TITRE XXVI

Des Haubergiers.

Quiconques veut estre haubergier*1 à Paris, estre le puet s'il set faire le mestier, et il a de quoi.

Quiconques est haubergiers à Paris, il puet avoir tant d'aprentis come il li plaira, et ouvrer de nuis se mestier li est.

Quiconques est haubergier à Paris , il puet ouvrer de quelque roatire come il li plera, et quelque pais que la matère soit , soit chascun pour lui , ou tout ensamble.

Quiconques est haubergier à Paris, il puet ouvrer aux foiries se mestier li est.

Nus haubergiers de Paris ne doit rien de chose qu'il vende ne achète apartenant à son mestier, ne en foire ne hors foire , ne en marchie' ne hors marchie'.

Nus haubergier de Paris ne doit point de guait, quar li mestier l'aquite ; quar li mestier est pour servir chevaliers et escuiers* et sergens, et pour guarnir chastiaus.