VILLIERS, SIEUR DE BEAUMONT

Mémorandum d'un agent de Murray envoyé vers le Roi de France et la Reine mère.

(Bibl. imp. — Fonds de St-Germ. Harlay, n. 322, t. 1, pièce â9. — Cop. du temps.)

Charge donnée au porteur par le Régent de prier le Roi de France et la Reine, sa mère, de prendre sous leur protection le jeune Roi d'Érosse. — Dévouement du comte de Murray pour la France. — Déclaration qu'il n'aurait pas accepté la régence s'il n'avait eu l'espoir d'être soutenu par Leurs Majestés. — Prière de ne pas laisser passer de France en Ecosse ceux qui veulent, pour leur intérêt per- ■ sonnel, venir troubler la paix de ce pays. — Avis que le comte de Botliwell, déclaré traître et meurtrier parle parlement, est maintenant prisonnier entre les mains du Roi de Danemark. — Vives instances qui devront être faites au nom du Régent pour que l'on veuille bien écrire au Roi de Danemark de consentir à l'extradition de Botliwell.

Premièrement, de remonstrer au Roy et à la Royne que je suis venu de la part de Monseigneur le Régent pour offrir son très humble service à Leurs Magestez et pour les supplier de prendre le Roy, mon souverain, en leur proclection, et principallement durant sa mynorité. Mondict seigneur m'a commandé aussy de dire à Leurs Magestez qu'il est en bonne santé et promet autant que jeune prince de son âge seroit faire (^). Et que Monseigneur le Régent espoyre de faire tant que Leurs Magestez en sortiront le fruyct de leur faveur qui leur plaira exercer en fendroyt de mondict souverain ; car mondict seigneur le Régent est bien délibéré de tenir la main à cela et à tout ce qu'il congnoystra qui pourra servir au bien et contentement de Leur Magestez. Et offre son très humble service, combien que non en beau langage, toutesfuys du bon du cueur, et mesmement à présent qu'il porte le fardeau du gouvernement, ce qu'il n'eust jamais accepté sans l'espérance qu'il avoyt d'estre aydé et soutenu de Leurs Magestez. Et de sa part est délibéré d'entretenir l'ancienne et invyolable amytié et alliance qui a esté de tout temps entretenu entre les deux royaulmes; et aussi, de supplier très humblement Leurs

(') C'est-'a-dire sauroit faire.

Magestez de ne permettre aucuns de leurs subjectz ne aultres estrangiers estre envoyés en Escosse au nom ou de la part de oncques que ce soyt qui vouldroyt tascher de troubler Testât d'ycelluy royaulme pour leur particullarités, qui n'ont jamais faict et ne feront jamais tel service à Leurs Magestez comme mondit seigneur le Régent espoyre faire en sa charge.

Au surplus le conte de Bodouel, qui est déclaré par les troys Estatz, en plain parlement, traihaitre et meurtrier du feu Roy' d'Escosse, après plusieurs brigandryes par luy faictes sur la mer, par le juste jugement de Dieu [a été] prins et constytué prisonnier par le Roy de Dannemarke. Mondict seigneur supplie très humblement qu'il plaise à Leurs Magestez d'escripre audit Roy de Dannemarcke, et luy prier, comme ont desjà faict plusieurs aultres princes, qu'il luy plaise rendre ledict conte à ceulx qui seront envoyés d'Escosse par mondict seigneur le Régent, pour en disposer selon ses desmérites, pour ce que l'affaire touche la dignité de tous princes. Et aussy, qu'il plaise à Leurs Magestez mander à leur ambassadeur en Dannemarke qu'il ayt à solliciter et persuader que ledict conte soyt délyvré et rendu à ceulx d'Escosse que ledict seigneur Régent y envoyera.

1568. — 23 Avril, lettres du maréchal de berwick et de throckmorton surprises

ET TRANSMISES PAR COPIES A l'aMBASSADEUR DE FRANCE (^).

{Dibl.imp. — Fonds de St-Germ. Harl., n. 222, 1. 1, piècesSO, S9, 65. — Cop. du temps.)

Le mareschal de Berwich au sieur de Trocmarthon

Efforts faits par le maréchal de Berwick pour susciter des retards à M. de Beaumont. — Avis qu'il s'est empressé de transmettre au Régent. — Diligence faite par M. de Beaumont pour passer en Ecosse. — Confiance du maréchal que cet ambassadeur ne pourra rien faire sans que lui-même en soit aussitôt averti. — Parfaite intelligence qui existe entre lui et le comte de Murray.

Monsieur, ce matin à troys heures après minuict, j'ay receu votre lettre du xv% et, ayant de point en point suivy vostre con-

(') Ces lettres étaient livrées îi M. de la Forcst par im dos secrétaires de Throckmorton (Voyez ci-après la pièce intitulée : Discours de l'adverlisseur).

seil, si n'ay-je toutesfoys laissé, en tant qu'il m'a esté possible, de mon costé, à prévenir et recuUer l'entreprise de ce Monsieur de Beauraont. Car il y a environ quatre jours que j'estois adverty de sa venue et que j'avois quelque intelligence de la cause que me mandiez par voz lectres, pour me doubler de sa façon de négocier en ces quartiers. Sur quoy j'advertyz soudain Monsieur le Régent, adjoustant en mes lectres, par manière d'advis, que possible avoit il été trop négligent de conférer et sentir ses ennemys, et que je me double qu'il le trouvera ainsy.

Ledict sieur de Beaumont arriva icy le vingt ungnième de ce moys à deux heures après midy; et, encores qu'il dist qu'il se portoit assez mal, si ne peuz-je tant faire que de le faire arresler le demeurant de ce jour-là. Mais luy, passant oultre en Escosse diligemment, m'augmenta de plus mon soubçon, jaçoit que j'espère avoir si bonne intelligence de sa négociation qu'il ne fera beaucoup de chose dont je ne soys adverty avant qu'elle parvienne à maturité. Au reste je vous remercie de voz nouvelles de France. Quant à Monsieur le Régent, luy et moy nous accordons tousjours très bien. Et à la vérité, je confesse que assiduement il me donne à cognoistre son grand zelle envers justice et prudhomie et grande disposition à entretenir amyablement voisinaige.

1568. — 26 Avril.

Dudict Mareschal audict Trocmarthon, du xxvj« jour dudict moys d'avril.

Démarches de M. de Beaumont auprès des Catlioliques d'Ecosse. — Desseins du Régent sur Dumbarton.

Monsieur de Beaumont praticque le plus qu'il peult les papistes en Escosse. Entre les lords d'Argylle et Morthon il y a eu quelques paroles fascheuses. Le lord Morthon est allé trouver le Régent. Le lord Ledinthon et jeune Mangill ne sont encores d'accord; toutesfois la noblesse n'est ennemye ne à l'ung ne à l'autre. Le lord Régent vous remercie bien fort et se sent beau-

coup votre redevable des lettres et advertissements que souvent il receoit de vous. Il prétend et a délibéré d'entreprendre quelque chose contre Dumbarton.

15G8. — 2 Mai. — Londres. M. de la Forest à la Reyne mère.

(Biblioth. imp. — Fonds de St-Germ. HarL, n. 222. t. 1, pièce 55. — Autographe.)

Bijoux de Marie Stuart apportés à Londres. — Opinion de l'ambassadeur que la Reine d'Angleterre, qui seule peut les acheter, ne se pressera pas d'en faire l'acquisition. — Demande d'instructions pour le cas où Catherine de Médicis voudrait les acquérir en partie ou en totalité.

Madame, saichant bien que Voz Magestez sont en expectation des nouvelles d'Escosse, je leur escriptz ce qu'il s'en entend icy au vray, au moins telles que les a receues ceste Royne. Quant aux bagues que a apportées cestui-cy (^) dont j'escriptz à la Magesté du Roy (^), je n'en sçay pas la qualité ny quantité, d'aultant que tout présentement je viens d'en estre adverty; mais je sçay bien qu'on les estime grandement, et bientost j'en auray plus particulier adviz. Je croy bien que le marché ne sera pas si aisément faict; car la Royne, qui seulle les peult achepter, au moins ce qui sera de meilleur, n'est pas celle qui s'aventurera la première. Si Yostre Magesté les veult recouvrer, ou partie d'icelles, il luy plaira de me mander ce qu'elle entend que je face, et pense qu'il n'est pas grand besoing de se haster en cecy, aussi je ne pourrois, actendu qu'ilz tiennent ceste affaire-cy secret, et le sçay par celuy qui a esté présent à la veue desdictes bagues. Au demourant, je ne puis rien adjouster à la lectre du Roy, les choses continuant icy en leur façon accoustumée.

Madame, je prye Dieu donner à Yostre Magesté, en santé, très bonne et longue vye. De Londres, ce if de may.

Yostre très humble et très obéissant serviteur et suget,

BOGHETEL.

(') Lord Elphiiistoii (Voyez ci-après, p. 361 ). (') Cette lettre ne s'est pas retrouvée.

1568. — 2 Mai. —Londres.

M. de la Forest à M. de Fizes, conseiller et secrétaire d'Estat de Sa Magesté.

{Bibl. imp. — Fonds de St Gcrm. llarL.n. 22^, t. 1, pièce li6. — Autographe.)

Demande d'instructions pour l'acquisition des bijoux de Marie Stuart. — Opinion de l'ambassadeur que l'état des affaires ne permet pas de faire cette acquisition.

Monsieur, la Royne m'a cy-devant escript qu'elle désireroit bien recouvrer les bagues de la Royne d'Escosse si on les envoyé vendre en ce païs, c'est pourquoy je l'en advertyz expressément. Je vous prye me faire entendre d'elle sa voulenté, et le me faire sçavoir le plustost que pourrez; car, jusques à ce que je sache de ses nouvelles, je n'oze riens entammer. Il me semble que ce n'est pas temps de songer à cella, mais cependant je ne veulx riens obmectre de ses commandemens. Nous avons assez affaire de nostre argent ailleurs. Je me recommande bien affectueusement à votre bonne grâce, priant Dieu, Monsieur, vous donner, en santé, bonne vye et longue.

De Londres, ce ii* de may.

Vostre affectionné amy et obéissant serviteur.

BOCHETEL.

1568. — 4 Mai. — Hamilton.

M. de Beaumont à la Reyne mère.

[Bibl. imp. — Fonds de St Germ. tlarlay, n. 222, t. I, pièce S7. — Original signé.)

Arrivée de M. de Beaumont à Édimliourg et de là à Glasgow. — Lenteur mise par le comte de Murray à lui accorder une audience. — Délai recule jusqu'au 20 mai pour donner une réponse sur la lettre du Roi. — Remise faite par l'ambassadeur des lettres écrites par le Roi aux partisans de Marie Stuart. — Évasion de cette princesse. — Nouvelle sommaire de cet événement, sur lequel Beatoun, porteur de la dépêche, donnera des détails. — Prochain retour de l'ambassadeur, qui quittera l'Ecosse aussitôt qu'il aura vu quelle tournure prendront les affaires de ce pays.

Madame, vous pourrés sçavoir par le sieur de Bethon, présent porteur, comme le jeudy, xxu^ jour du mois passé, je arrivis à

Lislebourc, le comte de Morai étant pour lors à Glasco, où je le suis venu trouver le jeudy ensuivant, et non plustost, luy ne le voulant pas, ayant leu la lettre qu'il avoit pieu au Roy luy escrire. Enfin il me dit que je ne pouvois avoir responce plustôt que le xx^ de ce moys. Voyant la longueur grande, cela me fâchoit fort; toutefois, afïïn que luy et les seigneurs n'ùssent point Toccasion d'aucune excuse de faire responce au Roy, je m'accordis d'attendre plus grande assemblée desdicts seigneurs du pays, qu'il disoit estre nécessaire pour faire responce. Attendant laquelle, j'ay faict dilligence de faire tenir les lettres que le Roy écrivoit à plusieurs seigneurs de ce pays que j'ay trouvés fort affectionnés à son service et de la Ro^^ne sa seur, lors prisonnière, leur naturelle princesse. Laquelle hier se sauva par le moyen que vous dira le présent porteur, duquel, me remettant entièrement sur luy, je ne vous ferai plus longue lettre, sinongs je vous diray que je loue Dieu infiniment de quoi il luy a faict la grâce de se sauver, pour le danger en quoy elle auroit peu tomber avec le temps, et de combien il est nécessaire qu'elle commande de pardeçà pour les raisons que j'espère de vous dire à mon retour, qui sera en bref, sy Dieu plaist, ayant toutesfois auparavant veu et congneu quelque établissement de son gouvernement et de son repos. Cependant je supplirai Dieu le Créateur, Madame, vous donner, en entière sancté, très longue et très heureuse vye. D'Ambleton, ce quatrième jour de may 1568.

Vostre très humble et très obéissant subject et serviteur pour jamès.

VILLIERS, SIEUR DE BEÂUiMONT (M.

(') A cette lettre est jointe une lettre écrite nu Roi par rambassadeur, le lendemain 5 mai, et conçue à peu près dans les mêmes termes. Nous n'en relaterons que les phrases suivantes: «J'ay » esté liuict jours entiers sans pouvoir présenter vostre lettre au comte de Moray, qui, l'ayant Il leue, me remit au vingtième de ce mois pour la responce, disant qu'il falloit qu'il asseirblast » les seigneurs de ce pays pour faire ladicte responce ; laquelle, h mon opinion, n'eust point esté » à votre contentement, et n'ùssc poinct eu cest heur de veoir la Royne votre lionne seur, sy, par » son moyen, elle ne se fust sauvée ; ce qu'elle lit dimanche, a neuf heures du soir, comme vous » dira le sieur de Cethon, présent porteur. »

Du sieur Trocmarthon au sieur Melvyn, du sixiesme jour de may, en Escosse.

{Bibl. imp. — Fonds de St Germ. Ilarlay. n. 222, t. I, pièce oO. — Copié du tempi.)

Conseils que Throckmorton croit devoir donner aux lords écossais du parti protestant. — Mésintelligence fâcheuse entre Letliington et Murray. — Nécessité pour tous les Protestants de se ranger sous l'obéissance du Régent, dont toutes les actions sont directement fondées sur la parole de Dieu. — Nouvelles de France. — Cruautés exercées contre les Protestants malgré la paix. — Influence des Guises à la Cour. — Défaite et mort du sieur de Suze et du baron des Adrets, qui a été ainsi puni de son apostasie. — Vœux pour que la conduite de cet homme ne trouve pas d'imitateurs en Ecosse. — Efforts que va faire M. de Beaumont pour renverser tout ce qui a été' si heureusement commencé dans ce pays. — Confiance de Throckmorton dans la sagesse du Régent. — Nouvelles de Flandre. — Préparatifs formidables du prince d'Orange. — Révolte de plusieurs villes contre le duc d'Albe.

Le premier poind est de mesme siistance que celle des lectres au Maresclial, cy-dessus transcriptes, touchant Elpheston et ses affaires. Le second, touchant le lord Régent et Ledinthon, en ces termes : — Suivant raffection que j'ay de tout temps portée au lord Régent et au lord Ledinthon particulièrement, et générallement à tout vostre royaulme d'Escosse, désirant tousjours heureux succès en voz affaires, je suis contrainct vous dire ung petit mot sur la division de quelques ungs d'entre vous, que je vous prie prendre en bonne part. C'est assavoir que en ce pays chacun a oppinion que Ledinthon est homme de grand sçavoir et conseil, très capable et fort digne de manier les affaires d'ung royaulme, par quoy il me semble que Monsieur le Régent se faict grand tort d'endurer absent tel homme de sa compaignie. Et, au contraire, je cognois que ledict lord Ledinthon a telle oppinion de sa suffisance qu'il pense que son seul conseil doibve estre en tout suivy, et se pense digne d'estre veu et recogneu fsur tous : qui est la cause de la division. Or il me semble que ce seroit très bien faict de recognoistre chacun selon son mérite; mais aussi que, vcu que toute l'intention dudict seigneur Régent et tous ses affaires sont directement fondez sur la paroUe

de Dieu, et que suivant icelle il manie et effectue toutes ses actions (hœc sunt verha textus), il est non seulement raisonnable mais très expédient et nécessaire que vous tous et chacun de vous lui obéisse et se conforme à son voulloir, cognoissant le zèle et Tintention de Thomme. C'est ce qu'il m'en semble, mais je remetz le surplus de cest affaire à vostre discrétion.

Quant aux affaires de France, nous tenons la paix très suspecte par plusieurs cruaultez qui ont été exercées en plusieurs endroicts, puys la publication d'icelle, sur les Protestants, et n'en espérons point de bien, veu mesmes que, à ce que nous mande nostre ambassadeur, le Cardinal de Lorraine et toute la maison de Guyse sont les très bien venuz à la court et tousiours auprès du Roy, sans que Monsieur le Prince et l'Admyral en ayent encores pu approcher. — Le baron des Adress et le sieur de Suze ont esté tuez et leurs compagnies desfaictes près le pont Saint-Esprit par le sieur de Baudinet, frère du sieur de Crussol, puis ladicte paix. En quoy chacun peult veoir comme bien et justement ledict baron des Adress a esté puny pour son apostasie. Dieu nous préserve de tel inconvénient, et face la grâce aux siens de tousjours continuer en sa crainte ! Je ne diz cecy sans cause, car vous avez maintenant en vostre pays Monsieur de Beaumont qui praticquera le plus qu'il pourra de renverser tout ce qui y est jà si bien commencé et si heureusement continué. Toutesfoys, j'ay tant bien cogneu la grande providence de Monsieur le Régent et sagesse de ceulx qui sont auprès de luy, qu'ilz prendront bien garde d'estre surpris par les subtilles inventions de leurs ennemys.

Quant aux affaires de Flandres, on tient pour asseuré que le prince d'Orange et ses assotiez ont grandes forces jà assemblées et prestes à marcher au Pays-bas, dont plusieurs villes et peuples commencent à révolter contre le duc d'Albe. Dieu fasse bien prospérer ceulx qui tiennent son party, car en ce costé-là gist tout l'espoir des siens, veu la mauvaise et plus suspect que jamais yssue des affaires de France !

15G8. — 6 Mai,

Dudict sieur Trocmarthon audict mareschal de Barvich, du vj« jour de may.

(Bibl. imp. — Fonds de St-Germ. Uarl., n. 222^ t. I, pièce SO. — Copie du temps.)

Traitement peu convenable que lord Elphinston, envoyé de Murray, a reçu en Angleterre. — Parcimonie d'Elisabeth, qui n'a pas même voulu payer ses chevaux de poste. — Nouvelles de France.

Monsieur le Mareschal, je vous remercie du livre que m'avez envoyé. Jaçoit que ce présent porteur, M. Elpheston, n'ayt eu pour son particullier respect tel entretien comme de sa part (aïant fait en ce pays troys voyages) il avoit mérité et pour l'amour de Monsieur le Régent son maistre, néantmoings je m'asseure que le gentilhomme est si débonaire que nul mauvais particulier traictement causera qu'il face chose aulcune qui puisse recuUer la bonne intelligence des deux royaulmes, ou alliéner la bonne dévotion du Régent de ces cartiers, jaçoit qu'il y ayt eu beaucoup de choses suffisantes pour mettre leur dévotion en hazard. Et toutesfois la Magesté de la Royne a aucunement accordé et satisfaict à telz affaires que cedict porteur a proposez de la part dudict Régent. Nonobstant tout ce que les amys dudict présent porteur ayent peu faire pour luy, il n'a esté possible d'induire la Royne à seulement payer pour ses chevaulx de poste. — Quant aux affaires de France, nous tenons la paix fort suspecte par ce qui est advenu depuys sur les Protestans. Nostre ambassadeur nous a adverty qu'il y avoit certain nombre de navires prestes pour aller en Escosse; mais la Royne a mandé au Roy de France qu'elle ne pourroit endurer cella. Je vous prie tenir cecy secret, car, s'il venoit à estre descouvert, cella bailleroit occasion à plusieurs de s'eslever contre le Régent. Et rien d'important d'avantaige.

1568. — 6 Mai.

lettres de throckjiorton. — fragments.

{Biblioth.imp, — Fonds de St Germ. Harl., n. 222, t. I,p. 1)9. — Copie du temps.)

Nouvelles de l'évasion de Marie Stuart. — Malheurs qui doivent résulter de cet événement pour l'Angleterre et pour l'Ecosse. — Résolution d'Elisabeth de prendre parti pour le comte de Murray.

A la fin de la lettre de Trokmorton à Melvyn, du vj' du présent ('), a esté adjousté, depuis la première main, ce qui s'ensuyt :

Par les lettres du mareschal de Barvyk, du iiij" de ce moys, nous entendons que la Royne d'Escosse est eschappée de Lokleven, chose trouvée fort estrange pour plusieurs consydérations. Car ceux qui luy ont baillé les moyens d'eschapper ne Tout fait à autre intention que de s'emparer du gouvernement du royaume, du Roy et de la Royne; dont plusieurs maux s'en pourront ensuyvre à vous et à nous.

La fin de la lettre dudict Trokmarton au mareschal de Barvik.

Vos nouvelles du iiij® de la fuitte de la Royne nous ont beaucoup estonné, et, estans depuis par autres confirmées, nous estonnent davantage pour les maux qui en adviendront tant à eux qu'à nous. Toutesfoys je loue Dieu de ce que la Royne notre maistresse est délibérée d'ayder ce bon lord de Moray plustost que telle malheureuse femme ne ses alliez, — Nostre ambassa deur nous mande de France que, depuis la paix, il y a eu plus de cruautez et meurtres sur les Protestans que durant toutes les guerres, et que le Prince {^) est en plus grand doute de son repos qu'il ne fut jamais. C'est un mauvais advertissement pour nous.

(') Voyez ci-dessus, p. 335.

(-) Le prince de Coudé.

1568. — 9 Mai.

Du mareschal de Barvich audict Trocmarthon, du ix« de may 1568.

Bibl. imp. — Fonds de St-Germ. Barl., n. 222, 1. 1, p. 63. — Copie du temps.)

Confirmation de l'évasion de Marie Stuart. — Conséquences funestes que doit avoir cet événement. — Préparatifs de guerre à outrance qui se font de part et d'autre.

— Arrivée de Marie Stuart au château deHamilton. — Messages qu'elle a envoyés immédiatement au Régent et aux seigneurs pour leur déclarer qu'elle révoque son abdication. — Préparatifs faits k Glasgow par le Régent pour lui résister. — Troupes levées en toute hâte par le comte de Marr, lord Hume et lord Graham.

— Escarmouches entre les Hamiltons et ceux de Glasgow. — Renfort de 500 soldats envoyés d'Edimbourg au Régent. — Permission accordée à l'ambassadeur de France de se rendre auprès de la Reine à Hamilton.

Monsieur, depuys mes dernières lectres, advertissement m'est venu qu'il est très certain ce dont vous avoys doubteusement adverty : c'est ce qui par plusieurs a esté longuement craint, et par plusieurs désiré, de la délivrance de la Royne. Quelle dangereuse affliction est maintenant survenue, le pouvez juger par ce qu'on a tousjours craint et qui maintenant est advenu. Car, outre les grands préparatifz que se font d'ung costé et d'aultre pour le faict d'hostillité, chacun party se passionne tout outre de deffendre sa querelle à toute extrémité.

La Royne, le lendemain qu'elle feust arrivée à Hamilton, où elle est encores de présent, elle envoya un gentilhomme au lord Régent et ung aultre aux seigneurs pour leur faire entendre qu'elle estoit délivrée de captivité par la providence de Dieu, et d'aultant qu'elle a voit aucunement consenty à leur authorité, qu'elle y avoit esté contrainte par la sauvegarde de sa vye, et puysque Dieu, par sa mercy, l'avoit mise hors de tout danger, elle n' estoit obligée à plus longuement consentir à son déshonneur et désavantaige; et partant, elle les prioit de librement et paisiblement luy remectre et résigner son pristin estât. Que au préalable elle voulloit pardonner à toutes offenses faictes contre son estât et sa personne.

Sur quoy le lord Régent envoya ung Patrich Heume à elle, pour sçavoir si ce messaigier estoit envoyé par elle et par son

sceu et commandement. Ce qui luy fut respondu, je ne Tay encores sceu. Bientost après ung Jehanson, publiant de par la Royne, sa souveraine, de pouvoir royal, fut pris à Glascoet emprisonné avec les fers. On a desjà faict venir à Glasco cinq ou six pièces d'artillerie de Sterling, et par là on présume que ledict lord Régent s'y veult fortifier. Le conte de Mare luy a envoyé quelques gens de guerre et en lève d'aultres tous les jours. Le lord Heume et le lord Greym s'acheminent par devers luy le plus hastivement et avec le plus de gens qu'ilz peuvent. Il y a desjà eu quelques atraictz entre ceux de Hamilton et de Glasco, mais il ne se parle point encores de grand faict ; seullement qu'il y a ung gentilhomme nommé Caudouell, allant à la Royne, pris par ceulx de Glasco : en quoy il appert que ceulx de Glasco sont dilligens à rencontrer les Hamiltons et les leurs. Cinq cents soldatz d'Edimbourg vont trouver le lord Régent. L'ambassadeur de France (le sieur de Beaumont) eust permission d'aller à Hamilton parlementer avec la Royne. Sur quoy, à ce que j'entendz, quelque pacquet de luy a esté rencontré et pris ; mais à qui il s'addressoit, ne l'ay encores sceu. C'est tout ce dont vous puys advertir pour le présent; attendant ordinairement voz advertissemens de France, ne faudray dilligemment vous advertir de tout ce qui se passera en ces frontières.

1568. — 10 Mai. — Londres.

M. de la Forest au Roy.

(Bibl. impér. — Fonds de St-Gertn. Barlay, n. 222, t. 1, pièce 61. — Orig. signé.)

Nouvelle de l'évasion de la Reine d'Ecosse.

Sire, troys ou quatre heures après la dépesche que je feitz hier à la Magesté de la Royne, dattée du huictiesme de ce moys, je fcuz adverty comme la Royne d'Escosse s'estoit eschappée du lieu où l'on la tenoit prisonnière. Depuys, d'iieure à aultre, j'en ay eu tousjours confirmation jusques à maintenant que j'en ay

esté adverty tout au vray et par des doubles et des extraictz des lectres qui ont esté escriptes de deçà, ainsi que plus particulièrement mon neveu, présent porteur, fera entendre à Yosdictes Magestez, lesquelles, s'il leur plaist, donneront foy et créance en tout ce qu'il leur dira de ma part.

Sire, je prie Dieu vous donner, en très parfaicte santé, très longue et très heureuse vye. De Londres, ce x* jour de may 1568.

Vostre très humble et très obéissant serviteur et subjet,

BOCHETEL ('].

1568. — 10 Mai.

Lettre de Trocmarthon au Régent d'Escosse, du X« de may.

[Bibl. imp. — Fo7uls de St-Germ. Uarl., n. ^22, t. 1, p. 63. — Copie du temps.)

Habileté avec laquellle lonl Elphinston s'est acquitté de sa mission en Angleterre. — Surprise pénible causée par la nouvelle tle l'évasion de Marie Stuart. — Nouvelles de France. — Cruautés exercées contre les Protestants dans ce pays. — llegret de ce qu'ils ont congédié leurs troupes allemandes. — Induence que ne peut manquer d'avoir leur situation sur celle des Protestants en Angleterre et en Ecosse.

Monseigneur, parce que ce présent porteur {^) s'en retourne bien instruict tant en voz affaires qu'en celles de France et des aultres lieulx, je seray plus court à vous descrire plus particullièrement ce que j'ay à vous dire, c'est que ce gentilhomme s'est porté saigement et discrètement es affaires qu'il avoit en charge, et pense qu'il s'en retourne plus satisfaict qu'il n'a faict par cydevant.

Monseigneur, depuys voz dernières lectres audict Elpheston, du premier de may, nous avons entendu que la Royne est eschappée de Locleven; laquelle chose, je vous asseure, a beaucoup fasché tous vos amys, s'esbayssant grandement qu'on n'a

(') Il y a dans le Ms. une autre lettre écrite clans les mC'mes termes et le même jour à Catherine de Médicis.

(') Lord Elphinston. « C'est ccstuy-cy qui a apporté les bagues et qui les " vendues à la Royne. » — Cette annotation, écrite en marge, est de la main de M. de la Furcst.

362 AMBASSADE DE LA FOREST. i568

eu plus d'esgard à chose de si grande importance. Et, pour aultant que je suys encores ignorant des circonstances du faict et que je ne sçay qu'en dire, seullement je vous commectray, vous et voz actions, en la garde de Dieu, qui, comme je m'asseure, vous fera prospérer, comme il a faict tousjours cy-devant, à sa gloire.

Je vous envoyé ung édict dernièrement publié à Paris, par lequel vous pourrez colliger que Fauthorité de France et ceulx qui ont la plus grande voix en chapitre sont particullièrement affectionnez aux Parisiens et aux papistes, qui exercent, comme nous mande notre ambassadeur, toutes les cruaultez du monde contre les Protestans, comme s'ils estoient pretz à recommancer de les tourmenter; qui faict que le Prince (^) et ses assotiez se tiennent sur leurs gardes plus que jamais. Et je suys marry (mais c'est trop tard) qu'ilz ayent renvoyé leurs forces d'Allemaigne. Hz ne peuvent s'en trouver mal que vous et nous ne nous en sentions, vous, dis-je, principallement, si Dieu et vous n'y mettez bon ordre, veu la disposition que j'y voys. A quoy la liberté de ceste femme vous achemine grandement.

Parolles de l'advertisseur. — Ceste lectre n'estoit parfaicte ; ains, ainsy que je fay trouvée, favez.

Discours de l'advertisseur.

Note adressée à l'ambassadeur par le secrétaire de Throckmorton. — Détails sur les moyens qu'il a employés pour prendre connaissance de deux billets écrits à son maître par le secrétaire Cecil. — Renseignements sur une conférence secrète qui a eu lieu entre Throckmorton, Cecil et un nommé Duval, agent des Protestants de France.

Monsieur, de la venue de Monsieur de Bethon, de la response qu'il a eue de la Royne par Monsieur Trocmarthon et aultres affaires, je ne vous en escrit riens, car je pense qu'en estes mieulx adverty que moy. Aussi de deux frères escossois (^) qui viennent

(") Le prince de Condé.

{') John Ilamilton lord d'Arbroalh et lord Claude Hamilton.

de France et vont en Escosse. Bien vous advertys que, jeudy dernier, nostre Secrétaire (^), estant venu à Londres de la court, renvoya soudainement ung palefrenier à Monsieur de Trocmarthon avec un mot de lectre, laquelle je luy apportois en hault. Soudain il me demanda pappier et encre, et, ayant rescript deux ou trois motz, me demanda l'orthographe de ce mot mandcray, qui me meit en grand soubçon, car il n'avoit jamais accostumé d'escrire en françoys, ains j'en avois le commandement. Par ce je pris bien garde que deviendront ces deux petites lectres encloses Tune dans Faultre, lesquelles feurent mises dans le ressort de son escarcelle. Hier matin, luy estant à la garderobbe, ouvris soudain le ressort de ladicte escarcelle, non pour l'argent, mais pour lesdictz deux brevetz. Celle du Secrétaire estoit :

« Monsieur, moy estant arrivé, est venu en nostre logis Mon- » sieur South, gentilhomme de Monsieur l'Amyral de ce païs, qui » m'a commandé vous faire tenir dilligemment et seurement ce ï) brevet icy enclos. »

L'aultre brevet, de la part dudict South : « Monsieur, ceste T> nuict-cy est arrivé en ma maison un personnaige que bien cog- » noissez, qui a bonne envye et exprès commandement de par- » 1er à vous. Je vous prie nous mander où et quant il vous » plaira. »

Par lesdicts deux brevetz je coUigeay, et mesmes par ce mot je manderai) que ce pourroit estre Duval, joing ce que je vous mandois dernièrement d'une lettre en chiffre au secrétaire Cicille (^). Parquoy, y prenant bien garde, sans faire semblant de rien, je remarquis hier, environ neuf heures du soir, plusieurs allées et venues de nostredict Secrétaire ; enfin je le veiz entrer par la porte de l'estable, avec un si semblable audict Duval qu'on peult croyre que c'est luy-mêmes. Par là. Monsieur, pouvez penser que je suys banny de ce conseil privé, n'ayant plus la charge et conduicte de luy comme j'avois auparavant; mais, puysqu'il

{') Le secrétaire Cecil.

(') Celle Icilre existe, avec les autres copies, dans les papiers de l'amLassadeur, mais elle est peu iutéiessanle, et n'a aucun rapport avec les affaires d'Ecosse.

y fault aller par ce bout, laissez m'en faire fin contre fin, à bon chien bon os. D'une chose je vous prie et les vostres, ne vous affectionner si fort qu'on n'ayt occasion d'augmenter contre moy le soubçon jà conceu, et vous cognoistrez que je sçay aultant de chansons qu'eulx.

L'ung des estatz est desjà baillé, et pensons que nous aurons beaucoup d'affaires d'en attrapper et quelqu'ung des aultres ; mais, pour nous appaiser, on nous a dict que, si nous n'estions du conseil à la ville, que notre conseil seroit employé aux champs (*).

1568. — 15 Mai. — Londres.

M. de la Forest à la Reyne mère.

(Bibl. imp. — Fonds de St Germ. Harl., n. 211, t. I, pièce 63. — Original signe'.)

Arrivée de Beatoun à Londres. — Détails qu'il a donnés sur la délivrance de Marie Stuart. — Charge donnée par M. de la Forest à son neveu de rendre compte à la Reine de cet événement, ainsi que de l'acquisition des bijoux de Marie Stuart faite par Elisabeth, moyennant douze mille écus. — Remercîments de l'ambassadeur pour le successeur que la Reine lui destine. — Assurance qu'en attendant son arrivée, il veillera avec soin à tout ce qui a rapport aux affaires d'Ecosse. — Communication de diverses lettres relatives à ce pays, et dont les copies lui ont été livrées.

Madame, ung peu devant la réception des lectres de Voz Magestez, le sieur de Bethon, présent porteur, est arrivé en ceste ville, duquel j'ay entendu plus au long les particullaritez de la délivrance de la Royne d'Escosse dont j'ay escript par ci-devant à Yoz Magesté par mon neveu; sur lequel je me remectray de toutes choses, et mesmement de ces bagues, lesquelles, ainsy qu'il vous dira, ont esté icy envoyées fort secrètement, et enfin, comme j'ay ci-devant escript, acheptées par ceste Royne pour la somme de douze mil escuz. Il vous dira aussi. Madame, les propoz qu'il a euz avecq ladicte dame touchant icelles bagues, suivant l'instruction que je luy avois donnée. Et par ce que entendra

(') n Cecy s'entend de Trocn!'-!Tton qui pourchassoild'cslre du Conseil, mais je croy qu'il en est exclu. » Note écrite en marge de la main de l'ambassadeur.

de luy Vostre Magesté, elle pourra cognoistre qu'il n'y a riens plus certain qu'aujourd'hui elles sont entre ses mains; remerciant au demourant icelle Vostre Magesté, tant et si très humblement que je puys, du successeur (^) qu'il luy a pieu me destiner, actendant lequel j'auray cependant l'œil à tout ce qui concernera le service de Yoz Magestez et mesme à tout ce que ceulx de deçà entreprendront ou vouldront traicter en Escosse, qui est aujourd'huy ce qui importe le plus.

Madame, je prie Dieu vous donner, en très parfaicte santé, très longue et très heureuse vye. De Londres, ce xv^ jour de may 1568.

Madame, achevant ceste dépesche, j'ay receu un double de quelques lectres que j'envoye à Vostre Magesté (^); par lequel elle cognoistra ce qu'ilz entendent et pensent de deçà des affaires d'Escosse et semblablement aucunes cliose touchant Duval, qui est, à ce qu'il semble, encores retourné de deçà.

Vostre très humble et très obéissant serviteur et suget,

BOGHETEL.

1568. — 16 Mai.

Advertissement d'Escosse, du xvj^ de may 1568.

{Bib, imp. — Fonds de St-Germ. Harl., n. 222 t. l, pièce 66. — Original.)

Relation sommaire du combat de Langside. — Défaite de l'armée de Marie Stuart. — Fuite de la Reine. — Noms des principaux seigneurs tués, blessés ou prisonniers.

De la part de la Royne, il y avoit six mil hommes, desquelz le comte d'Arguille estoit lieutenant général. La compagnie du Régent et des seigneurs estoit estimée de quatre mil hommes.

Les Ilamiltons avoient l'avant-garde de la Royne, assistés de plusieurs autres, jusques au nombre de deux mil hommes.

(') François de Salignac de la Mothe-Fénelon.

(') Ce sont les lellies de Tliiockmorton et du maréchal de Berwick livrées à l'ambassadeur par le secrétaire de Tbrockmorton.

Les deulx armées estrivèrent (^) pour une montaigne, là où ilz [se] rencontrèrent en ung passage estroict au travers d'un village (2) .

Le seigneur Heume, le seigneur Simple et le conte de Moreton conduysoient Tavant-garde du Régent.

' La bataille continua par l'espace de troys quars d'heure ; enfin ceulx du party de la Royne furent rompus et mis en route. Le conte de Murrey pria ceulx de sa compagnie de s'abstenir d'effusion de sang, autrement tous les gens de pied, estans en plus grand nombre que ceulx de cheval, eussent entièrement esté défaictz. Les gens de cheval de la Royne, dont le seigneur Heirries estoit général, fuyrent.

La Royne, estant sur une montaigne, vit ceste défaicte, près d'ung demy mil d'où elle estoit; laquelle, accompagnée du seigneur de Royde, du seigneur Flaming, avec vingt personnes, se mit en fuyte, et furent poursuyvies de bien près.

Le nombre de ceulx qui furent tuez est estimé de six à sept vingtz personnes, non compris ceux qui sont mors depuis la bataille.

Prisonniers prins par ceulx de la part du Régent, trois cents et davantage, du nombre desquelz est le seigneur Seton, le seigneur Rosse, messire Jacques Hamilton, monsieur Montgomery, monsieur de Casselles, le viconte d'Ayre, le viconte de Lithecow, le jeune seigneur de Preston, avec plusieurs autres dont la plus grand part sont du surnon de Hameltons ou de leur alliez. Hz sont prisonniers au chasteau de Glasco. Alexandre Stuart, capitayne de gens de pied, tué; John Hamelton de Milborne, maistre d'hostel du Duc, et John Hamelton de Ormeston, tuez.

Du party du Régent n'y a eu ung seul homme de renom tué ; plusieurs ont esté blessés. Le seigneur Heume est blessé au visage et en la jambe; le seigneur Ogletree est blessé et en danger :

(') C'est-à-dire luitcrent de vitesse, firent effort pour s'emparer d'une 7}iontagne. Ce ycric esiriver, en anglais to strive, est ancien; on le rencontre fréquemment dans le poëme de Guillaume Guiart.

(') Langside, dans le comté de Renfrew, î» deux milles et demi S.-S.-O. de Glasgow.

son filz eiist tué le seigneur de Seton n'eust esté le conte de Murrey qui le sauva. André Carre de Faudersyde fort blessé et en danger.

1568. —Mai. — Paris.

La Reyne mère à M. de la Forest (*)

(Bibl. imp. — Fonds de St-Germ. Uarl., n. 222. t. I, pièce 67. — Minute.)

Réception par la Reine des nouvelles relatives à l'évasion de Marie Stuart. — Son vif désir de savoir où est la Reine d'Ecosse, et ce qui se passe tant en ce pays qu'en Angleterre. — Satisfaction au sujet des lettres communiquées par l'ambassadeur. — Désir de la Reine d'avoir, en en payant la valeur, les perles qui ont appartenu à Marie Stuart. — Instructions données dans ce sens au neveu de M. de la Forest.

Monsieur de la Forest, j'ay receu deux de vos lectres, des vij® et x^ de ce moys, et entendu par vostre nepveu, présent porteur, ce que Ton vous a rapporté du costé d'Escosse, comme la Royne, ma belle-fille, s'est sauvée du lieu où elle estoit ; et, pour ce que je désire bien de sçavoir en quel lieu elle est à présent, et ce qu'il aura réuscy de ce faict, je vous prie m'en mander ce que vous en aurés entendu et tout ce que vous pourrez sçavoir de toutes les occurances que surviendront par dellà, tant en Escosse que Angleterre, comme vous avés très bien faict jusques icy, et mesme par les copies des lectres que m'avez envoyées, par lesquelles l'on veoid bien comme ils discourent de delà de noz affaires, ainsi que bon leur semble. — Quant aux bagues de ladicte Royne d'Escosse, je désirerois bien, suivant ce que je vous ay dernièrement escript, recouvrer lesdictes perles avec le demeurant dont je vous faisois mention par ma lectre. A quoy je vous prie de regarder et tascher, par tous les moïens que vous pourrez, de faire en sorte qu'elles me demeurent, en payant ce à quoy elles seront appreiciées, ainsi que j'ay donné charge à vostre nepveu vous dire de ma part. Que me gardera de vous faire plus longue

(') Cette lettre ne fat pas envoyée, mais remplacée par la suivante.

lectre que de prier le Créateur, Monsieur de la Forest, qu'il

vous ait en sa sainte et digne garde. Escript à Paris le

jour de may 1568.

1568. — 21 Mai. —Paris.

La Reyne mère à M. de la Forest.

(Bill. imp. — Fonds de St-Germ. llarlay, n. 222, t. I, p. 67. — Miiiute.)

Réception de trois dépêches de l'ambassadeur. — Détails donnes à la Reine par le neveu de M. de la Forest et par Beatoun sur l'évasion de Marie Stuart. — Invitation à l'ambassadeur de continuer activement, comme par le passé, ses informations sur ce qui se passe en Angleterre. — Ordre de ne plus s'occuper ni des perles ni d'aucun des bijoux de Marie Stuart. — Satisfaction de la Reine mère de savoir ces bijoux entre les mains d'Elisabeth, à qui elle-même les enverrait si elle les avait en sa possession.

Monsieur de la Forest, j'ay receu trois de voz lectres, des Yij% X* et XV* de ce moys, et entendu, tant par vostre nepveu, présent porteur, que despuis par le sieur de Bethon, la délivrance de la Royne d'Escosse, et comme toutes choses se sont passées jusques au partement dudict sieur de Bethon, et aussy j'ay veu par les coppies de lectres que vous avez envoyées en quelle opinyon ilz ont nos affaires de deçà. Sur quoy je ne vous manderay sinon que vouz nouz teniez adverty ordinairement de tout ce que vous pourrez sçavoir de toutes les occurrances que surviendroient par dellà, comme vous avez très bien faict jusques icy . — Quant aulx bagues de la Royne d'Escosse, dont je vous ay escript dernièrement, et desquelles la Royne d'Angleterre a reteneu les perles, comme vous m'avez despuis mandé, il n'est plus de besoing de vous en mectre en poyne, pour ce que je désire qu'elle les retienne toutes, comme il est bien raisonnable; et, si je les avoiz, je les luy envoierois. Qui est tout ce que je vous manderay pour le présent que de prier le Créateur, Monsieur de la Forest, qu'il vous ait en sa sainte et digne garde.

1568. — 22 Mai. — Londres.

M. de la Forest au Roy.

[Bibl. imp. — Fonds de St-Germ. Harlay, n. 2S2 , t. I, pièce 72. — Original signé.)

Nouvelle, qui avait été transmise au Roi par l'ambassadeur, de l'arrivée de Marie Stuart en Angleterre après la défaite de son armée. — Appréhensions qu'il avait conçues sur la manière dont elle serait traitée. — Déclaration qui a été faite depuis par Élisabctli, qu'elle voulait traiter Marie Stuart en reine et non en fugitive. — Vive ojiposition que la Reine d'Angleterre a trouvée sur ce point dans son Conseil.

— Parti qu'elle a pris de suspendre toute décision jusqu'cà la réunion complète du Conseil, et d'y mander immédiatement le duc de Norfolk et les comtes d'Arundel et de Leicester. — Attente du résultat de cette mesure. — Assurance donnée à M. de la Forest qu'Elisabeth a résolu d'admettre Marie Stuart dans son intimité.

— Doutes de l'ambassadeur à cet égard. — Sa conviction que dans tous les cas les deux Reines ne vivraient pas pendant huit jours en bonne intelligence. — Détails sur le passage de Marie Stuart en Angleterre.

Sire, avant-hier je dépeschay à Yostre Magesté ung de mes gens pour luy porter la nouvelle, venue de deçà, de l'arrivée de la Royne d'Escosse en Angleterre, après avoir veu la perte et deffaicte de ses gens, et faisois entendre, entre aultres choses, à Vostredicte Magesté combien j'avois pour suspect le traictement qui luy seroyt faict en ce royaulme, comme j'ay encores à la vérité. Mais d'aultant. Sire, que, en cella ny en tous aultres événemens, je ne me veulx point croire ny ne me croiray jamais, et de tant moings quant j'en désireray tout le contraire, comme je faictz en cestuy-cy, j'ay pensé devoir advertir Yostre Magesté que, depuys le parlement de mon homme, j'ay eu adviz par lequel on nïasseure que ceste Royne en son Conseil a soustenu de tout son pouvoir ladicte dame d'Escosse, faisant entendre à tous ceulx qui y assistoient qu'elle la voulloit honorer et recevoir ainsi qu'il estoit convenable à sa dignité et première grandeur, et non à sa fortune présente ; et que, voyant que la pluspart de ceulx qui estoient là présens différoient du tout de son oppinion, remeist à en résouldre quant tous les seigneurs de son Conseij seroient ensemble; et à l'instant commanda que le duc de Nolfold, contes d'Arondel et de Leysler, feussent mandez. Eulx arrivez, nous sentirons plus au vray ce que Ton a à espérer en cecy.

Aucuns m'ont voullu dire que, si elle n'est surmontée et vaincue par une obstinée délibération et remonstrance des siens, qu'elle tiendra tousjours ladicte dame d'Escosse près d'elle, avec toutes les courtoysies et faveurs dont elle se pourra adviser, et qu'il y aura bien faulte de passe-temps si elles n'en trouvent ensemble. Mais ceulx-là fondent leur discours, selon mon foible jugement, sur les choses apparentes et sur les propoz qui pour ung temps ont couru de leur entretien et amityé, comme si au gouvernement des grands estatz et principaultez les particullières affections dévoient avoir quelque lieu! Et bien qu'il advînt ainsy que l'on en discourt, si y a-il bien à craindre, si seullement elles sont huict jours ensemble, que pour la différence qu'il y a entre elles deulx de beaulté et de bonne grâce, que toute leur amityé ne se convertisse en extrême envye et jalouzie.

La Royne d'Ecosse se sauva dans ung batteau avecques quatorze hommes seullement et une demoiselle, le lord Harreys avecques elle; et, incontinant qu'elle feust arrivée en ung port de ce royaulme, elle feust mise en seureté en la maison de mylord Scroup. Depuys on a escript au mareschal de Barwich qu'il envoyast audict chasteau cinquante harquebouziers (^)

Sire, je prie Dieu vous donner, en très parfaicte santé, trèslongue et très heureuse vye. De Londres, ce xxij" jour de may 1568.

Vostre très humble et très obéissant serviteur et suget,

BOGHBTEL.

(') Le reste de cette lettre est étranger aux aiVaires d'Ecosse et peu iraporiant.

1568. — Mai. — Paris.

Le Roy au comte de Murray.

[Bibl. imp. — Fonds de Sl-Germ. llarlay, n. 222, t. I, p. 77. — Minule (*).)

Réception de la lettre écrite au Roi le 20 avril par le comte de Murray. — Plaisir que Charles 1\ a ressenti des bonnes nouvelles du jeune Roi d'Ecosse. — Sa volonté de maintenir avec lui dans toute son intégrité l'ancienne alliance des Rois de France et d'Ecosse. — Déclaration que non-seulement le Roi d'Ecosse, pour la conservation de sa couronne, mais que le comte de Murray lui-même, pour ses intérêts particuliers, peuvent compter sur l'appui du Roi de France.

J'ay veu ce que m'avez escript par vostre lettre du w^ du passé et receu bien grand plaisir d'entendre des nouvelles du Roy, mon bon frère i^), tant pour sa santé que pour la bonne et grande espérance que vous me donnez de sa bonne nourriture ei de ce que, en Taage où il est à présent, il promet à Fadvenir. Vous voulant bien advertir que, de ma part, je ne diminuray en rien Talliance, bonne amitié et confédération qu'il y a eu de si longtemps entre les rois ses prédécesseurs et les miens, et que, en ce qui concerne la conservation de sa couronne et estât (^) et entretènement de nostre amitié, je n'y obmétray aucune chose de tout ce que vous pouvez et devez espérer de moy, et mesmes pour vostre particulier en ce dont vous voudrez me requérir (^), comme j'ay donné charge au gentilhomme, présent porteur, vous dire plus particulièrement de ma part, priant le Créateur (^) qu'il vous ayt en sa saincte

et digne garde. — Escript etc. i^).

(') A cette minute est jointe dans le Ms. la transcription d'un autre texte de la même lettre rédigée d'une manière plus favorable aux intérêts de Marie Stuart, comme le prouvent les modilications et additions que nous relatons ci-après. Rien n'indique laquelle de ces deux lettres fut envoyée au Régent; toutefois, il est bien prohable que ce fut la seconde.

(■) Dans le second texte, au lieu de du Roy, mon bon frère, il y a du prince d'Ecosse.

(') Au lieu de la conservation de sa couronne el Estât, il y a la conservation du royaume d'Escosse..

(') Le second texte ajoute : Vous priant aussy n'oublier pas de faire envers la Roijne, ma bonne seur, ce que vous me promistes à vostre parlement, et qu'elle se ressente de ï amitié et bonne volunté que je luy porte, faisant en sorte qu'elle puisse estre en liberté et tout ainsi qu'elle estait auparavant sa détention. Et, en ce faisant, vous ferez chose que je recevray à singulier plaisir, comme, etc.

(') Au lieu d'un blanc, il y a dans le second texte : Monsieur le Comte. Cette formule se retrouve également en tête de la lettre.

(') Second texte : Escrit à Paris le jour de may lo(J8.

t5G8. — 12 Juin. — Londiies.

M. de la Forest au Roy (')•

(Bill. imp. — Fonds de St-Germ. Barlay, n. 222, t. 1, pièce 80. — Original signé.)

Arrivée de M. de Montmorin à Londres le 3 juin. — Autorisation qui lui a été donnée par Elisabetii, après quelques délais, d'aller visiter Marie Stuart. — Compte-rendu de l'audience accordée par la Reine d'Angleterre aux deux ambassadeurs. — Protestations faites par Elisabeth de ses bonnes intentions à l'égard de la Reine d'Ecosse. — Incertitude dans laquelle elle a laissé les deux ambassadeurs sur ses véritables desseins. — Engagement qu'elle a pris de ne pas permettre qu'on attente soit à l'honneur soit à la vie de Marie Stuart, tant qu'elle restera dans ses États. — Mission donnée à Middlemore de se rendre auprès de Marie Stuart et de là en Ecosse. — Motifs apparents de cette démarche. — Conviction de M. de la Forest qu'Elisabeth n'a aucun désir de réconcilier Marie Stuart avec ses sujets. — Ombrage donné aux ministres d'Elisabeth par les armements qui se font en France. — Avis transmis au Roi sur les menées de Duval avec le comt de Leicester et sur un projet de tentative pour s'emparer de Dieppe. — Querelle entre le Portugal et l'Angleterre.

Sire, Monsieur de Montmorin est arrivé en ceste ville dès le troysiesme jour de ce moys, et la cause pourquoy luy et moy avons tant retardé à dépescber à Voz Magestez est que, sur la fin de l'audience que nous eusmes de ceste Royne, il y a desjà six jours, où nous luy feismes entendre comme Yoz Magestez désiroient qu'il visitast la Royne d'Escosse, elle nous dict que certainement elle les voulloit bien gratifier en tout ce qu elle pourroit, mais qu'elle nous prioit d'avoir pacience pour troys ou quatre jours, et que, après, elle nous donneroitresponce là dessus. ■ — Aujourd'huy seullement nous avons eu ladicteresponce, ayant trouvé bon ladicte dame que ledict sieur de Montmorin allast trouver celle d'Escosse, laquelle elle faict approcher bien avant dedans son royaulme, en une place appellée Stafortchier (^),

(') M. de la Forest écrivit le même jour ;i Ciitlierine Je Méiiicis une lettre qui n'est qu'un résumé succinct de celle-ci, cl dont nous nous conienlerons d'extraire le passage suivant : «M. de » Montmorin n'attend plus que son passeport pour aller vers la Royne d'Escosse, laquelle, en mon t adviz, il pourra trouver au lieu que j'escriptz au Roy, sinon en chemin pour y venir. La pau- B vre dame, à ce que je puis conjecturer, est pour demourer icy longtemps, si par quelque I nouvel accident elle n'en est lirce. » '

(-1 StalTurd, dans le StalTordshire. — De Carlisle, i\Iarie Stuart fut transférée îi Bollon, et bieiitôt apr;'s à Tiitbury, mais elle n'est jamais allée a Siafford.

assez près de la maison du comte de Leyster, à quatre vingtz milles dMcy ou environ.

Au demeurant, quant au propoz qui se sont passez en ladicte audience, aclendant que par la bouche dudict sieur de Montmorin Vos Magestez les entendent plus particulièrement, je vous diray, Sire, succinctement que, luy ayant fort bien faict entendre à ladicte dame sa charge, consistante en premier lieu de Taise et contentement que Yoz Magestez avoient eues de l'arrivée de la Royne d'Escosse en son royaume, comme un vray port de son salut; puys, de Tasseurance qu'elles avoient du bon et gracieulx recueil qu'elle luy feroit, auquel, pour la conforter encores davantaige, il avoit été dépesché expressément pour l'en prier et requérir; pour le troysieme, des moyens qu'elle avoit pour cejourd'huy de réconcilier ladicte dame avec ses subjectz et de la remectre en son royaulme avec sa première authorité (office que semblablement Yoz Magestez désiroient et attendoient d'elle), elle nous feit responce : que en vérité elle estoit fort obligée à Vos Magestez, se voyant ainsi priée et requise pour ung faict qui luy estoit si agréable, et qui luy touchoit de plus près que à tout aultre prince de la Ghrestienté, pour estre la Royne d'Escosse sa proche parente, voisine et de tout temps amye; mais que rien ne luy desplaisoit tant sinon qu elle ne pouvoit pas se porter en ceste réception selon son désir et affection, ny comme requéroit la dignité de ladicte dame d'Escosse et leur parenté susdicte; qu'elle sçavoit bien que aujourd'huy elle estoit regardée de tous les yeulx de la Ghrestienté, et que, là où elle procedderoit en ce fait-cy oultre la modération requise, qu'elle seroit de toutes gens calomnyée; adjoustant, après, plusieurs propoz de ladicte dame d'Escosse, et plus sur sa charge que sur sa deffense, sur lesquelz nous luy respondismes, ledict sieur de Montmorin et moy, et luy remonstrasmes ce qui nous sembloit estre le plus à propoz et en la descharge d'icelle dame. — Puys elle tomba sur les moyens qu'elle avoit de la remectre en son royaulme, disant penser bien les avoir aussi grands que tout aultre prince de la Ghrestienté, et que dcsjà le Régent faisoit courir le bruict qu'il

s'en voulloit remectre à elle, et que à cella elle s'emploieroit de tout son pouvoir, mais cependant que c'estoit affaire qui pourroit prendre longueur. En conclusion, Sire, nous ne sceusmes tenir de ceste dame aulcune responce résolue ny qui nous peust bailler lumière ny cognoissance de ce qu elle délibère faire de la Royne d'Escosse. Aussi, tant pour ne luy estre molestes que pour n'en avoir aucune charge de Voz Magestez, nous ne rosàmcs presser davantaige, seullement elle nous répéta plusieurs foys, au milieu de ses propoz, qu'elle ne permettroit jamays, tant que la Royne d'Escosse seroit en son royaulme, qu'il luy feust touché ny à l'honneur ny à la vye.

Le lendemain du jour que nous parlasraes à elle, elle dépescha vers icelle dame ung gentilhomme nommé Mildemor qui, après l'avoir veue, doibt, selon mon jugement, passer oultrejusques en Escosse vers le Régent; et tout cecy se faict pour mectre les personnes en oppinion qu'elle désire les reconcilier les ungs avec les aultres, mais, en vérité, je pense qu'elle n'en a nulle volunté. — Elle et ses ministres continuent de plus en plus au soubçon de quelqu'entreprise à leur préjudice, suivant ce que j'ay mandé cy-devant par Monsieur de Beaumont, et, dès l'arrivée dudict sieur de Montmorin, ilz eurent allarme pour quelques vaisseaulx françoys armés que l'on disoit avoir veu sur mer. Hz ont envoyé visiter les portz de France, il y a quelque temps; et desjà de ceulx qui sont le plus près d'icy, et mesmes de Brest, il leur a esté rapporté qu'il y a seize grands vaisseaulx armez qui sont en mer, qui feignent aller en quelque long veoïage. Au surplus Duval est pour certain retourné de deçà; mais en quel endroict il fréquente, je ne le puys descouvrir. Par ung mémoire, qui a esté trouvé dedans une pochète, il asseure le conte de Leyster que les cappitaines Valfmiôre et Rouveray baisoient les mains de sa seigneurie, et que, quant il leur vouldroit commander quelque chose, ilz seroient prestz à luy faire service et luy amener tel nombre de soldatz dont il auroit affaire, disans les commoditez estre telles que leurs maisons sont fort près de Dieppe et conséquemment de la mer, non guères loing aussi des prin-

cipaulx de la relligion, en la bonne grâce desquelz ils sont tout oultre, comme ceulx qui sont entièrement à leur dévotion.

L'ambassadeur de Portugal, duquel j'ay escript il y a desjà quelque temps, a esté ouy deulx ou trois foys au Conseil de ceste Royne, où il s'est plainct grandement de ses ministres et sugetz, tant pour les grandes déprédations qui ont esté faictes sur les Portugais que sur le veoïage que a esté faire un nommé Flaquin aux Indes, jusques à protester de la guerre contre ceste Royne si aultrement le Roy son maistre et lesdicts Portugais n'estoient satisfaictz d'une grande somme qu'il a demandée pour lesdictes déprédations, et aussi si ledict Haquin n'estoit contremandé. Et là-dessus on a faict responce audict ambassadeur en la forme que j'envoye à Voz Mageslez (^).

Sire, je prie Dieu vous donner, en très parfaicte santé, très longue et très heureuse vye. De Londres, ce xij^ jour de juing 1568.

Vostre très humble et très obéissant serviteur et suget,

BOGHETEL.

1568. — 19 Juin. — Londties.

M. de la Forest au Roy.

(Bibl. împ. — Fonds de St-Germ. Harlay, n. 222, t. 1, pièce 82. — Original.)

Prolongation du séjour de Marie Stiiart à Carlislc. — Préparatifs faits au château de Tutbury, où elle doit venir résider dans la compagnie du comte de Shrewsbury. — Missions données par Marie Stuart à lord Herries et à lord Fleming auprès d'Elisabeth. — Compte-rendu de la dernière audience accordée à lord Herries. — Refus péremptoire du passe-port demandé par lord Fleming pour se rendre en France. — Envoi d'un paquet pour l'archevêque de Glasgow et le Cardinal de Lorraine, qui pourront donner au Roi des nouvelles de la Reine d'Ecosse.

Sire, depuis la dépesche que je feitz à Vostre Magesté du douzième de ce moys, nous feusmes advertiz, Monsieur de Mont-

(') Ce document, intitulé : « C'est ce qui s'ensuit en la responce de la Majesté de la Royne d'An?;lctcrre faicte à l'amliassadeur du Roy de Portugal après quelques particulières plaintes, n est joint "a la dépêche de M. de la Forest; il n'entrait pas dans notre plan de le reproduire, mais nous l'indiquons, parce qu'il est intéressant pour l'histoire des relations entre l'Angleterre et le Portugal.

morin et moy, avant qu'il feust passé oultre, que la Royne d'Escosse ne bougeoit point pour tout ce moys de Carlylle, où elle a esté depuys le conimancement qu'elle est entrée en ce païs. Cependant Ton apreste son logis à ung château nommé Teutbery, qui n'est qu'à cent milles d'icy, et est fort beau lieu, à ce qu'on dict, principallement pour la chasse, où, quant elle sera, le conte Scherausbery, qui a une partie de son bien de ce costé-là, a commandement de luy faire compaignie avecques d'aultres seigneurs et gentilzhommes de là autour. — Au demeurant, Sire, il y a environ huict jours qu'il y a icy deux seigneurs escossois envoyez de la part de ladicte Dame, assavoir railord Herrys devers ceste Royne pour la prier, suivant les promesses qu'elle luy a faictes longtemps a, de luy bailler secours contre ses rebelles, ou, au cas qu'elle ne peust ou ne voulust luy prester ledict secours, luy permectre de passer en France par ce pays. L'aultre est Monsieur de Flemmyng, celuy qui tient Dumbertran, qui a demandé passeport pour aller devers Yostre Magesté, suivant la charge qu'il en avoit de sa maîtresse. Hz ont esté ouyz deux ou trois foys et remys pour avoir responce d'une foys à aultre, n'ayant peu avoir résolution jusques à jeudy dernier; laquelle, affm que Vostre Magesté, Sire, entende mieulx, je luy conteray une bonne partye des propoz qu'ilz eurent avecques ceste Royne en leur dernière audience, où milord Herrys lui commencea à dire, comme en ayant charge expresse de la Royne sa maistresse, qu elle trouvoit estrange qu'on la voulust amener en ce chasteau de Teutbery, eslongné de son pays et de tous grands chemins, là où elle ne pourroit avoir commodité d'entendre nouvelles, ny de son dict païs, ny de parent ou amy qu'elle eust, et que ce n'estoient pas les promesses que Sa Magesté avoit faictes si souventesfoys à la Royne sa maistresse, soubz l'espérance desquelles elle estoit venue en Angleterre, où, si elle eust pensé avoir tel traictement, elle eust plustosl choisy de demeurer en Escosse avecques toute la pire fortune et condition du monde. — Cecy disoit-il à la Royne assez bas, estans en la mesme chambre quelques ungs des seigneurs du Conseil, comme le marquis de Northampton, le

Grand Maistre et le Secrétaire; lesquelz elle appella, leur commandant de s'approcher, et pria ledict milord Herrys de répéter tout hault ce qu'il luy avoit dict, comme il feyt. — A quoy elle respondit, aussi tenant sa voix haulte, qu'elle voulloit prendre en main la cause de la Royne sa seur, et estoit délibérée de la remectre en son pays et premier degré et authoryté royalle, ou par ung bon appointement et réconciliation qu'elle essaïeroit de faire entre elle et ses subjectz, ou par la force. Et pour cest efîect qu'elle manderoit au conte de Moray qu'il envoyast icy quelqu'un de sa part, comme mylord Glynkerne, qu'elle nomma, ou ung aultre, et que pareillement la Royne sa seur pourroit envoyer qui bon luy sembleroit devers elle, lesquels, comme députez, luy feroient entendre les différends qu'il y a d'une part et d'aultre, afïîn qu'elle les peust mieulx vuyder. — Là dessus mylord Herrys luy répliqua qu'il ne pensoit pas que Sa Magesté voulust entreprendre d'estre juge entre la Royne sa maistresse et ses subgects, veu que sadicte maistresse estoit souveraine comme elle. — «Mais, dist la Royne, je pense que la Royne, ma sœur, ne sera pas marrye de suivre en cecy mon conseil et mon adviz, qui ne sera que pour son bien et utillité. )) — Après, mylord Herrys continua son propoz disant que le comte de Moray n'estoit ny roy ny prince pour envoyer icy ny ailleurs des ambassadeurs, mais que luy et le conte de Morthon estant les deux qui avoient principalement offencé la Royne sa maistresse, si Sa Majesté voulloit entendre quelque chose d'eulx, ilz pourroient bien prendre la peyne de venir icy eulx-mesmes en personne. — (( C'est bien le meilleur, ^ dist la Royne; et là dessus luy promist que dès le lendemain elle leur escriroit qu'ilz vinssent.

Voilà, Sire, tout ce que a eu pour responce ledict mylord Herrys de ceste Royne, avecques laquelle il eust quelques aultres propoz entremeslez, comme sur le secours qu'il demandoit, luy disant, entre aultres choses, que, si Sa Magesté ne s'en mesloit, des plus grands princes de la Chrestienté s'en mesleroient; puys tumbèrent sur le meurtre du Roy d'Escosse. Sur quoy mylord Horrys dist que ceux-là en estoient principallement coulpablcs

qui faisoient ceste injure à la Royne sa maistresse de l'en charger, comme il seroit aysé de prouver; adjoustant qu'il se feroit advouer de son dire par la Royne sa maistresse. Et là-dessus la Royne luy demandaVil les vouUoit poursuivre dudict meurtre ? A quoy il respondit que, s'ilz en parloient le moings du monde, on leur respondroit.

Quant à Flemmyng, ceste Royne luy a dényé tout à plat son passeport, et luy a dict que, s'il plaisoit à la Royne, sa seur, d'envoyer tout aultre qui bon luy sembleroit fors que luy, qu'elle luy bailleroit passeport, mais non à luy.

Sire, j'"envoye, avecques la présente dépesche, un pacquet que m'ont envoyé ces seigneurs escossois pour faire tenir à l'archevesque de Glasco, par lequel et par Monsieur le Cardinal de Lorraine, pour lequel il y a des lectres dedans ledict pacquet, Vostre Magesté pourra entendre des nouvelles du traictement que receoit de pardeçà ladicte dame Royne d'Escosse, et de l'espérance qu'elle peult avoir d'en tirer ayde ou support, comme aussi plus amplement Vostre dicte Magesté en pourra estre certiffiée par Monsieur de Montmorin que j'attendz icy de retour à la fin de ce moys. Il y a aussi quelques doubles de lectres envoyées à ceulx-cy, par où Vostre Magesté pourra cognoistre l'oppinion en laquelle ilz sont de quelque descente de Françoys en Escosse.

Sire, je prie Dieu vous donner, en très parfaicte santé, très longue et très heureuse vye. De Londres, ce xix^ jour de juing 15G8.

Vostre très humble et très obéissant serviteur et suget,

BOCHETEL.

15G8. — 2'j Juix. — Londres.

M. de la Forest à la Reyne mère.

{nibl. imp. — Fonds de St Germ. Tlarl., n. 222, t. 1, pièce 85. — Orig. signé et en partie autographe.)

Prochain départ des lords Herries et Fleming, qui ont pris congé de la Reine d'Angleterre. — Envoi du secrétaire de Marie Stuart vers l'archevêque de Glasgow et le Cardinal de Lorraine, à. la place de lord Fleming, qui n'a pu obtenir l'autorisation de passer en France. — Charge donnée à cet envoyé de travailler à tirer Marie Stuart des mains de la Reine d'Angleterre, et de demander des secours pour Dumbarton. — Embarras que la Reine d'Ecosse cause à Elisabeth, qui, cependant, est décidée à la retenir. — Postscriptum. — Décision prise par la Reine d'Angleterre de retenir lord Herries jusqu'à l'arrivée du comte de Murray et d'envoyer à sa place lord Fleming vers Marie Stuart. — Mauvaise opinion donnée à l'ambassadeur par ces fréquents changements de volonté. — Soupçons sur la fldélité de lord Herries, que l'on voudrait gagner à la cause du comte de Murray. — Propos de Leicester à cet égard. — Incertitude de l'ambassadeur.

Madame, ceste leclre est seullement pour advertir Vostre Magesté comme ces deux gentilzhommes escossois, sieurs de Ilerrys et Flamy, ont pris congé de caste Royne pour s'en retourner vers leur maistresse. Et, pour ne pouvoir ledict Flamy passer en France, ont dépesché le porteur de la présente, quMlz nomment secrétaire de la Royne, vers Monseigneur le Cardinal de Lorraine et Tévesque de Glasco; ne saichant rien de plus particuUier de sa dépesché, sinon qu elle tend en effect à retirer ladicte dame d'Escosse de ce pays pour passer en France, et à tascher aussi de tirer quelque secours de Voz Magestez pour envoyer à Dombertran. Elle est encore à Carlin et n'ira point au lieu que j'escrivois par ma dernière dépesché, aïant ceste Royne changé d'adviz ; de façon que maintenant elle délibère la faire venir cinquante mille par deçà Carlin vers Yorq. En somme, elle en est bien empeschée, cependant elle se résoult de la retenir. C'est tout ce que je puys mander pour ceste heure.

Madame, je prie Dieu vous donner, en très parfaicte santé, très longue et très heureuse vye. De Londres, ce xxiiij'' jour de juing 1508.

{De la main de V ambassadeur .^ — Madame, depuis ceste

lectre escripte, les gentilzhommes escossois m'ont envoyé dire que ceste Royne retenoit icy milord Herrys jusqu'à ce qu'elle eust entendu des nouvelles du conte de Morai, devers lequel elle a envoyé, ou dict avoir envoyé, pour venir icy, et que cependant le sieur de Flammy iroit vers la Royne d'Escosse. Je n'entendz point bien ces changemens de volunté si fréquens, et n'en puis juger aultre chose que subterfuges et délayemens, ou bien ce que l'on m'a vouUu faire croyre depuis un jour ou deux, assçavoir que le conte de Lecester taschoit à gaigner ledict sieur de Ilerreys pour le tirer à la part dudict comte de Morai, s'estant ledict Lecester laissé eschapper qu'il en viendroit à bout aisément, mais que de Flammy, il en doubtoit fort. Madame je ne sçay en quelle sorte escrire de tels gens, veu le peu d'arrest qu'il y a en eulx.

Vostre très humble et très obéissant serviteur et suget,

BOGHETEL.

1568. — 28 Juin, lord herries a marie stuart.

(iSihl. imp. — Fonds de St-Germ. IJarl., n. 222, t. I, pièce 8i. - Cop. du temps.)

Audience particulière accordée à lord Herries par Elisabeth le 17 juin. — Compterendu de cette audience et de l'entretien qui a eu lieu entre l'ambassadeur et la Reine d'Angleterre. — Bonnes dispositions manifestées par Elisabeth en faveur de Marie Stuart. — Conférence tenue le 22 juin, entre lord Herries, lord Fleming et la Reine d'Angleterre, en présence de son Conseil. — Compte-rendu de cette conférence. — Délai fixé au 1" août pour une réponse définitive sur les affaires de la Reine d'Ecosse. — Obligation imposée, en attendant, par Elisabeth aux partisans de Murray de ne point attaquer les sujets fidèles de Marie Stuart. — Arrivéo prochaine de John Makgill, qui doit apporter l'acte de l'abdication de la Reine d'Ecosse et les actes du parlement tenu par Murray et ses adhérents. — Raisons alléguées par l'ambassadeur pour établir la nullité de l'abdication comme arraché» par la violence, et des actes du parlement comme entachés d'illégalité. — Déclaration formelle de la Reine d'Angleterre qu'elle n'admettra en sa présence ni Makgill ni aucun des légistes qui viennent pour parler contre la Reine d'Ecosse. — Nouveaux retards apportés au congé de l'ambassadeur par Elisabeth. — Son espérance de pouvoir cependant se rendre sous peu de jours auprès de Mario Stuart.

Madame, j'en audience de ceste Royne le xvij" de ce moys, et luy remonstray que, depuis naguères, j'avoy receu lectres de

Vostre Magesté s'esmerveillant que j'estoy si longuement sans faire entendre nria charge à icelle. Sur quoy, alléguant qu'elle attendoit responce d'une lectre que dernièrement elle avoit escrite à Vostre Magesté (^) sur le propos que paravant elle m'avoit touché, je luy dy : « Madame, pay desjà sur ce assez respondu, ce me semble, à Vostre Magesté, c'est que la Royne, ma maistresse, est innocente, et qu'il ne fault de ce costé-là en attendre autre chose; et je m'asseure que c'est la responce qu'elle fera à Vostre Magesté et à l'Empereur et au Roy de France et au Roy d'Espaigne, s'il est besoing. Au demeurant, si aucuns de ses rebelles ou désobéissans subjectz veulent dire autrement, cette responce leur sera mainctenue jusques au bout, soit par l'équité et justice, soit par la force; car, jaçoit que desloyaument ilz ayent desrobbé les forteresses, maisons, munitions, trésors et riches baggues et joyaux de Sa Majesté, si est-ce qu'il n'est en leur puissance de s'acquérir ou alliéner de Sa Majesté les cueurs de ses bons et fidelles subjetz. »

Et, pour ce que j'avoy entendu qu'il luy avoit esté rapporté que Vostre Magesté, pensant passer en France, s'estoit trouvée contraincte descendre en Angleterre , je luy dy par mesme moïen : « l\ ne fault. Madame, estimer que la Royne, ma souveraine, soit venue en ce royaume pressée de telle nécessité qu'elle n'eust point d'autre refuge. Car, devant que Sa Magesté parteist d'Escosse, je lui offrey, à peine de perdre ma teste et tout ce que j'ay au monde, qu'elle demourroit seurement au païs où elle estoit l'espace de quarente jours, et, après, selon son bon plaisir, qu'elle pourroit prendre la voye de France ou de Donbertan. Car lors il n'y avoit ennemys plus près de soixante miles, d — Et adjoustay que Vostre Magesté me respondict que leur superbe conspiration et extrêmes déportemens requéroient le secours d'un prince estranger, et qu'il n'y en avoit point à qui Vostre Magesté eust plus d'espérance qu'à la Royne, sa bonne sœur, tant pour respect des bonnes et grandes promesses qui sont en-

(') Voyez cette lettre, en date du 8 juin loGS, dans le Recueil du prince LabanofT, t. VU, p. 139.

tre Vos Magestez que pour la proximité de sang, et que la querelle de Vostre Magesté touche à tous les autres princes. Et sur ce propoz luy dys que, si les subjetz du Roy de France, qui cherchoient la personne de Sa Magesté la veille Sainct Michel (^), l'eussent tenu à leur plaisir, comme Vostre Magesté se meit volontairement es mains de ceux qui maintenant usurpent sa couronne et authorité, ilz eussent voulu imposer quelque cryme sur le prince innocent, ou eussent dict qu'il estoit inhabile de sa couronne. Mais je prioy Dieu que ce qui estoit en cest endroict advenu à Vostre Magesté n'adveint à aucun autre prince. — (( La Royne, ma maistresse, dy-je, s'est myse entre les bras de Vostre Magesté comme de princesse en qui elle tient en ce monde sa principale espérance, et, si Vostre Magesté veult librement et plainement prendre sa cause en main, respectant Testât qu'il a pieu à Dieu luy donner, et son honneur et seureté, elle usera de voslre conseil tout ainsi que de commandement, combien qu'elle ne soit délibérée recognoistre autres juges que Dieu, ayant ses prédécesseurs et elle tant de cent ans porté une impériale couronne. )) — « Jà n'advienne, dict-elle, que je juge en son endroict sinon à son honneur et bien, comme si c'estoit au mien propre. Le conte de Murray s'est remys à moi, lequel je veux mander en diligence pour ouyr ce que luy et ceux de son party ont à dire d'avoir ainsi traicté leur souveraine. Et, s'il est ainsi que vous dictes, je veux faire pour elle ce qui est en mon pouvoir de faire pour moy-mesmes, sinon je feray ce qu'il me sera possible pour les accorder, non que je veuille jamais entreprendre d'estre son juge. )) • — « Madame, dy-je, si Vostre Magesté, avec l'advis de son Conseil et Estatz, treuve qu'il ne soit honorable et bon pour elle de prendre et soustenir la cause de la Royne d'Escosse, ma maistresse, j'estime que, par honneur et

(') Allusion au complot formé, eu seplembre 1oG7, par le prince de Condé et l'amiral Coligny pour enlever Charles IX. La cour, instruite de ce complot, se retira du château de Monceaux, où elle était alors, à Meaux, d'où les Suisses, au nombre de 6,000 hommes, commandés par le colonel Pliffer de Lucerne, ramenèrent le Roi et la Reine, placés au milieu d'eux, le 29 septembre (jour de la Saint-Michel), à Paris, marchant toujours en ordre de bataille et repoussant toutes les atta{iues du Prince et de l'Amiral {Arl de vérifier les dates, t. I, p. 648).

et raison, elle ne luy refusera ce qu elle est accoustumée octroyer au moindre subject de France ou d'Escosse, c'est de la laisser passer honorablement par son royaume. Et, ce faisant, Vostre Magesté verra que les plus grands princes de l'Europe la recevront courtoy sèment et amyablement, prendront sa querelle et feront pour Sa Magesté ce qui sera en leur puissance. Si tant est que Yostre Magesté ne se veulle plainement opposer et y estre ennemye et contraire, ceux qui faulcement usurpent son autorité et son lieu ne pourront consister ny estre maintenuz. Et, si le Conseil de Vostre Magesté est d'advis qu'elle assiste au conte de Murray et à ses complices en ceste injuste cause, cela apportera à Vostre Magesté dix foys plus de charge que le support qu'elle feroit à ma maistresse; car, soustenant telz desloyaux subjectz contre leur naturelle princesse, il en peut venir mescontentement entre de grans et puissans princes et Vostre Magesté. En oultre, le temps est si cher et à peser en ceste affaire qu'il n'y a jour ny heure à obmettre pour l'avancer par le moïen de Vostre Magesté. Autrement, considérant Testât d'icelle dame ma maistresse, et le trouble auquel se retiennent ses bons et fidelles subjetz, encore que le plaisir de Vostre Magesté fust l'entretenir en telle despence qu'elle y employast mil livres d'Angleterre par jour, si Vostre Magesté n'embrasse sa cause et de faict n'y meit la main, tel entretènement ne peult estre autre chose que déplaisir. Plustost elle vouldroit estre retournée en Escosse dans le petit batteau avec lequel elle en est partye, et aller chercher sa fortune par le monde, que de demeurer en ce royaume sans la présence de Vostre Magesté, et qu'icelle cogneust qu'elle est innocente, et acceptast sa cause. »

Ces choses furent très bien et amyablement ouyes de Sa Magesté, et, n'estant le Conseil présent, elle le feit appeler, luy référant le tout devant moy en meilleure sorte que je n'avoy sceu luy déclarer. Elle me dict, à part, qu'elle avoit pris le faict de Vostre Magesté en main, et y vouloit faire ce qui hiy seroit possible, et qu'elle l'avoit ainsi escrit au Régent. Je diz que je Tescriroy à Vostre Majeté; et elle me commanda le faire. Je fu

adverty par le Secrétaire de me trouver devers la Royne et le Conseil pour avoir ma responce le xxf et xxij'' de ce moys. Ceste-cy est la dernière que j'ay eue, et, chacun jour paravant, je ne bougeoy de soliciter ma dépesche, ce qui m'a faict estre si long à escrire à Vostre Magesté. De quoy je la supplye très humblement me pardonner et ne l'imputer à nonchalance et paresse.

Madame, le xxij* nous fûmes, mylord de Flamy et moy, mandez pour aller devers la Royne recevoir la responce de Sa Magesté, et me fut commandé Tescrire à Vostre Magesté. Geste Royne, en la présence de plusieurs de son Conseil, déclara de sa bouche qu'elle avoit ouy et considéré ma commission tendant es choses cy-dessus mentionnées. — Pour responce : elle veult faire, touchant la querelle de Vostre Magesté, en toutes choses ce qui peult estre à l'honneur et bien de Vostre Magesté (respectant parellement le semblable de son costé) ainsi qu'à sa chère sœur, suivant l'expectation de Vostre Magesté et sa promesse. Elle dict que Vostre Magesté cognoist assez le scandaleux et honteux bruict que vos subjetz ont semé par le monde, et que c'est l'honneur de Vostre Magesté, et le sien aussi, que la chose soit recherchée, non pour se constituer juge, ains comme favorable et entière amye de Vostre Magesté, pour s'enquérir d'eulx de ce qui les meut ainsi parler, par quel pouvoir ou autorité ilz s'estoient saisis de Vostre Magesté, de sa couronne, forteresses et autres choses. En quoy, ainsi qu'elle pense, ilz ne peuvent estre excusables, voulant à cest effect employer son esprit affectueusement et amyablement. — Je luy diz : «. Madame, et s'il y avoit apparence autrement? que Dieu ne veuille! — Encores, dict-elle, ne fauldroy-je à faire exacte diligence pour l'appoincter avec ses subjectz par la meilleure voye que faire se pourroit, avec son honneur et leur sûreté. Et, pour ceste cause, je désire que la Royne vostre maistresse vienne par deçà, à cinquante ou soixante miles d'icy, et ay envoyé devers les aultres pour les faire venir en quelque autre place à costé, où ceux de mon Conseil, que j'ordonneray, entendront la matière pour FelTect que je viens de dire. Quant à son passaige en France par mon royaume,

je ne veux pas estre si désestimée entre les autres princes de me monstrer imprudente. Et, veu que le Roy son mary, quand elle estoit là, entrepreit de luy donner le nom et armes de ma couronne et de mon royaume, moy estant en vie, je ne veux me mettre en ung pareil encombre; et, combien qu'avec mon droict et pouvoir je le puys assez bien garder, si est-ce que je ne veux condescendre à chose qui puisse en quelque manière que ce soit attenpter à me faire ennuy : je seroy bien marrye que les. aultres princes eussent cesle oppinion de moy que je fusse inconsidérée. Et, quant à son retour en Escosse en si sobre équippage que vous avez dict, puisqu'elle est venue icy en mon pays, ce ne seroit ny son honneur ny le mien, ny pareillement son proffict. Je feray la plus grande diligence que je pourray pour haster l'expédient que j'ay résolu suyvre, et, en après, faire ce que je vous ay déclaré. » — (t Madame, dy-je, la Royne ma souveraine est venue en vostre royaume sur la fiance qu'elle a au sang et promesses d'entre Voz Magcsté, et soy-même s'est myse humainement en voz mains. Yostre Magesté peult faire en son endroict ce qu'il luy plaist, et n'est en elle d'empescher que Vostre Magesté n'en use à son plaisir et volonté. Ainsi qu'elle fera envers elle, le monde le publiera, et sa postérité et ses vrays subjectz en seront tenuz et obligez à Vostre Magesté. Et puis. Madame, que cestuy est le déterminé advis de Vostre Magesté, à quel jour certain estce que la Royne ma maistresse s'asseurera de sçavoir l'intention de Vostre Magesté? — Tout aussitost, dict-elle, que me sera possible le faire, d

J'ay depuis pressé plusieurs foys Sa Magesté pour avoir jour asseuré, et n'ay sceu avoir autre responco, sinon que ce sera entre cy et le premier d'aoust au plus tard, comme elle pense. — Les ambassadeurs qu'ilz veulent envoyer se doivent trouver incontinent près le lieu où Vostre Magesté sera, et n'en partiront jusques à ce que Vostre Magesté ayt résolution. Elle ne sçayt encore quelle chose se devra mettre hors en cest admonestemenl, et pour ce ne peult appoincter jour préfix. Et cependant ilz ne doibvent troubler aucun des obéissans subjects et serviteurs de

Vostre Magesté. Elle leur escrira expressément, et, veu que ces choses passent comme elles font, il est bien requis que Vostre Magesté escrive en Escosse à cest effect.

J'ay dict à Sa Magesté que j'avoy entendu que M^ James Makgill, qui est ung subtil chiccaneur et brouillon de loix, devoit venir icy devers Sa Magesté et apporter quant et soy ce désordonné et contrainct acte duquel ilz ont usé, faisans démettre Vostre Magesté de son autorité à son filz, et consentir que le conte de Murray fust régent, avec leurs délibérations de procès faicten leur nom sur ce prétendu parlement, ensemble la bande et ligue des barons et autres qui y ont consenty par lettres de leur main. — Je déclaray, quant à la démission de vostre couronne, comme faulcement ils avoient pris Vostre Magesté, comme effrontément ilz l'avoient gardée, comme cruellement ilz avoient menacé sa vye; et paravant avoys dict plusieurs foys (ainsi que Sa Magesté avoit très bien entendu), que, par les loix, la chose faicte par contraincte ne peult estre approuvée ny valable : qui fut de tous advoué estre très véritable. Et lors je dy où le conte de Morton a faict le conte de Murray régent, et où le conte de Murray a fait le conte Morton chancelier, et où ilz ont entrepris faire leurs compagnons conspirateurs ofiQciers, tel que clerc de registres, comment peult ce parlement se trouver légitime devant aucuns princes? Davantage, pour ceste bande qu'ilz ont à monstrer de barons et autres de leur faction, qui ont faict promesse de la mainctenir? conspirateurs qui gardoient la Royne en prison, ne permectoient aucun de ses bons subjectz parler à Sa Magesté, et prirent sur eux et affirmèrent en ce beau parlement que c'estoit sa propre volonté! Et là dessus la plus grand part et les plus grandz signèrent cette bande. Plusieurs desquelz, comme le conte de Huntly et le conte d'Argill, avoient, au préalable leur subscription, escrit et déclaré en forme d'instrument que leur consentement ne seroit valable sans que la Royne leur souveraine, estant en liberté, Fapprouvast. En oultre, que Vostre Magesté a faict plaine révocation devant ses Estatz assemblez en plus grand nombre qu'ilz n'estoient, et qu'ilz ont de leur part

15G8 AMBASSADE DE LA FOnEST. 387

aussi déclaré leurs propres subscriptions non valables pour les raisons susdictes; aussi qu'il y en eut de voz barons en leur prétendu parlement qui expressément s'opposoient à toute chose qui pourroit estre préjudiciable à l'honneur, e*>tat et personne de Vostre Magesté, et en preirent instrument publicque et en requirent acte de parlement leur esl^e faict. — (c Qui estoient ceuxlà? dict le Conseil. — Moy, dy-je, en estoys l'un. — Nous sommes, respondirent-ilz, informez autrement et que vous avez consenty la régence au conte de Murray. — Je seroy bien ayse, dy-je lors, d'ouyr celluy d'entre eux qui vouldroit l'advouer. Ils ont icy des gens de loix comme Vod et autres qui sont doctes en finesses et faulcetez et y gagnent leur vie, n'ayant autres moyens ny professions, mais, en ce qui concerne les princes et si haulte matière, il est requis d'autres personnages. — Il est vray, dict la Royne, et je ne souH'riray poinct que Makgill vienne en ma présence ny pas ung de ceulx qui sont contre vostre maistresse. y>

Quand je pensoy asseurément estre dépesché vers Vostre Magesté, ceste Royne voulut que je demeurasse ung peu jusques à ce qu'elle eust pris plus ample résolution en l'affaire de Vostre Magesté, à laquelle elle vouloit envoyer mylord Flamy. — ce Madame, dy-je, la Magesté de la Royne, ma maistresse, trouvera faulte en moy, car elle n'estimoit point que je deusse estre icy plus de troys jours; et ainsi je le pensoy moy-mesmes. J'avoy promis à mes amis et au païs d'estre là devant ceste heure. — Si est-ce, dict-elle, qu'il fault que vous retardez encore. y>

Madame, j'ay espérance d'estre devers Vostre Magesté dans quatre jours après qu'elle aura receu la présente, si je ne suis commandé de demeurer, ce que je croy que l'on ne fera, et lors je porteray à Vostre Magesté tous les aultres advertissemens que je pourray avoir. A tant je prye le Dieu éternel donner à Vostre Magesté longue et prospère vye et d'amener sa cause à heureuse fin, ce que je ne doute qu'il fera. De Londres, le xxiif de juing 1568.

1568. — 11 Juillet. — Londres.

M. de la Forest au Roy.

(Bibl. imp. — Fonds de St-Germ. Uarl., n. 222, t. I, pièce 89. — Original signé.)

Demande adressée par Marie Stuart à Elisabeth afin de rester à Carlisle. — Inutilité de cette démarche. — Jour fixé pour son départ. — Prétextes donnés par Elisabeth pour motiver ce changement de résidence. — Protestations de la Reine d'Angleterre de ses bonnes intentions à l'égard de la Reine d'Ecosse. — Conviction de l'ambassadeur que la volonté d'Elisabeth est de retenir Marie Stuart, mais sans permettre qu'il soit rien fait contre sa vie et son honneur. — Franche déclaration que l'ambassadeur a dû faire à la Reine d'Ecosse en l'engageant à prendre patience. — Sa conviction qu'elle est encore mieux oîi elle est que renfermée dans le château d'Edimbourg, qui est le meilleur asile que ses partisans pourraient lui donner. — Peu de confiance que l'on doit avoir dans les Écossais. — Nouvelles d'Angleterre. — Nomination de lord Hunsdon comme gouverneur de Berwick à la place du comte de Bedford. — Départ d'Elisabeth pour un voyage aux environs de Londres.

Sire, depuys le parlement du sieur de Montmorin, la Royne d'Escosse a envoyé ung gentilhomme vers ceste Royne expressément pour différer son parlement et deslogement de Carlin, ainsi que Vostre Magesté pourra veoir par le double de la lectre qu'elle luy escript, lequel ladicte dame d'Escosse m'a envoyé (*). Toutesfois, j'estime que la venue dudict gentilhomme ny aussi la lectre n'auront de riens servy; car, ce jourd'huy, cestedicte Royne, que j'ay esté veoir pour prendre congé d'elle, et aussi pour sçavoir si elle me voulloit riens commander avant que s'acheminer à son progrèz, m'a dict qu'elle pensoit que la Royne d'Escosse partiroit demain, mais pour quel lieu, je ne l'ay point entendu d'elle, couvrant son parlement sur l'incommodité et mal plaisance du lieu et la longue distance qu'il y a d'icy là; mais que cependant icelluy parlement n'apporteroit aucun retardement à ses affaires, me répétant par plusieurs foys, et par serment et parolles bien expresses et pleines d'affection, qu'elle n'avoit aullre intention que de remeclre ladicte dame d'Escosse en son royaulrae, avec l'entière obéissance de ses subjectz, et

(') Probablement la lettre écrite par Marie Stuart a Elisabeth, le b juillet (Voyez celte lettre dans le Recueil du prince Labanoff, t. II, p. 130).

que en ce parlement (*), auquel en bref dévoient intervenir le conte de Moray ou ses depputez, il ne s'y traicteroit riens qui feust à son préjudice, ou qui tant soit peu touchast son honneur; que c'estoit chose que pour riens du monde elle ne souffriroit, pour luy estre trop réciprocque, et plusieurs aultres parolles sur cemesme faictet en la mesme substance qu'eUe nous dict dernièrement, audict sieur de Montmorin et à moy, que je laisse de peur de redicte, et aussi qu'elles seroient sans fruict; car la bonne dame faict estât, à ce que je puys juger, de la tenir icy tant qu'elle pourra en intention de la traicter courtoysement , et, comme elle dict, j'estime qu'elle n'endurera point qu'il luy soit faict aucun déshonneur, et qu'elle fera cependant couller le temps en allées et venues d'une part et d'aultre jusques à lasser ung chacun. — J'ay faict entendre à ladicte dame d'Escosse franchement ce que je jugeois icy de ses atîaires, et qu'il estoit nécessaire que pour ung temps elle eust pacience, actendant que tant de troubles, qui sont aujourd'huy par toute la Chrestienté, feussent un peu plus rassiz et composez. Et, à dire la vérité, Sire, elle est icy plus seurement pour sa personne et guères moings indignement encores qu'elle ne seroit pour ceste heure au chasteau de Lislebourg, qu'on estime la meilleure place, avec tous ceulx qui disent vouUoir combattre pour elle, tant il y a peu d'arrest et de fiance à ceulx de sa nacion.

Au demeurant. Sire, il n'ocurre aucune aultre chose de deçà sinon que à ce terme dernier, qui y est fmy au vij^ de ce moys, avant que partir de ceste ville, ilz ont vuydé les prisons d'aucuns prisonniers pour la relligion, qui y estoient demeurez de cest y ver, sans leur donner aultre peine, hors deux qui ont esté bannitz jusques au bon plaisir de la Royne. — ^Le milord Husdon s'en va pour gouverner à Barvich en la place du conte de Belfort. Geste Royne, prenant congé d'elle, m'a chargé de présenter de sa part à Yoz Magestez ses très cordialles et affectueuses recommandations et aussi de leur faire entendre tout ce qu'elle m'a dict de

(') C'est-b-dire les conférences indiquées dans le principe pour être tenues à Richmond et qui s'ouvrirent k York le i octolire ( Voyer ci-après, p. 390, note 3).

la Royne d'Escosse. Elle part demain pour commencer sondict progrez et pourra esloigner ceste ville d'environ soixante et dix mille ou quatre-vingtz, faisant compte d'estre de retour au quinze ou vingtiesme de septembre à Winsor (^)

Sire, je prie Dieu vous donner, en très parfaicte santé, très longue et très heureuse vye. De Londres, ce xi^ jour de juillet 1568.

Vostre très humble et très obéissant serviteur et suget,

BOCHETEL.

1568. — 25 Août. — Londres.

M. de la Forest à la Reyne mère.

(^Bibl. imp. — Fonds de St-Germ. Barl., n. 222, t. I, pièce 98. — Original signé.)

Requête présentée à la Reine d'Angleterre par le comte de Lennox pour obtenir : 1" l'autorisation de se retirer en Ecosse avec sa famille, 2° celle de paraître devant l'assemblée qui doit se tenir à Riclimond, pour y porter témoignage sur la mort de son fils contre Marie Stuart. — Refus formel qu'il a essuyé de la part d'Elisabeth.

Madame, Vostre Magesté entendra par la lectre du Roy {^) ce que a faict icy Stuart, qui me gardera de luy en faire aucune redicte, seuUement luy diray que le conte de Lenaulx a fort pressé la Royne de luy permectre quil se retirast, avec sa femme et son filz, en Escosse, d'aultant que le Régent luy avoit promys de luy rendre tout le bien qu'il avoit audict pays. Et, semblablement, qu'il luy feust permis de se trouver en ceste assemblée de seigneurs qui se doibt faire à Richement (^), ainsi

(') Le reste de cette lettre est relatif aux affaires de Flandres.

(') Cette lettre n'a pas été retrouvée.

(») Marie Stuart ayant rejeté la proposition qui lui avait été faite h plusieurs reprises de se justifier devant une commission, le 28 juillet, les ministres anglais décidèrent qu'on ferait le procès 'a ses ennemis, alin de les mettre 'a sa disposition s'ils étaient reconnus coupables. En août, la Reine d'Ecosse donna son consentement à cet arrangement, malgré l'avis de ses meilleurs conseillers; car c'était se soumettre implicitement h la décision des commissaires d'Élisalietl) (Laltanoff, Recueil, etc., t. II, p. 176). — Il paraît, d'après la lettre de la Forest, que Riclimond avait été indiqué pour tenir les conférences, mais ce fut à York qu'elles s'ouvrirent le 4 octobre.

que j'escriptz au Roy, pour là déclairer ce qu'il a veu et sçayt de la mort du feu Roy, son filz, à rencontre de la Royne d'Escosse. Ce que ladicte dame luy a desnyé tout à plat, et luy a seullement promis que, s'il passoit aucuns Françoys audict pais d'Escosse, qu'elle luy permectroit d'y aller. Voylà, Madame, tout ce que je puys pour ceste heure écrire à Vostre Magesté, ne veoyant encores de deçà aucune chose qui me puisse faire penser qu'ilz ayent aucune envye de se remuer.

Madame, je prie Dieu vous donner, en très parfaite santé, très longue et très heureuse vye. De Londres, ce xxv* jour d'Aoust 1568.

Vostre très humble et très obéissant serviteur et suget,

BOGHETEL.

392 MISSIONS DE POir.NY, VÉRAC, ETC. 1569