TITRE XXXVIII
Des Ouvrières de tissuz de soie.
Nulle ouvrière de tissuz de soie 1 ne puet estre mestresse ou mestier devant ce qu'elle aura esté un an et un jour à lui, puis qu'elle aura fet son terme, por ce qu'elle soit plus soutive * de son mestier garder et fère.
Item , nulle mestresse de ce mestier ne pueent ne ne doivent prendre nulle aprentice à mains de sis anz, et por iiij livr., ou à viij ans et por xl souz, ou à x ans sanz argent.
Ne si n'en pueent avoir que deus ensemble, ne prendre en nulle autre tant que leur terme soit aconpliz.
Nule mestresses ne ouvrières ne peuent ne ne doivent ouvrer ne fère ouvrer de nuiz ne à jour de feste que conmun de vile foire.
Nules mestresses du mestier ne pueent ne ne doivent ourdir fil avèques soie , ne flourin 5 avèques soie , porce que l'uevre est fàuse et mauvèse ; et doit estre arse , se elle est trouvée.
Nule mestresse ne ouvrière du mestier desus dit ne pueent fère fausse entaveleure ourdie, ne tissue de fil ne de flourin, ne fère oevre enlevée où il ait fil ou florin ; et se tèle oevre est trouvée , elle doit estre arse, quar elle est fausse et mauvaise.
Nulle mestresse ne ouvrière de cest mestier, puis qu'elle aura fet son terme , ne se peuent ne ne doivent alouer à pereone nulle quèle que elle soit, se èle n'est mètresse du mestier; mes elles pueent bien prendre oevre à ouvrer de qu'elle voudra , et de qui que il li plera.
' Ces ouvrières ne fa i soient apparemment que de la rubannerie. * Subtile, habile.
' Florin ou florct , espèce de bourre de toie.
II est ordené ou devant dit mestier que toutes les mestresses qui ourroieront hors de la vile fère oevre, le monteront à cèles qui seront establies por garder le mestier, avèques l'uevre de lor hostiex , por savoir se il i a nulles mesprantures*
Et quiconque mes prendra en auqun des articles desus diz , elle poiera viïj souz de pariais , toutes les foiz qu elle en sera reprise; desquex viij souz li Rois aura v s , et la confrarie du mestier xij den. , et les mestres qui garderont le mestier ij s., por la paine et por le travail que il auront du mestier garder.
Por cest mestier garder en la manière devisee par desus, doivent estre establi iij mestres et trois mestresses, qui jurront sus sainz que il feront à Bavoir au prevost de Paris ou à son conmandement toutes les mesprentnres qui seront fêtes ou devant dit mestier, à leur pouoir *.
