DE LA VIELLE TRUANDE

Paris, Bibl. nat., Mss. fr. 37$, fol. 29$ y® i 296 r* et 344 r» à 344 v°; 83;, fol. 312 r® à 3i3 r«, cl 3168, fol. 239 r® à 240 v®.

ES fables fait on les fabliaus, Et des notes les sons noviaus, Et des materes les canchons, Et desdras, cauces etcauchons.

Por çou vous voel dire et conter;

D'un fabelet vous voel conter

D'une fable que jou oï,

Dont au dire moût m'esjoï.

Or le vous ai torné en rime

Tout sans batel et tôt sans lime.

Si ne le vous voel plus celer.

Dire vous voel d'un baceler

Qui cevauchoit par mi .i. bois

Là où cueilloit sovent du bois

Li bacelers dont je vous conte.

S'il fust fins de roi u de conte,

S'estoit il biaus à desmesure;

Çou n'estoit ne rois ne mesure,

Car trop ert biaus outréement.

Se li fabliaus ne vous en ment ,

Biaus estoit et cortois et sages.

A .1. chevalier ert messages

Qui bien estoit du païs nés,

Et cius fu si endoctrinés

Et si cortois et si sachans

Et de paroles si trenchans

Que nus n'i peûst entremaure :

Proec qu'il vausist sa lange esmaure,

Il ne doutast. 11. avocas;

Mais par tans ert et mus et quas

Et si mas et si abaubis

Qu'il ne sara ne blanc ne bis.

Il cevauchoit par une lande, Et troeve une vielle truande Qui s'asorelle à .1. buisson Par dedevant une maison.

Illoeques recousoit ses piaus, Son mantelet et ses drapiaus Qui n'estoient mie tôt noef , Ains ot veû maint an renoef Du premier drap, i ot le mains.

Ele ne pot tenir as mains Escuele ne drap ne pièce Que tôt n'i akeuse et assiece ; En .vc. dés n'a tant de poins Con ele ja de dras porpoins.

Là s'asorelle et esgohele'; Son pochon ot et s'escuele, Son sakelet et ses mindokes.

.1. ongement ot fait de dokes

8o DE LA VIELLETEOU DE LA VIELLE TRUANDE If S

De vies argent et de vies oint

Dont son visage et ses mains oint

Por le solel qu'il ne Tescaude ;

Mais ce n'estoit mie bêle Aude,

Ains estoit laide et contrefaite.

Mais encor s'adoube et afaite

Por çou k'encore veut siecler.

Quant ele vit le baceler

Venir si très bel à devise,

Si fu de lui si tost esprise

K'ainc Blanceflor n'Yseus la blonde

Ne nule feme de cest monde

N'ama onques si tost nului

Com ele fîst tantost celui.

« Dieus vous saut !» fait il, « boine famé !

Veïstes vous hui passer ame ?

— Naie certes, mes enfes dous :

Que pleûst Diu k'entre nos dous Jeûssons ore bras à bras !

Si fesissiemes nos soûlas.

— Soûlas ! » fait il, « por les sains Diu, Porriés vous donc soffrir men giu?

— Certes, » fait ele, « jou ne sai, Mais or en soions à Tassai :

Se jou nés puis soffrir, si perge !

— Li maufés, » fait il, « vous aerge, Ançois que jou puis tel ju faire!

De vos soûlas n'ai jou que faire.

— Non, » fait ele, « me douce vite, Je sui plus poissans et plus simple

Que jou ne perce par dehors ;

Si ai bien savereus le cors

Et deduisans ma douce geule ,

Et je sui ci trestoute seule ;

Si avomes ci moût biau liu.

Descendes, dous amis, par Diu;

Si me baisiés et acolés

Et faites plus, se vous volés.

— Baisier? » fait il, « vieille pusnaise,

Volés vous donc que jou vous baise ?

Li .c, diable i soient tout! »

Quant celé le voit si estout K'ele n'i puet merci trover Por prometre ne por doner, Lors dist qu'après lui s'en ira, Ja celé part ne tornera.

Prist s'escuele et son pochon, Son sakelet et son baston ; Son dràpel prent et si s'en torne, De courre après celui s'atorne.

Tant le porsiut et tant le cache, Tant a porsiue sa trace K'ele le consiut et ataint Là ù cius son ceval restraint Qui passer de voit .i. courant; Et la vielle vient acourant Qui d'amors estoit marvoïe :

« Tôt, » si fait ele, a n'irés mie ; Par le mort Diu n'i passerés S'outre l'iaue ne me portés.