TITRE XXIV

Des Trefiliers darchal de Paris.

Quiconques veut estre trefilier darchal 1 à Paris, estre le puet por tant que il ait esté au mestier x ans, et que il sache le mestier, et ait de coi.

Quiconques est trefilier darchal à Paris, il puet avoir j aprentiz tant seulement s'il veut, por tant que il ait tenu le mestier de tre'filerie an et jour corne mestres.

Nus trefilier ne puet prendre aprentiz à Paris à mains de xx s. et à x ans de service, ou à xij ans sans argent.

Quiconques est trefilier d'archal à Paris , il puet avoir tant de vallès qui li plaira.

Nus trefilier d'archal ne puet ouvrer de nuiz ne au jour de feste que comun de vile foire, se n'est fondre, laquèle chose il pueent faire de nuiz et aus foiriez, quar moult souvent avient quant il conmencent à fondre que il leur convient mètre une semeine ançois qu'il puissent lessier le fondre.

Li mestre qui prent aprentiz, il doit huchier au convenances9 du marchié ij des mestres et deus des vallès por oïr les convenences faites entre le mestre et l'aprentiz, et convient que li mestres qui garde le mestier i soit apelez.

1 Fabricant de fil de métal.

1 II doit appeler au contrat oo a«x convention» qu'il ra faire arec son apprenti.

Nus raestres ne puet prenre l'aprentiz à son voisin, ne mètre le en œvre devant qu'il ait fait tout son service.

Nus inestres ne doit louer le vallet son voisin, devant qu'il ait fet son service , se n'est son mestre, qui le puet alouer j mois devant ce qu'il ait fet son service, se il li plest.

Li mes très et li vallet ont leur vesprées por eus reposer ; c'est à savoir en quaresme quant complie est soriée, et en chaînage au segont crieur du soir; et doivent aler les valiez chascun an j mois en aoust , se il vuelent

Quiconques ira contre ces establisemens ou fera, il iert à v s. de Paris d'amende au prevost de Paris, et à iiij den. à l'uille à lempes des Sachoix, lesquex iiij den. il ont use et acoustumé des dont que li Sachois 1 vindrent avant ; et si ne puet nus fere ouvrer de cest mesticr se il n'est du mestier.

Derechief li preudome traifilier de Paris vos prient, sire prevoz de Paris , que por ce qu'ils sont poi de gens par quoi il ne puent mie avoir mestre, que vous faciès à chascun de eus jurer seur sains et à chascun de ce us qui venront au mestier devant dit, que il le mestier desus dit garderont bien et loiaument selonc les us et les coustumes devant dites.

Li trefillier d'archal de Paris doivent gueit et taille et les antres droitures que li autre bourgois de Paris doivent au Roy, fors mis tant seulement que il ne doivent rien de chose qui vendent ne achètent apartenant à leur mestier.

'Le Ms. C omet le mot tachait dans le premier membre de phrase, et la seconde Fois il y a li taches. Seroît-ce les frères Sachets , ou les Saxons ? Ceux-ci ont de bonne heure excellé dans l'art d'extraire les métaux de la terre et de les travailler. Peutêtre des forgerons saxons «voient-ils établi la tréfilerie à Paris , et avoient-ils fondé une lampe dans la chapelle ou devant l'autel de leur confrérie.