XV. — 1383, 17 février. — Pise

Délibération des Anciens du peuple de Pise relativement à l'ambassade qui leur a été exposée, de la part du roi Louis I:

de Naples.

A, Original : A. S. P., Cancellaria, consigli, reg. À 69, fol. 1 vo.

Terciodecimo kalendas martii sexte indictionis.

Providerunt infrascripti sapientes viri, super hiis a dominis anthianis Pisani populi electi et in eorum et magnifici militis domini Petri de Gambacurtis, capitanei generalis et defensoris Pisani populi etc. presentia constituti, proposito eis per Loctum de Sancto Kassiano, tunc priorem dominorum anthianorum, quod super delegatione serenissimi principis domini ducis Calavrie, Andegavie et Turonie missa ad dominos anthianos et comune et consilium civitatis Pisarum, exposita coram ipsis dominis anthianis per oratores ipsius domini ducis, continente in summa quatuor, videlicet sincere affectionis gratas salutationes et ostensi affectus ergha suos debitas regratiationes ipsius domini ducis et suarum gentium prosperas actiones et ultimo justam suam petitionem qua in summa petebatur quod comune Pisarum, prout actenus stetit, staret in medio et in sua pace nec intromitteret se de guerra que est inter ipsum dominum ducem et serenissimum principem dominum regem Karolum, Dei gratia Jerusalem et Sicilie regem, alteri ipsorum dando favorem, reputando id sibi ad beneplacitum et servitium singulare ; provideant, consulant et deliberent quid et quando et per quem respondendum sit prefate delegationi, pro utili et honore Pisarum comunis, partitu facto inter eos ad voces,

quod :

predicti domini anthiani commictant responsionem in sapientem virum, de quo eis videbitur, reddendam inmediate per verba decentia et honorabilia singulis partibus prout decens est et petitioni sue quod parati sunt domini anthiani et dominus Petrus predictus et consilium et comune civilatis Pisarum in petitis plenarie complacere.