DÉCEMBRE

LA DUCHESSE DE PARME (^), QOITVERMAMTE DES PATS-BAS, A PHILTI^B U.

{Angleterre. Bêg, 111.)

Conduite impradente de la Reine d'Angleterre. — Appui qu'elle aceorde aux rebelles d'Ecosse. — Juste motif qu'elle donne par là aux Français de l'accuser d'agression. — Disposition de ceux-ci à envahir les États d'Elisabeth et à réaliser les prétentions de leur Reine au trône d'Angleterre. — Immense intérêt de l'Espagne i empêcher l'accomplissement d'un tel fait, qui mettrait en péril ses possessions des Pays-Bas et même des Indes. — Urgence d'une intervention de la part de Philippe II. — Déclaration formelle qu'il doit faire à la France. — Nécessité de changer en même temps de politique vis-à-vis d'Elisabeth, et de la forcer par la crainte à se remettre sous l'entière protection du Roi d'Espagne. — Moyens de rigueur que le Roi pourrait d'ailleurs employer contre elle, en profitant des offres des Irlandais et des Catholiques d'Angleterre. — Instances pour que le Roi fasse connaître dans quel sens il veut que l'on agisse. — Avantage qu'il y aurait à conserver dans les Pays-Bas les troupes espagnoles. — Déclaration qu'il faut néanmoins, de nécessité absolue, les rappeler, à cause du mécontentement général que leur présence excite dans les Pays-Bas.

Monseigneur, f adjousteray encores cesle à mes aultres lettres pour addresser à Vostre Majesté copie de celles qui me sont venues de Févesque de Aquila, son ambassadeur en Angleterre, par où elle verra le chemin que la Royne d'Angleterre prend, qui est tel qu'il y a plus d'apparence qu'elle se doive perdre et mettre son royaulme en hazard que aultre mieux. Et, oultre ce que j à les Franchois sont d'eulx-mesmes, comme Vostre dicte Majesté sçait, tant enclins à mouvoir quelque chose de ce costé-là, pour la prétention qu'ilz maintiennent la Royne très chrestienne avoir audict royaulme, leur donnant ladicte Royne d'Angleterre occasion par l'intelligence qu'elle tient en Escosse avecq les rebelles, dont jà lesdictz Franchois ont congnoissance, qu'il fait grandement à doubter que cela ne leur donne occasion de tant plus tost entreprendre. Lesquelz prétendront de se pouvoir justifier envers Vostre dicte Majesté, voires et d'obtenir qu'elle déclaire de non vouloir donner ayde auxdicts Anglois allencontre d'eubc, puis-

(•) Marguerite, fille natnrelle de Charles^int, et veuve en secondes noees d*0euve Fanèse, due de Psrme«

que, oultre la prétension quMlz ont si souvent déclaré avoir au* dict royaulme, ilz prétendront de persuader à Vostre dicte Majesté qu'elle n'est obligée par la capitulatinn sinon à la deffence et non pas à l'envahit, si, pour ses affections particulières, elle veult mouvoir guerre à ses voisins, leur faire tort ou soubstenir les rebelles de la Royne très chrestienne contre icelle. Voires et encorres vraysemblablement diront que, comme ladicte Royne très chrestienne prétend estre royne d'Angletefre, les traictez parlans des successeurs, et mesme celluy de l'an trente-deux (^), disposent pour elle comme royne, et non en faveur de celle qui pr&entement tient ce royaulme.

Or, Sire, Vostre dicte Majesté sçait mieulx ce que souvent ellemesme a considéré que les pays de pardeçà ne pourroient tumber en plus grand hazard que si les Franchois fermoient le pied sur Angleterre, puisque, par ce voult, il seroit en leurs mains d'envahir lesdictz pays de pardeça, qui se treuvent en termes, comme Vostre Majesté sçait mieulx. Et tenans lesdictz Franchois les deux coustelz du canal, l'ayde que Vostre Majesté pourroit donner à iceulx, et d'argent et de gens et tout aultre secours, demoureroit absolument fourclose, et par conséquent lesdictz pays en trop évident hazard de se perdre, sans aulcun remède quelconque; et ce que de cecy succèderoît et aux Indes et à l'Espaigne, je ne l'ose penser, tant voye la chose dangereuse. Et me semble que ce n'est à tort que souvent j'ay ouy dire que, pour l'Angleterre, et éviter que les Franchois n'y mectent le pied, Fon doibt combattre comme pour la ville de Bruxelles et le surplus de ces dictz pays, puisque de l'ung dépend si manifestement et inévitablement la perdition de l'aultre : ce que je ne puis délaisser de représenter à Vostre dicte Majesté, puisqu'il luy a pieu me mectre en ceste charge, affin que l'on ne me puisse imputer que je n'aye faict mon debvoîr de, entendant ce que passe audict Angleterre, le représenter à Vostre dicte Majesté, et pour le regret que perpétuellement j'aurois de veoir perdre une

(*) Le traité de Londres du 28 Jain 1592 entre Henri Vin et François F (Voyez Rymer; Fmdera, t. VI, part. U, p. 171 }.

seulle ville des pays de Yostre dicte Majesté, et d'aultant plus grand, si que Dieu ne veulle ung si grand mal, que celluy que je crains succéderoit. Suppliant encoires à Yostre dicte Majesté qu'elle considère l'obligation qu'elle a à ces dictz pays, tant pour les avoir mis Dieu le créateur soubz sa charge, que pour le grand et loyal debvoir qu'ilz ont rendu, employant leur avoir et leur propre vye pour se soubstenir en Tobéyssance de ceste maison, et que les choses sont en termes que je ne vois à correction aultre chose que ne faille que Yostre Majesté monstre visaige sur ce poinct et aux Franchois et aux Ànglois. Aux Franchois, affin qu'ilz entendent que absolutement Yostre dicte Majesté ne donnera aureilles à telles persuasions ny comportera qu'ilz mectent le pied en Angleterre; et à Tendroict de ladicte Royne d'Angleterre, pour changer avec elle de stile et forme de négotiation, attendu que l'on voit évidamment que la bénignité dont Yostre dicte Majesté ha usé en son endroict, et les doulces et courtoises remonstrances la font plustost insolente, osant ce qu'elle ose soubz l'espoir du port et faveur de Yostre dicte Majesté, dont elle use au grand desservice de Dieu le créateur et contre la foy catholicque et religion, mectant en hazard son royaulme et les pays de Yostre dicte Majesté. Et comme ledict ambassadeur escript que devers icelle elle doibt de brief envoyer quelque personnaige, il est bien que par temps elle se détermine du chemin qu'elle vouldra tenir en l'endroict de ladicte Royne et aussi de celluy qu'elle envoyé, quand il viendra là. Et certes qu'il ne luy fera plus expressément entendre le danger où quel elle est, il faict à craindre qu'elle passera oultre à son erroné discours et par sa faulte se mectra et aultres en hazard; au lieu que qui la pouri»it et ceulx de son Conseil mectre en craincte, cela la feroit peult-estre déterminer à se remectre enthièrement soubz la protection de Yostre dicte Majesté, s'esloigner des erreurs, réduire les choses de son royaulme plus au contentement des Catholicques, et, peult-estre, à faire son mariaige aultrement, je crains, qu'il n'y a nulle apparence.

Et cecy est le chemin le plus doulce : mais je ne veulx pour-

tant délaisser de représenter à Vostre dicte Majesté le peu de fiance que l'on peult tenir de la si grande inconstance et variété et termes estranges de négocier de ladicte Royne et de son Conseil, Toffre que font à Vostre Majesté les Hirlandois, dont icelle a esté" suffisamment advertie par son dict ambassadeur, la part des Catholicques audict royaulme d'Angleterre, encoires si grande, estant affectionnée à l'endroit de Vostre dicte Majesté, le service qui se feroit à Dieu de les soubsteni^ et restablir la religion audict royaulme, laquelle Vostre dicte Majesté avoit si bien redressée, et l'obligation qu'elle a à la seurté de ces dictz pays, non pour désir que j'aye de^mectre Vostre dicte Majesté en guerre ou travail, dont Dieu la garde, comme je luy supplie et de luy faire tant de grâce que soubz son régime la Ghrétienneté demeure en paix et repos, mais affin qu'il luy plaise considérer tous moyens que peuvent servir à éviter cest inconvénient, et que, puisque une espée tient l'aultre en guayne, comme l'on dict, elle agisse avec bon visaige et détermination, et mesmes en saison que les affaires des voisins de Vostre dicte Majesté ne sont de riens en meilleurs termes que ceulx de la vostre, il est apparent que, avecq la réputation qu'elle a jà gaignée, l'on luy cédera; et ne séroit bien que la crainte de rentrer en guerre fût cause de tant plus tost tumber en icelle.

Vostre dicte Majesté, le tout considéré, me commandera, s'il luy plaist, le chemin qu'elle sera servie que je y tienne et ce qui luy plaira que je face selon le pied que les affaires prendront, puisque par sa prudence elle entendra trop mieulx le tout. Et si sçait Vostre dicte Majesté, autant que nul aultre, en quel estât elle m'a laissé ces pays, le pouvoir et disposition d'iceubc, et adjousteray seuUement davantaige qu'il me grèveroit de en telle occasion veoir partir les Espaignolz de pardeçà, desquelz, si cecy ne se remède, l'on pounoit vraisamblablement avoir à faire, et seroit bien de au besoing les avoir à la main. Mais je vois universellement tous les pays tant résoluz à persister de supplier Vostre dicte Majesté qu'ilz se partent, mectans tous conformément en leurs responces qu'ilz ne débourseront ung seul denier

58 iNTERYEimoN D£ l'espagne. 1559

de Tayde que leur est demandée qu'ilz ne partent, que Je ne noe oseroys en façon quelconque départir de ce que, par Tadvis de ceulx de pardeçà, j'escrips à Vostre dicte Majesté affin de les faire tirer d'icy ; car je voy que cest humeur jà va empirant, et que non seullement ilz dient ouvertement que jà Ton leur a i^Uy à la promesse de les payer tous les mois, et que, ^ faulte de ce, ilz font désordres, et qu'ilz craignent de pis, mais encoires viennent jusques à calculer quç le huictiesme de ce mois expirent les quatre mois endéans, lesquelz Vostre dicte Majesté avoit asseuré les faire partir, et dient qu'ilz verront si ceste seconde promesse s'observera comme celle du payejjjfient, et me doubte qu'il y couve quelque chose pire, et que le plus long séjour desdictz Espaignolz causant universel descontentement à tout le Pays- Bas, et Topinion qu'ilz ont, par ce, que Vostre dicte Majesté se defiBe d'eulx, ne nous suscite de brief, si Vostre dicte Majesté n'y remédie, quelque inconvénient et mouvement irréparable, par où je ne puis délaisser de encoires supplier à Vostre dicte Majesté de y remédier et de m'en escripre son bon plaisir.

Monseigneur, atant me recommandant, etc. — De Bruxelles, le vn* de décembre 1559.

1559. — 21 DÉGEMBRB.

{Angleterre. Reg. Ilh)