TITRE XCIV

Cest l'ordenance des Fourreurs de Chapeaus à Paris.

Quicunques vuet estre fourreurs et garnisseurs de chapiaus de feutre à Paris estre le puet franchement, puis qu'il saiche fère le mestier et il a de quoi.

Nus maistres fourreurs et garnisseurs ne puet avoir que ij aprentiz qui serviront v ans au moinz; et paiera chacun aprentiz quant il s'aloera à son maistre , pour l'entrée de son mestier, v s. au Roy, et iij s. aux maistres qui gardent le mestier se il n'est filz de maistre ; quar filz de maistre ne paiera riens.

Item, que quicunques du dit mestier lèvera ovreoir ou dit mestier, il paiera v s. au Roy, et iij s. as diz maistres.

Item , que nus du dit mestier ne puist ovrer au samedi ne au dimanche, puis que chandeilles sont alumees; et se il y estoit trouvez, le maistre paiera au Roy ij s., et le vallet xij den., se aussi n'estoit que l'euvre fust vendue.

Item, que nus ne puist fourrer chapeas , quelz il soient, que la fourreure ne soit aussi bone dedans corne par dehors.

1 Cette corporation n'étoît probablement qu'une dépendance de celle des chapeliers de feutre. Dans une lettre du roi Charles au prévôt de Paris , de l'an 1324, ils sont mis ensemble sous le nom de mereatores et fourratorts capeltontm de fttlttv. Le statut des fourreurs est écrit, dans le M». B , d'une autre main que le corps de l'ouvrage.

DES MÉTIERS ET MARCHANDISES. a55 Item, que nus maistres du dit mestier ne puist prendre aprentiz se le maistre n'est ouvriers soufBsans.

Item, que nus valiez dehors ne soit receuz que corne aprentiz jusques à tant qu'il saiche fourrer de touz poins un chapel, et paiera au Roy v s. pour l'entrée de son mestier, et iij s. aus

Item , que la parfileure du chapel soit ou toute de fil ou toute de soie.

Item, touz ceux du dit mestier, soient maistres ou valiez, seront tennz par leur seremenz de arrester et retenir de par le Roy touz fauls chapeaus que l'en leur pourtera pour fourrer, et le doivent faire assavoir à celi qui pour le Roy issera establiz, ou as maistres des chapelliers, sus poine de l'amende.

Quiconques mesprendra es choses dessus dites, on en aucune d'icelles, il paiera v s. au Roy, et iij s. aux diz maistres, toutes les fois qu'il en sera repris.

Ou mestier dessus dit a ij preudeshomes esleuz et estaubliz de par le conmun du mestier, jurez et serementez sus sains Euvangiles, que bien et loialment garderont le dit mestier, et toutes les mespresures et malefaçons qu'il pourront savoir ou dit mestier, reporteront au prevost, ou à celi qui sera estaubliz pour le Roy.