DU SEGRBTAIN OÙ DU MOINE
Il aperçoit le froc au moine :
« Aïe Dius et saint Antoine !
A I femme, ce n'est mie fable !
Por no bacon avons diable Grant et hideus et contrefait !
Par le cuer Diu ci a mal plait I »
Atant a le hardel trenchié ; S'a le moine jus trebuchié.
Tant Ta visé, tant l'a veû S'a le moine reconneû :
« E I femme, » ce dist li vilains, a Je cuit que c'est li secretains. »
Quant la femme ot celé novele, Saciés ne li fu mie bêle, Et dist en bas : « Que ferai, lasse?
Bien sai, je serai demain arse.
Et vous serés pendus, biaus sire.
Demain porra li siècles dire K'o moi l'avés trové gisant.
— Femme, ne te va esmaïant, Ke jou ferai ja tost tel carne Ke je t'osterai de cest blasme.
Li blans jumens au capelain Gist là hors atout .i. poulain; N'est encore gaires doutés, Se li moines est sus montés Bien loiiés à une cordele ;
Et nous avons une vies sele Ke nous li métrons sus le dos.
— Sire, por Diu, car faites tos,
Fail. V. 1 7
3o FABLIAU CZZni 470
Car ce me vient moût à plaisir. »
Atant va le poulain saisir ; Si li a la sele sus mise :
Le moine i loient en tel guise De ça ne de là ne balance.
Et puis a pris une vies lance :
Se li a desous le bras mise En tel manière et en tel guise Si qu'ele vient trestout à point, Et .1. escu vies et despoint Li mist au col et tout destaint.
De Postel Ta ensi espaint, Et li poulains en travers saut Une eure bas, et autre haut, Si que nus ne le puet tenir.
Et li jors coumence à venir Ke la gens lieve par la vile :
Du pule i ot plus de .xx. mile.
Du moine s*esmervellent tuit Ki ensi vient par si grant bruit :
« Fremés les huis I fremés I fremés 1 Ci vient uns moines très armés ! »
Tout le gabent et tout le huent ; Maint pot et maint torçon li ruent.
A Tabé conta uns vilains :
« Sire, ci vient li secretains Cui on va huant comme fol ; Il a .1. escu à son col Et porte lance grande et fort :
Il veut mal ne sai cui de mort, d
5oO DU SEGRETAIN OU DU MOINE l3l
Et quant li pneus Toi dire, Si dist qu'il vient por lui ocire, « Mais ci ne l'atendrai je mie. »
Atant se fiert en l'abeïe, Derier le grant autel se muce ; De son caperon fait aumuce, A genous et à jointes mains.
Et saciés que li secretains Fu encor sor le palefroi.
Mais por le noise et por Teffroi Ke la jent aloient menant S'en va vers h moustier bruant, Mais si basse i estoit l'entrée Si comme i vient de randonée, Fiert la teste à lintel desus :
•Ronpent cordes, et il ciet jus Trestous envers, janbes ouvertes.
Adonc ceurent li moine acertes, Se se metent tout environ.
Sanglant treuvent le caperon Et lui assés plus froit de glace :
Or n'i a nul ki duel ne face.
Quant il virent que il est mors, Li abes enfoi le cors.
Mais, ançois qu'il fust enterrés, Fu assés plains et regretés.
Ensi nus raconte cis livres Que li borgois ot les .c. livres Et le bacon en son demoine.
Ici faut li Fablaus du Moine.
