Ms, terrigene

Petri in Tuscia et ex speciali commissione civitatis Urbevetane rector, gubernator et capitaneus generalis, existens in ipsa civitate Urbeve- Lana, in papali seu palatio episcopatus civitatis ejusdem, desiderans ipsam civitatem, prout decet, statu pacifico gubernare, ordinamenta, slatuta et decreta infrascripta fecit, constituit, ordinavit et protulit, modo et forma infrascriptis : videlicet :

Nos, Raynaldus de Ursinis, pro sancta romana Ecclesia et domino nostro Papa Patrimonii beati Petri in Tuscia et ex speciali commissione civitatis Urbevetane et nonnullarum aliarum civitatum, terrarum, castrorum et locorum rector, gubernator et capitaneus generalis, nobilibus et prudentibus viris septem pro eisdem Ecclesia et domino nostro Papa Urbevetano populo Presidentibus, presentibus et futuris, consilio, regimini et comuni Urbevetane civitatis jamdicte, salutem et sincere dilectionis affectum. Cupientes civitatem ipsam quiete et pacifice gubernari et, in quantum in nos et ad honorem et reverentiam dictorum Ecclesie, domini nostri Pape ac nostri, statum popularem civitatis ipsius honorare ut decet super hiisque matura deliberatione prehabita ac optento peritorum consilio civium, consideratis considerandis, Christi nomine invocato, prout nobis ministravit Altiximus civitatem ipsam et ejus gubernationem feliciter duximus reformandas ; et considerantes hoc parum esse fecisse nisi ultra solitum vobis septem Presidentibus, presentibus et futuris, deputetur salarium et cum majori ordine vobis attribuantur ministri cum quibus vos et alii futuri possitis vestrum debitum officium et alii officiales possint effectualiter exercere et ideo in hiis pensatis pensandis, ejusdem Redemptoris nomine invocato, tam super vestris ghagiis quam etiam super ministris ad ministrandum et serviendum vobis et aliis officialibus prout ad cujuscumque spectat officium et eorum salariis et provisionibus cum quibus possint ipsa officia ministrari, modo et forma infrascriptis hac nostra constitutione omnimodo observanda duximus ordinandum, reformandum et statuendum, videlicet :

In primis statuimus et ordinamus quod septem Urbevetano populo presidentes presentes et futuri habeant et habere debeant pro eorum gagiis et salario, pro quolibet die quo serviverunt in presenti officio et servient in futurum, pro quolibet ipsorum quartam partem unius floreni auri, ita quod inter omnes septem in officio existentes habeant et habere debeant in die unum florenum auri et tres quartos unius floreni, sine retentione cullette.