DE SAINT PIERE ET DU JOUGLEUR 7I

Dist le jougleres : « Je l'otri. »

Et dist saint Pieres, « Je l'envi.

— Devant le cop, » fet il, « deable!

Metez donc l'argent sus la table.

— Volentiers, » fet il, « en non Dieu. »

Lors met les esterlins au gieu ;

Assis se sont au tremerel

Lui et saint Pieres au fornel.

« Gete, jougleres, » dist saint Pieres,

« Quar tu as moût les mains manières. »

Cil gete aval. « Si con je cuit,

Par foi, » dist saint Pieres, « j'ai huit ;

Se tu getes après hasart ,

J'avrai .m. âmes à ma part. »

Cil gete .III. et .11. et as,

Et dist saint Pieres : « Perdu Tas.

— Voire, » dist il, « par saint Denis , Ces .111. avant si vaillent sis. »

Et dist saint Pieres: « Jel créant. »

Lors a geté de maintenant

.Xii. poins à icele voie :

<c Tu me dois .ix., or croist ma joie.

— Droiz est, » dist il, « je l'ai perdu, Se je l'envi, tendras le tu?

— Oïl, » dist sainz Pieres, « par foi.

— Ces .IX. avant que je te doi, Et .xii. vaille qui qui l'ait.

— Dehait, » fet saint Pieres, « qui Tait. »

Dist li jougleres : « Or getez.

— Volentiers, » fet il, « esgardez.

FABLIAU CXVII 23o

Je Yoi hasart, si con je cuit :

Tu me dois .m. et .x. et huit.

— Vois, » dist il, « por la teste Dieu, Ce n'avint onques mes à gieu.

Par la foi que vous me devez.

Jouez me vous de .iiii. dez?

Ou vous me jouez de mespoins.

Or vueil je jouer à plus poins.

— Amis, de par le saint Espir, Toz tes voloirs vueil acomplir :

Or, soit ainsi comme tu veus!

Veus tu à .1. cop ou à deus?

— A .1. cop, soit, » fet il, a adès Ces .XX. avant et .xx. après. »

Et dist sains Pieres : « Dieus m'ait ! »

Lors a geté sanz contredit, .Xvii. poins, et si se vante Qu'il le fera valoir quarante. , Dist li jougleres : « C'est à droit.

Je get après vous orendroit. »

Lors gete deseur le berlenc :

« Cis cops ne vaut pas .i. mellenc. »

Dist saint Pieres : « Perdu Pavez, Quar je voi quisnes en .m. dez; Huimès n'ere je trop destrois.

Vous me devez quarante et trois.

— Voire, » fet il, « par le cuer bieu, Je ne vi onques mes tel gieu; Par toz les sainz qui sont à Romme, Je ne croiroie vous ne homme,

26o DE SAINT PIERE ET DU JOUGLEUR yS

Que ne m'asseïssiez toz cops.

— Getez aval, estes vous fols?

— Je cuit vous fustes uns fors lerres, Quant encore estes si guilerres, Qu'encor ne vous poez tenir

Des dez chengier et asseïr. » Saint Pieres Tôt, si en ot ire, Par mautalent H prist à dire :

« Vous i mentez, se Dieus me saut ; Mes c'est coustume de ribaut , Quant on ne fet sa volenté.

Si dist c'on li change le dé ; Mal dahaiz qui sus le me mist , Et mal dahez qui les assist !

Moût a en toi mauves bricon, Quant tu me tenis por larron ; Moût s'en faut poi, par saint Marcel , Que je ne vous oing le musel.

— Certes, » fet cil, qui de duel art, « Lerres estes, sire vieillart.

Qui mon geu me volez noier ; Ja voir n'en'porterez denier, Ba ! non, quar vous me les toudrez, Venez avant, si les prenez. »

Cil saut sus por les deniers prendre, Et sains Pieres, sanz plus atendre.

Le vous aert par lesHUiers, Et cil lest cheoir les deniers.

Qui moût avoit le cuer mari ; Si l'a par la barbe saisi,

Fabl, V. lo

Mout forment à lui le ttra^

Et sains Pieres li deschira

Toz ses dras jusques el braiel.

Or n'ot il onques mes tel duel

Qu'il ot quant il vit sa char nue

Paroir jusques à la çainture;

Mout se sont entrechapingnié ,

Batu et féru et sachié.

Or voit le jouglere mout bien

Que sa force ne li vaut rien,

Qu'il n'est ne si fors ne si granz

Con saint Pieres, ne si poissanz ;

Et s'il maintient plus la meslée

Sa robe ert ja si deschirée

Qu'il n'en porra joïr jamès :

« Sire, » dist il, « or fesons pès,

Bien nous sommes entressaié,

Or rejuons par amistié,

Se il vous plest et atalente. f>

Dist sains Pieres : « Moult m'est à ente

Que vous de mon geu me blasmastes.

Ne que vous larron m'apelastes.

— Sire, » fet il, « je dis folie.

Or m'en repent, n'en doutez mie ;

Mes vous m'avez fet pis assez

Qui mes dras m'avez deschirez.

Dont je serai mout soufretous.

Or me clamez cuite, et je vous. »

Et dist sains Pieres : a Je l'otroi. o

Atant se besierent en foi.

$20 DE SAINT PIERE ET DU JOUGLEUR yS

« Amis, y> dist saias Pieres, « entendez, .Xliii. âmes devez, *

— Voire, » fet il^ « par saint Germain, Je commençai le geu trop main.

Or rejouons, si biau vous vient,

Si soient ou .m. tans ou nient.

Se no geu revient en tel mes.

— Par Dieu, » fet cil, « j'en sui toz près;

Mes escoutez, biaus amis chiers,

Paierez me vous volentiers ?

— Oïl, » dist cil, a moût bonement, Trestout à vo comandement :

Chevaliers, dames et chanoines, Larrons ou champions ou moines, Volez frans hommes ou vilains.

Volez prestres ou chapelains?

— Amis, » fet il, « tu dis reson :

Or gete aval sanz trahison. »

Sains Pieres n'ot à celé voie Fors .V. et .un. et .i. seul troie.

Dist li jougleres : « .Xii. i voi.

— Avoi, » dist sains Pieres, « a voi, Se Jhesus n'a de moi merci,

Cis daarains cops m'a honi. y>

Cil gete aval moût durement

Quisnes et .i. deus seulement.

(( Dieus, » dist sains Pieres, « bon encontre

Encor vendra è cest rencontre.

— Or soit .XXII., fiere ou faille, »

Dist li jougleres, « bien les vaille.

76 FABLIAU CXVII 35o

Getez, .xxiK i ait bien,

Je get, de par saint Julien, t»

Sains Pieres gete isnel le pas

Sisnes et puis .1. tout seul as.

Dist sains Pieres : « J'ai bien geté,

Quar je vous ai d'un point passé.

— Vois,» fet cil, « comme il m'a près point,

Qu'il m'a passé d'un tout seul point ;

Je ne fui aine aventureus.

Mes toz jors un maleûreus.

Uns chetis, et uns mescheans,

Et ci et au siècle toz tans. »

Quant les âmes qui sont el fu

Ont ce oï et entendu

Que sains Pieres a gaaignié.

De toutes pars li ont huchié :

« Sire, por Dieu le glorious.

Nous atendons du tout à vous. »

Et dist sains Pieres : « Je l'otroi.

Et je à tous et vous à moi.

Por vos giter de cest torment.

Mis ge au gieu tôt mon argent,

Mes, se j'eusse tout perdu,

N'i eussiez pas atendu;

Se Dieu plest, ainz la nuit série,

Serez tuit en ma compaignie. »

Adonc fu li joglerres mus :

« Sire, » fait il, « or n'i a plus.

Ou ge du tôt m'aquiterai.

Ou ge trestot par perderai ,

38o DE SAINT PIERE ET DU JOUGLEUR 77

Et les amès et ma chemise. »

Ne sai que plus vous en devise :

Tant a sains Pieres tremelé, Et tant le jougleor mené, Que les âmes gaaigna toutes ; D'enfer les en maine à granz routes, Si les mena en paradis.

Et cil remest toz esbahis, Qui est dolenz et irascuz.

Ez vous les maufez revenuz :

Quant li mestres fu en meson, Garda entor et environ, Ne vit ame n'avant, n'arriére, Ne en fornel, ne en chaudière; Le jougleor a appelé :

« Di va, » fet il, « où sont aie Les âmes que je te lessai ?

— Sire, » fet il, « je vous dirai.

Por Dieu, aiez de moi merci !

Uns viellars vint orains à mi.

Si m'aporta moût grant avoir ; Bien le cuidai trestout avoir, Si jouasmes et moi et lui.

Moût me torna à grant anui.

Si me gita d'uns dez toz faus Li traïstres, li desloiaus :

Aine n'en ting dez, foi que doi vous.

Si ai perdu voz genz trestoz. »

Quant li maistres l'a entendu.

Par poi ne l'a gité el fu :

(( Filz à putain, d fet il, « lechiere,

Vo jouglerie m'est trop chiere;

Dehait qui vous i aporta !

Par mon chief il le comparra ! »

A celui sont venu tout droit,

Qui leenz aporté Tavoit ;

Tant le bâtent, froissent et fièrent,

Et tant forment le lesdengierent.

Et si li ont fait fiancer

Que jamais ribaut ne holier

Ne jogleor n'aporteront,

N'ome qui à dez joeront;

Tant l'ont batu, tant l'ont bputé,

Que cil lor a acreanté

Que il jamès à nis .i. jor

N'i aportera jougleor.

Dist li mestres au ménestrel :

<( Biaus amis, vuidiez mon ostel t

Mal dehez ait vo jouglerie.

Quant j^ai perdue ma mesniel

Vuidiez Tostel, gel vos commant,

Ge n'ai cure de tel sergant ;

Jamais jogleor ne querrai.

Ne lor ligniée ne tenrai,

Ge n'en vueil nul, voisent lor voie.

Mais Dieu les ait qui aime joie!

Alez à Dieu, je n'en ai cure. »

Et cil s'en va grant aleûre.

Que d'enfer chacent li tirant :

Vers paradiz s'en vint errant.

4l8 DE SAINT PIERE ET DU JOUOLEUR

Quant sains Pieres le vit Tenir, Se H corut la porte ouvrir ; Richement le fist osteler. Or facent joie li jougler, Feste et solaz à lor talent, Quarja d'enfer n'avront torment :

Cil les en a treztoz getez, Qui les aoies perdi aus dez.

ExpUcit dt Saint Pitrt^t du Joughur.