TITRE II
Des Orfèvres et de l'ordenance de leur mestier.
Il est à Paris orfèvres qui veut, et qui faire le set, pour qu'il oevre ad us et as cous tûmes du mestier, qui tex sunt :
Nus orfèvre ne puet ouvrer d'or à Paris qu'il ne soit à la touche de Paris ou mieudres *, laquele touche passe touz les ors de quoi en oevre en nule terre.
Nus orfèvres ne puet ouvrer à Paris d'argent que il ne soit ausi bons corne estelins * ou mieudres.
Nus orfèvres ne puet avoir que un aprentis estrange; mes de son linage ou du lignage sa famé, soit de loing soit de près, en puet-il avoir tant come il li plaist.
Nus orfèvres ne puet avoir aprentis privez ne estrange, à mains de x ans , se li aprentis n'est tex qu'il sache gaingnier cent sols l'an et son despens de boivre et de mangier.
Nus orfèvres ne puet ouvrer de nuit , se ce n'est à l'euvre lou Roy, la Roine, leur anfans, leur frères et l'évesque de Paris.
Nus orfèvres ne doit paiage ne coustume nule de chose qu'il achate ne vende apartenant à leur mestier.
> Meilleur. Il est à remarquer qu'à cette époque , déjà la France pouvoit se vanter d'avoir l'étalon d'or le plus pur.
* Le sterling ou l'étalon d'argent anglois : ainsi la France ezeeUoit par la pureté de l'or , l'Angleterre par celle de l'argent.
Nus orfèvres ne puet ouvrir sa forge au jour d'apostèle, se ele n'eschiet au semedi , fors que un ouvroir que chascun ouvre à son tour à ces festes et au diemenche; et quanques cil gaaigne qui l'ouvroir a ouvert, il le met en la boiste de la conflarrie des orfèvres, en laquele boiste en 1 met les deniers Dieu que li orfèvre font des choses que il vendent ou achatent apartenans à leur mestier, et de tout l'argent de celle boiste done-on chascun an le jor de Pasques un disner as poures de TOstel-Dieu de Paris a.
Tous ces establisemens devant diz ont juré li orfèvre à tenir et à garder bien et loiaument : et se estranges orfèvres vient à Paris, il jure à tenir touz ces establissemens.
Li orfèvre de Paris sont quite du gueit , mes il doivent les autres redevances que li autres bourgois doivent au Roy.
Et est à savoir que li preudome du mestier élisent ij preudeshomes ou iij pour garder le mestier, liquel preudome jurent que ils garderont le mestier bien et loiaument as us et as coustumes devant diz, et quant cil preudhome ont fine leur service, li communs du mestier ne les pueent mes remetre à garder le mestier devant iij ans, se il ni voelent entrer de leur bone volenté.
Et se li iij preudome treuvent un home de leur mestier qui ovre de mauves or ou de mauves argent, et il ne s'en voille chatoier, li iij preudome ameinent celui au prevost de Paris , et li prevoz le punist si qu'il le banist à iv anz ou à vj , selon ce qu'il a deservi.
« On.
* Il est touchant de trouver au milieu de ces règlement d'arts et métiers une coutume bienfaisante. On a pu voir par les deux titres précédens que la magistrature de Paris prenoit aussi les intérêts des pauvres , ou plutôt des familles peu aisées , en ayant soin que les abords du marché leur fussent ouverts comme aux riches , et en empêchant les accapareurs de leur enlever les denrées quand elles étoient à bas prix.
