TITRE XXXVI
Des Fillaressc de soie à petiz fuiseaus.
Qaiconques veut estre fillareice de soie à petiz fuiseaus à Paris , estre le puet franchement pour tant que èle ouvre aus us et as coustumes du mestier, qui tel sont :
Nus ne puet ne ne doit el mestier devant dit ouvrer à jour de feste que conmun de vile foire.
Nus ne puet ne ne doit prendre ne avoir aprentiz que ij tant seulement, ne ne les puet prendre à mains de vij ans de service, et à xx s. de Paris, que li aprentis doit doner au mestre, ou à viij ans sanz argent; mes plus argent et plus service puet-il prendre, se avoir le puet.
Nus ne nulle du mestier devant dit ne puet ne ne doit alouer autrui aprentiz ne autrui ouvrière dessi adonc que il ait feit et par acompli son terme.
Nus ne nule du mestier devant dit ne puet ne ne doit prendre aprentis se li marchié n'est faiz ou recordez pardevant es mestres du mestier, et pardevant ij preudesfames du mestier , ou iij qui soient ouvrières du mestier. Ne ne puet li aprentis mètre la main au mestier devant dit, que li marchiés ne soit recordez par les mestres en la manière desus devisée, et ait paie vj den. au mestres pour leur paine et pour leur travail; et pour ces vj den. sont tenu li mestre de 1ère escrire la convenance, et de garder l'escrist devers aus, si que se contens est entre les parties, que par ce puise estre sceue la vérité.
Se aucune ouvrière vent son aprentis , elle ne puet ne ne doit prendre autre aprentiz devant donc 1 que li terme soit passé auquel èle avoit prins l'aprentis que èle a vendu.
* Araot que.
Se aucun aprentis a parfait son terme , ou il soit rachatez de sa mestresse, il doit paier vj den. au mestre, et doit jurer seur sains ou fiencier que il le mestier fera et gardera bien et loiaument en la manière desus devisée ; mes èle ne puet ne ne doit prendre autre aprentis, ne ouvroier 1 tenir devant donc que elle est* ouvré el mestier devant dit corne ouvrière ou corne anrentis&e. Et se ont establi les preudesfames du mestier, quar il ne leur samble pas que famé fust souffisant d'aprendre autre se èle n!eust aprins de mestresse vij ans entiers. Et pour ces vj den, sont tenu li mestre de cèle rabatre la première 'Convenance5.
Se aucune vent s'aprentisse , li mestre juré qui le mestier gardent doivent avoir vj den. de cèle qui vent , et de cèle qui achate. Ex ces, vj dan., ont li. mestre qui gardent le mestier, pour leur paine et, pour leur travail qu'il ont du mestier garder, et pour le recort de la convenance il mètent en escrit.
Se famé de dehors Paris vient à Paris pour ouvrer en mestier devant dit, elle ne puet ne ne doit conmencer à ouvrer el mestier devant dit, ne on ne la doit pas mètre en oevre devant donc que èle ait juré ou fiencie en la main as mestres que èle gardera et fera le mestier bien et loiaument en la manière desus devisée.
El mestier devant dit a ij preudeshomes jurez et serementez de par le Roy, lesquex li prevoz de Paris met et oste à sa volenté; liquel preudome jurent seur sains que il le mestier devant dit garderont bien et loiaument selonc leur pooir, et que il toutes les mesprensures qu'il sauront, que faites i seront, au
• Ouvroir : c'eit ce qu'on appelle maintenant un atelier. 'Pour ait.
1 Annuler le premier contrat.
DES MÉTIERS ET MARCHANDISES. 85 prevost de Paris ou à son conmendement le feront à savoir au plus tost qu'il porront par reison.
Quiconques mesprendra en aucun des articles desus diz, il amendera au Roy en v s. de paris., toutes les foiz que il en sera reprins ; desquex v s. li ij juré doivent avoir xij den. par la main du prevost de Paris pour les cous et pour les despens qu'il font enz au mestier garder ; et sont quite du gueit pour la paine et pour le travail qu'il ont du mestier le Roi garder.
Les filaresses de soie ne doivent rien de chose que elles vendent ne achatent apartenant à leur mestier.
