TITRE XXXIX
Des Braafiers de fil.
Quiconques veult estre braalier de fil ' à Paris, estre le puet, pour tant que il face bonne oevre et loyal ; c'est à savoir de bon fil blanc et bue avec.
Qui vouldra faire raie de soie sus cel euvre, si la face toute pure de soie. Et qui voudra faire oevre de fil escru, si face raie de fil taint.
• On lit en marge du M*. B :
« Les mestres de ce meiu'er jurez , le samedi après la Saint-Denis , rail ecc et neuf : . G. de Fresnes , Est de Roisli , Eudeline D^esnes , Gile U Blanche e, Gîle de h Poterne. «
* Braalier de fil étoit le nom d'un ouvrier couturier qui fauoit les braies ou hauts de chausse en fil.
Ces statuts , qui manquent au Ms. C, paraissent moins anciens que l'ensemble des
ia
go REGISTRES
Quiconqucs veult lever le mestier de braaillier de fil en la ville de Paris, il doit xx s. au Roy nostre seigneur, et x s. aus mestres jurez por le dit mestier soustenir et garder, s'il n'est fiux ou fille de mestre.
Quiconques veult avoir aprentiz au dit mestier, il ne le puet prendre à mains de vj anz de service et Ix s. argent, ou plus se avoir les en puet, à paier chascun an x s., et que il soit gouvernez bien et deument come fiux de preudome; et ne puet l'aprentiz soi rachater ne yssir hors de chiez son mestre pour ouvrer hors jusques à tant qu'il ait fait son service des dites vj années.
Item, nul ne doit ouvrer du dit mestier à jour de feste d'apostre, ne à jours de feste Nostre-Dame; et quiconque sera trouve mesprenant es choses dessus dites, il paiera vj s. d'amende ; c'est à savoir, au Roy iiij s. , et ij s. aus mestres pour leur pêne de garder le dit mestier.
Quiconques veult avoir aprentisse de coudre et d'aprester ou dit mestier, elle doit servir ij anz, et paier xx s. par.
Quiconques veult ouvrer à autre que à soi ou dit mestier de braalerie de fil, il doit faire serement, et doit ij s. au Roy, et xij den. aus mestres avant qu'il oevre.
Item , il est ordené que nul ne doit mettre fil en ourture de braiel , qu'il ne soit de fil retuers ; et que nul ne face treme en braiel en mains de ij filz.
Et furent présens à ce, Robert Rue, Dymenche le Lorrain, Symon Piquet le braaillier, Henriet le braaillier, Guiart la Tarte, et Pierres le braaillier, et Guillaume Costel.
