DE SAINT PIERE ET DU JOUGLEUR

— Sire, » dist il , a alez vous ent !

Je les garderai leaument :

Trestout au mieus com je porrai, Toutes voz âmes vous rendrai.

— Et je spr tant le te recroi ; Mes ce saches tu bien en foi, Se une seule en desmanoies, Que trestoz vis mengiez seroies . .

Mais ce saiches tu sanz mentir.

Quant nos revenron à loisir,

Ge te ferai moût bien servir D'un gras moine sor .i. rôtir, A la sauxe d'un userier Ou à la sauxe d'un hoilier. »

Atant s'en vont, et cil remaint Qui du feu fere ne se faint.

Or vous dirai comme il avint Au jougleor que enfer tint.

Et con sainz Pieres esploita.

Droitement en enfer entra.

Moût estoit bien appareilliez :

Barbe ot noire, grenons trechiez.

En enfer est toz seus entrez, .1. berlenc aporte et .111. dez ; Delez le jougleor s'assist Tout coiement, et se li dist :

« Amis, » fet il, « veus tu jouer?

Vois quel berlenc por haseter !

Et s'ai .III. dez qui sont plenier, Tu pues bien à moi gaaingnier

7© FABLIAU CXVII ijo

Bons esterlins privéement. )>

Lors li moustre delivrement

La borse où li esterlin sont.

« Sire, » li jougleres respont,

« Je vous jur Dieu, tout sanz faintise,

Que n'ai el mont fors ma chemise.

Sire, por Dieu, alez vous ent,

Certes, je n'ai goûte d'argent. »

Dist saint Pieres : « Biauz dous amis,

Met de ces âmes .v. ou sis.

— Sire, » fet il, « je n'oseroie, Quar se une seule en perdoie, Mon mestre me ledengeroit Et tiestout vif npie mengeroit. »

Dist saint Pieres : « Qui li dira ?

Ja por .XX. âmes n'i parra ; Voiz ci l'argent qui toz est fins :

Gaaigne à moi ces esterlins

Qui tuit sont forgié de novel.

Je te doins .xx. sous de fardel :

Si met des âmes au vaillant. »

Quant cil vit qu'il i en ot tant, Les esterlins moût convoita, Les dez prist, si les manoia ; A saint Piere dist à droiture :

« Juons or, soit en aventure Une ame au cop tout à eschars.

— Mes .II., » dist il, « trop est coars, Et qui bon l'a, si l'envit d'une,

N e m'en chaut quele, ou blanche ou brune ! »