MISSION DE CASTELNAU DE MAUVISSIÈRE EN ECOSSE

1565. — 27 Septembre.

m. de castelnau a m. de foix, conseiller du roi et son ambassadeur en angleterre.

(^Bibliolh. imper. — Fonds de Sl-Germ., Harlay, n. 222, t. 1, pièce 7. — Original signé et en partie autographe . )

Dispositions dans lesquelles M. de Mauvissière a trouvé la Reine d'Ecosse. — Conviction de cette princesse que ses sujets rebelles en veulent à sa couronne, à sa vie et à celle du Roi son mari. — Résolution qu'elle a prise d'user de rigueur à leur égard. — Vains efforts de l'ambassadeur pour l'en dissuader. — Espérance qu'elle fonde sur l'amitié d'Elisabeth, qui ne voudra pas donner le funeste exemple d'une reine soutenant des rebelles contre leur souveraine. — Demaiule de secours en hommes et en argent qu'elle adresse au Roi, dans le cas où Elisabeth prendrait parti pour les Écossais révoltés. — Faiblesse du parti des rebelles, qui sont abandonnés même par leurs plus grands amis. — Nécessité pour l'ambassadeur de rester dans l'expectative après s'être efforcé, conformément à ses instructions, de ménager un accommodement entre Marie Stuart et ses sujets. — Danger imminent d'une guerre civile en Ecosse. — Désir de l'ambassadeur de savoir par M. de Foix quelles sont les intentions de la Reine d'Angleterre. — Avis qui doit être promptement donné au Roi de l'état des affaires d'Ecosse. — Résolution prise par la Reine de marcher sous peu de jours contre les rebelles. — Nouvelles transmises à M. de Foix de la main même de l'ambassadeur. — Ron accueil qu'il a reçu en Ecosse.— Remise qu'il a dû faire à Marie Stuart des lettres adressées par le Roi aux seigneurs écossais. — Rruits relatifs à la nomination du comte de Rothvvell comme lieutenant général du royaume. — Composition du Conseil. — Ardeur belliqueuse de la Reine. — Montagnards qui viennent renforcer son armée. — Compagnies anglaises parties de Berwick pour se joindre aux Protestants. — Arrivée d'un vaisseau de guerre anglais dans la rade de Leith. — Désir du duc de Chàtellerault de se rapprocher de la Reine. — Nombreuses défections dans le parti des rebelles.

Monsieur, je n ay plus tost eu le moyen de vous escripre que par la présente qui sera pour vous dire que j'ay trouvé le Roy et la Royne d'Escosse à Lislebourg, ausquelz j'ay faict entendre

(') Caslelnau, au liv. V, cli. XIII, de ses Mémoires (t. I, p. 185 de l'édit. de le Laboureur), dit quelques mois de celte mission (lOiU il fut chargé auprès de »AIarie Sluart par Callierine de

ma charge, ainsy que vous verrez par le discours (i) que f enverray au Roy et à la Royne dedans deux ou troys jours ou porteray moy-mesmes. Et, à ce que je puys veoir, les choses ne sont sur le poinct de finir avec doulceur ny appoinctement; car la Royne n'en veult poinct avec ses subjectz, pour ne pouvoir cy-après régner ne vivre en repos avec le Roy son mary, ayant, comme dict Sa Majesté, infiniz advertissemens quilz les veullent tuer tous deux, et tendent par tous moyens à se faire roys eulx-mesmes, chose qui luy est insuportable. Voylà pourquoy mes premières instructions ne me peuvent servir de riens, ayant cerché tous les moyens de persuader Sa Majesté qui n'est en nulle sorte disposée de y voulloir entendre, ayant le courage et la volonté telles que elle aymeroit mieulx quiter son sceptre et sa couronne que de contracter avec ceulx qui naturellement luy sont subjectz, de nulle foy envers elle, et oultre cela ingratz des grands biens et honneurs que Sa Magesté leur a faictz, mais bien de cercher tous les moyens de vivre en repos avec la Royne d'Angleterre, n'ayant riens plus chère que son amityé, ne se pouvant persuader qu elle la veuille rompre pour quelque ligue ou nulle occasion que ce soit, et mesmes favoriser ceulx que elle dict luy estre rebelles et subjectz, qui est ung exemple qui touche à tous les princes souverains, n'y ayant riens en cela du faict de la relligion, en laquelle elle ne les a jamais troublez ne donné aucun empeschement, chose, pour dire vray, qui est trop estrange.

Voylà pourquoy Sa Majesté se délibère de les poursuivre; et, au cas que ladicte Royne d'Angleterre veuille leur donner secours, elle prye et invocque par toutes les amictyés et alliances qu'elle a en France, que le Roy luy en donne, tant d'hommes que d'argent, et le plus proniptement qu'il pourra, d'auUant que les affaires vont chacun jour en plus grande extrémité, et que quelque nombre d'Anglois sont desjà joinclz avec lesdictz sei-

Médicis et le Roi son fils; mais il ne donne sur les affaires d'Ecosse aucun des détails que nous retrouvons dans cette lettre et les pièces suivantes. (') Voyez ci-après, p. 249.

gneurs que on appelle rebelles, qui sont toujours à Dompfriz, et escrivent chacun jour à leurs parens, amys et serviteurs pour les attirer de leur costé, mais au lieu de y aller, ilz apportent ou envoyent les lectres à la Royne : qui faict croire à Sa Majesté qu'ilz ne seront si forlz quilz espèrent, et que grand nombre [de] leurs plus grands amys sont ceulx qui leur courent sus les premiers. Yous sçavez que, après luy avoir offert et donné le conseil du Roy mon maistre et de la Royne, j'ay charge de la servir et ne faire riens que ce qu elle me commandera; parquoy, ayant faict ma principale charge, j'ay plus à aprendre que à dire.

Vous recevrez doncques ce mot en attendant pour estre bien certain qu'il y a plus d'espérance de guerre que de paix; et que, comme vous et moy nous avons charge de communiquer les choses d'une part et d'aultre pour en rendre Leurs Magestez plus certaines, ladicte dame a du tout fondé son espérance, appuy et secours au Roy, son bon frère, nostre maistre, et affin que, de vostre part, vous vous efforciez de luy faire service comme elle en a bonne espérance et se y fist. Je ne faiz doubte que ce ne feust l'espérance du Roy que les choses se composassent avec doulceur plustost que de tumber en l'aigreur d'une guerre civille, où les plus saiges et les plus vaillans sont quelquefoys les plus empeschez, mais elle dict que de deux maulx il luy en fault choisir le moindre. Je vous prie, mandez-moy de vos nouvellcG et comme toutes choses passent en Angleterre, et si la Royne continue les propoz qu'elle nous tint dernièrement, d'ayder lesdictz Protestans d'Escosse qui n'ont nul différend pour la relligion.

Yous ferez fort bien d'advcrtir le Roy de se délibérer de ce qu'il a à faire pour le service de deçà, car il est temps de y penser; et vous puis dire de rechef qu'il n'est possible de pouvoir persuader en nulle sorte la Royne de voulloir appoincter avec ses subjectz, ne en nulle sorte les recevoir, chose où j'ay employé toute mon éloquence, mais en vain, de quoy j'ay grand desplaisir pour cognoistre l'intention du Roy estre telle.

L'arrivée de la Royne est mandé au premier d'octobre; et on

délibère de les aller trouver {^) où ilz seront. Je vous manderay le reste plus particullièrement ou diray moy-mesme; car Sa Magesté est d'advis et me prie d'aller trouver le Roy en diligence pour myeulx faire entendre ses affaires.

[Autograjohe.'] Je vous diray cncores un coup que elle a toute fîence en vous. Je vous prie, Monsieur, me départir ung peu de vostre bon conseil'sy je demeureray quelque temps, car en tout c'est perdre la peine d'y parler d'apointement. Faictes moy cest honneur que de me tenir en vostre bonne grâce et de vos meilleurs serviteurs. Quant au traitement que j'ay eu en Escosse^ il est tel que ung grand prince s'en contenteroit. Je remetz à vous écrire plus librement à la première occasion que je envoyré exprès ou iré moy-mesmes; cependant je n'oubliré à vous dire que ladicte dame n'a esté en nulle sorte d'avis que je allasse trouver lesdictz seigneurs ne leur porter les lectres du Roy, mes au contraire avoit quelque deffiance jusques à tant que je luy ay mis les lectres entre les mains et bien promis et asseuré ne fère que ce que elle me commanderoit. Elle n'a pas faulte de cueur, mes je désireroy, pour son bien, que elle neust point de guerre. Monsieur d'Équilly s'en ira dedans troys ou quatre jours. L'on dit que Monsieur le conte Bodouel sera lieutenant général en l'absence de monsieur le conte de Lenos. Le Conseil est composé des mesmes seigneurs que avez entendu auparavant. M. Maxouel a envoyé prier le Roy et la Royne de commètre pour la garde des pors en sa place. Lesdictz seigneurs n'ont encores grands forces; et aulcuns poncent qu'il n'en auront pas d'Escoce ce qu'il poncent. J'ay grand peur que dulcc videakir hélium non expcrtis. L'armée de la Royne est retardée jusques au sept ou huit jour de octobre. L'on dit que il vient force sauvaiges pour son service, et sont à St. Jean-Geton (^). Il y a quatre ou cinq jours que le conte Bodouel est en sa méson pour ces affères et ce mètre en équipage.

Je croy que vous aurez bien entendu que il est party trois ou

{') C'est-à-dire de marcher contre les rebelles. (') S. JohnVtowniPerth).

quatre compaignies de Barvic pour se joindre avec les seigneurs prolcstans. 11 est venu ung grand navire anglois, armé en guerre, qui est à la rade du Petit-Lit; Ton ne sçait pour quelle occasion, Aulcuns disent que c'est pour les pirates qui sont en ceste contré, aultres qu'il a demandé Monsieur de Moras. Voilà ce que je vous dire pour cest heure, pour supplier Dieu, Monsieur, qui vous donne, en parfaite santé, très bonne et longue vie. A Lilebourg, ce xxvij* jour de septembre 15G5.

II y a quelque bruict que le duc de Châtellerault vouldroit bien retourner trouver la Royne et que grand nombre de particuliers se fâchent avec eulx,

Vostre humble et bien affectionné pour vous faire service,

M. DE CASTELKAU.

1565. — Septemure.

Discours sur le voyage du sieur de Castelnau en Escosse pour traicter avec Leurs Magestez.

(Bibliolh. impériale. — Fonds de St-Germ. Uarl., n. 222, t. I, pièce 8. — Original.)

Arrivée à Edimbourg de M. de Castelnau le 23 septembre. — Remise de ses lettres de créance à la Reine et au Roi d'Ecosse. — Compliments adressés à ce prince au sujet de son mariage. — Compte-rendu par l'ambassadeur à Marie Stuart des démarches qu'il a faites auprès de la Reine d'Angleterre. — Reconnaissance de Marie Stuart pour les bons offices du Roi son frère et de la Reine sa belle-mère.

— Sa conviction, qu'avec l'aide de Dieu, du Roi et de son bon droit, elle triomphera de ses rebelles. — Déclaration que la religion n'est nullement la cause de la querelle. — Obstacle à leurs projets ambitieux qu'ils ont vu dans son mariage. — Trahison qu'ils ont commise en implorant l'aide de la Reine d'Angleterre. — Déclaration de Marie Stuart qu'elle préfère la mort à l'abandon de ses droits. — Intérêt du Roi de P'rance à lui prêter son appui. — Vif chagrin qu'elle éprouverait s'il lui fallait se jeter dans les bras d'un autre prince. — Ses instances auprès de l'ambassadeur pour l'engager à garder le plus profond secret sur la charge qu'il avait reçue de ménager u;i accommodement entre elle et ses sujets.

— Sa volonté formelle que le sieur de Castelnau n'ait aucune relation avec les seigneurs rebelles, et que les lettres du Roi, qu'il avait pour eux, ne leur soient point remises. — Impossibilité pour Marie Stuart de pactiser avec des gens qui en veulent à sa vie et à celle de son mari. — Réponses de l'ambassadeur. — Sollicitude de la Reine de France et du Roi son fils pour la Reine d'Ecosse. — Leur vif désir de la voir entrer en arrangement avec ses sujets, afin d'éviter les

malheurs de la guerre civile dont ils ont fait la triste expérience. — Charge qu'ils ont néanmoins donnée à leur ambassadeur de lui obéir en toutes choses. — Déclaration qu'il est prêt à remettre entre ses mains les lettres adressées par le Roi aux seigneurs écossais. — Vives instances qu'il a faites auprès de Marie Stuart pour la ramener à des sentiments de conciliation. — Refus péremptoire de la Reine d'Ecosse de se prêter à un arrangement qui, suivant elle, mettrait son honneur et sa vie en péril. — Demande qu'elle adresse au Roi d'un prompt secours pour l'aider à soumettre ses sujets rebelles. — Nouveaux efforts de l'ambassadeur pour dissuader Marie Stuart de faire la guerre. — Seconde entrevue qu'il a eue avec cette princesse et à laquelle ont assisté le Roi son mari et lord Balfour. — Résolution inébranlable prise par Marie Stuart de recourir aux armes, de livrer bataille le plus tôt possible, et même d'y assister en personne. — Nouvelles diverses déjà relatées dans la lettre de l'ambassadeur à M. de Foix.

Le sieur de Mauvissière est arrivé à Lislebourg le xxiii^ septembre, où il a trouvé la Royne d'Escosse et le Roy son marry, ausquelz il a présenté les lectres de Leurs Magestez, avec leurs affectueuses recommandations, et exposé les créances qui luy ont esté données, ensemble l'occasion de son retardement en Angleterre, et tout ce qu'il a négotié pour le bien et l'advancement de leurs affaires; a salué le Roy, s'est conjoy avec luy de la consommation de son mariaige, avec les plus gratieuses et honnestes parolles dont il s'est peu adviser. Ayant ledict Roy d'Escosse ce receu à très grand bonneur et faveur, monstrant, avec une infinitez d'honnestes responces et façons de faire, en estre merveilleusement content, assurant ledict sieur de Mauvissière qu'il cercheroit à jamais tous moïens de faire service au Roy et Royne de France qui lui avoient faict tant d'honneur, et s'efforceroit de bien faire maintenir l'alliance et amityé de l'Escosse en despit de ceulx qui la vouldroient empescher.

Ladicte Royne d'Escosse a respondu audict de Mauvissière à tous les poinctz de sa créance, ainsy qu'il s'ensuict :

En premier lieu, que elle remercioit le Roy, son bon frère, et la Royne, sa belle-mère, de la bonne souvenance qu'ilz avoient d'elle et de chose qui luy touchoit de si près que le Roy son marry, et de la peine qu'ilz prenoient à l'advancement de ses affaires (qui estoient grandes pour ceste heure), ayant toutesfoys ceste espérance que, avec l'ayde de Dieu, du Roy son bon frère, son bon droict et sa bonne querelle, que elle en auroit bonne

fin, à la confusion des rebelles de son royaiilme, s'estans départiz de son obéissance plus pour une mauvaise et meschante volonté dont ilz ont tousjours esté plains, que pour occasion qu ilz en eussent, chose qui touche à tous les princes du monde de veoir rebeller le subject contre son prince souverain, n'y ayant en cela riens du faict de la rehigion où elle ne les en a voullu en aucune sorte recercher ny empescher. Que ce sont eulx qui ont les premiers preste leur consentement à son mariaige ou bien faict semblant de le désirer; mais, voyant qu'il estoit pour astre parachevé, ont pensé que ce leur estoit empeschement d'estre roys eulx-mesmes, et, pour cest effect, comme subjectz de nulle foy envers leurs princes, ont plustôt imploré Tayde de la Royne d'Angleterre, offrans se faire tributaires à elle, que de se maintenir en leur naturel debvoir.

Qu'elle estoit trop courageuse pour endurer que ses subjectz luy baillassent la loy, et que son royaulme, qui dès longtemps a esté monarchie, devînt république, désirant plustost la mort que de veoir ce advenir. Et disoit Sadicte Magesté, ayant la larme à l'œil, audict de Mauvissière, que toute son espérance estoit en la France qui perderoit en la perte de son estât comme elle-mesmes, et que souventes foy s les roys de France avoient tiré des Escossoys bon et fidel service. Que, si à ce besoing elle estoit laissée du Roy son beau-frère et de la Royne sa belle-mère, elle seroit contraincte de se mectre entre les bras d'un aultre prince, chose qui la feroit mourir de desplaisir. Pryant sur ce ledict de Mauvissière, comme celluy qui a tousjours esté son serviteur et nourry en la maison de Guyse, puisqu'il a cest honneur d'estre employé du Roy en tel affaire, de ne divulguer à personne vivante en son royaulme l'occasion de sa venue, qui est de donner conseil à ladicte Royne d'accorder avec ses subjectz, ce que elle ne peult faire avec son honneur, la seuretlé de sa personne et du Roy son mary, parce que lesdictz subjectz, de mauvaise foy et inicque volonté, ont délibéré de les tuer tous deux; disant, à ce propoz, que elle aymeroit myeulx avoir perdu ung bras que ce que ilz eussent receu les lectres que le Roy leur escript, ny

que ledict de Mauvissière eiist esté par devers eulx pour leur parler de la part du Roy, son maistre, d'aucun appoinctement, mais pryoit bien fort ledict de Mauvissière, puisque il estoit du tout dépesché vers elle et le Roy son niarry pour le bien de ses affaires, et pour se gouverner en tout par son advis et commandement, de foire plustost que son arrivée en Escosse, qui estoit sceue et entendue d'un chacun, monstrast luy apporter espérance d'avoir bientost secours de France pour cliastier ses rebelles et résister aux princes qui, sans occasion, luy vouldroient faire la guerre, et que ce luy seroit ung notable service en actendant lesdictz secours qu elle espère en brief, Payant jà requis et demandé par troys fois ; pryant à ce propos ledict sieur de Mauvissière de ne bailler les lectres aux susdictz rebelles, et faire ce dont elle le prye, ensemble de bien faire entendre au Roy que elle ne peult, comme dessus, les recevoir à quelque appoinctement parce que elle est du tout advertye qu'ilz la veullent tuer et le Roy son mary.

Ledict sieur de Mauvissière s'est gouverné en cecy le plus modestement qu'il luy a esté possible ; et, suy vaut ses instructions, a de rechef asseuré ladicte dame de la bonne amityé que luy portoient Leurs Magestez, et que le seul désir et affection qu'ilz ont que elle règne heureusement en son païs avec le Roy son mary, ses subjectz en son obéissance, et amye à la Royne d'Angleterre, pensant que il ne leur est inutil, leur ont faict dépescher ledict de Mauvissière vers elle, comme princes ses meilleurs et plus certains amys, qui ont expérimenté que c'est de la guerre civile, combien de dommaige elle apporte à tous ceulx qui l'ont entreprise ; et que, quant elle considéreroit bieri quelz en ont esté les événemens depuis l'empire des Romains jusques à ceste heure, elle voyroit le peu de proufict qui s'en est ensuivy et mesmes en son païs, et que bien souvent à la fin on estoit contrainct de faire ce que l'on eust peu au commencement avec moings de perte et de dommaige. Que le Roy son bon frère et la Royne sa belle-mère luy donnoient ung conseil qu'ils prendroient pour eulx-mesmes s'ilz estoient en semblable peine; avec plu-

sieurs aiiltres propos qui tendoient à la faire condescendre à quelque appoinctement, qui luy seroit aysé si elle y pouvoit entendre; mais, d'aultant que ledict de Mauvissière avoit commandement de Leurs Magestez de la servir en tout ce que elle luy commanderoit, elle se pouvoit bien asseurer de luy; et, quant aux lectres du Roy pour les seigneurs de son païs, tant s'en fault que il les présentast, si elle n'en estoit dadvis, que il les luy mecleroit entre les mains pour en faire ce qu il luy playroit, ne se pouvant toulesfois garder de luy désirer la paix, pensant qu'elle luy estoit plus utile que la guerre; et, avec les plus doutées remonslrances qu'il pouvoit, de peur de se rendre suspect à ladicte dame, s'efforçoit de ce luy persuader. Toutesfoys, à la fin, elle conclut que elle pryoit bien fort le Roy, la Royne et ledict sieur de Mauvissière de ne se donner peine de l'appoinctement, ne le pouvant faire avec son honneur et seurelté de sa vye et de son estât, mais bien de luy donner promptement secours, et audict sieur de Mauvissière en estre quelque bon moyen envers Leurs Magestez.

Ledict sieur de Mauvissière luy a respondu : que, quant au secours, il n'en avoit ouy parler; que le Roy ne pensoit pas que les choses fussent en telle extrémité que elles ne se pussent appoincter. Et, ad ce qu'il pouvoit entendre, ilz ne demandoient chose que le Roy n'eust accordé aux siens, qui est de vivre en repos en leurs maisons, en liberté de leurs consciences; qu'ainsi luy sembloit que elle n'en debvoit faire aucune difficulté pour ung plus grand bien, et qu'il pouvoit estre que Sa Magesté estoit advertye par leurs ennemis, affîn de l'aigrir davantaige contre eulx : ce qui advient non seulement en sa court, mais en toutes aultres, se faisans aux princes d estranges rapportz de ceulz qui ne sont présens pour deffendre leur cause; qu'il est bien requis une grande prudence ausdiclz princes pour veoir et considérer à quelle fin toutes ces choses se font; que ceulx le plus souvent qui donnent conseil aux roys d'entreprendre la guerre, ne sont pas ceulx qui ayment le plus leur service, car, avant de l'entreprondre, il faut regarder et considérer beaucoup de choses, quclz

moïens et quelz seront les événements. Si elle se fonde sur le secours et ayde du Roy, ledict de Mauvissière ne faict doubte qu'il ne luy soit tousjours bon frère et bon amy; mais qu'il n'a nulle charge de luy respondre quant à ce poinct. Mais quant elle considérera que souventesfoys il y a eu des forces de France en grand nombre en sondict païs, et quelz ont esté les effectz, et mesme dernièrement au Petit-Lict, et que celles que elle pourroit espérer ne sont encores ordonnées ny prestes à marcher, ny l'argent pour les payer, ny navires pour les embarquer, et mesmes contre Tiver où nous sommes; qu'elle considère que au siège dudict Petit-Lict y avoit quatre ou cinq mil hommes françoys, et néantmoings ne firent pas grand efPect, et fut contraincte faire la paix avec la Royne d'Angleterre, telle que elle peult sçavoir; et les mesmes seigneurs ses subjectz, qui sont aujourd'huy séparez d'elle, qui n'ont, à son advis, riens plus agréable que de vivre en repos dans leurs maisons; que son pays n'estoit pas riche pour supporter une longue guerre, et que, y ayant admis les forces estrangères, c'est pour le ruyner du tout; avec aultres propoz tendans à la persuader. Mais elle n'y veult entendre pour les raisons cy-dessus alléguées par Sa Magesté audict de Mauvissière, le pryant les voulloir considérer et s'enquérir de la reste. — Et après l'avoir enquis de la sancté du Roy, de la Royne, de Monsieur et de Madame, et de la bonne chère de Rayonne (^) et aultres nouvelles de France, reprindrent les premiers propoz. Où ledict de Mauvissière insista, par toutes les remonstrances et persuasions qu'il peult, de n'entrer en la guerre ; où il n'a riens faict, ayant esté quatre heures avec elle pour ceste première foys.

Le lendemain fut envoyé quérir au jardin, où elle seprouraenoit, y estant le Roy, et, reprenant les mesmes propoz du jour précédent, la trouva aussy résolue que auparavant, appelant ung nommé Rafour, qui est de son Conseil, et lequel on dict exercera

{') L'entrevue de Bayonne entre le Roi, Catherine de Médicis, Elisabeth, reine d'Espagne, sa lillc, et le duc d'AlLe. Celte entrevue, qui eut lieu en mai 1563, fut signalée par les fêtes les plus Irillantes.

Testât de Letinton (qui est toujours à la court, mays non au crédit accoustumé, et ne s'en fye pas trop), et disputa, devant ladicte dame, avec ledict de Mauvissière, auquel il n'eust à la fin assez de quoy respondre, disant que tous ces pr.opoz estoient bien considérables. Le tout en présence du Roy son mary.

Ladicte dame dist audict de Mauvissière que, ung de ces jours, elle appellera tout son Conseil pour adviser de toustes ces choses. Mais chacun se prépare aux armes, espérans de marcher à la fin de ce moys, et, s il vient à propos, de donner une bataille oiÀ elle dict qu elle se y trouvera en personne avec le Roy son mari.

Là dessus ledict de Mauvissière luy a demandé si elle vouldroit bien bazarder son estât et sa vye, ayant forces pareilles, donnant une bataille? Laquelle luy a respondu que ouy, plustost que de languir et de nestre point royne.

Et, s'estant retiré ledict Rafour, raisonna encores longtemps avec ledict sieur de Mauvissière, et mesmement sur l'amitié de la Royne d'Angleterre qui luy estoit utile et nécessaire, tant pour vivre en repos en son royaulme que pour venir plus aisément à la couronne dudict Angleterre. Et la sondant sur ce propos, si elle ne luy vouldroit pas quicter son droict, sa vye durant et de ses enfans, pourvu que ce feust à ceste charge qu'elle espousast ung Anglois? Elle luy dict que ouy, et qu'elle luy offriroit de bon cueur, pourvu aussy que, advenant sa. mort, et n'ayant poinct d'enfans, elle la déclarast son héritière.

Voylà tous les sommaires propoz que ledict de Mauvissière a peu avoir avec elle depuis qu il est arrivé audict Escosse. Sur quoy Leurs Magestez adviseront, s'il leur plaist, à luy commander s'il a aultre chose à faire. Il ne laissera toulesfois ce négoce, suyvant ses instructions, jusques à tant qu'il ayt aultres nouvelles de Leursdictes Magestez. Toutesfoys il semble que ladicte dame soit d'advis qu'il s'en retourne en France pour mieulx faire entendre ses affaires, ayant espérance de se garder encores deux moys si elle ne donne bataille.

Ladicte dame a de son Conseil ceulx que Leurs Magestez ont

entendu par cy-devant par monsieur de Foix, avec le comte Baudouel qui est arrivé depuis huict jours de France, et se dict qu'il sera lieutenant général en Tabsence de monsieur le comte de Lenos.

C'est bien chose certaine que celle-là ne veult poinct d'appoinctement, et vouldroit, comme aussy plusieurs aultres, que ledict de Mauvissière fût dcsjà en France, encores qu ilz luy facent toutes les caresses et faveurs qu'ilz peuvent, ayant esté fort honorablement receu, caressé et traicté tant de ladicte dame que des seigneurs; et est logé au chasteau et servy d'un plat de la cuisine de ladicte dame.

Ladicte dame a fait prendre, le xxvf de ce moys, dix sept des principaulx marchans de la ville de Lislebourg prisonniers, pour avoir entendu qu ilz ont preste argent aux Protestans et qu'ilz les favorisent secrètement.

Ladicte dame a monstre aujourd'huy mesme audict de Mauvissière plusieurs lectres que lesditz Protestans escrivent à leurs amys, parens, compaignons et serviteurs pour les attirer de leur part; mais ilz apportent les lectres à la Royne, chose qui ne luy diminue pas le couraige.

Quant au Roy dudict Escosse, il n'est pas possible de veoir un plus beau prince, qui s'adonne à tous honnestes exercices, et vouldroit bien estre à bout de son entreprinse pour aller en France veoir le Roy. Ce sont propos de quoy ledict sieur de Mauvissière avoit parlé auparavant, retournant à Rayonne, et dont on luy a tenu propos de rechef. Et, à ce qu'il peuU veoir, il désireroit bien Tordre du Roy, aussy vouldroit-il bien recouvrer quelques bons chevaulx, et veult envoyer en France pour les aehepter.

Il y a quelque présumption que la Royne est grosse ; elle porte ordinairement ung manteau et a souvent douUeurs de cueur et des foiblesses.

Monsieur le comte de Lenos est à Faclan avec deux mil hommes pour engarder que les sauva iges du comté d'Arguille ne passent pour se joindre à leur armée. Il y a quelque nombre

d'Angloys avec eulx, et sont toujours à Dompfrys. Il semble audict de Mauvissière qu'il n'y a grands advertissemens du costé des Protestans, ou ilz sont bien secretz, et lesditz Protestans n'en ont pas faulte, mesmes de ceulx qui sont près de la Roy ne.

L'on a dict audict de Mauvissière et asseuré qu'il y a quelque nombre de Françoys et gentilzhommes avec les Protestans d'Escosse, et qu'il se faict quelque menée pour avoir gens ou argent de France.

[Autographe.] Le conte de Betfort est party de Barvic pour aller à Carlin avec sept ou huit cens chevaulx. L'on dict que c'est pour parler aux Protestans d'Escosse qui s'y doibvent trouver; et ledict de Mauvissière estime que lesdicts Protestans se retireront en Angleterre, quelque chose que l'on en dit, et qu'ilz n'auront forces pour résister à la Roy ne d'Escosse.

1565. — 6 Octobre.

M. de Castelnau au Roy.

[Biblioth. impériale. — Fonds de St-Germ. Ilarl., n. 222, t. l, pièce 9. — Original

signe' et en partie autographe.)

Vifs regrets de l'ambassadeur de n'avoir pu réussir à vaincre l'irritation de la ïïeine d'Ecosse et à ménager un accommodement entre elle et ses sujets. — Bonnes dispositions de la Reine d'Angleterre à cet égard. — Refus positif fait par Marie Stuart d'accepter sa médiation. — Compliments adressés par l'ambassadeur au Roi d'Ecosse au sujet de son mariage. — Dévouement et reconnaissance témoignés par ce prince à l'égard du Roi. — Prochain retour de l'ambassadeur.

Sire, j'envoye à Yostre Magesté ung 'discours de ce que j'ay faict, veu et aprins en Escosse, ensemble de ce qui m'a esté dict et respondu de la Royne, vostre belle-sœur, laquelle à mon advis a plus d'envye et d'espérance de faire la guerre que la paix. Si est-ce que j'ay oppinion que l'un seroit bien plus util que l'aultrc. Elle vous prye, par toutes les alliances et amitiés qu'elle a avec Vostre Magesté, de luy donner du secours, et le plus tost que vous pourrez. Je suis très marry que Dieu ne m'a

donné la grâce de vous faire service pour y mectre la paix, comme j'avois bonne espérance, estant en Angleterre, car la Royne dudict pays y vouUoit entendre, mais la Royne vostre belle-sœur ne trouve bon que elle s'empesche du différend d'entre elle et ses subjetz, mais bien de mectre quelque bonne fin à cellui qui pourroit estre ou survenir entre elles. Je n'ay riens oblyé du commandement de Yostre Magesté. Suyvant mes instructions, j'ay salué et visité le Roy d'Escosse de vostre part, [et] me suys conjouy avec luy de la consommation de son mariage. Il faict grande démonstration de vous estre infiniment tenu et obligé, promectant bien de cercher pour jamais moïen de vous faire service, et n'oblier riens de la mémoire que luy en ont laissé les roys d'Escosse, ses prédécesseurs, en cela. Je croy que, s'il avoit mis fin à ses affaires, vous le verriez bientost en France. Il est prince qui a beaucoup de vertuz et s'adonne à tous honnestes exercices; brief, luy et la Royne vostre bellesœur ont fondé toute leur espérance en Tayde et secours de Vostre Magesté. Je y ay faict ce que j'ay peu, avec vostre autorité, pour essayer de pacifier les choses avec doulceur, mais il semble que Dieu ne veuille pas encores les laisser en repos.

(De la main de l'ambassadeur.) — J'espère de partir d'icy en brief, ainsy que m'a prié la Royne, vostre belle-sœur, pour vous dire le reste.

Je prye Dieu, Sire, qui donne à Vostre Magesté très heureuse et très longue vie et tousjours accroissement de prospérité. A Lislebourg, ce vi® octobre 1565.

Vostre très humble et très obéissant subject et serviteur.