ADRESSE D'UNE LETTRE DE RINALDO ORSINI AUX PRÉSIDENTS D'ORVIETO

D 2 0 RG

Nos et sedem apostolicam et delegatos ab ipsa et etc. aliqui pro eorum ordinariis diversis excommunicacionum sentenciis per processus diversos et varios sint specialiter et generaliter irretici ipsorumque civitates et loca ecclesiastica supposita interdicto necnon ad majorem eorum ignominiam participantes qualitercumque cum eis per processus eorumdem ipsis sentenciis innodentur, vosque opporteat pro bono ipsarum Ecclesie et regi(mi)ne inter eos, Deo auctore, tractando cum talibus sepe et aliquociens stabiliter participare, communicare et etiam conversari, et non vos solum sed etiam dilectas in Christo filias nobiles mulieres Johannam et Nicolam uxores ac familiam vestras nec deceat puritatem et nobilitatem vestras illorum participatione fedari, Nos, volentes super hoc de tali providere remedio per quod libere cum ipsis et aliis, ut ad finem perducere possitis optatum, puritate vestre mentis nulla propterea labe polluta, presentium tenore concedimus ut, durante hujusmodi guerra, Nostra super hoc auctoritate muniti, liceat vobis ac uxoribus vestris et illis ex familia vestra quos ad excommunicatos et adherentes forsan transmittetis participare, tam in divinis quam etiam in aliis in quibus de jure communio est cum excommunicatis prohibita, si tamen communionem eorum non potestis commode evitare, quod vestrorum arbitrio duximus relinquendum, cum quibuscumque hominibus, armorum gentibus, ambaxiatoribus seu nunciis communitatum, civitatum, castrorum et quorumcumque aliorum, etiam singularium personarum quarumcumque provinciarum et terrarum ad vos venientibus et ad quos hujusmodi familiares vestros mittetis, non obstantibus eisdem processibus, sentenciis et aliis quibuscumque sub quacumque forma vel expressione verborum in eosdem cum quibus participaveritis, tam vos quam uxores et familia vestra(s) supradicta, specialiter aut generaliter factis vel eliam promulgatis quos, quoad participationem vestram ac uxorum et familiarum vestrarum predictarum, ad vos ac uxores et familiam hujusmodi decernimus non extendendum vosque et eos eisdem in aliquo propterea non ligari. Nulli ergo etc. Datum Avinionis, .V. nonas maii anno quarto.