TITRE XXXIII

Des Batteurs d'or et d'argent, en feuilles, à parc.

Quiconques veut estre baterres d'or et d'argent en fueille à parc ', estre le puet franchement pour tant que il face bonne euvre et loial.

Quicunques est baterres d'or et d'argent en fueille à parc, il puet avoir tant vallès et d'ouvriers et d'aprentiz corne il li plest.

Nus baterres d'or ne d'argent ne puet ouvrer de jour de feste que queraun de ville foire , ne de nuiz; quar la clartés de la nuit n'est pas souffisant à faire leur mestier devant dit, bon et loial.

Nus du mestier devant dit ne puet ne ne doit mestre ouvrier en euvre , ou vallet de si à donc qu'il ait fiancié sa foi * qui gardera et fera le mestier bien et loialment, et celle fiance doit estre faite devant ij du mestier au mains, et doit jurer seur sains que se il savoit aucun du mestier qui mespreist en aucune chose du mestier, que il à ceus qui le mestier gardent le feroit à savoir au plus tost que il pourroit par resont.

El mestier devant dit a ij preudeshoumes jurez et sermentez de par lou Roy; lesquiex li prevoz de Paris met et hoste à sa Tolenté, et liquel jurent seur sains que il le mestier garderont bien et loialment à leur povoir. Et que il toutes les entrepresures que il sauront que fêtes i seront, au prevost de Paris ou à son conmandement le feront à savoir plus tost que il pourront par reson.

' C'est la seconde corporation des batteurs d'or et d'argent, artisans qui croyoient avoir droit à des privilèges , comme on verra plos bas par leur» réclamation* , parce qu'ils travailloient, comme ils disoient , pour T église et Us hauts hommes, c'est-à-dire les gentilshommes.

* Jusqu'à ce qu'il ait donné sa foi ou sa promesse qu'il gardera, etc.

Quiconques mesprendra en aucuns des articles desus diz, il l'amendera toutes les fois que il en sera repris , de v s. de par. au Roy; des quiex v s. li doi juré auront xij d. par la main du prevost de Paris pour les cous et pour les despens qu'il i font des amandes pourchacier.

Li preudoume du mestier devant dit dient qu'il n'avoient onque guestié 1 au tans le roy Phelippe , ne puis le tans le Roy, fors puis xx ans en ençà que il ont guestié contre droit et sans reson, si corne il leur est avis ; quar leur mestiers ne doit point de guet ne coustumc ne tonliu ne travers ; quar leur euevre n'apartient fors à sainte Église et aus haus hommes, et est leur mestier un des menbres as orfèvres , qui quite sont ; pour laquele chose il voudroient prier à la nobleté et à la débonnaireté du Roy que il fussent quite du guet si come il souloient estre au tans le roy Phelippe, son bon aoel; quar leur mestier n'est pas molt efforsans à la ville de gent *, quar el mestier devant dit ne sont que vj preudoume qui guet doivent au Roy ; et à tout le mains que li ij juré en soient quite pour la* painne et pour le travail qu'il ont du mestier garder.

Li bateeur d'or et d'argent en feuille de parc doivent la taille et les autres redevances que li autre bourgois de Paris doivent.