PIECES JUSTIFICATIVES

5 SEPTEMBRE UIO

Mandement du bailli d*Evreux pour la publication des lettres du roi, ordonna/nt h tous les tenants fiefs et arrière- fiefs de venir le trouver en armes le 45 du même mois.

ÇV. cl-deMiisrintrodactlon, note 60.)

Pierres de Hargeville chevallier chambellan du Roy notre Sire et son bailli d'Evreux, et commissaire du Roy nostredit seigneur en ceste partie, a Jehan de Loissons sergent du Roy notredit seigneur à Evreux ou au premier autre sergent ou soussergent Royal dudit bailliage, salut. Nous avons receues les lettres du Roy nostredit seigneur en simple queue et cire jaune saines et entières en scel et en escripture; desquelles la teneur ensuit. c< Charles par la grâce de Dieu Roy de France, au bailli d'Evreux ou a son lieutenant salut. Pour ce qu^il est venu a notre congnoissance que aucuns se sont efforciez de faire et ont fait et mis sus en notre royaume grant assemblées de gens d'armes et de trait et autres gens de guerre, sans avoir eu sur ce de nous mandement congié ou licence , et contre noz prohibicion et deffences a eulx expressément faictez tant par noz lettres patentes comme par nous et messagers notables, laquelle chose est de très mauvais exemple et redondent en grand contempt de nostre auctorité et majesté royal et en' est le peuple en "voye d'estre moult grevé et opprimé et autres inumérables maulx et dommages taillent d*ensuyr se porveu ny est , mesmement que nous sommes deuement informez que esdites assemblées sont plus gens de estranges nations et tenant le party de noz adversaires d'Engleterre. Nous ces choses considérées, eu sur icelles ad vis et conseil, avons délibéré de nous mettre sus présentement en nostre personne au plaisir de nostre seigneur et avoir sur les champs grant nombre de noz vassaulx et autres noz bons et loyaulx subjets ausquelx nous avons mandé de venir et desja en sont plusieurs venus par devers

nous pour pourveoir a ces choses a main armée , et autrement comme il appartendra par raison. Si vous mandons en commettant se mestier est, que vous faictez crier et publier solempnement par tous les lieux de vostre bailliagre acoustumez à faire criz , en faisant expressément commandement de par nous, que tous tenans fiefs ou arrière fiefs en notre royaume viengnent tantost et sans delay et soient devers nous montez et armez souffisamment quelque part que nous soions dedens le xv« jour de septembre prouchain venant, pour nous servir es choses dessus dites. Et pour ce que en vostre bailliage sont plusieurs tant gens d'Eglise comme autres qui ne sont extrais d'anciennetté de noble lignée et qui n'ont acoustumé d'eulx armer et ont acquis ou tiennent et possèdent plusieurs fiefs , terres , rentes et possessions nobles tenues en nostre royaume en fief ou arrière fief; nous vous mandons en oultre que se venir ne veuUent devers nous en la manière que dit est, leur faictes commandement exprès de par nous quilz y envoient personnes pour eulx ydoines et habilles montés et armés soufflsamment pour nous servir comme il appartendra ; et se telles personnes comme dessus est dit, venir ou envoyer ny veuUent, et ayment mieulx de paier pour ce aucune finance, icelles personnes traittiez ou faictez traitter et composer a certain sommes en regart à leurs facultez , à la qualité et à la valeur de leurs fiefs; et icelles sommes faictes tantost lever et recevoir par le receveur de nostre demaine en votre dict bailliage ou autres que bon vous semblera pour estre aportée ou envoyée hastivement a Paris et baillée a nostre amé Alexandre Le Boursier receveur gênerai de noz aides ordonnées pour la guerre ou à l'un des trésoriers de noz guerres pour estre convertie ou paiement des gens d'armes que nous avons fait assembler comme dit est, en contraignant a ces choses faire et acomplir les personnes dessus dis par toutes voyes et manières deues et quil est acoustumé et se peult et doit faire en tel cas et par raison. De ce faire, vous donnons povoir et mandement especial, mandons et commandons a tous noz justiciers officiers et subgets que a vous et a vos commis et depputtés en faisant les choses dessus dites circonstances et deppendences obéissent et entendent dilligemment et vous prestent et donnent conseil, confort et aide se mestier est, et requis en sont. Donné à Paris le xxviij» jour d'aoust Tan de grâce mil iiiic et dix et de nostre règne le xxx*. Ainsi signé en marge. Par le Roy en son conseil ou le Roy de Navarre, messeigneurs les ducs de Guienne et de Bourgongne, vous le sire Daumont, messire Jehan de Nielles, le vidasme d'Amiens, les seigneurs de Blaru, de Grouy, de Rambines, de Montenay et de Hely, messeigneurs Lourdin de Salign y, Charles de Savoisy, Jean de Ghambrilhac, Régné Dangennes,

Jehan de Gourcelles et autres estiez. Mauregart.» Sy voas mandons et commettons par tous lesdis bailliages et ressors, que le contenu es dites lettres vous acomplissiez deuement de point en point jouxte leur fourme et teneur. En nous certiffiant deuement de ce que fait en aurez ailin deue. Mandons et commandons a tous les officiers justiciers et sugets dudit bailliage et ressort que a vous en ce faisant soit obey et entendu dilligemment. Donné a Evreux le v« jour de septembre Tan mil iiii« et dix. Signé Duval par le Roy.

{Orig. aux Archives de VEureJ)

iO JANVIER 1487

Mandement au viconte d'Orbec par le lieutenant général du bailly d'Evreux de payer HO sous t. au greffier de ce bailliage, pour a/voir fait et envoyé six vidimus des lettres patentes du roi convoquant les nobles et noblement tenans.

(V. l'introdoctlon, uotet 76 et 126.)

Robert Auvray escuier lieutenant gênerai de noble homme monseigneur Jehan de Hangest chevalier seigneur de Genly, conseiller chambellan du Roy nostre Sire et son bailli d'Evreux commissaire du Roy nostredit seigneur en ceste partie. Au viconte d'Orbec ou a son lieutenant salut. Nous avons tauxé et tauxons par ces présentes a Guillaume le Conte greffier dudit bailliage la somme de cent dix soulz tournois pour sa peine et salaire d'avoir fait six vidimus en parchemyn des lettres patentes du Roy nôtredit seigneur adressantes a mondit sieur le bailly ou son lieutenant dabtées du xiij« jour de décembre derrain passé, pour faire assembler les nobles et noblement tenans dudit bailliage a certain brief jour a ce ordonné pour ouyr ce que leur seroit declairé en faisant la monstre par monseigneur de la Roche Guyon , Jehan Darsson maistre d'ostel du Roy noiredit seigneur commissaire a ce depputez par icelluy seigneur et mondit sieur le bailly ou son lieutenant en leur compaignies. En acomplissant lesquelles lectres nous avons en dilligence fait faire iceulx vidimus par ledit greffier contenant peau et demye de parchemyn ou environ qui ont esté envoyez par ledit le Conte a ses despens. Cest assavoir Tun audit viconte d'Orbec de distant dudit Evreux de traize lieux ou environ ; un autre au viconte de Beaumont le Rogier de distant

de sept lieux ditdit lieu d'Evreux, et ung autre au viconte de Couches et de Bretheuil de distant de quatre à cinq lieux^ et tes deux autres aux sergens de Pacy et Nonancourt de six à sept lieux de distant dudit Evreux. En quoy le porteur d'iceulx a vacqué a cheval par l'espace de quatre jours afûn de par lesdits vicontes et Sergens faire crier et publier chacun en son regard le contenu esdites lectres pour en surplus y procéder selon le bon voulloir^ plaisir et intencion du Roy notredit seigneur. Sy vous mandons que des deniers de votredite recepte vous paiez^ baillez et délivrez audit le Conte ladite somme de cent dix soulz tournois et par rapportant cesdites présentes avec quictance sur ce suffisante dicellui le Conte , icelle somme vous sera allouée en vos comptes^ deduicte et rabatue de votredite recepte et partout ailleurs ou il appartendra. En tesmoing de ce nous avons seellé cesdites présentes du petit seel aux causes dudit bailliage le x« jour de janvier Tan mil iiiic iiii^' et sept.

Au dos :

Receu par moy Guillaume le Conte de monseigneur le viconte d*Orbec par les mains de honneste et saige Jehan le Sueur e^cuier et pour les causes contenues au blant^ la somme de cent dix solz tournois contenus en icelle; de laquelle somme je quicte le Roy notre seigneur, ledit viconte, le Sueur receveur et tous autres quil appartient, tesmoin mon signe manuel cy mis le xix« jour de janvier Tan mil iiiic iiii*3f et sept. Signé Lecotïte.

{Orig. aux Àrchiv^^ de l'Eure.)