B. DE LA MOTHE-FÉNELON

1571. — 7 Septembke. — Edimbourg.

M. de Vérac à M. de la Mothe-Féuelon.

{Arch. de l'Emp. — Cartons des Hoisj K. 96, papiers de la Mothe-Fénelon. — Copie.)

Piccit de la tentative faite par le comte de Huntly pour surprendre les seigneurs protestants à Stirling. — Heureux commencement de cette entreprise. — Contretemps qui l'ont fait avorter. — Mort accidentelle du régent, comte de Lennox.

Monsieur, je vous ay escrit par un archer de la garde du Roy, nommé Leclerc, le 29'' du mois passé, pour vous informer de Testât des affaires de deçà. Despuis il a esté dressé une entreprise Q) par nos gens contre la faction contraire, laquelle, si elle eut esté aussi vertueusement exécutée à la fin, comme elle avoit esté dextrement projetlée et heureusement conduite sur le commencement, nous eussions eu tel advantage sur nos ennemis qu il iVeut esté jamais plus en leur puissance de nous faire teste, et eussions esté quittes de tous ces troubles. — Tous les seigneurs de ce païs, qui sont contre la Royne, estoient assemblés à Steril y a douze ou quinze jours, pour tenir leurs estats : sur quoy il fut advisé icy qu'on pourroit surprandre ladite ville de Sterling une matinée, et que, si Ton pouvoit estre dedens à Taube du jour. Ton les pourroit trouver au lict et les espouvanter de telle sorte qu'ils n auroient jamais le cœur ny le loysir de s'assembler. Ce qui fut aussitôt résolu que mis en avant et arresté que le jour mesme, qui estoit le 3* de ce mois. Ton se mettroit en chemin pour l'exécuter. L'on fit incontinant prendre des chevaus en ceste ville pour monter soixante harquebusiers, semant le bruict que nous les voullions envoyer d'un autre costé, tirant vers la

(') Comp., dans les Mém. de Mclvillo, le récit de ce hardi coup-dc-main, qui avait été imaginé par Kirkaldy de Grange, gouverneur du cliàteau d'Edimbourg.

frontière. 11 y avoit icy pour Theure avec ces harqiiebusiers, qui furent incontinant montés, trèze à quatorze vingt chevaus. Monsieur de Huntly sortit de cette ville avec ceste troupe sur les six heures du soir, ayant envoyé auparavant sur les passages du grand chemin de Sterling des gens exprès pour empescher qu'il n'y passât aucun advertissement. Il se rendit à un quart de lieue près de Sterling devant le poinct du jour, où Ton mit pied à terre, de peur que le bruit des chevaus ne les fît descouvrir par les sentinelles de la ville. Us entrèrent, les portes closes, par un passage secret et fort malaisé, et furent si bien conduits par ceux qui en avoient la charge, qu'ils arrivèrent sur la grande rue avant que d'estre aucunement descouvers : de sorte qu'ils demeurèrent maistres de la ville, sans trouver personne qui fît semblant de leur faire teste. Incontinant Monsieur de Huntly envoya des gens pour prendre les seigneurs dans leurs logis; comme de faict la pluspart se rendit à luy sur le champ. Le comte de Morton, craignant d'estre tué, ne se rendit pasjusques à ce qu'on eût mis le feu à la maison. Cependant que M. de Huntly estoit occupé à assaillir le logis dudict comte de Morton, les soldatz et beaucoup d'autres se mirent à saccager la ville : d'autres estoient empeschés à garder les seigneurs, qui s'estoient randus, dans leurs logis, qui estoient dix ou douze des principaus de leur costé, de sorte que mondict sieur de Huntly se trouva assés mal accompagné sur la place. Et de ceux qui estoient de reste avec luy, la plus grande partie, estant de la suitte d'un gentilhomme allié du comte de Morton, pour faire sauver ledit comte, se mit en désordre pour le mener hors de la ville. Ce qui donna cœur à ceux de la ville de s'assembler, et fut contrainct M. de Huntly de se rettirer. — En ces entrefaites le comte de Lenox (lequel un gentilhomme des nostres emmenoit dans une autre rue) fut blessé d'un coup de pistolet, et ledit gentilhomme des nostres tué du mesme coup : dont ledict comte de Lenox mourut dix heures après. A l'occasion dudict désordre nos gens furent contraints d'abandonner tous les prisonniers, et ont esté frustrés du fruict de la victoire qu'ils avoient obtenue. Nous

n'estimons rien de ce qui a esté faict, d'autant qu'ils n'ont emmené avec eux tous les seigneurs prisonniers, quoiqu'ils ayent acquis de l'honneur assés et du butin trop. Il y avoit dans la ville plus de deux mille hommes; et toutesfois les nostres ont esté maistres d'icelle plus de trois heures, et avoient la pluspart des seigneurs et gentilshommes à leur discrétion. Ils ont emmené jusques icy près de quatre cens chevaus des meilleurs du païs et un riche butin de draps de soye et de marchandises. C'est tout ce que je vous puis mander pour le présent à cause de quelques occupations que j'ay ; j'espère de vous escrire bientost par une autre voye. Atant, après m'estre très humblement recommandé à vos bonnes grâces, je prie le Créateur, Monsieur, vous avoir en sa saincte et digne garde. De Edimbourg, ce vif de septembre 1571. — Yostre humble et obéissant serviteur,

VÉRAG.

1571. — 8 Novembre.

L'évesque de Ross à la Reyne d'Escosse.

(Arch. de l'Emp. — Cartons des Rois, t. 96, papiers de la Mothe-Fénelun. — Copie.)

Permission accordée à l'cvèque flo Ross, prisonnier, d'écrire à la Reine sa maîtresse. — Détails sur sa captivité. — Interrogatoire qu'on lui a fait subir au sujet de ses relations avec le duc de Norfolk. — Menaces dont il a été l'objet. — Déclaration qui lui a été faite au nom de la Reine d'Angleterre, qu'on était en droit de ne pas respecter son privilège d'ambassadeur. • — Second interrogatoire qu'on lui a fait subir le 26 octobre. — Production de lettres interceptées, et aveux du duc de Norfolk et de ses agents, qui ont mis l'évèque de Ross dans la nécessité de faire lui-même des aveux complets. — Récapitulation de tout ce qu'il a confessé devant le Conseil. — Nécessité pour lui d'en donner avis à la Reine sa maîtresse, afin qu'elle puisse agir en conséquence. — Exhortations qu'il lui adresse pour qu'elle se soumette avec patience au bon plaisir de la Reine d'Angleterre.

Plaise à Vostre Majesté. Estant gardé comme prisonnier en la tour de Londres, j'ay obtenu licence de la Majesté de la Royne et de son Conseil d'escrire cette lettre à Yostre Grandeur, par laquelle Vostre Majesté puisse estre certifiée de mon estât et procédure, pour aultant qu'après que j'ay demeuré avec l'évesque d'Ely en la contrée l'espace de deux moys, là vint un serviteur

de la Royne, qui est archer de sa garde, avec lettres du Conseil addressées audict évesque, pour me recevoir de ses mains et me mener seurement à Londres, comme il fit. Là estant arrivé le 19 d'octobre, je feus commis en la maison de milord Maire, estroictement gardé, et tous mes serviteurs séparés de moy, horsmis un qui m'a esté laissé pour me servir. En après, le 24 du dict moys, je feus ameiné devant certains seigneurs du Conseil de ladicte dame en cette mesme maison, c'est à sçavoir le comte de iïerfort, M. l'Admirai, M. Bargley, messire François Konorolls C^), thrésorier, et messire Thomas Smyth, le procureur de la Royne et son solliciteur aussy présentz. Là je feus accusé de divers et grands poincts d'importance, d'avoir communiqué avec le duc de Norfolc et aultres subjects de la Reyne, comme estoit jà prouvé et confessé par luy, ses serviteurs et aultres, qui feust là mis longtemps devant et en leurs mains, me requérant de respondre à telles particulières demandes, comme ilz commencèrent de s'enquérir de moy; aultrement me déclarant que la Royne estoit déterminée de procéder contre moy, et de faire de moy comme d'un homme privé et comme un de ses subjectz, lequel auroit offencé contre sa loy, et me voudroit faire souffrir aussy pour exemple et en terreur aux aultres d'attenter le semblable.— A ce je respondis que j'estois marri que ladicte dame avoit conçu telle opinion de moy, considérant que j'ay tousjours porté si grande bonne vollonté de complaire à ceste dame devant tout aultre prince, après ma maistresse, comme il a esté manifesté de jour en jour par ma procédure despuis mon arrivée dans ce royaulme, et que j'espérois qu'il ne seroit rien trouvé au contraire, et que j'avois esté souventcfois devant Messieurs du Conseil cest esté et faict rcsponce suffisante toutes les fois à leur demande, et, s'ils ne vouUoient cstre satisfaicts de cella, que je ne pouvois dire davantage pour le présent, car, au regard que j'estois ambassadeur d'une princesse franche et avois aussy le sauf-conduit de Sa Majesté, lequel je produisois à cette heure là devant eulx, enyoyé à moy, devant mon arrivée en ce

(') Sir Francis Kiiollys.

royaiilme, pour venir et retourner en Escosse à mon plaisir, je désiré donq que je peusse estre envoyé à Vostre Majesté pour respondre et donner raison de toute ma procédure; laquelle avoit puissance et auctorité de me corriger, en cas que j'eusse transgressé les limites de ma charge.

Le Conseil feust très grandement offencé de ceste responce, et me déclarèrent que la Royne soubçonnoit quelque deffence semblable devoir estre aportée par moy, c'est pourquoy elle avoit desjà prins advis des meilleures testes duroyaulme que, nonobstant le privilège, je pouvois estre traicté comme un homme privé et subject; et que ainsi estoit la pensée de ladicte dame de faire. Et, à cause que je ne vouUois faire aulcune aultre responce particulière à leurs demandes, après grandes menasses, je feus envoyé incontinent à la Tour; là où je suis gardé estroittement en prison fermée, et le petit nombre de mes serviteurs, lesquels estoient en la ville, fcurent commandés de partir de ce royaulme dans trois jours. — En après, le 26 octobre, je feus amené devant messieurs TAdmiral, Burgley, sire François Knorolls et sire Thomas Smith, et plusieurs aultres jours devant eux, et aulcunes fois M. le comte de Lecestre, ou M. Bethfort, Walter Myldmey et aultres, lesquelz me déclarèrent la résolution de la Eoyne et sa détermination envers moy, comme devant, et ancore me donnèrent un peu plus clairement à entendre de leur procédure ici pendant ma résidence en la contrée. Dont j'ay aperceu quune grande partie des lettres de Yostre Majesté, envoyées de jour à autre au duc, et semblablement aulcunes envoyées par moy à luy, de la plus grande importance, estoient parvenues entre leurs mains; desquelles aulcunes feurent produittes devant moy, en sorte que par icelles estoient faits certains des plus secrettes affaires que Vostre Majesté a traité avec luy en aulcun temps, ou par voz ministres, ou aultrement; lesquelz aussy luy et ses serviteurs, incontinent après son dernier emprisonnement en la Tour, ont totallement et plainement confessé, se soubmettant tous ensemble à la clémence et mercy de la Royne pour leurs offences, ainsi comme sir Tiiomas Stanelee et aultres ont faict

en aultres diverses matières : et si avant qu'il ne m'estoit demeuré lieu de dénier ou refuser de m' avoir meslé en ces causes après des preuves si manifestes. C'est pourquoy fay déclaré plainement et vrayement au Conseil toute la procédure de jour à autre entre Vostre Majesté et le duc, conformément à ce qu'il a déclaré, et de l'occasion incitant Yostre Majesté de prester l'oreille à tel dessein et délibération, comme estoit dernièrement proposé en partie par princes forains et leurs ministres, et en partie par les subjectz de cette terre, et cella principallement par le peu de bonne espérance que Yostre Majesté avoit de sa dellivrance par aulcuns traictés, et spéciallement pour ce que, au moys de janvier dernier, Jehan Hamilton feust envoyé à Vostre Majesté par le duc d'Alve, et plusieurs aultres messages et lettres feurent envoyées par le nonce du Pape, de Paris à Ridolfy, lesquelles feurent envoyées à Yostre Majesté par le mestne Ridolfy, à ceste heure là, portant en effaict que, en cas que le traicté n'auroit bon succès, ces princes, et spéciallement le Pape et le Roy d'Espaigne, voudroient secourir Yostre Majesté et envoyer une armée en Angleterre pour vostre restitution, en cas que quelque noble seigneur de cette terre, qui professe amitié avec Yostre Majesté, les voullussent assister; de quoy ilz désiroient estre certiflTiés, et que Ridolfy seroit envoyé par delà avec la responce de ce. Sur quoy Yostre Majesté a faict escrire une lettre s'adressant à moy (^), contenant un long discours, avec certains articles en françois, et une lettre au duc (^), lesquels luy feurent tous dellivrés, déclarant la cause tout au long, incittant Yostre Majesté de penser ce discours-là estre le meilleur pour le suivre et désirant son advis en cella et son assistance et de ses amis en cas qu'il trouvast bon; et pour ce que il n'y avoit poinct de plus propre pour faire le voyage et d'estre ministre pour obtenir toutes choses nécessaires que Ridolfy, Yostre Majesté en ces mesmes lettres le re-

(') Je pense que c'est le mémoire adressé par Marie Stuart à l'évêque de Ross le 8 février i570-71, et imprimé dans le Recueil du prince LabanolT, t. III, p. 180, et t. VII, p. 2i; mais les articles en français ne s'y trouvent pas.

(') Cf. les Instructions données par Marie Stuart îi Ridolfi en mars 1571 { Lahanoff, Recueil, t. III, p. 221 ) ; mais la lettre au duc de Norfolk ne se trouve pas dans ce Recueil.

commande au duc qu'il voullut conférer avec Ridolfy tout au long et Faddresser à ces princes ici, avec tel crédit et instructions comme il sembleroit au duc plus expédient pour obtenir sa demande; lesquelles lettres , discours et instructions ont esté trouvées en la maison du duc, et sont ez mains du Conseil; et que là-dessus Ridolfy a conféré avec le duc tout au long, et estoit plainement instruict et addressé par son advis et lettres envoyées au nom du duc et par son advis, combien qu'il ne les voullut soubscrire, au Pape, au Roy d'Espaigne et au duc d'Alve; desquelz aussy il a receu responce du Pape, et Ridolfy qui a faict tout ce voyage et maintenant est de retour au Païs-Ras. Semblablement divers aultres devis, principallement inventés pour vous enmener par les subjectz de ce royaulme, lesquelz ont négotié en partie avec vous-mesme et en partie avec moy et aultres voz ministres et serviteurs, à cet effaict, sont descouverts et spéciallement par eulx-mesmes présentement, ainsi que cella ne peut estre celle plus longuement, estant confessé si plainement. J'ay pensé estre nécessaire d'advertir Vostre Majesté de cecy, à celle fin que Vostre Grandeur puisse entendre de la procédure d'ici, vous suppliant de prendre tout en bonne part et de refFérer cella à la divine providence de Dieu et se soubmectre totallement là-dessus à son bon plaisir avec patience, espérant entre aultres grands bénéfices qui ont pareu envers vous qu'il luy plairra d'esmouvoir le cœur de la Royne, vostre bonne sœur, pour considérer vostre estât et vostre pais si misérablement deschiré par des guerres ci villes, affin que, par l'advis de son grave et prudent Conseil, elle puisse prendre quelque ordre en ce pour le commun repos de toute ceste isle. Et à cette fin je voudrois prier Vostre Grandeur d'esmouvoir la Reyne et quelques uns de son Conseil par vos lettres ou messagers, comme il semblera plus expédient à vostre prudence, comme aussy pour ma dellivrance hors de ces prisons; car j'ay faict souvenir au Conseil de vostre grand désir faict l'année passée d'avoir voullu parler avec la Royne vostre bonne sœur : ce que s'il eust esté octroyé, je les ay assuré que Vostre Majesté eust négotié si plainement et amiablement

avec elle que toute occasion de telle jalousie et soubçon qui maintenant est advenu, eust esté ostée. — Et cepandant je suis ici gardé très estroictement, attandant le plaisir de Sa Grandeur, et qu'elle considère que j'ay esté continuellement despuis ma première détention, durant sept moys, à mes propres despans; à cause de quoy, comm.e aussy des dépesches des serviteurs de Vostre Majesté et des miens pour sortir de ce royaulme, j'ay tant déboursé que je ne suis pas bien pourveu d'argent. C'est pourquoy je supplie Yostre Majesté d'escrire en France et à l'ambassadeur de France ici résident d'estre moïen que de Targent soit ici envoyé. — Ce 8 novembre 1571.

Articles et offres présentés à la Magesté de la Royne d'Angleterre et à son Conseil, par l'évesque de Ross, ambassadeur de la Royne d'Escosse, touchant les aifaires de ladicte dame.

(Arch. de l'Emp. — Cart. des Hois, K. 96, pap. de la Volhe-Fénelon. — Cop. du temps.)

Invitation qui avait été faite par Elisabeth à l'évêque de Ross de conférer avec son Conseil sur les moyens de rétabhr la Reine d'Ecosse, sans porter atteinte à l'honneur de la Reine d'Angleterre et à la sécurité de ses États. — Nouvelles observations présentées par l'ambassadeur pour détruire les objections et les scrupules de la Reine d'Angleterre. — Nullité radicale de l'abdication de Marie Stuart à Lochleven. — Nombreuses marques de clémence qu'elle a déjà données à ses sujets. — Son intention d'en user encore de même envers eux, s'ils veulent se ranger complètement à leur devoir. — Engagement qu'elle prend de se comporter à cet égard d'après les avis de la Reine d'Angleterre. — Assurance que le rétablissement de Marie Stuart ne peut que faire honneur à Elisabeth. — Offres qui ont été faites par les Rois de France et d'Espagne de concourir à une entreprise qui intéresse tous les princes de la Chrétienté. — Reconnaissance solennelle par Marie Stuart des droits d'Elisabeth et de ses héritiers au trône d'Angleterre. — Engagement qu'elle prend de faire tous ses efforts pour maintenir une pai.x complète entre les deux royaumes^ et de réparer, suivant les lois des frontières, les attentats commis durant sa captivité. — Offre de donner pour garants de ses promesses les Rois de France et d'Espagne. — Remontrances sur le parti qui a été pris d'envoyer une armée en Ecosse. — Instances faites par l'évêque de Ross au nom de la Reine sa maîtresse pour que la marche de cette armée soit arrêtée. — Promesses de Marie Stuart de donner satisfaction sur tous les griefs de la Reine d'Angleterre. — Annexe : Les inconvénients qui semblent s'ensuivre sy une armée est envoyée en Escosse.

Pour aultant que, à la venue de l'évesque de Rosse à Londres, de la part de la Royne d'Escosse, sa maistresse, au moys d'ap-

vril mil cinq cens soixante-neuf, il demanda ayde et support à la Royne d'Angleterre pour la restitution de la Royne, sa souverayne, à sa couronne, auctorité, estât et royaulme d'Escosse, alors la responce de Sa Magesté estoit, qu elle la vouloyt suporter pour estre restituée à icelle, en ce qu elle pourroit avecq sa conscience et honneur, et avecq sa seureté et sauvegarde de son royaulme d'Angleterre; et pour ce elle le prioyt de faire certaynes ouvertures et offres comme ces doubles pourroient estre satisfaictz, et de conférer là-dessus avecq son Conseil, comme il feist en ce temps-là, et maintenant le répète, et adj ouste à icelluy en la manière qui s ensuict :

Premièrement, pouraultant que la satisfaction de la conscience de Sa Magesté (comme ledict évesque a entendu par ladicte dame) consiste en deux poinctz •. l'un que, s'il peut demourer avecq la conscience de Sa Magesté de restituer la Royne d'Escosse à sa couronne et auctorité, nonobstant que le prince son tilz ayt esté couronné comme roy; l'aultre estoit que, s'il pouvoyt demourer semblablement avecq sa conscience de remectre la Royne d'Escosse à son auctorité, comme elle pourroyt user de rigoureuse exécution à son plaisir contre ses subjectz, desquelz elle pense avoir esté offensée.

Et pour satisfaire au premier poinct : il est certain que le couronnement du prince et tout ce qui s' ensuict là-dessus n'estoyt pas légitime, et de nul effect, dès le commencement, comme procédant de la démission prétendue de la Royne foicte à Lochlevin, elle estant en prison, par menaces de ses ennemys de la mectre à mort si elle ne consentoyt à icelluy, comme elle estoyt asseurée par messages envoyez par troys principaulx de leur propre Conseil, lesquelz estoient le comte d'Athole, le seigneur de Lethington, secrétaire, et le seigneur de Tullibardin, conterolleur du royaulme; lesquelz luy envoyèrent Robert Mevlyn pour l'asseurer d'icelle, avecq une bague en espécial signe, laquelle a esté monstrée à la Magesté de la Royne, et est icy présente. Et aussi, avec ledict Robert, sir Nicolas Throgmorton, ambassadeur de ladicte dame alors résident en Escosse, envoya une lectre, la T. II. 28

conseillant de ce faire, pour la seureté de sa vie; et tous affirmoient que ladicte démission ne luy feroyt aucun tort en aucune sorte, au cas qu'elle vînt en liberté et révocquoyt icelle. — Et par cy-après le seigneur de Lindsay luy présenta certaines lectres de ladicte démission; luy déclarant en très rigoureuse manière que, au cas qu'elle ne voulust soubzcripre icelle, il estoyt appoincté par leur Conseil d'exécuter leur détermination, combien que (comme il affirmoyt) estoyt grandement contre sa volonté. Et encores les susdictes personnes sont encores en vie, et quatre d'iceulx estoient icy présent Tannée passée, en la court de la Royne. Et comme il est asseurément à croyre qu ilz le déclareront à Sa Magesté d'estre vray, ainsy, suyvant toutes les loix, raison et bonne conscience, ladicte dimission ne luy debvroyt en aucune sorte préjudicier, et spécialement parce que, incontinant après qu'elle fut eschapée de prison. Sa Magesté révocqua icelle en présence de sa noblesse, à Hamelton, en may 45G8. Et par cecy il est manifeste que, nonobstant le prétendu couronnement du prince. Sa Magesté seroyt restituée à sa couronne par toute loy et conscience, comme dict est.

Et quant à faultre doubte, que, au cas de sa restitution, elle vouldroyt user de sévère exécution contre ses subjectz. — Gomme de cela ilz ont bonne expérience de sa clémence et impunité en leur pardonnant souventesfoys, et encores la Royne d'Escosse est contente de référer toute la cause, comme ils seront usez, à la Royne sa bonne sœur ; et, au cas qu'elle soy t restituée à sa couronne et auctorité d'Escosse, et estant obéye par ses subjectz au temps advenir, comme à leur souveraine et naturelle princesse, son filz estant en sa propre disposition, son honneur réparé, ses places et forteresses estant rendues entre les mains de ceulx auxquelz elle les vouldra bailler à garder, ce qu'estant faict, elle usera de clémence envers sesdictz subjectz, nonobstant leurs grandz offences; et en toutes aultres choses elle se portera envers eulx selon l'advis de la Royne sa bonne sœur, car de sa bonté ses subjectz d'Escosse ont eu bonne preuve et expérience, tant en matière concernant le repos de religion, comme en toutes aul-

très civilles et polliticques causes, depiiys son arrivée de France; par quoy il n y a pas moins, [estant] de bonne nature, à espérer d'elle au temps advenir.

Secondement, pour satisfaire à l'honneur de la Magesté de la Royne, ceste ayde et restitution ne peult en aucune manière nuyre à iceluy, mais plustost Fadvancer en la veue de tous princes chrestiens, d'auUant que les deux plus grandz princes de la Chrestienté, lesquelz sont les Roys de France et d'Espagne, l'ont tous deulx par escriptz et messages aHectueusement requise à cest effect, s'offrantz de concourir tant avec leurs labeurs que avec forces aussi, si bosoing estoyt. Et il n'y a poinct de doubte que tous les princes chrestiens feront le semblable, car ilz estiment ceste injure icy estre faicte en général à eulx tous.

Tiercement, quant à la seureté de Sa Majesté, laquelle consiste envers le droict du tiltre de la couronne d'Angleterre, la Royne d'Escosse a offert, et offre encores présentement, de faire asseurance d'iceluy à ladicte dame, sa bonne sœur, et à ses héritiers, en très asseurée manière, comme le Conseil de Sa Majesté le vouldra deviser. Et, pour aultant qu'il estoit allégué par les seigneurs du Conseil de Sa Majesté qu'elle avoyt desjà faict ung tiltre d'iceluy au duc d'Anjou (^), et pour ce, par l'advis de la Royne, sa bonne seur, elle envoya en France, et obtint certaines déclarations là-dessus du Roy, la Royne mère, le duc d'Anjou, cardinal de Lorrayne et l'évesque de Glasco, son ambassadeur, soubz leur grand scel et signe de leurs mains, lesquelles ladicte dame et son Conseil ont desjà veues et trouvées bonnes. Et quoy davantage peut-il réuscyr en ce poinct, où, sur le traicté faict au Petit-Light ou aultrement, sera suffisamment satisfaict au contentement de Sa Majesté?

Quartement, quant à la seureté de son royaulme, laquelle consiste pour maintenir le repos entre cestuy-cy et celuy d'Escosse, la Royne, sa souverayne, fera pour sa part toute chose quelconque qui soyt en son pouvoir pour maintenir Tamityé et

(') Voyez ci-dessus, p. 397, note 1.

paix des subjectz des deux royaulmes. Et là-dessus est contente de faire seureté, par Tadvis des Estatz de son royaulme, en la plus seure manière que faire se pourra. Et en cela, et en toutes aultres choses, elle se gouvernera au contentement de la Royne sa bonne sœur, comme il pourra demeurer avec son honneur et estât, tant envers Tusage d'elle au gouvernement de son royaulme et traictcment de ses subjectz, comme en toutes aultres choses quelconques qui se pourra accorder avecq son honneur et estât, comme dict est, voulant aussi estre obédiente pour satisfaire son plaisir, comme si elle estoit propre fille de Sa Majesté. Et si, durant le temps de sa détention en ce royaulme d'Angleterre, quelques ungs de ses susdictz subjectz ont offensé la Magesté de la Royne ou rompu en quelque sorte le traicté. Sa Majesté le fera réparer selon les lois des limites et traictez, moyennant que ladicte Royne d'Angleterre luy veuille ayder d'estre restituée, et par après luy assister avec ses forces et ministres jusques au temps que cela sera deuement mis à exécution.

Et pour observer, de sa part, tous les susditz articles, elle piégera son honneur et crédict devant tous princes; et, si cela ne peult servir, elle procurera les Roys de France et d'Espagne d'estre obligez pour elle; mais plustost elle souhayteroyt que ce crédict luy fust donné à la noblesse de son royaulme pour estre obligée par elle>

En considération de leur amyable amityé et obédientes offres faictes par la Royne d'Escosse, pour quel respect, fin et intention s'est Sa Magesté advisée d'envoyer une armée en Escosse, et comme peut-il demourer avecq raison et conservation des traictez de paix entre les deulx royaulmes, d'invader iceluy et les subjectz? Et en ce respect ledict évesque, au nom de la Royne sa souverayne, très humblement suplie l'armée estre arrestée; car si icelle estoit envoyée pour supprimer les rebelles là maintenuz par telz qui sont supposez de favoriser la Royne d'Escosse, et pour revenger les injures et despouilles ftnctes sur les frontières d'Angleterre par telz, comme semblablement sont supposez la favoriser, nul moyen ne peult estre mieulx devisé pour telle

1572 MISSIONS DE roicNY, vÉr..vc, KTC. 437

radressc que de restituer ladicte dame à sa couronne, laquelle alors fera prendre telle ordre, pour n'ayder les rebelles de la Royne d'Angleterre par les amys de ladicte Royne d'Escosse, que ce sera à son contentement, comme faire aussi toutes raisonnables amendes, pour injures et violances faictes sur lesdictes frontières, selon letraicté de la ligue et des lois des marches. — Si elle veult envoyer Varmée pour satisfaire à sa conscience en maintenant le prince son filz comme roy, cela ne peult estre en respect de Tarticle, lequel respond au premier double de sa conscience.