TITRE XII

Des Potiers d'estain de Paris.

Quiconques veut estre potiers destain à Paris, estre le puet franchement, pour tant qu'il face bon œuvre et loial, et puet avoir tant de vallès et d'aprentis come il Ii plera.

Nus potiers d'estain ne puet ouvrer ne nui, ne à jour de ftste que commun de vile foire; et quiconques le fera, il iert à v sols d'amende à paier au Roy; quar la clartez de la nuit n'est mie si soufnsans que il peussent faire bone œuvre et loial de leur mestier.

Nus potiers d'estain ne puet ne ne doit par droit ovrer de nul ovrage de son mestier qui ne soit aloié bien et loialment 1 , selonc ce que l'euvre le requier : et se il le feit autrement, il piert l'euvre, et si est à v sols d'amende au Roi.

Nus maagnan 4, ne autres, soit dedenz la vile, soit de dehors, ne puet nule des œuvres apartenans au mestier des poties d'estain vendre à val la vile, ne en son ostel, se rœvre n'est de bon aloiement et de loial, et se il le feit, il doit perdre l'euvre, et paier v sols de Paris au Roi pour l'amende.

Nus ne puet ne ne doit vendre œvre apartenant as potiers d'estain nueve pour viez; et s'il le feit, il doit v s. d'amende au Roy.

Li preudome du mestier de potiers d'estain requièrent que ij preud'home du mestier soient esleu par le conmendement au prevoat de Paris, liquel doi 8 preudome doivent jurer leur sainz , que il le mestier devant dit garderont bien et loialment

■ Donl le métal ne soit de bon aloî.

» « If aîgncn , » M». C , probablement pour raanans , habitons. îDeux.

en la manière desus devisée, et que les entrepreseures du mestier feront savoir au prevost de Paris ou à son conmendement.

Li potier d'estain doivent le gueit se il n'ont passe Ix ans.

Li potier d'estain requièrent que li ij preudome qui gardent le mestier soient quite du gueit.

Li potier doivent la taille et les autres redevances que li autre bourgois de Paris doivent au Roy.