DU PRESTRE QUI OT MERE A FORCE
Tout ausî comme forsenée.
Proit à l'evesque en est alée ; Au pié li chiet,et si se claime De son fil qui gueres ne Taime, Ne ne li veut faire nul bien Ne plus qu'il feroit à .i. chien.
Tout son cuer met à sa meschine :
Il n'a cure d'autre voisine; Celé a tout à sa volenté.
Et quant la vielle a tout conté A l'evesque ce qu'ele volt, Il li respont au premier mot Qu' il ne se voist mie repondre ; Que il fera son fil semondre, Qu'il viegne à cort à jor nomé.
Et la vielle l'a encline :
Si s'en part sanz autre responsse, Et l'evesque fait sa semonsse Sor le prestre qu'il viegne à cort, Que moût le voudra tenir cort ; S'il ne fet reson à sa mère.
Je dout moût qu'il ne le compère.
Li tens s'en vait et li jors vint Que li evesquès ses plais tint; Moût i ot clers et autres gens.
Et de provoires bien deus cens.
La vielle ne s'est pas tenue :
Droit à l'evesque est revenue, Et li ramentoit sa besoingne.
L'evesque dit que ne s'esloingne,
Que si tost corn son filz vendra Sache que il le souspendra^ Etli toudra son bénéfice.
La vielle qui fu foie et nice, Quant ele ot parler du souspendre, Guida c'on deûst son filz pendre, Puis dist à soi : ce Maleûrée, Porqoi me sui à lui clamée ^ Deables furent à mon nestre, Quant mon chier filz penduz doit estre.
Que je portai dedenz mes flans. »
Toz li est esmeûs li sans ; Grant pièce estut comme esbahie.
Lors s'apenssa, la renoïe, Qu'à l'evesque fera acroire G'ert son filz d'un autre provoire.
Atant uns prestres leanz entre, Qui moût fu gros par mi le ventre ; Si ot le col roont et cras.
La vielle dist isnel le pas A Pevesque, et cria en haut :
« Sire, sire, se Dieus me saut.
Mes filz est cil gros prestres là. »
L'evesque tantost l'apela :
a Venez ça, prestres desvoiez :
Dites moi porcoi renoiez Vostre mère que je voi ci ; Se Dieus ait de m'ame merci, A poi que je ne vous souspent.
La bone famé à vous s'atent.
l38 DU PRESTRK QUI OT MERE A FORCE 147
Qui est moût povre et moût frarine,
Et vous vestez vostre meschine
De bone robe vaire et grise :
Corn par est ore bien assise
La rente dont estes saisis ! »
Li prestres fu toz esbahis
De ce que Tevesque li dist :
a Sire, X» fet il, ce se Dieus m'ait,
Je n'oi mère meut a lonc tens,
Je ne cuit mie, ne ne pens
Conques ceste vielle veïsse.
Sachiez que pas nel desdeïsse.
Se cuidaisse que fust ma mère.
— Qpi ! » fet l'evesque, « par saint Père,
Or estes vos trop desloiaus.
Et trop malvais prestres et faus :
Vous estes escommeniez
Quant vostre mère renoiez :
Et souspendus ne puet autre estre. »
Dont ot moût grant paor le prestre :
Quant il ot qu'il ert souspenduz
Moût fu dolenz et esperduz ;
A l'evesque merci cria.
Et dist que son plesir fera.
Dit l'evesques : « Et je l'otroi.
Or prenez vostre palefroi ;
Si metez vostre mère sus.
Et gardez que n'en oie plus
Novele plainte ne clamor.
Mes portez li moût grant honor :
Si la vestez si qu'il i paire. »
Atant li prestres s'en repaire ; Quant de l'evesque ot le congië, Tart li est qu'il fust eslongié.
La vielle porte devant soi Sor le col de son palefroi, Et maugré sien, ce sai de voir, Li trovera son estovoir.
Encor n'ot une liue alée, Quant il, cp fons d'une valée, Le fil à la vielle encontra.
Celé part son chemin torna, Des noveles le tint moût cort ; Et cil li dist que à la cort Devant l'evesque .i. jor avoit.
Don regarde sa mère et voit.
Qui li fet signe c^outre alast.
Et que de rien ne l'aparlast ; Et quant il fu outrepassez, Li autres prestres dist : <c Alez, Quant vendrez à cort, biau compaing, Dieus vous doinst autretel gaaing Com je ai fet ceste vesprée ; L'evesque m'a mère donée :
Ou soit à droit , ou soit à tort, Ceste vielle hideuse en port.
Si la me covient maintenir. »
Adonc ne se pot plus tenir Li filz à la vielle de rire.
Lors commença au prestre à dire :
