CHARLES VIII

ROI DE FRANCE

Lettre du 8 octobre 1483, par laquelle Charles VIII demande au collège des cardinaux de nommer à l'évêché d'Orange, vacant par la mort de Laurent Alleman, Pierre Carré, confesseur de Pierre de Beaujeu, duc de Bourbonnais. Ce siège avait été offert à Etienne Goupillon, évêque de Seez, qui Pavait refusé.

Charles par la grâce de Dieu roy de France. Très chiers et grans amys, pour ce que Teveschié d'Orenge est destituée de pasteur depuis la derrière vaccacion d'iceluy par ce que maistre Estienne Goupillon, qui de l'eveschié de Seez a esté contre son gré, vouloir et consentement, translaté audit eveschié d'Orenge, n'a voulu ne veult accepter ladicte translacion, ' nous escripvons à nostre saint père qu'il luy plaise oudit cas pourveoir audit eveschié de la personne de maistre Pierre Carré, docteur en théologie, conseillier et confesseur ordinaire de nostre très chier et très amé oncle et cousin le duc de Bourbonnois et d'Auvergne. Si vous prions tant à certes que povons que vous vueillez tous ensemble et en particulier accorder, tenir la main et tant faire envers nostredit saint père à ce que ledit maistre Pierre Carré soit pourveu dudit eveschié d'Orenge, se ainsi est que ledit Gopillon ne le vueille