MÉMOIRE

Premièrement, de remonstrer au Roy et à la Royne que je suis venu de la part de Monseigneur le Régent pour offrir son très humble service à Leurs Magestez et pour les supplier de prendre le Roy, mon souverain, en leur proctection, et principallement durant sa mynorité. Mondict seigneur m'a commandé aussy de dire à Leurs Magestez qu'il est en bonne santé et promet autant que jeune prince de son âge seroit faire (*). Et que Monseigneur le Régent espoyre de faire tant que Leurs Magestez en sortiront le fruyct de leur faveur qui leur plaira exercer en Tendroyt de mondict souverain ; car mondict seigneur le Régent est bien délibéré de tenir la main à cela et à tout ce qu'il congnoyst» qui pourra servir au bien et contentement de Leur Magestez. Et offre son très humble service, combien que non en beau langage, toutesfoys du bon du cueur, et mesmement à présent qu'il porte le fardeau du gouvernement, ce qu'il n'eust jamais accepté sans l'espérance qu'il avoyt d'estre aydé et soutenu de Leurs Magestez. Et de sa part est délibéré d'entretenir l'ancienne et invyolable amytié et alliance qui a esté de tout temps entretenu entre les deux royaulmes; et aussi, de supplier très humblement Leurs

(•) C'est-à-dire «ourd/raire.

Magestez de ne permettre aucuns de leurs subjectz ne aultres estrangiers estre envoyés en Escosse au nom ou de la part de ono ques que ce soyt qui vouldroyt tascher de troubler Testât d'ycelluy royaulme pour leur particuUarités, qui n*ont jamais faict et ne feront jamais tel service à Leurs Magestez comme mondit seigneur le Régent espoyre faire en sa charge.

Au surplus le conte de Bodouel, qui est déclaré par les troys Estatz, en plain parlement, traihaitre et meurtrier du feu Roy d'Escosse, après plusieurs brigandryes par luy faictes sur la mer, par le juste jugement de Dieu [a été] prins et constytué prisonnier par le Roy de Dannemarke. Mondict seigneur supplie très humblement qu'il plaise à Leurs Magestez d'escripre audit Roy de Dannemarcke, et luy prier, comme ont desjà faict plusieurs aultres princes, qu'il luy plaise rendre ledict conte à ceulx qui seront envoyés d'Escosse par mondict seigneur le Régent, pour en disposer selon ses desmérites, pour ce que Taffaire touche la dignité de tous princes. Et aussy, qu'il plaise à Leurs Magestez mander à leur ambassadeur en Dannemarke qu'il ayt à solliciter et persuader que ledict conte soyt dély vré et rendu à ceulx d'Escosse que ledict seigneur Régent y envoyera.

1568. — 23 Avril, lettres du marechal de berwigk et de throgkmorton surprises