ANNEXE

Les inconvénients qui semblent s'ensuyyre sy une armée est envoyée

en Escosse.

Premièrement, Sa Majesté n'atteindra à la marque où elle veult tirer pour suprimer lesdictz rebelles, ny encores pour récompense de violence faicte, aultrement que par semblable despouille sur les limites d'Escosse, laquelle sera une petite satisfaction pour la grande charge et hazard de sa dicte armée, parce que, si lesdictz rebelles et ceulx qui les favorisent ne sont fortz assez pour résister en campagne, ilz se peuvent retirer sauf et au loing et en plusieurs places; et ainsy c'est peine perdue.

Et s'ils sont assez fortz pour les rencontrer, et considéré le hazard de bataille, là où Dieu frappe souventesfoys le coup contraire à nostre expectation, et prins le cas que Sa Magesté ayt la victoire par bataille, par après elle ne peut aultrement penser que, si le sang estoit une foys espandu, la soif d'iceluy ne sera pas estanchée jusques à ce que la vengeance en soyt faicte, voire par adventure par ceulx de la noblesse d'Escosse, qui maintenant prétendent grande amityé et obédience à Sa Magesté ; car, combien qu'il fault que je confesse la hayne et discord estre grande en respect de privées factions, .encores veult tant raison que nature efforce iceulx à amityé et concorde quand le sang est espandu par communs (c'est comme ilz usent d'estre nommez)

anciens ennemys. Et cela est conforme à Tancien proverbe, lequel est usé et observé en Escosse : combien que nous veoyons notre amy souffreteulXy encores ne le voulons-nous pas veoir saigner.

Il peult estre adjousté à cecy, qu'il est contraire au traicté de paix d'invader le royaulme d'Escosse, et qu'en tel respect le Roy de France ensemble fault et veult, pour accomplissement de son alliance avec FEscosse, interpréter icelle comme infraction de paix ; et ainsy guerre ouverte et hostilité s'en pourra ensuivre par après. Oultre le Roy d'Espagne, pour son honneur et amityé, n'en fermera pas les yeulx, ny ne mettra telle injure à nonchalance.

Ainsi il reste qu'il plaise à Sa Magesté de chercher redresse par repos et paisibles moyens, à son grand honneur et seureté, des deux royaulmes, en entretenant paix avec tous princes, sans aucune charge, hazard ou troubles, plustost que d'ensuivre le contraire, qui pourroit engendrer les inconvénients devant dictz.

1572. — 9 Août.