TITRE XXXII

Des Bateurs d'estain.

Il puet estre bateur d'estain à Paris qui veut, pour tant qu'il oevre aus us et aus coustumes du mestier, qui tel sont , et qu'il soit preudome et loiau, et puet avoir tant de vallès et d'aprentis come il li plest, et ouvrer de nuiz et de jours, se il en ont mestier et il leur plest.

Nus bateur d'estain ne doit rien de chose que il vende ne achate apartenant à son mestier se la chose n'est pesée au pois le Roy.

Li bateurs d'estain puet taindre son estain de toutes manières de couleurs 1 .

Li bateur d'estain doivent le guiet et la taille et les autres redevances que li autre bourgois de Paris doivent au Roy.

Nus bateur d'estain qui ait passé lx ans ne doit point de gueit, ne cil à qui sa famé gist d'enfant, tant come elle gise; mes il sont tenu de faire le savoir à celui qui le gueit garde de par lou Roy.

' l** batteurs d'étain n 'étaient pas alors les étameurs , puisque l'usage des miroirs de verre étoit encore très rare. C'étoient des ouvriers qui préparaient l'étain pour être façonné de diverses manières , et même , comme on voit par le texte, pour être revêtu de couleurs.