ET DE DAME ANIEUSE

(par jIUGUES PIAUCELE.) Mtniiscrit P. Pr., 85 7, f. 49 recto à 5i recto.

UES PiAUCELE, qui trova .

Cest fablel, par reson prova Que cil qui a famé rubeste Est garnis de mauvèse beste.

Si le prueve par cest reclaim

D'Anieuse et de sire Hain.

Sire Hains savoit bon mestier,

Quar il savoit bien rafetier

Les côtelés et les mantiaus;

Toz jors erent à chavestriaus

Entre lui et dame Anieuse,

Qui n*estoit pas trop volenteuse

De lui servir à son voloir;

Quar quant li preudom veut avoir

Porée, se ii fesoit pois.

Et si estoit tout seur son pois ;

Et quant il voloit pois mengier,

Se li fesoit por engaignier

Un poi de porée mal cuite.

Fabl. I i3

Anieuse ert de mal porçuite Vers son seignor quanqu*ele pot ; Quar quant il voloit char en pot , Dont U fesoit-ele rostir Et toute en la cendre honir, Por ce qu'il n'en péust gouster.

Se vous me volez escouter, Je vous dirai bon helemot :

Riens ne vaut se chascuns ne m'ot, Quar cil pert moult bien l'auleluye Qui par .1. noiseus le desluie; C'est por noient, n'i faudrai mie.

Sire Hains a dit : « Douce amie, Alez me achater du poisson.

— Vous en aurez à grant foison, Dist Anieuse, par saint Cire ; Mes or me dites, biauz douz sire.

Se vous le volez d'éve douce. »

Et cil, qui volentiers l'adouce, Li a dit : « Mes de mer, amie. »

Anieuse ne tarda mie.

Qui moult fu plaine de mal art.

Au Pont vient, si trueve Guillart, Qui estoit ses cousins germains :

« Guillart, dist-ele, c'est du mains, Je vueil avoir des epinoches; Mon mari , qui de maies broches Ait crevez les iex de la teste, Demande poisson à areste. »

£t cil, qui fu de maie part.

5o SIRE HAIN ET DAME ANIEUSE. 99

Li a tornées d'une part, Se li a mis en son platel ; Puis les cuevre de son mantel , En sa meson en vint tout droit.

Sire Hains, quant venir la voit, Li a dit : « Bien veigniez vous, dame ; Foi que vous devez Notre-Dame, Est-ce raie, ou chien de mer?

— L'en faut moult bien à son esmer, Fet Anieuse, sire Hain; Volez-vous lier vostre estrain ,

Qui me demandez tel viande?

Moult est ore fols qui demande Chose que l'en ne puet avoir :

Vous savez bien trestout de voir Qu'il a anuit toute nuit plut :

Toz li poissons de là hors put.

— Put! fet sire Hains; Dieu merci, J'en vi ore porter par ci

De si bons dedenz .L panier.

— Vous en porrez jà tant pledier, Fet cèle, qui le het de cuer, Que je geterai jà tout puer.

Dehait qui le dit s'il nel fet I »

Les espinoches tout à fet

A semées aval la cort.

« Diexl fet Hains, com tu me tiens cort 1

A paines os^je dire mot ;

Grant honte ai quant mon voisin m'ot y

Que tu me maines si viument.

PAiLlAU TI 80

— Bal si en prêtiez vengement, Fet-ele, se vous Tosez fère.

— Tais-toi, fatne de put afère^ Fet sire Hains ; lai moi ester; Ne fîist por ma chose haster Por aler au marchië demain , Tu le compraisses aparmain.

— Comperaisse I fet Anieuse ;

Par mon chief, je vous en di beuse; Quant vos volez, si commenciez. »

Sire Hains fil moult corouciez :

.1. pétitelet se porpensse; Après a dit ce que il pensse, Quant fu apoiez sor son coûte :

« Anieuse, fet-il, ç*acoute:

Il m'est avis, et si me samble, Que jà ne serons bien ensamble Se nous ne tomons à .1. chief.

— Or dites donques derechief, Fet-ele, se vous l'osez ftre,

A quel chief vous en volez trère.

— Oïl , fet-il , bien Tose dire :

Le matinet, sanz contredire, Voudrai mes braies deschaucier.

Et enmi nostre cort couchier; Et qui conquerre les porra , Par bone reson mousterra Qu'il ert sire et dame du nostre.

— Je Totroi bien, par saint Apostre, Fet Anieuse, de bon cuer.

IIO SIRE HAIN IT DAME ANIEUSE lOl

Et se je les braies conquer^ Cui entrerai à tesmoignagc?

— Nous prendrons en nostre visnage .1. home que nous miex amon.

— Je Totroi bien; prenons Symon, Et ma comère dame Aupais ;

Que qu'il aviegne de la pais, ^ Cil dui garderont bien au droit.

Hucherai les je orendroit?

— Diex! fet Hains, corn tu es hastiue !

Or cuides bien que jà soit tiue

La baillie de no meson ; Ainz auras de moult fort poison Béu, foi que doi saint Climent.

Moult ya près que je ne cornent.

— Comencier, fet dame Anieuse ; Je sui assez plus covoiteuse Que vous n'estes del comencier.

Or n'i a fors que del huchier

Noz voisins. — Certes ce n'a mon.

— Sire Symon, sire Symon l Quar venez avant, biaus compère, Et si amenez ma comère, S'orrez ce que nous volons dire.

— Je Totroi bien sanz contredire, »

Fet Symons debonerement.

AdoQC s'en vindrent esraument.

Si s'assiéent l'un delez l'autre.

Sire Hains, l'un mot après l'autre, Lor a contée la réson

Et descouverte i'achoison Por qoi la bataille doit estre.

« Ha I fet Symons, ce ne puet estre Que vous ainsi vous combatez. »

Anieuse dist : « Escoutez :

Li plais est pris en tel manière Que nus n*en puet aler arière, Foi que doi au baron saint Leu; Je vueil que soiez en no leu ; Si ferons que fère devons. »

Dont primes a parlé Symons :

<c Je ne vos porroie achoisier, Ne acorder^ ne apesier, Ainz aurez esprové voz forces.

Or garde bien que tu ne porces, Anieuse, se ton poing non.

Sire Hain, je vous di par non.

Gardez bien que vous ne porciez Nule chose dont vous faciez Vo famé mal, fors de voz mains.

— Sire, si mVit S. Germains, Fet sire Hains, non ferai-gié ; Mes or nous donez le congié De no meslée comencier.

Il n'i a fors del deschaucier Les braies dont la noise monte. »

Que vous feroie plus lonc conte ?

Les braies furent deschaucies, Et enz enmi la cort lancies; Chascuns s'apresta de combatre ;

lyo SIRE HAIN ET DAME ANIEUSE Io3

Jà lor verra lor os debatre, Sire Symons, qui le parc garde.

Ainz que Hains s'en fust donez garde Le fiert Anieuse à plains braz :

a Vilains, dist-ele, je te haz ; Or me garde ceste alemite.

— Ha 1 dist Hains, très orde traître, M'es-tu jà venue ferir ?

Je ne porroie plus souffrir, Puisque tu m'as avant requis ; Mes, si m'ait Sainz Esperis, Je te ferai maie nuit trère.

— Par bieu, je ne vous doute guère, Fet celé, por vostre manace; Puisque nous somes en la place.

Face chascuns du pis qu'il puet. »

A cest mot sire Hains s'esmuet, D'ire et de mautalent espris; La cors fu granz et li porpris.

Bien s'i pooit-l'en retorner.

Et, quant celé vit atorner Son baron por li domagier, Onques ne se vout esmaier, Ainz li cort sus à plain eslais.

Huimès devendra li jeus lais, Quar sire Hains sa famé ataint Si grant cop que trestout li taint Le cuir, sor le sorcil, en pers.

ce Anieuse, dist-il, tu pers; Or t'ai ta colëe rendue. »

104 FAiLIAU VI 200

Celé ne fu mie csperdue,

Ainz li cort sus isnelement ;

Se li done hastivement

.1. cop par deseur le sorcil

Qu'a poi que delèz .1. bercil

Ne l'abati trestout envers.

« Trop vous estiiez descouvers,

Fet Anieuse, ceste part ; »

Puis a esgardé d'autre part,

S'a véu les braies gésir;

Hastivement les cort sesir,

Si les liève par le braioel.

Et li vilains par le t^iiel

Les empoigne par moult grand ire :

Li uns sache, li autres tire ;

La toile desront et despièce;

Par la cort en gist maint pièce ;

Par vive force jus les mètent,

A la meslée se remètent.

Hains fiert sa famé enmi les denz

Tel cop, que la bouche dedenz

Li a toute emplie de sanc ;

« Tien ore, dist sire Hains, anc t

Je cuit que je t'ai bien atainte;

Or t'ai-je de deux colors tainte ;

J'aurai les braies toutes voies. »

Dist Anieuse : « Aînz que tu voies

Le jor de demain au matin,

Chanteras-tu d'autre Martin,

Que je ne te pris deux mellenz ;

aSo SIRE HAIN ET DAME ANIEUSE Io5

Filz à putain, tilainz puUenz, Me cuides^to aroir sorprise ? »

A cest mot, de grant ire esprise, Le fiert Anieose esraument ; Li cops vint par graat mautalent Que dame Anieuse geta ; Delèz l'oreille racosta.

Que toute sa force i emploie.

A sire Hains Teschine ploie, Quar del grant cop moult se detort :

(c Vilains, dist-ele, tu as tort, Qui ne me lais les braies prendre. »

Fet sire Hains : « Or puis aprendre Que tu ne m'espargnes noient ; Mes se par tens ne le te rent Sire Hains, dont li faille Diez ; Or croist à double tes granz diex, Quar je te tuerai ancui. »

Anieuse respondi ; « Qui Tuerez vous, sire vilains?

Se je vous puis tenir sus mains.

Je vous ferai en mon Dieu croire :

Vous ne me verrez jà recroîre, Ainz morras ainçois que m'eschapes.

— Tien or ainçois ces .II. soupapes, Fet sire Hains, ainz que |e muire ; Je le te métrai moult bien cuire.

Se j'en puis venir au desus. »

A cest mot se recorent sus, Si s'entredonent moult granz caus.

Fabl. I 14

Sire Hains fu hastis et chaus, Qui del ferir moult se coitoit ; N'en pot mes, quar moult le hastoit Ânieuse, qui pas nel doute ; De deux poins si forment le boute Que sire Hains va chancelant.

Que vous iroie-je contant ?

Tout furent sanglent lor drapel, Quar maint cop et maint hatiplel Se sont doné por grant air.

Ânieuse le cort sesir, Qui n'ert pas petite ne manche ; Sire Hains au tor de la hanche L'abat si durement sus coste, Qu'à poi ne li brise une coste.

Celé chose forment li griève ; Mes Ânieuse se reliëve, .1. petit s'est arrière traite.

Âupais le voit, si se deshaite, Qui le parc garde o son baron :

« Ha! por Dieu, fet-elle, Symon, [Quar] parlons ore de la pès. )> [Ce] dist Symon, « Lai-moi en pès,

tait or, S. Bertremiex

s' Anieuse en fust au miex,

Que tu m'en priaisses aussi ; Non féisses, par saint Forsi, Tu ne m'en priaisses à pièce ; Or atent encore une pièce, Tant que li uns le pis en ait,