit-on et trueve ; On dit sovent : Tuevre se praeve.

Ainsi fu li preudom mananz Dedenz Paris plus de sept anz, Et achatoit et revendoit Les denrées qu'il connissoit.

Tant se baréta d'un et d'el Que toz jors sauva son chatel, Et ot assez de remanant.

El preudome ot bon marchéant Et demenoit molt bone vie, Tant qu'il perdi sa compaignie, Et que Diex fist sa volenté De sa famé, qui ot esté En sa compaignie .XXX. anz.

Il n'avoient de toz enfanz Que ce vallet que je vous di.

Molt corouciez et molt mari Se fist li vallés lèz son père, Et regretoit sovent sa mère.

Qui moult souef l'avoit norri ; Il se pasma, pleure por li.

Et li pères le reconforte :

<c Biaus filz, fet-il, ta mère est morte ;

yy LA HOUCE PARTIE 85

Prions Dieu que pardon li face ; Ters tes iex, essue ta face, Que li plorer ne t'i vaut rien.

Nous morrons tuit,'ce sc2&-tu biftA Par là nous convendra passer; Nus ne puet la mort trespasser Que ne reviegne par la mort.

Biaus filz, tu as bon reconfort, Et si deviens biaus bacheler ; Tu es en point de marier, Et je sui mes de grant aage.

Si je trovoie .1. mariage De gent qui fussent de pooir, G'i metroie de mon avoir ; Qar ti ami te sont trop loing ; Tart les auroies au besoin ; Tu n'en as nul en ceste terre Se par force nés pues conquerre ; S'or trovoie famé bien née Qui fust d'amis emparentée, Qui éust oncles et antains, Et frères et cousins germains.

De bone gent et de bon leu, Là où je verroie ton preu, Je t'i metroie volentiers, Jà nel leroie por deniers. »

Ce nous raconte li escris, Seignor, or avoit el païs .III. chevaliers qui erent frère, Qui erent de père et de mère

86 PAILIAU V 107

Moult hautement emparenté,

D'armes proisié et alosé ,

Mes n'avoient point d'eritage

Que tout n'eussent mis en gage.

Terres et bois et teneroenz,

Por suirre les tomoiemenz.

Bien avoit sor k>r tenéure

.III™. livres à usure,

Qui moult les destraint et escille.

Li ainsnez avoit une fille

De sa famé, qui morte estoit,

Dont la damoisele tenoit

Dedenz Paris bone meson

Devant l'ostel à cel preudon.

La meson n'estoit pas au père ,

Qar li ami de par sa mère

Ne li lessierent engagier.

La mesons valoit de loier

.XX. livres de paresis l'an;

Jà n'en éust paine n'ahan

Que de ses deniers recevoir.

Bien fii d'amis et de pooir

La damoisele emparentée,

Et le preudon l'a demandée

Au père et à toz ses amis.

Li chevalier li ont enquis

De son mueble, de son avoir,

Combien il en pooit avoir.

Et il lor dist moult volentiers :

i< J'ai, qu'en denrées qu'en deniers.

l37 LA HOUCË PARTIE 87

.M. et .Vc. livres vaillant; J'en deveroie estre mentant Se je me vantoie de plus; Je l'en donroie tout le plus De .C. livres de paresis.

Je les ai loiaument aquis; J'en donrai mon fil la moitié.

— Ce ne porroit estre otroié, Biaus sire, font li chevalier; Se vous deveniiez templier,

Ou moine blanc, ou moine noir, Tost lesseriiez vostre avoir Ou à temple ou à abéïe :

Nous ne nous i acordons mie; Non, Seignor, non, Sire, par foi.

— Et comment donc, dites le moi ?

— Moult volentiers, biaus Sire chier.

Quanques vous porrez esligier.

Volons que donez vostre fils.

Et que il soit du tout saisis.

Et tout metez par devers lui.

Si que ne vous ni à autrui N'i puissiez noient calengier.

S'ainsi le volez otroier, Li mariages sera fait; Autrement ne volons qu'il ait Nostre fille ne nostre nièce. »

Li preudon penssa une pièce; Son fil regarde; si penssa, Mes mauvesement emploia

88 PABLIAU y I

Celé penssée que il fist.

Lors lor respont et si lor dist :

« Seignor, de quanques vous querez

Acomplirai voz volentez,

Mes ce sera par .1. couvent :

Se mes 6lz vostre fille prent

Je li donrai quanqu'ai vaillant)

Et si vous di tout en oiant

Ne vueil que me demeure rien.

Mes praingne tout et tout soit sien,

Que je Ten saisi et revest. »

Ainsi le preudon se dévest.

Devant le pueple qui là fu

S'est dessaisis et desvestu

De quanques il avoit el monde,

Si que il remest ausi monde

Com la verge qui est pelée,

Qu'il n'ot ne denier ne denrée

Dont se péust desjéuner

Se ses filz ne li volt doner.

Tout li dona et clama quite,

Et, quant la parole fu dite,

Li chevaliers tout main4i main

Saisi sa fille par la main ;

Si Ta au bacheler donée,

Et li vallés Ta espousée.

D'iluec bien à deus anz après Bonement furent et en pès Li maris et la dame ensanble, Tant que la dame, ce me sanble,

197 l'A HOUCK PARTIE 89

Ot un biau fil du bacheler.

Bien le fist norrir et garder, Et la dame fii bien gardée, Sovent baignie et relevée.

Et li preudon fu en Tostel; Bien se dona le cop mortel Quant, por vivre en autrui merci.

De son avoir se deffesi.

En Tostel fu plus de .XII. anz, Tant que li enfez fu jà granz Et se sot bien apercevoir.

Souvent oï ramentevoir Que ses taions fist à son père, Par qoi il espousa sa mère, Et li enfes, quant il Toi, Âinc puis nel volt mètre en oubli.

Li preudon fu viex devenu, Que viellèce Tôt abatu Qu'au baston l'estuet soustenir.

La toile à lui ensevelir Alast volentiers ses filz querre; Tart li estoit qu'il fost en terre.

Que sa vie li antiioit.

La Dame lessier ne pooit.

Qui fière estoit et orguilleuse; Du preudome estoit desdaigneuse.

Qui moult li estoit contre cuer.

Or ne puet lessier à nul fiier Qu'ele ne déist son Seignor :

<c Sire, je vous pri par amor,

Fabl. I II

Donez congié k vostre père, Que, foi que doi Tame ma mère , Je ne mengerai mes des denz Tant com je le saurai céenz, Ainz Yueil que li donez congié.

— Dame, fet-il, si ferai-gié. »

Cil, qui sa famé doute et crient , Maintenant à son père vient; Se li a dit isnelement :

a Pères, pères, alez vous ent; Je di c'on n'a céenz que fère De vous ne de vostre repaire ; Alez vous aillors porchacier.

On vous a doné à mengier En cest ostel .XII. anz ou plus ; Mes fêtes tost, si levez sus; Si vous porchaciez où que soit , Que fère l'estuet orendroit. »

Li pères Tôt ; durement pleure ; Sovent maudit le jor et l'eure Qu'il a tant au siècle vescu :

« Ha 1 biaus douz iilz, aue me dis-tu ?

Por Dieu , itant d'onor me porte Que ci me lesses à ta porte.

Je me girrai en poi de leu ; Je ne te quier nis point de feu , Ne coute-pointe , ne tapis; Mes la fors souz cel apentis Me fai baillier. I. pou d'estrain.

Onques por mengier de ton pain

sSy LA HOUCE PARTIE 91

De Tostel ne me gete fors.

Moi ne chaut s'on me met là hors ,

Mes que ma garison me livre ;

Jà, por chose que j'aie à vivre

Ne me déusses pas faillir.

Jà ne puès-tu miex espenir

Toz tes péchiez qu'en moi bien faire y

Que se tu vestoies la haire.

— Biaus père, dist li bachelers, Or n'i vaut noient sermoners; Mes fêtes tost, alez vous en , Que ma famé istroit jà du sen.

— Biaus filz, où veus-tu que je voise ?

Je n'ai vaillant une vendoise.

— Vous en irez en celé vile ; Encore en i a-il .X. mile

Qui bien i truevent lor chevance :

Moult sera or grant meschéance Se n'i trovez vostre peuture ; Chascuns i atent s'aventure; Aucunes genz vous connistront, Qui lor ostel vous presteront.

— Presteront, filz! Aus genz que chaut, Quant tes ostels par toi me faut ?

Et, puis que tu ne me fèz bien.

Et cil qui ne me seront rien Le me feront moult à envis , Quant tu me faus, qui es mes fils.

— Pères, fet-il , je n'en puis mais Se je met sor moi tout le fais ;

Ne savez s'il est à mon mel. »

Adonc ot li pères tel duel ,

Por poi que li cuers ne li crièye.

Si foibles comme il est, se lièye;

Si s'en ist de l'ostel plorant :

(( Filzy fet-il, à Dieu te commant.

Puisque tu veus que je m'en aille,

Por Dieu me done une retaille

.D'un tronçon de ta sarpeillière,

Ce n'est mie chose moult chière,

Que je ne puis le froit soufrir.

Je le te demant por couvrir,

Que j'ai robe trop poi vestue;

C'est la chose qui plus me tue. »

Et cil, qui de doner recule,

Li dist : a Frères, je n'en ai nule.

Li doners n'est or pas à point ;

A ceste foiz n'en aurez point ,

Se on ne me le toit ou emble.

— Biausdouz filz, toz li cuers me tramble,

Et je redout tant la froidure ;

Done moi une couverture

De qoi tu cuevres ton cheval,

Que li frois ne me face mal. d

Cil, qui s'en bée à descombrer.

Voit que ne s'en puet délivrer

S'aucune chose ne li baille;

Por ce que il veut qu'il s'en aille.

Commande son fil qu'il li haut.

Quant on le huche , l'enfes saut :

3l7 LA HOUCE PARTIE 93

<c Que vous plest, sire, dist Tenfant?

— Biaus filz, fet-il, je te commant.

Se tu traeves Testable ouverte ,

Done mon père la couverte

Qui est sus mon cheval morel.

S*il veut si en fera mantel ,

Ou chapulaire, ou couvertor;

Done li toute la meillor. »

Li enfes, qui fu de biau sens,

Li dist : « Biaus taions, venez enz. »

Li preudon s'en torne avoec lui,

Toz corouciez et plains d'anui.

L'enfes la couverture trueve;

La meillor prist et la plus nueve ,

Et la plus grant et la plus lée ;

Si l'a par le mileu doublée,

Si le parti à son coutel

Au miex qu'il pot et au plus bel ;

Son taion bailla la moitié.

<c Biaus filz , fet-il , que ferai-gié ?

Por qoi le m'as-tu recopée ?

Ton père le m'avoit donée.

Or as^tu fet grant cruauté ,

Que ton père avoit commandé

Que je l'eusse toute entière ;

Je m'en irai à lui arrière.

— Alez, fet-il , où vous voudrez ,

Que jà par moi plus n'en aurez. »

Li preudon issi de l'estable :

« Filz, fet-il, trestout torne à fable

Quanque tu commandas et fis ; Que ne chastoies^tu ton fils Qu'il ne te doute ne ne crient?

Ne vois-tu donques qu'il retient La moitié de la couverture ?

— Va, Diex te doinst maie aventure!

Dist li pères ; baille li toute.

— Non ferai, dist l'enfes, sanz doute ; De qoi seriiez-vous paie ?

Je vous en estui la moitié,

Que jà de moi n'en aurez plus.

Se j'en puis venir au desus ,

Je vous partirai autressi

Comme vous avez lui parti.

Si comme il vous dona l'avoir,

Tout aussi le vueil-je avoir.

Que jà de moi n'enporterez

Fors que tant com vous li donrez.

Si le lessiez morir chetif.

Si ferai-je vous, se je vif. »

Li pères l'ot : parfont souspire ;

Il se repensse et se remire.

Aus paroles que l'enfes dist

Li pères grant example prist;

Vers son père torna sa chière :

« Pères, fet-il, tornez arrière ;

C'estoit anemis et pechié

Qui me cuide avoir aguetié ;

Mes, se Dieu plest, ce ne puèt estre.

Or vous faz-je seignor et mestre

$77 LA HOUCE PARTIE

De mon ostel à toz jors mais.

Se ma famé ne veut la pais, S*ele ne vous veut consentir, Aillors vous ferai bien servir; * Si vous ferai bien aaisier De coute-pointe et d'oreillier.

Et si vous di, par saint Martin, Je ne beverai mes de vin Ne ne mengerai bon morsel Que vous n'en aiez del plus bel; Et serez en chambre celée Et au bon feu de cheminée ; Si aurez robe comme moi.

Vous me fustes de bone foi , Par qoi sui riches à pooir, Biaus douz père, de vostre avoir. »

Seignor, ci a bone monstrance Et aperte senefiance Qu'ainsi geta le filz le père Du mauves penssé où il ère.

Bien se doivent tuit cil mirer Qui ont enfanz à marier.

Ne fêtes mie en tel manière.

Ne ne vous metez mie arrière De ce dont vous estes avant.

Ne donez tant à vostre enfant Que vous n'i puissiez recouvrer. L'en ne se doit mie fier, Que li enfant sont sans pitié ; Des pères sont tost anoié

Puis qu'ils œ se pueeut lidier.

Et qui vient en autrui dangier Molt vit au siècle en grant anui.

Cil qui vit en dangier d'uitnii.

Et qui du suen méismeoient A autrui livroison s'atent; Bien vous en devez chastoier.

Icest example Sst Bernier, Qui la matère enseigne à (%re.

Si en fist ce qu'il en sot bire.

ExpUeil dt ta Houet partie.