LE MEUNIER ET LES .IL CLERS

Bibl. de Berne, Mss. 15^, fol. 164 t^^ à 167 r^.

ui povre clerc furent jadis Né d'une vile et d'un païs ; Conpeignon et diacre estoient En un boschage^o il menoient,

O il orent esté norri,

Tant c'uns chiers tans lor i sailli,

Con il fait moût tost et sovant :

C'est domage à la povre gent.

Li clerc virent la mesestance ;

Si en orent au cuer pesance,

Ne il ne sevent conseillier,

Car il ne sevent rien gaaignier

N'en lor pais, n'en autre terre;

Honte avroient de lor pain querre,

Tant por lor hordre, et tant por el.

Il n'avoient point de chatel

Don se poissent sostenir,

Ne il ne^seve^t où gauchir.

.1. diemanche, après mangier,

Sont aie devant lo mostier;

Illuec se sont entretrové,

Puis s'an sont de la vile aie,

Por dire .i. po de lor secroi.

Li uns dist à l'autre : « Antan moi;

Nos ne nos savon conseillier,

Car ne savon rien gaaignier,

Et voiz là fain qui nos destraiht,

C'est une chose qui tôt vaint ;

Nus ne se puet de li deffandre.

Ne nos n'avon rien nule o prandre.

As tu nule rien porveù

Par quoi nos soions maintenu ? »

L'autre respont : « Par saint Denise,

Je ne te sai faire devise,

Mais que jo ai un mien ami.

Je lo que nos aillon vers li,

Por prandre .i. setier de fromant,

A la vante que l'an lo vant ;

Et il m'an querra les deniers

Moût longuemant et volantiers

Jusq'à la feste saint Johan,

Por nos giter de cest mal an. »

Li autres a lors respondu :

a II nos est très bien avenu;

Car j'ai un mien frère en^emant,

Qui a une grasse jumant;

Je la prandrai, pran lo setier,

Et si devandron bolangier.