VÉRAC

1571, — 5 Septembre. — Londres.

M. de la Mothe-Fénelon à la Reyne d'Escosse.

{Arch. de l'Emp. — Cartons des Rois, K. 96, papiers de la Mothe-Fénelon. — Copie.)

Kégociation de MM. de Foix et de la Mothe-Fénelon pour le mariage de la Reine d'Angleterre avec le duc d'Anjou. — Soins que les deux ambassadeurs ont pris, durant cette négociation, des affaires de Marie Stuart. — Autorisation obtenue pour Robinson de se rendre auprès d'elle, et pour Makinson d'aller faire un voyage en Ecosse. — Nouvelles d'Ecosse. — Traité qui paraît avoir été conclu par le duc de Chàtellerault et le comte de Huntly avec les comtes de Lennox et de Morlon. — Mise en liberté de M. de Vérac. — Communications relatives aux affaires de Marie Stuart, données à M. de Foix par la Mothe-Fénelon en l'absence de M. de Ross.

Madame, premier que de respondre à la lettre qu'il vous a pieu m'escrire du 27 du passé (^) par Makesson, je diray à Vostre Majesté que l'affaire pour laquelle M. de Foy estoit venu ici (2),

(') Cette lettre n'est pas dans le Recueil du prince LalianolT.

(') Le projet de mariage entre Elisabeth cl le duc d'Aujou, depuis Henri III.

1571 MISSIONS DE POIGXY, YÉRAC, ETC. 423

a esté fort meurement traicté par la Royne d'Angleterre et avecque longue délibération de son Conseil, et n'i a eu en la réception dudict sieur de Foix, ni au bon et bien fort honnorable traictement qu'on nous a faict à tous deux, ni encores en ce qu'avons esté caressés et accompaignés plusieurs jours par les principaux de la noblesse, et qu'enfin il a esté licentié avec boneste présent de vaisselle d'argent, jusques à la valleur de douze cens escus, ni pareillement en toute la négotiation qu'on a faicte avec nous, rien qui n'ait passé avec beaucoup de dignité. Et ladicte dame nous a respondu, quand aux deux poinctsde la couronnation et de l'association au gouvernement, qu'elle accordoit très vollontiers l'un et l'autre à Monsieur comme mari, sans préjudice de l'authorité qu'elle a de présent comme héritière de ce royaulme, et sans préjudice aussy de la plus prochaine personne à luy succéder, à laquelle elle voulloit pourvoir en toute sorte que son droict luy feust gardé, encores que, possible, elle ne luy portât trop de bonne vollonté. Mai5 quand au poinct de la religion, la responce est demeurée en termes incertains, plains de conditions et de remises, qui ne permettent que je puisse encore asseurer Vostre Majesté si le faict se conduira ou non; tant y a qu'aussytost que j'auray eu responce de la dépesche que M. de Foix a emportée là dessus, je luy en fairay part.

Il a parlé fort affectueusement de voz affaires à la Royne d'Angleterre qui luy a assez bien respondu; et puis, tous deux, en avons traicté avecques les seigneurs de son Conseil, aux quelz j'ay baillé la coppie du mémoire que trouvères cy-enclos (^). J'ay faict voir à milord de Burglay l'original de vos susdictes lettres, et, sur le tout, il me faict la responce qui s'ensuit : c'est que, touchant les demandes de vos deux lettres, il y avoit esté respondu selon l'intention de la Royne sa maistresse; à quoy n'avoit pour le présent rien que adjouster, si ce n'est, touchant les lettres de Randolphe, que icelluy mesme Randolphe viendroit devers moy pour les advouer ou désadvoucr et me faire l'interprétation

(') Ce mémoire ne s'est pas retrouvé.

d'icellcs. Et quand aux choses que, oultre vos lettres, nous requérons pour Yostre Majesté, que ladicte dame escriroit au Roy affîn de l'en satisfaire, et que cependant Ton m'octroyroit un passeport pour Robisson, pour vous aller trouver et pour résider ici, s'il vous plaict, et encores un aultre passeport à Makesson pour faire un voyage en Escosse et retourner. Dont regarderez, Madame, si ce sera vostre plaisir qu'il y aille et qu'il passe devers Vostre Majesté, m'ayant au reste ledict sieur de Burgley mandé, touchant les nouvelles d'Escosse, qu'il entendoit que le duc de Châtellerault et le comte de Hontley avoient faict quelque convention de paix avecques les comtes de Lenox et de Morthon, et que le parlement se debvoit tenir à Lislebourg le 29 du passé, et que le sieur de Vérac estoit en liberté, avecque congé de se pouvoir rettirer en France par la voye qu'il luy plairoit, ou de la mer ou de la terre.

Je n'ay obmis de bien instruire M. de Foix, en absance de M. de Rosse (^), de tout ce que j'ay estimé concerner ici le bien de voz affaires, et je m'asseure, Madame, qu'il en informera fort bien Leurs Majestés très chrestiennes et que vous cognoistrés que nous concourons tous deux d'un mesme désir au service de Yostre Majesté, ainsi que sa responce, laquelle je vous envoyé, vous en faira plus de foy. R y a beaucoup de jours que je n'ay receu aulcunes nouvelles de France, dont je ne sçay que vous en mander, sinon qu'on dict que la cour est allée à Blois pour y passer l'hiver et que ceux de la Rochelle y doibvent venir trouver le Roy, et qu'il se parle assés du mariage de Madame (^) avecque le prince de Navarre. J'attendray par Robisson ce qu'il vous plairra me commander pour vostre servisse et pour l'ordre du reste de voz serviteurs qui sont encores ici; et je ne manqueray de très humblement vous obéir, aydant le Créateur, lequel je prie, après avoir très humblement baisé les mains de Vostre Majesté, qu'il vous donne. Madame, en très parfaicte santé, très

(') Élisabelli l'avait fait aiTcter dans les premiers jours de mai h cause de l'affaire de Ridolfi (Voyez Labanofl', liecucil, 1. 111, p. 274). {') Marguerite de Valois.

longue vie, et toute la prospérité et consolation que vous désire. — De Londres, ce v* jour de septembre 157 1 .

Vostre très humble, très obéissant et naturel serviteur.