DU PRESTRE QUI OT MERE A FORCE

« Se vous vostre mère en portez, Por ce ne vous desconfortez.

— Mère ! sire, » ce dist le prestre, (( Mère, au deable puist ele estre, Que ma mère ne fu ele onques ! »

L'autre prestres li dist adonques De chief en chief sa volenté :

« Qui or vous feroit tel bonté,

Que la vielle por vous preïst

Et la peûst et la vestist^

Tote sa vie l'i trouvast,

Mais que la vielle Totroiast,

Que li donnez vous, biaus douz sire? »

Li prestres respont : « Par saint Sire ,

Cui hom je sui et chapelains,

S'il estoit ne clers ne vilains,

Qui de son cors me delivrast,

Et la vestit et la chauçast,

Il en avroit .xl. livres.

— Por tant en serez vous délivres, »

Fet il, a se vos les me bailliez, N'aiez garde que i failliez. »

Fet cil : « Se la vielle Totroie. »

Fet la vieille : « Se Dieus me voie, Je Totrie moût bonement. » Lors a cil fet le paiement Et lés deniers créante à rendre.

Or puet plus asseûr despendre Li filz à la vielle sanz faille Que cil toz les deniers li baille

iSo FABLIAU CXXV

Si s'en acuité com loiaus.

A cest mot fenist cis fabliaus Que nous avons en rime mis Por conter devant noz amis.

ExpUcit du Pretlre qui ot mère à foret.