DE LA VIELLETE OU DE LA VIELLE TRUANPI 1 7 S
— Li maufés, » fait il, « vous i port, Vielle pusnaise, et vous raport.
Que ja ne vous i porterai.
— Fius, » fait ele, « jou te portai Ens en mes flans .ix. mois entiers; Si te nouri moût volentiers :
Tu es mes fius, por Diu merci ;
Ne me laisse pas seule ichi.
— Vos fius ! » fait il, « vielle brehaigne !
Li passions ançois vous pregne
Que ja me mère soit si faite.
Si dope ne si contrefaite.
Car me mère est haute borgoise.
— Fius, » fait ele, « com il me poise Que jou vous voi si desvoiés : .
Vo mère sui, bien le saciés ;
Mes fius estes tôt entresait, Maugrés que tos li mons en ait.
— Vois, » fait il, « pourJe geule Diu, Sui bien bonis à ci boin giu
Quant ceste laide vielle sote Se fait me mère tôt à force 1 Près va que jou ne l'escervele. »
Dont se raert ci us à sa sele A çou qu'il cuida monter sus.
Et li vielle le rabat jus. Et si l'emporte et sace et tire.
A çou qu'il sont en tel martire Et qu'ele le tenoit si court, .1. haus hom repairoit de court
 grant compaignie de gent; Si vint par là isnelement.
Si s'enbati sor la mellée.
« A il maaille bestornée, Biaus amis? » fait li castelains ; oc Ne soies pas faus ne vilains ; Paiiés le feme son argent, Puis k'ele a fait vostre talent.
— Or resui, » fait il, « bien venus; Mius ameroie estre pendus K'eûsse fait tel vilonie ! »
Et li truande haut s'escrie :
« Sire, por Diu, faites me droit De mon enfant, qui ci endroit Me veut laissier ci à cest port ; Dites li, sire, qu'il m'en port Pair mi celé eve outre cel tai :
C'est mes enfes, jou le portai.
-^ Ha ! » fait li sires, « dous amis.
Qui vous a en si fait sens mis Qujg vous laissiés ci vostre mère ?
Car l'en portés outre, biau frère:
— Sire, » fait il, « vous avés tort Qui me metés seure la mort.
Que si me laist Dius repairier
A mon ostel sans encombrier, Que jou ne soie desmembrés, Ars u pendus u traînés Que jou onques mais ne le vi Ne ne parlai encore à li.
200 DE LA VIELLET£ OU DE LA VIELLE TRUANDE l'J'J
Ne ne sai qu'ele me demande.
Çou est une vielle truande,
Ne jou ne le vi onques mais.
— Sire, pour Diu, laissiéme en pais, »
Fait li sires, « par saint Vincent,
Savoie ore certainement
Que la truande me mentist.
Et que ne vous apartenist
Il le vous convenoit ja foutre.
Je duc ore avoir dit tôt outre. »
Quant la truande ot le haut home :
« Sire, par saint Piere de Rome,
Il ne m'apartient ne jou lui
N'onques mais jor ne le connui
Fors hui cest jor qu'il me jura
Sor sains que il m'espousera.
— Ahï ! » fait il, « vielle sorcière,
Li passions ançois vous fiere 1 »
Fait li sires : a Or n'i a tour :
Foi que jou doi saint Sauveour,
Puis qu'ele ne vous apartient,
Tantost foutre le vous convient. »
Adonc ot li vallès grant ire.
Ne sot que faire ne que dire :
ce Sire, » fait il, « pour Diu merci,
Vous m'averiés enfin honi
Et grant desloiauté feroie,
Sire, se ma mère foutoie I »
Li sires Tôt, si en a ris ;
Fait il : « Foi que doi saint Denis,
Fabl. V. a 3
Aine mais ne yi sifaites gens.' Vallès, dis tu voir ou tu mens ?
— Sire, » fait il, « çou est ma mère.
— Or, n'i a tour c'un seul, biao frère :
Outre l'iaue le porterés,
U, voiant tous, le fouterés.
— Sire, voir se li porterai, Que ja voir ne le fouterai. »
Dont prist le vielle entre ses bras; Si l'en porta enesie pas ;
Desor son archon par devant L'emporta outre le courant Et en la fin tant le mena Li vielle, si c'on me conta, C'ançois que il de li escape , Covint qu'il li donast se cape ; Si le baisa tôt maugré suen.
Quant de tant en ot fait son buen, Si fu des gens grans la risée.
« Or l'as baisie et acolée, »
Fait li castelains., « biaus amis. « Et cius s'en va tous desconfis Cui li vielle a tant pormené K'ele l'envoia deffublé.
Por çou vous di en la parfin :
Teus cuide avoir le cuer moût fin Et moût npoint, n'est pas mençoigne, Qui set moût peu à U besoigne .
Explicit de U VielUte.
DO MAIGN I EN
