TITRE XXIII

Del tonlieu et de la coustume des pos de terre.

Tout cilz qui portent ou font porter leur pos au samedi ens haies ou el marchiet de Paris por vendre, il doit chascuns, chascun an, iij s. de coustume à paiier au Roy, et touz les samedis doit chascuns qui pos a au marchiet pour vendre, vende on ne vende, j pot de maille de tonlieu, ou ij pos qui vaillent maille. Et se li potiers ne portoit ou faisoit porter ses pos aus samediz el marchiet de Paris, il ne devroit nus des iiij s. ne del tonlieu devant diz.

Pos qui viennent à Paris, à cheval, doivent j den., à charète iij den., et à chériot vj den. de tonlieu ou coustume.