TITRE XXIX

Del Tonlieu et del Conduit de file de laine, de chanvre, que on

vent à Paris.

Hom qui achate xviij denrées de file doit ob. de tonlieu, et tant en porra li achatères vendre et achater, à cèle meisme

' Les deax derniers article* paraissent atoir été ajoutés dans la suite au M». B.

34a REGISTRES

j ournëe , corne il li plaira , et li vendères ensement dessi à ix livr. pesant pour la devant dite maille de tonlieu paiant.

Nus ne doit tonlieu, halage, ne pois de file de laine qui vende ne qu'il achate , s'il ne vaut xviij den. ; et s'il vaut xviij den. , il doit ob. de tonlieu ; et se la livre de fil valoit x s., si ne devroit li vendères ou li achatères chascuns des ix livres pesant que obole de tonlieu.

Toutes les foiz que ce qui poisera le pois de ix livr. vaudra xviiij den. , si paira li achetierres j den. de tonlieu , et li vendierres ensement, et de xviij livr. pesanz ne poiera chascun que j den. de tonlieu; de xxvij livr. pesanz poieront chascuns iij ob. de tonlieu; ainsi de plus plus, de mains mains, en la mennière desus devisee , soit pesée ou à peser.

Tuit cil qui vendent file de lainne que il aient acheté filé , s'il le inestent à terre ou en estai , il doivent ob. de halage. Se li file est à j houme, ou se il est à ij ou à pluseurs, chascuns doit ob. de halage au iour de samedi ; aus autres iours que au samedi, nus ne doit riens de halage , soit qu'il soit aporté à col ou à cheval ou à charreite.

Charreitée de file de laine amenée à Paris au samedi doit j den. de halage ; et se elle est à ij hommes ou à pluseurs , chascuns doit ob. de halage.