FÉVRIER

M. de Fois au Roy.

{Bib. imp. — Fonds de St-Germ. Rarl., n. 2 18, 1. 1, cote 13, f° 44 r° — Cop. du temps.)

Motifs qui empêchent la Reine d'Angleterre de s'accorder avec la Reine d'Ecosse. — Plaintes de Marie Stuart au sujet des incursions faites en Ecosse par le comte de Bedford. — Profession de catholicisme que le Roi d'Ecosse a faite publiquement en assistant à la messe le jour de Noël.

(Extrait.)

Quant à la Royne d'Escosse, elle (la Reine d'Angleterre)

disoit avoir deux choses qui empeschoient leur accord : l'une que ladicte Royne d'Escosse ne vouloit advouer l'avoir oilenséc, l'autre de ce qu'elle prévoyoit qu'elle luy vouldroyt demander quelque chose qu'elle ne luy pourroit accorder, qui seroit plus préjudiciable et dangereux pour elle que profRtable et commode pour la Royne d'Escosse (})

Le neufviesme de ce moys la Royne d'Escosse envoya Guillaume Stuart, hérault d'armes, à la Royne de Angleterre pour se plaindre de certains tors et incursions que le conte de Betfort(^), gouverneur de Warrvic, faisoit sur l'Escosse.

Le Roy d'Escosse, le jour de Noël 15G5, a commencé à aller à la messe, en laquelle il fit les Pasques (^); lequel, auparavant, avoit toujours monstre estre protestant.

(') Le titre d'héritière de la couronne d'Angleterre.

(') Francis Russell, comte de Bedfurd, gouverneur de Berwick.

(•) C'est-à-dire où il communia.

1565-66. — Mars.

Extraict des nouvelles venues d'Escosse par ung gentilhomme que la Royne dudict Escosse a envoyé exprès devers monseigneur le Cardinal de Lorraine, avecq trois lettres d'elle, des xj«, xiije et xviij« jours du mois de mars dernier passé (•).

{Biblioth. impériale. — Fonds de Gaignières, n. 5oA, — Copie du temps.)

Intrigues des rebelles pour s'emparer de l'esprit du jeune Roi. — Autorisation de rentrer dans le royaume, qu'il leur a accordée à l'insu de Marie Stuart. — Assassinat de David Riccio par Ruthven, Lindsey et Morton. — Captivité de la Reine.

— Proposition faite aux États de conférer à Darnley la couronne matrimoniale.

— Dispersion générale de l'assemblée à cette proposition. — Démarches de Darnley pour se réconciher avec la Reine. — Aveux qu'il lui a faits sur les projets des conspirateurs. — Fuite du Roi et de la Reine à Dunbar. — Leur retour à Edimbourg, où quelques-uns des complices du meurtre de Riccio ont eu la tête tranchée.

Et premier, par celles de l'onzième, de Lislebourg : Que les rebelles d'Escosse, qui s'estoyent retirez en Angleterre, ayant entendu que la Royne d'Escosse tenoit son parlement, auquel ilz estoyent en danger d'estre condemnez, leurs biens confisquez à la couronne, et la religion catholicque remise sus pour les Gatholicques, sans toutesfois contraindre personne, ny empescher les Calvinistes en la liberté de leur conscience ny exercice de leur religion, et que, pour quelques prières qu'ilz eussent sceu faire, ilz n avoyent peu trouver moyen d'obtenir grâce ny pardon d'elle, ilz s'advisarent de faire practicquer leur nouveau Roy d'Escosse par gens fins et accords, ausquelz luy, qui est jeune de xix ans et de peu d'expérience, creut facilement. Et firent tant envers luy qu'ilz luy persuadèrent que, leur permectant de retourner au royaulme pour assister audict parlement, ilz le feroyent couronner roy : ce que toutesfois n'a jamais esté faict par cy-devant. Mais luy, poulsé de l'ambition et de l'envie de régner, croyoit que lesdicts rebelles auroyent moyen de le faire couronner roy par le consentement des Estatz au parlement

(') Ces trois lettres ne sont pas dans le Recueil du prince Labauoff. — Cf. la lettre écrite par Marie à l'arcUevêque de Glasgow, le 2 avril ( Recueil, 1. 1, p. 341 ).

dessus dict; de sorte que, sans en advertir la Royne, sa femme, il fit tant par ses menées qu'il les fit revenir en leurs maisons, et se trouvarent à Lislebourg le soir veille du jour que se devoit faire le dernier parlement. Et ce soir mesme (^), après soupper, en la salle où la Royne et le Roy avoyent souppé, fut tué en leur présence, entre sept et huict heures du soir, David Riccio, secrétaire de ladicte dame Royne, le plus inhumainement du monde par un lord Ruven et lord Linesay, et le comte de Merton, toutes gens de maulvais nom et de Taultre religion. Et ce faict, la Royne s'estant retirée en sa chambre, elle y fut tenue comme prisonnière et gardée par quattrevingts harquebusiers et réduicte en telle nécessité que nulz de ses officiers ny de ses femmes ne s'osoyent approcher d'elle, et ne luy portoit-on viande qui ne fusse visitée. Le comte Bauduel, Athol et Hontlay, qui sont gents de bien et bons serviteurs de ladicte dame Royne, qui estoyent encores lors au chasteau, cerchantz de luy faire service, furent contrainctz de se saulver par une fenestre, parce qu'on ne leur permectoit de sortir hors du logis de la Royne. Et, quand ils furent dehors, on les menaça de tuer la Royne s'ilz amassoient gens pour la secourir. Cependant lesdicts rebelles, et aultres Huguenotz de Lislebourg qui s'assemblèrent avecq eulx, entreteinrent le Roy et le persuadèrent si bien qu'il promist qu'il ne se trouveroit jamais au parlement s'il n'estoit faict roy. Ce que lesdicts rebefies faisoyent exprès, affîn qu'il fist tout de luy-mesme et qu'il ne consentist à les condemner. Et luy croyoit qu'ilz luy feroyent bailler par les Estatz la couronne matrimonialle et héréditable, au moyen de laquelle, encores que la Royne n'eusse point d'enfantz, il demoureroit touteffois roy après la mort d'elle. Mais les Estatz ayant ce entendu, tous s'enfuyrent, l'ung d'ung costé, l'aultre de l'aultre, tant qu'il n'y demeura que trois hommes; car les gens de bien et la noblesse ne vouloyent point tomber soubz son gouvernement, ne consentir à chose si extraordinaire. Le Roy, voyant ces choses, et qu'il n'estoit pas maistre,

(') Le 9 mars.

inesme de ceulx qu'il avoit faict venir, s'en alla trouver la Royne sa femme, luy confessant sa faulte, et luy demandant pardon, promectant de rabiller tout, et advouant qu'il avoit faict mal, et ne tendoyent lesdicts rebelles et aultres à aultre fin qu'à la faire mourir; ce qu'elle cognoist très bien, estant entre leurs mains, dont elle n'avoit moyen d'eschapper, et grosse de six mois. En somme ilz luy vouloyent ester la couronne de dessus la teste et la bailler à son mary, et desjà faisoyent des proclamations en son nom et l'avoyent faict seigneur avecq eulx et avecq tous les ministres de ceste entreprise. Et devoyent faire pendre à la porte du logis de la Royne maistre James Balfour, et faire tuer les seigneurs de Flamy et de Leviston, et faire noyer quelques-unes des femmes de la Royne. De toutes lesquelles choses le Roy luy en a luy-mesme demandé pardon, luy confessant que, si elle n'eschappoit bientost de leurs mains, qu'ilz avoyent délibéré de la tuer. Sur quoy la povre dame, ainsi grosse comme elle est, vouloit entreprendre de descendre avecq des cordes la hauteur d'ung clocher pour se saulver à la forteresse de Donbertran. Et se vantoient lesdicts rebelles qu'ilz auroient toute faveur de la Royne d'Angleterre.

La pauvre dame ayant esté ainsi traictée, et veu devant elle en sa chambre tous lesdits rebelles, desquelz elle fut injuriée, et qu'ilz luy firent toutes les indignitez, menasses et injures qu'il est possible de faire, présent son mary, qui ne luy sçavoit donner aultre confort, sinon de dire ce n'est rien, fut détenue deulx jours et trois nuitz en sa chambre, sans permission d'en pouvoir sortir. Et cependant elle ouyt proclamer, au nom du Roy seul, que toutz papistes et tous ses serviteurs deslogeassent hors de la ville, sur peyne de mort, assigner ung nouveau parlement au nom de son mary, leur nouveau roy, et qu'à ce parlement elle seroit du tout déposée hors de son royaulme : ce que luy causa ung extrême desplaisir. Et mesme qu'elle sceut que lesdicts rebelles persuadèrent à sondict mary qu'il la failloit envoyer en quelque chasteau hors de là, affin qu'elle ne se meslast plus des affaires. Et que eulx seulz (je dis les rebelles et nouveaux rcve-

nuz d'Angleterre) sçauroyent bien tout faire et administrer le royaulme, et que, si les serviteurs d'elle menoyent des forces pour la délivrer du chasteau et prison où elle seroit, qu'ilz la mecteroyent en pièces et la jecteroyent ainsi par dessus les murailles, atfm que les amys et serviteurs d'elle ne sceussent plus que demander. Le Roy, son mary, lors congnoissant leur cruelle intention, et quasi trop tard repenty de les avoir rappeliez, s'en alla devers la Royne sa femme, luy disant tout espoventé qu'elle regardast de sauver sa vie et qu'il iroit avecq elle bazarder la sienne. Et lors elle trouva moyen de faire entendre aux contes de Bauduel et Hontlay qu'ilz luy feissent faire des cordes pour descendre, comme dessus est dict. Mais Dieu l'ayda; car en ces entrefaictes les rebelles s'advisèrent qu'il failloit pour leur seureté qu'avant que de la mener bors de là, ilz luy feissent faire des articles par lesquelles elle leur pardonneroit et leur quyteroit la messe et l'ancienne religion. Le Roy, instruict de la Royne, leur fit croire qu'il les luy feroit signer ; mais, affîn qu'elle ne les peut révocquer, qu'il failloit faindre de la mectre, cette nuictlà, en liberté, et jusques à ce qu'elle les eusse signez; et que luy mesme la garderoit. Qu'on luy laissast entrer la garde et qu'il en responderoit. — Lors ilz la laissèrent pour ceste nuict, pensantz qu'elle fust bien bas de sa santé. Le Roy fit entrer la garde, et, à mynuict, le capitaine de ladicte garde, le Roy et la Royne montée derrière son escuier se sauvèrent au gallop et arrivèrent au poinct du jour à la forteresse de Dombar, où elle attendit ses susbjectz, lesquclz elle espéroit qu'ilz feroyent amas de bon nombre de gens pour la venir secourir; ce qu'ilz n'eussent osé faire quand elle estoit es mains des rebelles, de peur qu'ilz ne la tuassent. Le Roy, son mary, est avecq elle, que les rebelles cherchent fort de raccointer, et menassent, si on les recherche, de faire mourir luy et elle. Il est vray que la Royne d'Angleterre avoit escript à la Royne d'Escosse, le même jour que les rebelles entrèrent à Lislebourg, que si elle ne pardonnoit au conte de Mora, qu'elle le maintiendroit, luy et les siens. Yoylà ce quy se peult extraire desdictes trois lettres escriptes à

diverses fois. Le gentilhomme qui les a apportées dict qu'il demoura deulx jours au port pour attendre le vent, et que, ce pendant, il eut nouvelle que lesdicts rebelles, voyant que la Royne estoit ainsy sauvée, et que lesdicts contes l'estoyent venus trouver avec bien neuf mil hommes, s'en estoient fuyctz de Lislebourg et retournez en Angleterre, et que le Roy et Royne estoient retournez audict Lislebourg, où ilz avoient déjà faict trenscher la teste à cinq des principaulx de la ville, autheurs de ceste entreprise.

1565-66. — 20 Mars.

Analyse d'une dépêche de M. de Foix à la Royne mère.

{Bibl.imp. — Fonds de St-Germ. Barh, n. 2fSjt. 1, cotelCfT Hv°. — Cop. du temps.)

Première version sur la mort de Riccio. — Récit détaillé de cet événement. — Part active que le Roi a prise à l'assassinat. — Arrivée du comte de Murray à Edimbourg. — Fuite du Roi et de la Reine à Dunbar. — Nouveaux détails sur la mort de Riccio. — Efforts de Darnley pour persuader à la Reine que ce n'est pas lui qui a prémédité ce crime. — Preuve du contraire fournie par le comte de Morton. — Rannissemcnt du comte de Lennox. — Poursuites actives exercées par Marie Stuart pour venger la mort de Riccio. — Sépulture qu'elle lui a fait donner dans Féglise d'Holyrood au rang des rois. — Place de secrétaire conférée au jeune frère de David. — Double cause de la fin tragique de ce favori. — l» Jalousie du Roi, qui, une nuit, l'aurait trouvé à peine vêtu et caché dans le cabinet de la Reine. — 2» Conviction de ce prince que les conseils de Riccio empêchaient seuls Marie Stuart de lui accorder la couronne matrimoniale, objet de son ambition.

M. de Foys manda premièrement que Davit avoit esté tué, le 9 du moys de mars, et en ceste forme et manière, par un nommé George Douglas, frère bastard de la contesse de Lennos, dans le chasteau de Lislebourg, de nuict, d'un coup de poignard qu'il [lui] avoit donné dans la poictrine^ feignant, comme Ton dict, avoir querelle avec luy, mais à la vérité instigué par le Roy d'Escosse; et que le lendemain le conte de Moray, avec les aultres seigneurs escossoys, qui estoient en ce royaulme fugitifz, arriva à Lislebourg, et luy vindrent au devant tant de gentihomes qu'il se trouva à l'entrée de ladite ville avoir plus de mille chevaux.

Mais la vérité est qu'il fut tué d'aultre façon : et est que le Roy soupoit en une salle basse, avec lui le conte de Morton et les seigneurs de Rhutven et de Lindsay; que, après son souper, il envoyast voir qui estoit avec ladicte Royne, laquelle avoit soupe dans une chambre au dessus de ladicte salle ; et luy fut rapporté que la contesse d'Argueil et David y estoient, qui avoit soupe à la mesme table. Incontinant il y monta avec les trois susnommés et quelques autres, et, en entrant en ladicte chambre, salua et baisa ladicte dame, luy rendant l'honneur et faisant les caresses accoustumées. Mais ledict David ayant présanti quelque chose de son malheur, ou craignant la compaignie qui estoit avec ledict Roy, commança à se retirer au coing de la chambre où estoit le cabinet. Et aussi voyant ladicte dame qu'il y en avoit d'entre eulx d'armés, et que quelques ungs de la troupe s'approchoient par trop dudict David, elle s'escria, demandant que est-ce que l'on vouloit faire, et si l'on la vouloit tuer! — A quoy le Roy et tous les aultres respondirent qu'ilz voudroient mettre leur vie pour la deffance de la sienne; mais qu'il vouloit prendre ledict David et le faire punir ainsi qu'il le méritoit. — Et sur ce, ledict seigneur de Ruthvcn tira la dague pour le frapper; mais ladicte Royne print ledict David par la main et le sauva de ce coup. Et le Roy, le luy ayant esté par force, le retira à la chambre prochaine et le frappa de son poignart le premier, et plusieurs aultres après luy l'achevèrent de tuer. Et, ce pendant, il s'éleva grande rumeur et bruit par tout le chasteau, qui fut cause que les contes de Botuel et Hontelay et le sieur de Lethington s'enfuirent de crainte, sans en sçavoir l'occasion.

Le lendemain, qui estoit le x% le conte de Moray, avecques les aultres de son parti, arriva fort accompagné à Lislebourg et fit la révérence à la Royne et au Roy, tous deux le remerciant, fort humblement. Peu après le Roy et la Royne, se voyant entre tant de gens de guerre, se retirèrent, fort mal accompaignés, à Dombart, faisant quelques vingt cinq lieues d'une traite durant sa grossesse.

Quant à la mort de David, aulcuns disent que le Roy ne le

frappa point, mais que ledict Douglas luy bailla le premier coup, qui ayant été suivi d'aultres, se trouva qu'il eut cinquante-six coups de poignart. Aultres ont escript à la Royne d'Angleterre que le Roy donna le premier coup. Or, dit-on, que la Royne, devant que [laisser] prandre Davit, se mit entre deux, et les prioit de la tuer plustost elle-mesme que d'offencer tant son honneur que de enmener de sa chambre, contre son gré, un sien serviteur. Mais ledict Roy le luy osta, et lors la Royne luy reprocha qu'il luy estoit venu bailler le baiser de Judas; et luy demandoit et aux aultres seigneurs que Ton ne usast envers David de voye de faict, mais que l'on le mist en justice pour estre puny, s'il le méritoit. Mais, estant entre les mains de ses ennemis, il fut incontinant despesché en la sale de présance, où peu après entrant la Royne, et le trouvant qui rendoit l'âme, ledict Roy s'approchant demanda s'il n'i en avoit pas encores pour luy et le frappa de son poignart. Et chercha de persuader par plusieurs raisons à la Royne qu'il n'en estoit consentant, bien que elle fut acertenée du contraire par une lettre du conte Morton, qui luy mandoit que le conte de Lennos et le Roy, par menaces et prières, les avoit incités à cela, comme il faisoit apparoir par une patente signée de sa main et sellée de son sceau, de laquelle il avoit envoyé une copie à la Royne d'Angleterre. A quoy adjoustant foy, la Royne bannist de sa cour le conte de Lennos. Et le Roy, pour sa justification, fit publier une proclamation contenant son innocence; ce qui ne l'a contantée, ains, poursuivant à vouloir vanger la mort dudict David, en a desjà faict exécuter, sçavoir, deux citoiens de Lislebourg nommés Patrick Harcalo et Jehan Muncheid et

ung gentilhomme nommé Thomas S bien apparanté audict

Escosse, et se délibère d'en faire mourir aultant qu'elle en sçaura. Et non contante de cela, a faict desterrer le cors dudict David du cimetierre où il estoit et l'a remis dedans fesglise (^), en une sépulture honorable, au rang des roys. D'où les malveillans prennent occasion de mesdire, comme aussi pour avoir

(') Holyrood.

receu en Testât de secrétaire son frère C^), monstrant le vouloir beaucoup avancer, encores qu'il ne soit que un jeune homme de XVIII ans et de nulle suffisance.

Les causes de la mort de Davit on en allègue deux principales qui furent mandées à la Royne d'Angleterre : l'une est que le Roy, quelques jours auparavant, environ une heure après minuict, seroit allé heurter à la chambre de ladicte dame qui estoit audessus de la sienne; et d'auUant que, après avoir plusieurs fois heurté, l'on ne luy respondoit point, il auroit apellé souvant la Royne, la priant de ouvrir, et €nfm la menaçant de rompre la porte; à cause de quoy elle lui auroit ouvert. Laquelle ledict Roy trouva seule dedans ladicte chambre; mais, ayant cherché partout; il auroit trouvé dedans son cabinet ledict David en chemise, couvert seullement d'une robbe fourrée. — Qui est la principale cause.

L'aultre estoit parce que la Royne d'Escosse ne vouloit consentir ni accorder qu'il fut couronné roy, et aussi reffusoit presque tout ce que le Roy luy demandoit : ce qu'il cuydoit procéder du conseil que ledict David donnoit à ladicte dame; à cause de quoy il s'estoit grandement irrité. Aultant en pensoient tous les seigneurs pour leur particulier.

(M Joseph Riccio.

1566-67. — 13 FÉVRIER. — Edimbourg..

Estât des gaiges des dames, damoiselles, gentilzhommes et autres officiers domesticques de la Royne d'Escosse, douairière de France, pour une année commençant le premier jour de janvier M. V. C. LXVI et finissant le dernier jour de décembre ensuivant, mil cinq cens soizante-sept (').

{Biblioth. impér. — CoUect. Vupmj, t. DXCI, pièce ii3. — Original signé.) PREMIÈREMENT.

DAMES

A madame la duchesse douairière de Guise. . . viii, c. 1.

A madame d'Astel v. c.

A mademoiselle de Curel un. c.

A mademoiselle de Puiguillon un. c.

A madame de Briante m. c.

A madame de Creich m. c.

A madame de Betoncourt m. c.

A madame de Letirithon ii. c.

A madame de Bouyn u.c.

A mademoiselle de Semple u.c.

A mademoiselle d'Asquin ii. c.

A madamoiselle de Ceton u.c.

Premier gaige, un. m. 1. tournois.

C) Cet état des gages alloués aux dames et aux oflicicrs de la maison de Marie Stuart était envoyé en France pour être payé sur les revenus de son douaire. M. Louis Paris {Négocintions, lellres, etc., relalives au régne de François II, p. 7ii) a publié un autre état de la maison de Marie Stuart pour une année finie en l'an 1360. Il est intéressant de rapprocher les deux documents, afin d'apprécier les réformes que Marie Stuart fut obligée d'apporter dans sa maison lorsqu'elle cessa d'être reine de France. Pour ne parler que du premier article, au lieu d'une dame h 800 livres de gage, une à 500, deux à 400, trois k 300, cinq à 200, qui figurent sur le présent état, elle avait, en loGO, huit dames "a 800 livres, une dame d'honneur à 1,200 livres, et dix-huit autres dames i> 400 livres par an.