TITRE XXX

Del Tonlieu et del Halage de toiles.

Qui vent ou achate toiles , quèles que elles soient , soit de lin ou de chanvre ou d'estoupes, verde, inde, noire, rouge, jaune ou blanche ou escrue , les v aunes ne doivent que ob. de tonlieu , ja tant ne aura en la pièce.

DES MÉTIERS ET MARCHANDISES. 343 Se mains de v aunes a en la pièce, ja si poi ne faudra, que elle ne devra point de tonlieu. Autant doit cil qui vent corne cil* qui achate pour son user.

Se nul hons a pluseurs pièces de toile cousue l'un ne à l'autre, et il les vent , il ne doit que ob. de tonlieu , s'il vuet fiancier qu'il ne les ait acousuees pour tolir le Roi sa droiture.

Se j bon a pluseurs quarriaus de toile , et il en iet ij ploiez l'un à l'autre , ou plus liez l'un en l'autre , et il les vent et livre pour j toile, il paie ob. de tonlieu; et si vent chascun quarrel par H , il ne doit point de tonlieu , si corne il a esté dit avant , se par malice ou par barat ne desévroit les quarriaus ou aseoit l'un de l'autre.

Quarriau de toile sunt pièces de toile qui tiennent iiij aunes et demie de toile.

Tout marcheant de toile qui mestent à estai à la foire Saint- Ladre, doivent ij s. de tonlieu, et par tant sunt-il quite du tonlieu dedenz les bournes de la foire, tant quant la foire siet

Tout cil qui mestent seur demi-estal à la foire Saint-Ladre , doivent xij den. de tonlieu, et par tant sont-il quite de leur tonlieu del vendre et del achater dedens les bonnes de la foire Saint- Ladre, tant corne la foire Saint-Ladre siet.

Li chavenaciers de Paris ne doivent point de coustume de toile qu'ilz vendent à détail ès halles, fors le samedi que chacun d'eus qui vent doit ob. de coustume. Chascun marcheant forain qui descent ès halles toile, doit de hallage, pour chériot iiij s. , pour charète ij et pour cheval xij den.

« Le dernier article n'est pan dans le Ms. C , et on voit dans le Mj. B que c'est une addition supplémentaire.