LES .1111. SOUHAIS SAINT MARTIN
S'en avrez .1. de remanant, Et si serommes riche gent. »
Et li vilains souhaide et dist Qu'ele n'ait con ne il n'ait vit.
Donques fu ele moût marie Quant de son con ne trova mie, Et li preudon, quant il revit Que il n'ot mie de son vit, Refu de l'autre part iriez :
« Sire, » dist ele, « souhaidiez Le quart souhait qu'encore avpn, Qu'aiez .1. vit et je .1. con ; Si ert ausi comme devant, Et si n'avrons perdu noiant.
Et li preudom resouhaida, Que ne perdi ne gaaingna, Que son vit li est revenuz.
Et ses souhais a il perduz.
Par cest fablel poez savoir Que cil ne fet mie savoir Qui mieus croit sa famé que lui :
Sovent l'en vient honte et anui.
Explicîunt les .1111. Souhais saint Martin.
DE LA DAMOISELE QJJI SONJOIT
ff NE damoisele sonjoit ïQue uns bachelers qui l'amott, IVestuz d'une cote de pers, çVenoit d'entort et de travers
Et avoeques li se couchoit.
Ausi comme en songes estoit,
En va celui en sa meson,
Si c'oQques ne li ol on :
Tant quist que il trova son lit.
Gros avoit et quarré le vit
Et moût ert coîntes, liez et baut.
Il joinst les piez et fet .1. saut
El lit où ele se dormoit.
Li pautoniers qui vit a roit
La prent, et la corbe, et l'embronche.
Et celé dort toz jors et fronche.
.Iir. foiz l'a foutue en dormant
Que ne se mut ne tant ne quant ;
Mes après la quarte s'esveille.
Or orrez une grant merveille ;
5o DE LA ÛAMOISELE QUI SONJOIT 209
Les ieus ouvri, si le choisi,
Gete les poins, si le saisi :
« Estez, 9 fet el, «vous estes pris :
Devant Tevesque de Paris
Vous covient venir droiturîer^
Qui vous fist mon parc depecier
Sanz congié, quant je me dormoie?
Si me doinst Dieus que je revoie
Père ne mère que je aie !
Trop estes de maie manaie
Qui si m'avez despucelée :
Je ne serai mes mariée.
Mes or me fêtes autrestanty
Quant je veille, comme en dormant,
Quar je ne sai en moie foi
Con vous getez les cops le roî
Là où le mal aus dames tient :
Je dormoie, ne m'en sovient.
Esploitiez tQst, je vous donrai
D'une mieue toile que j'ai,
Chemise et braies orendroit.-
Maie honte Dieus li envoit
Qui ne gaaingne quant il puet I
Fêtes tost, quar fere l'estuet.
— Par foi, » fet cil, a ma douce amie^
Je ai bien vo requeste oïe :
Si le ferai, si m'ait Dieus,
Tant que il vous en sera mieus. »
Lors l'avoit prise à la torcoise,
Si le rembronche et si l'entoise ;
Fail. v. «7
Comme laron dMluec eschape,
Et cil lest corre, si le frape,
Mes ne vaut rien que bien se tient.
« Por nient, » fet ele, a ne vous crient,
Il n'avra garde à ceste empointe,
Se estiiez encor plus cointe Que vous n'estes de la moitié ;
Por ce que vous estes pîngnié,
Et je sui encontre ce blonde.
Por qoi passastes vous l'esponde Quant je me dormoie en mon lit ?
Guidiez vous de vostre grand vit Avoir moi si estoutoïe ?
Je sui encor saine et haitie Plus que vous au mien escient ; Se contre vous ne me desfent, Dont sui je pire que ribaude :
Vous en avrez ja une chaude.
Or fêtes tost, si alez jus, Je revoeil ore aler desus ; Ce n'est pas, ce m'est avis, honte Quant homme faut, se famé monte. i> Ainsi torna son songe à bien.
Âutressi face à moi le mien.
Et à ces dames qui ci sont Les premiers qu'eles troveront Soit autretel comme cil fu :
Moût lor seroit bien avenu.
Explicit dt la Damoisdt qui sonjoit.
DEL COUVOITEUS
ET DE l'ENYIEUS
[par JEAN DE BOVES]
Bibl. nat.» Mss. fr. 191 Ss, fol. 5i t^ i 5i r®; Bibl. de Berne, Mss. 3 $4, fol, 1 1 1 r* à 1 1 1 t^.
EiGNOR, après le fabloier, Me vueil à voir dire apoier, Qar qui ne sait dire que fables, iN*est mie conterres regnables
Por à haute cort à servir,
S'il ne sait voir dire, ou mentir.
Mais cil qui du mestier est fers,
Doit bien par droit entre .11. vers
Conter de la tierce meure,
Que ce fù veritez seûre
Que dui compaignon à .i. tans
Furent, bien a passé .c. ans,
Qui menoient mauvaise vie.
Que li uns est si pleins d'envie
Que nul plus de lui à devise.
L'autre si plain de covoitise
Que riens ne li pooit soufire.
Cil ert ainsi malvais ou pire,
Que covoitise si est tieus, Qu'ele fait maint home honteus :
Covoitise preste à usures Et fait recouper les mesures Por covoîtiér d'avoir plus aise.
Envie si est plus malvaise, Qu'ele va tôt le mont coitant.
Entre envieus et covoitant Chevalchoient .i. jor ensamble :
S'aconsivirent, ce me samble, Saint Martin en une champaigne.
Poi ot esté en lor compaîgne, Qant il les ot espermentez De lor mauvaises volentez Qui es cuers lor erent plantées.
Lors truevent .11. voies hantées; Ses despartoit une chapele.
Saint Martin les homes apele Qui menoient malvais mestier :
a Seignor, » fait il, « à cest mostier Tornerai mon chemin à destre, Et de moi vos doit il melz estre.
Ge sui saint Martin le preudon ; Chascun de vos me ruist .1. don:
Si avra lues qui lui plaira, Et li autres qui se taira En avra maintenant .11. tanz. »
Lors se pensa li covoitanz Qu'il laira demander celui ; Si en avra .11. tanz de lui :
7 8 DEL COUVOITEUS ET DE l'ENVIEUS ai3
Molt goulouse double gaaing :
a Demande, » fait il, a beaus compaing ;
Seûrement que tu avras
Quanque tu demander savras ;
Soies larges de sohaidier :
Se de sohaiz te saiz aidier,
Riches seras tote ta vie. »
Cil qui le cuer ot plain d'envie,
Ne demandera pas son vueil,
Qu'il morroit d'envie et de duel
Se cil en avoit plus de lui.
Âinsinc esturent anbedui
Sanz demander une grant pièce :
« Qu 'atens tu qui ne t'en meschiece ? »
Fait cil qui avoit couvoitié;
« C'en avrai tote la moitié
Plus de toi, n'en avrai garant :
Demande, ou ge te batrai tant.
Que mielz ne fu asnes à pont.
— Sire, » li envieus respont,
« Ge demanderai, ce sachiez,
Ençois que vos mal me faciez,
Mais, se ge ruis argent n'avoir.
Vos en vorroiz .11. tanz avoir.
Mais n'en avrez riens, se ge puis.
Saint Martin, » dit il, a ge vos ruis
Que j'aie perdu un des elz.
Et mes compainz en perde deus :
Si sera doublement grevez. »
Tantost ot cil les elz crevez ;
Bien en fa tenuz li otroiz:
De .1111. elz perdirent les troiz, N'i conquistrent autre rien nule ; Ainz fist l'un borgne, l'autre avugle Sains Martins, et par lor so^aiz Cil perdirent. Mal dahez ait De moie part qui il en poise, Qu'il furent de maie despoise.
ExpUeit dt CovoUta tl de l'Envicus.
DU SEGRETAIN MOINE
J'uN moine vos dirai la vie, SSegretain fu de l'abaïe, CQui enama une borgoise SQui moit estait preuz et cortoise
Ydoine ot non, et son seignor
Dant Guillaume le changeor.
Ydoine fu bien ensaignîée,
.£t cortoise et bien affaitiée,
Et Guillaume sot bien changier :
Molt s'entremist de gaaignier.
Assez estoit preuz et cortois,
N'amoit pas escot de borgois.
Il n'ert mie taveraerez,
Ses osteus estoit beaus et nez :
La huche au pein n'ert pas fermée,
A toz estoit abandonnée.
S'uns lechieres li demandoit
Du sien, volentiers l'en donoît.
Riche gent erent à merveille.
Mais Deable, qui toz tens veille,
2l6 FABLIAU CXXXVI
S'entremîst molt d'aus engîgnier, Tant qu'il les fist apovroier.
A Guillaume estut enpranter :
Ne pooit plus change andurer.
A la feste alla à Provins, Et si enporta .iiii. vins Livres de bons provevoisiens ; Après s'en revint par Amiens, Dras achata ; si s'en venoit.
Por ce que bon marchié avoit, Faisoit Guillaume molt grant joie; Mais larron qui gaitent la voie, Et le trespas et le chemin.
Venu s'en furent si voisin.
Et il venoit .11. jors après Por ce que il menoit grant fès.
Mais n'orent pas granment erré.
Quant en la forest sont entré Iluec où li larron estoient Qui les marcheanz desroboient.
Quant virent Guillaume venir, De totes parz le vont saisir ; Jus le trebuschent du cheval.
Mais ne li firent autre mal.
Fors qu'il li tolent sa corroie ; Puis ont veû en mi la voie Son sergant, qui après venoit Et qui son lévrier amenoit.
Li troi larron sore li queurent, A lor costeaus tôt le dévorent f
8o DU SEGRETAIN MOINE 217
Quant Guillaume le vit morir, Enprès s*en commence à fuïr :( Guillaume s'enfuit en Espaigne.
Or n'a il gaires de gaaigne :
Quar, cil qui baillié li avoient Lor avoir, que ravoir quidoient Quant i revendroit de la foire, Dient: « Ci a malvais affaire :) Qu'avez vos fait de nostre argent?
Rendez le nos delivrement. »
Guillaume dist à ses voisins :
« Seignor, g'ai encor .m. molins Molanz farine, muelent tuit ; Or, ne soiez pas iriez tuit,' Prenez les, en pais me laissiez.
Tant que me soie pourchachiez. »
Et lor livra, et puis s'en vont, Quar tuit à lor grez paiez sont.
Et il revint avuec sa feme Qui molt estoit cortoise dame.
Por ce qu'el le vit corrocié , Bêlement l'avoit aresnié.
Et dit : « Ydoine, douce amie, Por Dieu ne vos corrociez mie :
Se Nostre Sire a consentu Que ge ai mon avoir perdu, Encor est il là où il sielt ; Bien nos conseillera, s'il velt. »
Ele respont : « Certes, beaus sire.
Si m'aist Dieus, ne sai que dire :
Fabl. V. a 8
2l8 FABLIAU CXXXVI IIO
Molt me poise de nostre perte
Et molt a fait maie déserte
Li sergans qui en est ocis.
Mais moi n'en chalt quant estes vis :
Quar perte puet Ton recovrer,
Mais mort ne puet on restorer. »
Icele nuit furent ainsi.
Et Tendemain endroit midi Ala Ydoine à Fabaïe Proier le filz sainte Marie De qoi Tiglise estoit fondée.
Une chandoile a alumée Que Damedieus la conseillast, Et son seignor gaaignier donast.
Desor l'autel mist sa chandoile ; Des elz, qui resanblent estoile, Plora et de son cuer soupire Que s'oroison ne li lut dire.
Li segretains Ta esgardée Qui longuement l'avoit amée.
Il vint avant et la salue :
« Dame, bien soiez vos venue, »
Dit li moines, « et bien trovée ! »
Celé ne fu pas enpruntée, Ainz tert ses elz, si li respont :
« Dieus vos gart, sire, et bien vos dont ! »
Puis li a dit, par grant douçor :
« Sire, comment le faites vos?
— Dame, bien, » dist li segretains ; « Ge ne demant ne plus ne mains
140 DU SEGRETAIN MOINE 219
De bien avoir, fors qu'avuec moi Vos tenisse en .i. lit segroi:
Adonques avroie achevé Ce que lonc tens ai desirré.
Ge sui de çaienz trésorier; Si vous donrai molt bon loier, Vos avrez .c. livres du mien :
Si vos en porroiz vivre bieti. »
Ydoine ot .c. livres nommer, Si se commence à porpensser Savoir s*el les pranroit ou non, Quar en .c. livres a beau don.
Mais el amoit de grant amor Dant Guillaume, son bon seignor ; Puis dit à soi meïsme bas :
« Sanz son congié nés pranrai pas. »
Le moine, autre foiz, Parraisone :
« Dame, » fait il, « par nostre gone, Ge ai de vos molt grant pitié, Longuement m^avez travaillié :
Bien a .un. anz que ge vos aim, Certes onc n'atoucha ma mein A vos, mais or i touchera. »
Lors l'acole, si la baisa ; Du baisier li a force faite.
Ydoine s'ert arrière traite.
Et dist : « Beau sire, en cest mostier Ne défissiez pas donnoier.
Ge m'en irai en ma maison, Si parlerai à mon baron.
Et l'en demanderai conseil. »
Dist li moines : « Molt me merveil S'a lui conseil en requerrez. »
Ele li dit : « Ne vos cremez ; L'en fait assez por gaaignier.
Mon seignor cuit si losengier, Que ge ferai vostre proiere. »
Li moines traist une aumosniere ; .X. sols i ot et puis li tent.
Ydoine volentiers les prent.
Ydoine vint à son ostel, ' Où il n'avoit ne pein ne sel, Quar povreté la destregnoit, Et la perte que faite avoit Sir6 Guillaume en la forest.
Ele parla, et il se test.
« Sire, » fait ele, « entendez moi :
.L conseil vos dirai, ce croi, Dont vos seroiz riche clamez, Ja ne seront .11. anz passez.
— Dame, » fait il , « en quel manière ? »
Donc trait Ydoine l'aumosniere
Que li moines li ot donée,
Hastivement l'ot desfermée ;
.X. sols i ot, et puis li tent.
Guillaume volantiers la prent.
Et puis li a dit : « Beaus dolz sire,
Por Dieu nel tenez pas à ire.
Se ge vos di ma'priveté. »
De chief en chief li a conté
200 DU SEGRETAIN MOINE 221
Comment li moines la proia, El mostier con il la trouva, Et com x. livres li pramist.
Guillaume Tentent, si s'en rist.
Et dit que, por tôt le trésor Otevien ne Abilor, Ne sofferoit il que hom nez Fust charnelment de li privez ; Mielz ameroit querre son pein Par le pais, morir de fain.
Quant Ydoine Ta entendu, Molt bêlement a respondu :
a Sire, » fait ele, tf qui seûst Engien querre, que Ten peûst Le segretain si décevoir Con peûst les deniers avoir, Il m*est avis ce seroit bien.
Il ne se clameroit por rien Ne au prior ne à Tabé. »
Il respont : « N'avez pas gabé?
Ce voldroie ge volentiers Que nos eussions les deniers ; Il s'en feroit bon entremetre :
Quel conseil i porron nos mètre?
— Sire, » dit ele, « ge li métrai.
Or, escoutés que ge ferai :
Cirai au mostier, le matin, Droit à l'autel de saint Martin ; M'irai au segretain parler, Et, se ge le puis encontrer,
222 FABLIAU CXXXVI 2io
Ge li dirai que à moi viegne Et que mon covenant me tiegne Qu'il me pramist : il le tenra.
Bien sai volentiers i yenra, Et aport o soi la corroie Trestote plaine de monnoie.
— Dame, » fait il, «or i parra; Maleoit soit qui s'en faindra !
— Voire, » fait ele, a de ma part.
— Dame, » dit il, « il m'est molt tart ; Dès or deussion nos parler
Que nos mengissons au souper.
— Sire, » fait el, « vos avez droit :
Alez achater orendroit
Tel viande, com vos plaira. »
Tantost les .x. sols li bailla.
Guillaume est as estaus alez; Pain et char achata assez.
Puis s'en revint en sa maison.
Et Ydoine apele .i. garçon, Qu'iluec ele envoia au vin.
Et si au poivre et au coumin ; El meismes fist la savor.
Si s'assistrent par grant amor, Et menjurent privéement, Els et le garçon seulement.
Quant orent mengié et beû.
Puis se couchierent que tens fu.
Et baisierent et acolerent.
Onques celé nuit ne parlèrent
260 DU SEGRETAIN MOINE $93
De povretez ne de mesaise, Qu'il sont braz à braz molt aese.
Au matin, quant il ajorna, Ydoine se vest et chauça.
Quant ele fu apareilliée, Bien afublée et bien loiée D'une bêle guinple de soie.
Droit au mostier a pris sa voie; Mais, ainçois qu'el i fust entrée, Estoit ja la messe chantée, Et la gent du mostier issoient Qui la messe escoutée avoient.
Et Ydoine passa avant, Droit à seint Martin maintenant S'est arrestée por orer, Li moines vint abooter Por savoir quant ele venroit.
Molt par fu liez quant il la voit ; Il vint avant, si li a dit :
« Molt me grieve vostre respit ; Or, me dites vostre coraige Que g'ai por vos el cor la raige, Que ge ne bui ne ne mengai Dès hier matin qu'à vos parlai. »
Ele dit : a Ne vos esmaiez.
Mais tôt asseûr en soiez :
Quar, enquenuit, dedenz mon lit Feroiz de moi vostre délit, Se vos me tenez covenant. »
Li moines respont maintenant :
« Dame, » dit il, « n'en doutez plus, Que x. livres n'i port ou plus; Bien est raisons que ges i port Que, se g*ai de vos le déport, Ge ne quier plus riens ne demant, Foi que doi Dieu omnipotent. »
De ses deniers assez li baille Por achater de la vitaille.
Lors prent congié, si s'en repaire ; Et cil pense de son affaire, Puis cerche boites et armoires Et les auteus as seintuaires, Où la gent ont Toffrende mise Qui orent oï le servise.
Une grant corroie a enplie.
De ce ne li menti il mie.
Que bien x. livres n'i eûst; Voire encor plus se il peûst.
En i eûst volentiers mis.
Molt à grant joie li chaitis Encontre sa malaventure.
Ydoine plus ne s'asseûre Qu'ele n'aparelt à mengier.
Guillaume menga tôt premier Qui en son lit s'ala bouter Por le moine desbarester :
En sa mein porta .i. gibet Qu'il ot enprunté d'un vallet.
Quant li moine de l'abeïe Orent chanté et dit conplie.
320 DU SEGRETAIN MOINE 225
En dortoir s'alerent couchier.
Li moines remest el mostier, Sachiez qu'il ne se coucha mie, Âinz li ramenbre de s'amie.
Dont s'en issi privéement Par .1, postiz tôt coiement.
Droit à l'ostel Guillaume vait Où il avoit basti son plait.
Il vint à Tus, si apela, Et Ydoine li desferma.
Puis le referma enprès lui.
Or sont en la maison andui, Et Guillaume qui el lit jut ; Et li moines menja et but Privéement avec sa drue Qui molt li sera chier vendue.
Ele li dit : a Beaus douz amis, Où est ce que m'avez pramis ? » .
Il li respont : « Dame, tenez Geste corroie et la gardez ; Il i a .c. livres molt bien, Ge n'en mentiroie por rien. »
Ydoine les vait estoier.
Puis a veû, lez le foier.
Les clés que cil li ot ruées ; Desus le banc les ot gitées.
Ydoine fu et bêle et gente.
Sa beauté le moine tormente ; Il se leva, faire li volt Dejoste le foier en rost,
Fabl. V. 19
126 FABLIAU CXXXTI 35o
Quant ele dît : t Por Dé merci,
Endui serions ja boni,
Quar ge crieng que la gent nos voie
Qui trespassent par mi la Toie :
En celé chanbre m'en portez ;
Là si faites voz volentez. »
Quant le moine Tôt, si se lieve.
Sachiez de voir que molt li griere
Qu'ele le vait si delaiant;
En la chambre de maintenaat
Desor .i. lit la giete enverse.
Guillaume saut à la traverse,
Si li dit : « Moine, par seint Pol,
Sachiez que ge vos tieng por fol
Qui si ma feme honir volez :
Molt seroie maleûrez.
Se ainsi le vos consentoie,
Et ja Damedieus ne le voie,
Qui ja le vos consentira. »
Li moines Tôt, puis se leva,
Prenre le volt, mais cil li done
Tel cop du gibet qu'il Testone.
Quant li moines fu estoné,
Guillaume a son cop recovré
Et le refiert el haterel,
Si li espandi le cervel.
Et ii moines chaï avant :
Ainsi va fous sa mort querant.
Quant Ydoine le vit morir.
Du cuer a gité .i. soupir :
38o DU SEORETAIN MOINE 337
« Lasse dolente, » fait Ydoine, « Quar fusse ge en Babiloine, Dolereuse maleûrée I Mar fusse ge de mère née, Quant por moi est basti tel plet I Guillaume, pot qu*as tu ce fait?
— Dame, » dit il, « ge le doutoie, Por ce que si grant le veoie.
Que il ne me preïst as braz ; Âmiez vos donc son soulaz
En mi voz jànbes à sentir?
Or n'i a mais fors du foïr.
Et dealer en estrange terre Si loinz c'on ne nos sache où querre.
— Sire, » dit ele, « ne poon.
Si vos dirai par quel raison :
Les portes du bore sont fermées Et les gaites €n hait montées. »
Ydoine pleure, Guillaume pense ; Molt remaint de ce que fous pense.
Quant Guillaume ot .i. poi pensé, Son chief dreça, si a parlé.
Et dit : « Ydoine, bêle amie.
Par où vint il de Tabaïe ?
— Sire, » dit el, « par le postiz Qui est devers le plaisseïz ; Ge vi or les clés sor ce banc. »
Guillaume a pris .i. drapeau blanc, S'a au moine le chief bendé.
Et puis l'a à son col levé.
A tôt le moîne s'en torna, Et Ydoine enprés lui ala :
Qui li deûst couper la gueule, Ne remainsist ele iluec seule, Ainz s'assist sor une fenestre.
De ce fu Guillaume l)on maistre, Que il est au postiz venuz Par où li moines ert issuz :
Il le met jus, puis defferma Le postiz, puis le rencarcha.
Guillaumes entre en .i. sentier Par où li moine vont pisser ; Tôt droit en la chambre s'en entre, Où l'en garist du mal du ventre, Puis s'asist au premier pertus, Et puis a regardé vers Tus ; .1. fais de faim i vit gésir, De quoi li moine, au départir De la chambre, terdent lor rains.
Guillaume ne fu pas vileins :
.1. torchon fist, si ii bouta Dedenz son poing, puis s'çn ala Par mi le fonz d'une viez rue ; Tel poor a que tôt tressue.
Ydoine sa feme a trovée Qui forment ert espoantée.
Andui en lor ostel entrèrent.
Et bonement se confortèrent.
Qu'il cuident estre délivré Du moine qu'il orent tué.
440 DU SEGRETAIN MOINE 229
Li moine siet geule baée Qui ot eu mortel colée ; Et li autre sont en dortoir.
En .1. lit lez le refret oir Jut li priors de l'abele ; Trop ot mengié, si ne pot mie Plus demorer que il n'alast En aticun leu où se vuidast.
Âtant en la chambre en entra, Au premier pertuis s'arresta Plus tost qu'il pot por lui vuidier :
Lors se commence à efforcier, Son chief dreça, si a veû Le sougretain qui tuez fu, Qui ne movoit ne piez ne mains :
« Haï ! » fait il, « com est .vileins Li sougretains qui ci se dort, S'il le compaire, n'est pas tort, Demain quant serons en chapitre; S'il eûst failli à l'espitre, N'eûst il mie plus meffait. »
Por esveillier s'est avant trait :
« Danz sogretain, » dit le prior, « Mielz vos venist or en dortor Dormir que en ceste longaigne :
Honie soit vostre gaaigne Qui si vos a grant honte faite I Âinçois me fust la cuisse fraite Et le dos ars en .i. chauz feu Que me dormisse en si vill leu ! »
a3o FABLIAU CXXXVI 470
Quant il ot fait ce que il quist, Par le sogretain vint, si dist :
a Danz sogretains, esveilliez vos, »
Et cil qui fu mors à estrous, Si* est cheûz toz à travers Par desus la privée envers.
Quant li priors chaoir le vit :
« Qu'est ce, por le seint Esperit, »
Fait il lors, « cist moines est morz.
Or, avoie ge molt grant tort,
Quant ge de lui m'entremetoie ;
Je mar venisse hui ceste voie,
Dieus, com me porrai conseillier ?
Il tença à moi avant hier
Et ge à lui, c'est vérité :
Or dira l'on devant l'abbé
Qu'en trahison l'avrai murtri. »
Toz fu li priors esbahi,
Porpensa soi qu'en porroit faire,
Comment en porroit à chief traire.
Dist que el bore le porteroit
Dedenz la vile, et le lairoit
 l'us à aucune borgoise
La plus bêle et la plus cortoise
Qui soit en tôt le tenement.
Si diront au matin la gent
Qu'ilueques l'avra on tué.
Donc a le moine remué,
A son col le lieve tôt droit,
Et, puis après, si s'en tornoit
5oO DU SEGRETAIN MOINE' 23l
Si Ten porta à la maison Où li moines prist la poison, Dont il garra jamais à tart.
Or, pri Guillaume qu'il se gart; Que s'en li trueve le matin, Ge cuit qu'il est près de sa fin.
Guillaumes et Ydoine jurent Qui forment espoanté furent, Et se confortent bonement, Quant une boufée de vent S'est es dras le moine férue.
Qui tôt le sozlieve et remue :
A la porte le fait hurter. Dit Ydoine : « Par seint Homer, Sire Guillaume, levez sus.
Il a ne sai qui à nostre hus :
Molt nos a anuit agaitiez. »
Atant s'est Guillaume dreciez, Son gibet prent isnelement, A l'us s'en vint delivrement.
Hastivement fu deffermez, Et li moines qui fu tuez Li est cheûz sor la poitrine.
Et Guillaume chiet sor l'eschine.
Quant Guillaume se sent cheû, Molt se merveille que ce fu ; A haute voiz sa feme escrie Et dist : « Ydoine, quar m'aie ; Ne sai qui est sor moi cheoiz.
De Dieus soie ge maleoiz,
a3a FABLIAU cxxxvi 53o
Se ce est hom, se ge nel tue. »
Ydoine sait sus tote nue ;
Au feu corust, si aluma ;
Si vit le moine et esgarda:
c( Guillaume, nos somes trahi,
C^est li sogretains qui gist ci.
— Dame, » fait il, « vos dites voir ?
Maleoit soit mauvais avoir.
Et covoitise et trahison,
Qu'il n'en puet venir se mal non !
Don est il morz? — Certes oïl. »
Molt s'en merveille celé et cil.
Et dient bien que c'est maufé
Qu' ilueques le ront aporté.
Guillaume le prent de rechief ,
Ydoine li bailla .i. brief
Où li non Dieu furent escrit,
Et il molt volentiers le prist,
Quar molt durement s'i fia.
A tôt le moine s'en torna.
Et, 'quant il vint sor le fumier
Sire Tibout le moitoier
Qui les blez as moines gardot
Et de deniers avoit plein pot,
Et d'autre richece à plenté,
.1. grant bacon avoit tué
D'un porc qu'il ot, en sa maison,
Encraissié, tote la saison ;
Si l'ot pendu por essuier.
Enblé li ot .i. pautonnier
56o DU SEGRETÂIN MOINE 233
Le soir devant, et Tôt repost
Dedenz le fumier dant Tibout :
Encor n'en savoit autre essoine.
Guillaume, qui portoit le moine,
S'est sor le fumier arrestez ;
Sachiez que molt estoit lassez
De lui porter par mi la vile.
Il se porpense par quel guile
Il s'en porra mielz délivrer :
El fumier le velt enterrer
Dedenz le fiens et le laira.
Âtant le moine jus mis a ;
.1. grant trou a fait à sa mein
Por enfoïr le sogretain :
Le bacon sent, si s'esbahi.
Que li lierres ot enfoï.
La coanne vit nerçoier.
Puis le commence à desloier.
Ce dit Guillaume : a Tôt por voir
Ci a .1. autre moine noir
Qui molt nerçoie, ce me sanble :
Or les métrai endels ensanble. »
Faire le volt, mais il ne pot :
« Qu'est ce por le baron seint Lot ? »
Voit Guillaume qu'il ne porra ;
Lors se porpensse qu'il verra
Quel moine c'est qui est tûé.
Donc a le bacon remué :
« Dieus aïde, » fait il, « c'est char :
Or n'ai pas tôt perdu mon char
Pabl. V. 3o
a34 ' FABLIAU CXXXVI 590
Qu'en la forest me fu anblez.
Que j'ai deniers et char assez. »
Le moine dedenz le sac met, Et du covrir molt s'entremet.
Autresi, comme il fu devant, O le bacon s'en vait corant ; Vers son ostel est retornez.
Quant sa feme le vit trouxez, Si dist : oc Est ce le sougretain ?
— Nenil,.dame, par seint Germain ; Ainz est un bacon cras et gros,
Nos avons char, querrez des chous. »
Li garz, qui le bacon ot pris Chiés le vilein, si com ge dis, En une taverne jooit; Vin ot, mais boivre n'en pooit; Puis a dit à ses compaignons :
« Seignor, » fist il, « quel là ferons ?
Ge croi bien se nos eûsson Charbonée d'un cras bacon, Que nos en beûssion molt mielz. »
Chascun li jure par ses elz :
« Beaus dolz amis, vos dites voir.
Mais nos n'en poons point avoir, Que couchié se sont li bouchier.
Et si n'avonmes nul denier.
— Seignor", » dist il, « g'en ai .i. bon Que ge vos métrai à bandon ;
Gras est et gros, et si l'enblai, Molt bonement le vos donrai.
620 DU SEGRETAIN MOINE 235
Chiés dant Tibout le metoier,
Mais gel muçai en .i. fusmier.
— Va le querre, » fait il, « esploite. »
Cil qui mainte chose ot toloite,
S'en est au fusmier droit alez
Où li bacons estoit boutez ;
A son col le moine leva,
En la taverne le porta.
Chascun li crie : « Wilecomme ! »
Et cil a gité jus sa some,
Puis lor a dit : «Seignor, molt poise. »
Donc ont apelée Cortoise,
La chamberiere de Tostel :
« Di va, » fait il, « où a nul pel,
Nos volon faire charbonnées.
Sont cez escueles lavées ?
Esploite tost et nos iron
Querre busche ci environ. »
Celé fait lor commandement, Et cil s'en vont isnelement Tôt droitement à .i. paliz Où il avoit granz peus faitiz :
Chascuns a le sien esrachié, Puis sont arrière repainé.
S'ont demandé une coigniée :
Ele lor fu molt tost bailliée.
Celé ot la paiele lavée ; Si est au sac corant alée.
El le deslie comme sote ; Le moine saisist par la bote ,
i36 FABLIAU cxxxvi 65o
Tranchier en volt, mais el ne puet.
« Voiz com celé garce se muet, »
Font li larron, « el ne fait rien. »
La baïasse les entent bien,
Dont respont : « Par seint Leonart,
Cist bacons est plus dur que hart;
Si est chauciez, ce m'est avis. »
Chascuns en est en piez sailliz :
a Chauciez ! » font il, « et il comment ? »
Celé lor mostre apertement
Le moine qui el sac estoit.
Et cil qui aporté Tavoit
S'est ne sai quantes foiz seigniez.
« Guarnot, çà, » dit li taverniers,
« Por qoi as tu cest moine mort ?
— Sire, » fait il, « vos avez tort :
Onques, par toz sainz, nel toschai ; Mais c'est Deable, bien le sai, Qui a fait moine de bacon ;
Se Dieus me doint confession.
Ce fut .1. bacon que ge pris.
Or, s'est Deable en guise mis De moine por nos enconbrer.
Mais bien nos en cuit délivrer ; Gel porterai chiés dant Tibout.
— Va donc, » font il, « esploite tost, Et si le pen tost au chevron
De là où presis le bacon.
. — Si ferai ge par seint Denis. »
Âdonques ra le moine pris;
68o DU SEGRETAIN MOINE 2
De sor son col li ont levé.
Ez le vos el chemin entré ; Puis a veû en .i. cortil Gésir .i. grant viels charetil :
Encontre la maison le drece, Et Garnot au monter s'adrece Droit au pertuis que avoit fait Par là où ot le bacon trait.
Molt Ta bien droit par mi bouté ; Puis l'a bien à la hart noé Par mi le col bien fermement ; A terre s'en vint vistement.
A la taverne est retornez, A ses compaignons a contez Com il a le moine pendu A la hart où le bacon fu.
Des larrons vos lairai ester.
Du vilain vos vorrai conter Qui gisoit avuec sa moillier.
El le commence à esveillier :
« Sire, » dist el, a ja est matin :
Est beau tens dealer au molin.
Que nos n'avons mes que .11. pains.
— Dame, » ce respont li vilains, ce Ge sui malades, tierz jors a ; Esveilliez Martin, si ira.
Ce mercerot qui, chascun mois.
Couche çaienz .11. foizou trois :
Si li prometez bon tortel.
— Sire, » dit ele, « ce m'est bel.
Martin, » dit ele, « lieve toi.
— Dame, » dit il, « et ge por qoi?
— Au molin te covient aler.
— Dame, » fist il, « or du gaber.
Vos tuastes vostre porcel ; Onques des os ne du bouel
Ne m'esforçastes de mengier.
Sui ge or en vostre dangier Por ce se gis sor vostre estrain ?
Il n'a en ceste païs vilain Qui assez plus ne me prestast Et volentiers ne me donast Tôt autresi com çaienz fait.
— Martin, » fait ele, «or ne fai plait.
Se ge te doig de mon bacon
Une pièce sor le charbon, Et du pain adès à mengier, Porroie ge en toi trouver Que tu faïsses ma proiere ?
— Dame, » fait il, « à bêle chiere Ferai lors quanque vos voldroiz.
— Martin, » fait ele, « ce est droiz Que tu' n aies, si avras tu. »
Tel cop a son mari féru :
« Sire, » fait ele, « sus levez; Alez au bacon, s'en colpez Une charbonée à Martin, Et puis ira droit au molin. o Li vileins monte en son cegnail :
« Par où vels tu que ge t'en tail ?
74© DU SEGRETAIN MOINE 239
— Sire, par là où bon vos ert.
Fous est qui de ce conseil quiert :
Plus est il vostre qu'il n'est mien.
— Parfoi,))ditTibout, «tudizbien :
Esclaire le feu, si verrai.
— Par ma foi, sire, non ferai.
Que vos savez bien où il pent. »
Et dant Tibout sa main estent.
Quant cuida prenre le bacon, Le moine prist par le talon.
Prenre en volt une charbonée; La hart fu seiche et enfumée.
Que ele ront, si est cheûz.
Mais dant Tibout a si feruz
De sor le chief que le trébuche Desoz le fonz d'une viez huche.
Quant dant Tibout cheiiz se sent.
Martinet escrie forment :
« Martinet, » fait il, « lieve toi, Li bacons est cheiiz sor moi. » Adonc Martinet se leva, Au feu corust, si l'aluma :
Le moine esgarde toz iriez, Plus de .XXX. foiz s'est seigniez.
(( Sire, sire, » ce dit Martin, « Par la foi que doi seint Martin, N'est pas bacons, ainz est malfez Qui sanble moine coronez.
Si est chauciez, se Diez me sait!
Li bacons qui pendoit en hait
N'i est mie, perdu l'avon :
Nos avons moine por bacon.
— Las ! » dit Tibouz, « or sui ge mort, Demain serai penduz à tort.
Que tôt le mont dira demain Que g'avcai mort le segretain.
— Sire, sire, » dit Martinet,
a Demanter n'i valt .i. poret :
Porpensez vos en quel meniere Li moines soit portez arrière En Tabaïe dont il must.
Penduz fust il or à un fust.
Ou la desoz en .i. boouz.
Qui nos a mis en cest tribouz!
— Martinet, çà, » dit le vilain, « Va, si m'ameine mon polain.
Se g'ai le moine dont lier
Ge cuit, g'en ferai chevalier. »
Martinet le polein ameine ;
De lui lier forment se paine
Es arçons molt estroitement.
Ce dit Martin : « Par seint Climent,
Ge vois une lance aporter,
Et puis en ira bohorder
Laiens aval en celé cort.
Et vos, criez, qu'il part, qu'il tort :
« Harou ! harou ! le segretain
En maine à force mon polein ! »
Lors fu li poleins fors gitez,
Li vileins si s'est escriez :
8oo DU SEGRETAIN MOINE 241
«c Harou, harou, i> molt hautement.
Enprès le moine en vont tel cent Qu'il cuident bien qu'il soit desvé, Et le poulein a tant erré Que il est entrez en la porte.
Le sougretain, qui l'escu^orte, A le soupriour encontre Qui trop matin estoit levé, Puis le feri si de sa lance Que jus du palefroi le lance, Que il s'en merveillerent tuit Et escrierent à .i. bruit :
« Maleûreus, fuiez, tornez !
Li sogretains est forsenez ( Qui l'atendra, il sera mort. »
Onques n'i ot foible ne fort Qui lueques vosist demorer ; Ilueques se vont enserrer, Et li poulains sait es cuisines, Despeçant vases, offecines, Ses escueles, ses mortiers.
Et ses plateaus et ses doubliers. L'escu fait hurter as paroiz En .1. randon plus de .c. foiz, Tant que la lance est peçoiée.
Tote la noise est abaissiée ; Et li poulains a tant aie Qu'il est venuz à un fossé , Puis s'eslance de tel aïr Por le grant fossé tressaillir
Fabl. V. 3i
Que totes les cengles derront, Qui tuit chaïrent en .i. mont, £nz el fonz du fossé aval.
Et li moines et le cheval A cros de fer l'en ont fors trait.
Li moinej ne crie ne brait Que pieça que tuez estoit.
Ainsi ot Guillaume son droit Du moine qui, par son avoir.
Guida sa feme décevoir :
Le bacon ot et les x. livres.
Ensi fu Guillaume délivres, Que onques puis clamez n'en fu.
Ainsi ot dant Tibout perdu Et son bacon et son poulein ; Ainsi fu morz le segretain.
ExpUcit.
Paris, Bibl. nit.. M», fr. 81;, fol. Bo t* l B} r*j 159Î, fol. i54 t» * |56 T»; nou». atq. 1104, fol. 69 T» à 71 I»; 191ÎÏ. fol. 171 »• i 173 t».
^E biaus mos conter et retrere 3Ne sâ doit on mie retrere, bAinz doit on volentiers entendre S^Biaustnos, quar on i puet aprendre
Sens et cortoisie en Toir,
Dont bien se doivent esjoïr
Li bon, quar c'est droiz et coustume ;
Mais li mauves en font l'enfrume
Esraument que il dire l'oeat,
Qu'ausi com li boa le bien loent.
Et vont la bone gent prisant,
Les despisent li mesdisant
Quant il pis ne lor pueent fere ;
Quar envie est de tel afere
Qu'ele maint tout adès el cuer
De ceus qui sont mis h te! fuer
Qu'il n'oent de nuluî bien dire
Qu'il ne le vueillent contredire.
Si me merveil por qoi lor poise.
Gent felonesse et peu cortoise.
Por qoi metez vous sor autrui Vostre mesdit et vostre anui ?
Ci a trop povre escusement ; Vous péchiez .11. fois mortelment :
L'une est de mesdire entremetre, Et l'autre si rest desus mètre Vostre mesdit, vo félonie.
Certes c'est crueus vilonie, Mais envie point ne s'estanche.
Je ne vorrai faire arrestance Ne demorer ici endroit :
Ge croi que petit me vaudroit De blasmer les crueus félons C'on puet apeler Guenelons, Qui retenir ne se porroient De mesdire, s'il ne moroient.
Tant i sont mis et afetié. ^ Or, revendrai à mon tretié D'une aventure qu'emprise ai.
Dont la matere moût prisai Quant je oi la no vêle oïe, Qui bien doit estre desploïe Et dite par rime et retraite Sanz vilonie et sanz retraite , Quar oevre où vilonie cort Ne doit estre noncie à cort; Ne jor que vive en mon ovrer Ne quier vilonie conter, Ne ne l'empris, ne n'emprendrai ; Ja vilain mot n^ehtreprendrai
8o LE LAI d'aRISTOTE 2^
En oevre n'en dit que je face ; Quar vilonie si defface Tote riens et toit sa savor.
Ne ja ne me ferai trovor De nule riens en mon vivant Où vilains moz voist arrivant, Ainz dirai de droit examplere Chose qui puist valoir et plere; C'ert en leu de fruit et d'espèce.
Nous trovons que li rois de Grèce Alixandres, qui tant fu sire, Et a tant prince moustra s'ire Por aus abessier et donter Et por lui croistre et amonter, Ce li fist larguece sa mère Qui a toz avers semble amere Et douce a toute large gent ; Quar tant comme avers aime argent, Le het larges à soustenir, Por ce que biens n'en puet venir Por tant qu'il soit mis en estui* Onques n'ot pooir sor cestui Riens qui venist d'argent ne d'or, Ainz fist de chevaliers trésor.
Ce ne font pas li autre prince ; Quar chascuns recoppe et recince Et muce et repont si le sien, Hennor n'en a ne autre bien.
Cil que on apele Alixandre Recuilli por par tôt espandre,
246 FABLIAU CXXXVII IIO
Tôt ot, tôt prist et tôt doûa, Quar a largece abandona • Li frans por mielz son pooir faire.
Repairier vueil a mon afaire.
Li bons rois de Grèce et d'Egite Avoit desouz ses piez sougite De novel Ynde la major ; S'iert là demorez à sejor.
Et, se vous me volez enquerre Por qoi demoroit en la terre Si volentiers, et tenoit qoi, Bien vos dirai reson por qoi.
Amors, qui tout prent et embrace Et tout aert et tout enlace, L'avoit j a si es braies mis Qu'il ert devenuz fins amis, Dont il ne se repentoit mie, Quar il avoit trovée amie Si bêle comme à souhaidier. N'avoit cure d'aillors plaidier Fors qu'avoec li manoir et estre.
Bien est amors et sire et mestre Quant du monde le plus poissant Fet si humble et obéissant Qu'il ne prent nul conroi de lui, Ainz s'oublie tôt por autrui.
C'est droiz, qu'amors est de tel pris Que, puis qu'ele a .1. home pris, N'i doit avoir nul desroi.
Qu'autant a amors sor un roi
140 LE LAI d'aRISTOTE 247
De droit pooir, ce est la somme, Comme sor tout le plus povre homme Qui soit en Champaigne n'en France, Tant est sa seignorie franche.
Li rois avoec s'amie maint ; S'en parolent maintes et maint, De ce qu'il en tel point s'afole Et qu'il maine vie si foie, Que il d'avoec li ne se muet Com cil qui amender nel puet.
Ainsi le veit amors et celé Qui l'a point d'ardant estancele ; D'ardant estancele l'a point Celé qui si l'a mis à point.
Por quant ele n'en est pas quite, Ainz est si partie la luite Que je n'en sai le meillor prandre, Car de quanque cuers puet esprandre, Rest la pucele enamorée, Et si fait iluec demorée, Ce n'est mie molt grant merveille, Puis que volentez li conseille ; Il li covient, ce n'est pas doute, Parfornir sa volenté tote, Ou il defferoit le commant Qu'amors commande à fin amant.
Molt de sa gent parler n'en osent, Mes tant par derrière l'en chosent Que ses mestre Aristotes l'ot. S'est bien resons qu'il li deslot ;
Bêlement à conseil Ta mis ;
Si dist : « Mar avez déguerpis
Toz les barons de vo roiame
Por Tamor d'une estrange famé. »
Alixandres li respondi
Tantost com dire li oï :
a Quantes en i covient il donques ?
Je cuit que cil n'amerent onques
Qui fol m'en vorroient clamer,
C'on n'en puet c'une seule amer
Ne n'en doit pas droit plere c'une,
Et qui de ce home rancune,
S'il maint là où ses cuers li rueve
Petit d'amor dedenz li trueye. »
Aristotes, qui tout savoit
Quanques droite clergie avoit,
Respont au roi, et si li conte
C'on li atornoit à grant honte
De ce qu'en tel point se demaine
Que toute entière la semaine
Est avoec s'amie et arreste,
Qu'il ne fet ne solaz ne feste
A sa chevalerie toute ;
« Je cuit que vous ne veez goûte.
Rois, » dist Aristotes ses mestre,
« Or vous puet on bien mener pestre
Tout issi comme beste en pré.
Trop avez le sens destempré.
Quant por une meschine estrange
Voz cuers si durement se change
C'on n'i puet mesure trover.
Je vous vueil proier et rouver A déporter de tel usage, Quar trop i paiez le musage. »
Ainsi chastoie son seignor Maistre Aristotes por s'amor, Et li rois debonnairement Li repondi honteusement Qu'il s'en garderoit volentiers Comme cil qui ert siens entiers.
Alixandres ainsi demeure, Et atent maint jor et mainte eure Qu'à s'amie ne va n aproche Por le dit et por le reproche Qu'il oï son mestre reprendre, Mes sa volentez n'est pas mendre ; Encor n'i voist il comme il seut.
Mes mieus l'aime ore et mieus li veut Que il ne fist à nul jor mais. Paor de mesprendre ei esmais L'en font estre son gré tenir ; Mais il n'a pas le souvenir Laissié ensanble avec la voie, Qu'amors li ramenbre et ravoie Son cler vis, sa bêle façon Où il n'a nule retraçon De vilenie ne de mal.
Front poli plus cler de cristal, Beau cors, bêle bouche, blont chief.
(( Haï » fait il, <( con à grant meschief
Fabl. V. 32
5o FABLIAU CXXXVII iSo
Vuelent tote gent que ge vive I Mes maistres velt que ge estrive Vers ce qui enz el cuer me gist.
Tant me destraint, tant me sogist Autrui grez que m'en tieg por fol ; Quant por autrui voloir m'afol, Ce est folie, ce me sanble.
Mes maistres et mi home ensanble Ne sentent pas ce que ge sent, Et se ge plus à aus m'asent, Tôt ai perdu, ce m'est avis.
Vielt amors vivre par devis ?
Nenil, mais à sa volenté. »
Ainsi s'est li rois démente.
Puis s'en torna veoir celi Qui molt li plot et abeli.
La pucele est en piez saillie Qui molt estoit desconseillie De la demorée le roi.
Lors dist : « De vostre grant desroi Sui bien aperceûe, sire.
Finz amans comment se consire De veoir ce que tant li plest ? »
A cest mot pleure, si se test.
Et li rois li respont : « Amie, Ne vous en esmerveilliez mie, Qu'el demorer ot achoison.
Mi chevalier et mi baron Me blasmoient trop durement De ce que trop escharsement
t6o LE LAI d'aristote a5i
Aloie joer avoec aus ;
Et mes mestres dist que c'ert maus,
Qui laidement m'en a repris.
Ne porquant bien sai qu'ai mespris
Qu'onques por lui défis à mi
La volenté de fin ami ;
Mes je doutai despit et honte.
— Sire, je sai bien que ce monte, »
Dist la dame, «se Dieus me faut;
Mes, s'engins et sens ne me faut,
Par tens m'en voudrai bien vengier ,
Et mieus le porrez ledengier
Et reprendre d'uevre plus maie
Vostre mestre chanu et pale,
Se je vif demain jusqu'à nonne
Et amors sa force m'en donne
Qui poissance ja ne faudra ;
Ne ja vers moi ne li vaudra
Dialetique ne gramaire ;
Se par moi nature nel maire,
Puis que je me sui aramie
Donc savra il molt d'escremie,
Et sel perceverez demain.
Sire rois, or vous levez main ;
Si verroiz nature apointer
Au maistre por lui despointer
De son sens et de sa clergie.
Ainz de si tranchant escorgie
Ne fu feruz, ne de si cointe
Con il avra demain acointe.
. Se je puis ne aler ne estre Le matin devant sa fenestre.
Mar nos a laidi ne gabé !
Or soiez demain en abé Aus fenestres de celé tor, Et je porverrai mon ator. »
Alixandres molt s'esjoï De ce que dire li oï, Puis racola estroitement, Si le dist debonnairement :
ce Molt estes yaillanz, biaus cuers dous, Et, si je aim autrui que vous, Si me doinst Dieus mauves acueil.
Amors ai teles com je veuil, Si que en autres ne claim part. »
A tant de s'amie se part, Si s'en va, et celé demeure.
Au matin, quant tens fu et eure, Sans esveillier autrui se iieve, Quar li levers pas ne li grieve.
Si s'est en pure sa chemise Enz ei vergier souz la tor mise, En .1. bliaut ynde goûté, Quar la matinée ert d'esté Et li vergiers plains de verdure.
Si ne doutoit pas la froidure.
Qu'il faisoit chalt et dolz oré.
Bien li ot nature enfloré Son cler vis de lis et de rose , N'en toute sa taille n'ot chose
320 LE LAI d'aRISTOTE 253
Qui par droit estre n'i deùst ; Et si ne cuidiez qu'ele eûst Loiée ne guimple ne bende.
Si Tembellist molt et amende Sa bêle tresce longue et blonde ; N'a pas deservi qu'on la tonde La dame qui si biau chief porte ; Par mi le vergier se déporte Celé, qui nature avoit painte, Nuz piez, desloiée, deschainte, Si va escorçant son bliaut, Et va chantant, non mie haut :
Orja voi, la voi, la voi.
La fontaine i sort série.
Or la voi, la voi, m' amie, El glaiolai desouz l'aunoi.
Or la voi^ la voi, la voi, La bêle blonde, a li m*otroi.
Li rois la chançoneste entent, Qui son cuer et s'oreille tent A la fenestre por oïr. Molt l'a fait s'amie esjoïr De son dit et de son chanter.
Anqui se porra bien vanter Ses mestre Aristotes d'Ataines Qu'amors bones leaus lontaines Se désirent à aprochier.
Ne mes n'en ira reprochier Le roi, ne ne dira anui, Quar il trovera tant en lui
254 FABLIAU CXXXVII 35o
Et ert de volenté si yvres.
Levez est, si siet à ses livres,
Voit la dame aler et venir,
El cuer li met .i. souvenir
Tel que son livre li fet clore.
« Hé, Dieus I » fet il, « quar venist ore
Cil mireoirs plus près de ci ,
Si me metroie en sa merci.
Comment I si m'i metroie donques ?
Non feroie, ce n'avint onques
Que je, qui tant sai et tant puis.
Tant de folie en mon cuer truis
C'uns seuls veoirs tout mon cuer oste.
Amors veut que le tiengne à oste,
Mes honors le tient à hontage
Tel sovenir et tel outrage.
Avoi ! qu'est mes cuers devenuz ?
Je sui toz viens et toz chenuz.
Lais et pales et noirs et maigres.
En filosofie plus aigres
Que nus c'on sache ne ne cuide.
Molt ai mal emploie m'estuide.
Qui onques ne finai d'aprendre.
Or me desaprent por mieus prendre
Amors, qui maint preudomme a pris.
S'ai en aprenant desapris,
Desapris ai en aprenant.
Puis qu'amors me va si prenant;
Et dès que ne m'en puis resqueurre ,
Au convenir soit et droiz queure ,
38o LE LAI d'aristote 255
Ne ja por moi droiz ne remaigne.
Viegne amors herbergier, or viegne En moi, ge n'en sai el que dire, Puis que je nel puis contredire. »
Si com li mestre se démente, La dame en .i. rainssel de mente Fist .1. chapel de maintes flors.
Au fere li sovint d'amors ; Si chante au cueuillir les floretes :
Ci me tienent amoretes ;
Dras i gaoit meschinete.
Douce, trop vous aim I
Ci me tienent amoretes Où je tieng ma main.
Ainsi chante, ainsi s'esbanoie ; Mes Aristote molt anoie De ce que plus près ne li vient.
Ele set bien quanqu'il covient A lui eschaufer et atrere.
De tel sajete le veut trere Qui cointement soit empenée.
Tant s'est traveillie et penée Qu'à sa volenté l'a atret.
Tout bêlement et tout à tret Son chapel en son biau chef pose ; Ne fet samblant de nule chose Que le voie ne aperçoive ; Et por ce que mieus le déçoive Et plus bel le voist enchantant, Vers la fenestre ys chantant
.1. vers d'une chançon de toile, Quar ne veut que cil plus se çoile Qui tout a mis en la querele :
En A. vergier, lez une fontenele.
Dont clere est l'onde et blanche est la gravele, Siet fille à roi y sa main à sa maissele; En souspirant son doux ami apele:
Hél biaus quens Guis, La vostre amors me tôt solas et ris.
Quant ele ot ce dit, se près passe De la large fenestre basse, Que cil par le bliaut l'aert Qui trop cuidoit avoir souffert , Tant l'a desirrée à merveille'.
A ce coup cheï la chandeille Toute jusqu'à terre au viel chat Qui priz est sanz point de rachat. Et la damoisele s'escrie :
« Qu'est ce? » fet ele , « Dieus aïe !
Avoi I qui m'a ci détenue ?
— Dame, bien soiez vous venue, »
Fet cil qui provos est et maire
De la folie qui le maire.
— Mestre, » ce dist la dame, « avoi !
Estes vous ce que je ci voi ?
— Oïl, » dist il,'/( ma douce dame, Por vous métrai et cors et ame.
Vie et honor en aventure.
Tant m'a fet amors et nature Que de vous partii^ne me puis.
— Ha ! mestre , » fet ele, « despuis Qu'ainsi est que vous tant m'amez, Ja par moi n'en serez blasmez ; Mes la chose est molt mal alée.
Ne sai qui m'a au roi mesiée
Et H blasmé de ce que tant S'aloit avec moi déportant.
— Dame, » dist il, « or vous tesiez.
Que par moi sera rapesiez
Et li mautalenz et li cris
Et li blasmes et li estris,
Quar li rois m'aime et crient et doute
Plus que s'autre maisnie tote.
Mes, por Dieu ! ceenz vous traiez,
Et mon désir me rapaiez
De vostre cors gent et poli.
— Mestres, ainçois qu'a vous foli , »
Dist la dame, « vous covient fere Por moi .i, molt divers afere,
Se tant estes d'amor souspris ; Quar molt très granz talenz m'est pris De vous .1. petit chevauchier Desus ceste herbe en cest vergier.
Et si vueil, » dist la damoisele, a Que desor vos ait une sele ; S'irai plus honorablement. »
Li mestres respont liement Que ce fera il volentiers Comme cil qui ert siens entiers.
Bien l'a mis amors en effroi,
Fail. v. 3 3
i58 FABLIAU CXXXVII ^Ji
Quant la sele d'un palefroi
Li fet aporter à son col.
Or, croi qu'il sanblera bien fol
Quant desor le dos li ert mise,
Et celé s'en est entremise
Tant qu'ele li met sor le dos.
Bien fait amors d'un viel rados
Puis que nature le semont,
Quant tout le meillor clerc du mont
Fet comme roncin enseler,
Et puis a .1111. piez aler
A chatonant par desus l'erbe.
Ci vous di example et proverbe,
Sel savrai bien à point conter.
La damoisele fet monter
Sor son dos, et puis si la porte ;
Et Alixandre se déporte
En veoir et en esgarder
Celui qui sens ne pot garder
Qu'amors ne l'ait mis à folie.
Et la damoisele trop lie
Aval le vergier le conduit ;
En lui chevauchier se déduit ,
Si chante cler et à vois plaine :
Ainsi va qui amors maine.
Bêle Doe i ghée laine;
Mestre musars me soustient.
Ainsi va qui amors maine
Et ainsi qui les maintient.
Alixandres ert en la ter.
500 LE LA! d'aRISTOTE 269
Bien ot'veû trestout Tator;
Qui lui donast trestout l'empire
Ne se tenist il pas de rire :
«Mestre,» distil, «porDieu! que vaut ce ?
Je voi molt bien c'on vous chevauche.
Comment ! estes vous forsenez
Qui en tel point estes menez ?
Vous me feïstes l'autre fois
De li veoir si grant defoiz,
Et or vous a mis en tel point
Qu'il n'a en vous de reson point,
Ainz vous tenez à loi de beste. »
Aristotes drece la teste,
Et la damoisele descent.
Lors respondi honteusement :
« Sire, » fait il, « vos dites voir;
Mais or poez apercevoir,
J'oi droit se je doutai de vous
Qui en fin jovent ardez touz
Et en feu de droite jonece.
Quant je, qui sui plains de viellece,
Ne poi contre amor rendre estai
Qu'ele ne m'ait torné à mal
Si grant com vous avez veû.
Quanque j'ai apris et leû
M'a deffet amours en une eure
Qui toute rien taut et deveure.
Et bien sachiez certainement
Puis qu'il m'estuet apertement
Fere folie si aperte,
260 FABLIAU CXXXVII 53o
Vous n'en poez partir sans perte Ne sanz blasme de vostre gent. »
Molt s'est rescous et bel et gent Aristotes de son meschief, Et la dame est venue à chief De trestout quanques empris a ; Et li rois forment l'en prisa Quant de son mestre l'a vengié Qui l'ot blasmé et laidengié.
Mes tant s'en fu bien escusez De ce qu'ainsi fu amusez Qu'en riant li rois li pardonne, Et ses mètres li abandone Sa Yolenté à parfurnir, Quar n'a reson au retenir.
Or vueil une demande fere, En cest dit et en ceste afere Dont je trai Chaton à garant Qui fet l'auctorité parant, Qui bons clers fu et sages hom :
Turpe est doctori^ cum culpa redarguit ipsum . Chatons dist en cest vers la glose Que, quant on est repris de chose C'on a blasmé à fere autrui, Puis c'on en a blasme et anui, C'est grant folie qui ce fet ; Son sens amenuise et deffet.
Voirs fu qu'Aristotes blasma Alixandre et masaesma, Qui tant s'estoit mis en amer, ,
56o LE LAI d'aRISTOTE 261
Et puis se lessa entamer Si en amor à une foiz Qu'il n'ot en lui point de defoiz; Et s' il l'ot par force entrepris, En doit il estre en mal repris ?
Nenil , quar amors l'efforça Et volentez qui la force a Sor toz et sor toutes ensamble, Dont n'a li mestres, ce me samble, Nule coupe en sa mespresure, Ne l'a pas fait par apresure, Mes par nature droite et fine.
Henris ceste aventure fine Qui dist et si moustre en la fin C'on ne peut décevoir cuer fin Ne oster de sa volenté, Puis qu'amors l'a en volenté Por emprisoner et destraindre; Et cil qui de ce se veut faindre N'est mie trop loiaus amere Puis que s'amors li samble amere, Quar mieus ne peut on endurer Amor que par dessavorer.
Por celui mal bien plere doivent Qu'après les maus les biens reçoivent Par maintes foiz le mal traiant Qu'aussi amors vont essaiant.
Si set ele rasseûrer Qui puet en leauté durer S'atende et sueffre son martire.
t6l FABLIAU CXXXVII 579
Quar à joie lî revient 8*ire. Si puet on par cest dist aprendre C'on ne doit blasmer ne reprendre Les amies ne les àmanz, Qu'amors a pooir et commanz Par deseur toz et deseur toutes, Et d'euls fet ses volentez toutes, Et tret à honor toz ses fez.
Despuis que cil en soustient fez Qui fu mestre en toute science, Bien devons prendre sapience Selonc ce que nous mains savons Le maus que por amor avons ; Quar qui por amor sueffre maus Bien li set merir ses travaus Que loiaumant sueffre por li.
Veritez est, et je le di, Qu'amors vaint tout et tout vaincra Tant corn cis siècles durera.
Explicit li lais d*AristoU,
Le* mots marqués de Vastirisque sont des corrections faites aux manuscrits.
ex, — D*AUBERÉE, LA VIELLE MAQUERELLE, p. I.
A. — Paris, Bibl. nat., Mss. fr. 887, fol. 24 r« à 27 r«.
B. — » A » i553, fol. 5oi ▼• à 504 r*.
