TITRE XXV
Des Feiseurs de Clous por atachier boucles, mordons et membres
seur corroie.
Quiconques veut estre atachiers 1 à Paris , c'est à savoir fesères de clos pour cloer boucles, mordans et membres seur corroie, estre le puet se il set le mestier et il a de coi.
Quiconques est atachiers à Paris de petis clos , il puet ouvrer de fer, d'archal, de coivre et de laton et seur es tains, se il li plest ; mes il ne le puet pas faire d'estain ne de pion , quar l'oevre seroit -fause.
Quiconques est atachier à Paris , il puet avoir tant de sergans que il li plaira , por tant que li sergans aient este' vj ans au mestier au mains, et de ce convient-il que le vallet se face creable par tesmoignage ou par serment.
Se il plest au mestre atachier, il prendra j aprentis tant seulement; mes li ne le puet pas prendre à mains de vj ans de service et à xx s. d'argent, ou viij ans de service sans argent.
Nus atachiers ne puet avoir que un aprentis , se ce ne sont si enfant ou li enfant sa famé qui soient en sa garde *.
Nus atachier ne puet ouvrer de nuiz ne au jour de feste que quemun de vile foire.
Li mestre atachier et li vallet ont leur vespree, c'est à savoir que nul ne doit ovrer en quaresme puis que complie est sonée à Saint-Marri , et hors quaresme puis l'eure qu'il ara oi le segont crieur du vespre.
1 Les attacheurs faisoiont les clous en fer ou en cuivre , employés pour attacher des métaux ou du cuir.
• Cet article et le précédent ont été barrés dans le M». B.
Nus atachier ne doit rien de chose qu'il vende ne achate apartenant à son mestier, ne n'est tenus d'aler au marchié vendre ses denrées se il ne li plaist , ne onques ni alèrent.
Li atachier doivent le gucit lou Roy et la taille et les autres coustumes que li bourgois ont acoustumé à paier au Roy.
Quiconques ira contre ces establisemens ou fera , soit mestrès , soit vallet , il paiera v s. d'amende au Roy, et douze deniers à ceus qui gardent le mestier, por la poine qu'il ont
Il est ordené que nus aprentis soit pris à mains de vj anz de service et xl s. , et v s. à la confraerie, ou à viij anz sanz argent, et les v s. à la confraerie ; et ne puet avoir chascun mestre que j aprentis, et ne le puet alouer se il n'i a j mestre et j vallet au mainz.
Il est ordené que se aucun vallet du mestier se marie , qu'il ne puet mètre sa famé au mestier devant qu'il ait son mestier tenu j an et j jor.
Il est ordené et acordé que nule persone du dit mestier ne puist ouvrer entor home estrange tant come il puist trouver à ouvrer entour home du mestier. Et est acordé que li mestre tendront les vallès aus us et as coustumes qu'il les ont tenuz ça en arriérez.
Il est acordé que nul mestre du mestier ne pueent prendre nule meschinete* estrange por aprendre ou mestier desus dit.
Il est acordé que nul vallet du mestier desus dit ne puisse prendre nul aprentis ou dit mestier, devant qu'il ait tenu son mestier j an et j jour.
' Tout ce qui suit est d'une autre écriture dans le mente manuscrit, et parait avoir été ajouté postérieurement aux statuts.
* Jeune fille.
